مذكرات ديدارا | " منقوله ".

وطبعا بعد ماسار كل شي بيني وبينها واضح ^^ سرنا نكلم بعض عادي .. كل الدنيا تعرف اني انا وياها نحب بعض ..صدق ولله في خلقه شئون .. والقدره لقت غطاها
بس انا مقرر على خطوة اكبر ... انا ناوي اطلب ايدها للزواج .. وهالامور يبغى لها واحد راكد ويعرف يتكلم .. مو انا ..لساني من طوله ملفوف حول رقبتي ^^ ..بس
الحلو في ستيفاني انها هي ايضا لسانها طويل وملسونه .. ويمكن هذا اكثر شي حبيته فيها .. وقررت اقولها اليوم بالتلفون

انا : مسا الخير ياخبله انتي ^^
ستيفاني : مساء النور يااهلا وسهلا ^^ .. نور الجوال
انا : منور بالحلوين اللي ماسكين الجوال<< ياحلاتي اعرف اغازل والله ^^
ستيفاني : تصدق مايلبق لك ههههههههههههههه .. والله انا مقهورة على الرهان اللي خسرته ولا كنت تعشيني الحين ^^
انا : طيب يااختي . بهل الخصوص انا عازمك على عشا
ستيفاني : والله ؟
انا : يب .. انا قبل العشا طبعا في طلب لازم تنفذينه لي .. وهالطلب راح يتم بالحديقه .. ابي اشوفك هناك واقولك شي مهم مره مره مره وبعدها نروح نتعشى
ستيفاني : هههههههههههههههه ياانتهازي .. وان مانفذت الطلب ؟
انا : بسيطه .. معناه مافي عشا ^^
ستيفاني : لا خلاص .. اهم شي ناكل (كانها حاسه ) بس متى ودك نتقابل بكره ؟
انا : بكره عالساعه 7
ستيفاني : وانا بكون هناك 6 ونص علشان ماتفضحني وتسوي لي سالفه
انا : اوووووووووووووووووووووووكي .. ايوه كذا البنت الشاطرة ولا بلاش
ستيفاني : بس والله لو يطلع العشا مو حلو ترى اشويك انا ^^
انا : يما منك تسوينها ههههههههههههه ... يللا اجل اخليك تنامين الحين .. اشوفك بكره ان شاء الله
ستيفاني ( بصووت واطي ) : ..............حبيبي
انا ( ارتفعت حرارتي ) : ها ؟ .. مين ؟ .. اي ها ؟
ستيفاني : بنتظرك على نار بكرة ^^ مع السلامه ( وسكرت الخط )

انا ( بعد ماسكرت الخط) : 0_0 حبيبي ؟؟ وش ينومني الليله انا ؟ << متعود على التهزيء مسكين ماسمع كلمه زينه

في بيت ستيفاني

ستيفاني ( قاعده على سريرها تفكر ) : انا ماادري شلون طلعت مني .. هالكلمه والله اني جريئه .. بس .. بس ..
ام ستيفاني ( تدخل عليها ) : ستوو .. بكره مسويه عزيمه وبنت خالتك ستيفاني وخطيبها بيجون ان شاء الله ان شاء ^^
ستيفاني : -__- يما مالي خلق
ام ستيفاني ( معصبه): تعرفين تاكلين هوا .. وتقولين لي ان شاء الله لومره بحياتك ؟؟ انا شسوي فيك ها ؟؟ لاسنع ولا مستحى .. بكره شلون بزوجك انا ها ؟؟ من اللي يحبك
وانتي بهالخلاق الخايسه
ستيفاني ( بينها وبين نفسها ) : ايه ديدي يحبني ^^
ام ستيفاني : عن كثر الهذره .. بكره تنزلين المطبخ تساعديني فاهمه .. من العصر ابيك معي علشان نستقبل ستيفاني وخطيبها
ستيفاني : يخرب بيتها بنت خالتي ستيفاني .. سارقه اسمي وشكلها نفس شكلي بالضبط
ام ستيفاني : بس هي ماشاء الله مخطوبه .. مو انتي عانس الله المستعان .. يللا اخمدي اشوف ( وتسكر الباب )
ستيفاني : ههههههههههههههههههه ايزي ^^.. من زين خطيبها الثور .. والله ان ديدي احسن منه ميه مره .. وعلى العموم .. الله يخلي الشباك واللي اخترعه .. راح نطب منه
ونروح لموعدي ويا ديدي ( وتتنهد ) اه منه احبه ......( تطالع الشباك ) شكل الجو مغيم .. يجيب الله المطر ^^

ويجي بكره .. وانا من 5 العصر متصربع و ومو على بعضي تروشت واتضبط واقلب في ثيابي ابي البس شي .. دولابي مافيه شي صالح للبس البشري .. الحل
عند ايتاشي حبي الوحيد ^^ << ياكل تبن .. الجاكيت ماركه ..والبلوزه والبنطلون ماركه << يخرب بيتك يااتوشا .عندك هالكشخه وتجينا مبهذل صدق فقر فقر -_- وش
ذكرني بهالانسان انا .. واروح الصاله .. واختي تجي تركض ..ومعاها مشط علشان تمشط شعري

اختي ( تمشطني ) : ومباركين عرس الاثنين .. اخوي اليوم عرسه ^^
انا : ههههههههههه تو الناس ياحبيبتي بس ان شاء الله قريب
اختي : العروس حلوة ؟
انا : حلوة وبس .. تجنن ^^
اختي ( ضربتني بالمشط على راسي ) : ياويلك لو تقعد وياها ماتجلس معانا .. بصيح لو تحبها اكثر مني ( تبوس خدي )
انا : انتي اصلا مافي احد احبه اكثر منك
اختي الثانيه ( جالسه قدامي ) : انا بحط لك الموكياج ان شاء الله ^^
انا : موكياج ؟؟ ههههههههههههههه لا ياعمري مانبي
امي ( جالسه قبالنا وتطالعنا بقلق وكان ودها تقولي شي بس ماتبي خواتي يسمعون ) ...............................................

بين ( دخل من الباب ) : سلام عليكم ياقوم .. ^^ ياه ياه .. كاشخ وش عنده
انا( العب بشعري ) :مايمديك علي
بين ( يعطيني مفتاح السيارة ) : خذ هاك مفتاح سيارتي .. لاتفشلنا عند الباب.. وامسك لسانك .. ولو اني ادري ان لسانها متبري منها هي بعد .. بس نبي الموضوع يتم
على خير
انا : بين ماقلت لك شكثر احبك ؟؟ ^^
بين : لا قولي انك بتحافظ على سيارتي ولا الله وبقلب الدنيا على راسك ترى ^^ وخذ هذا كارت حجز المطعم من هيدين وتوبي يقولون دفعو دم قلبهم علشانك
انا : امون ^^ وبعدين ياما فقروني وخلوني اشحت .. هههههههههههههههههههههههههههه
بين ( يطالع امي ويهمس لي ) : امك وش فيها ياديدي .. شكلها متضايقه .. انت كلمتها عن البنت ؟
انا: ايه كلمتها .. اليوم هي مش طبيعيه .. انت روح وانا بكلمها
بين :خلاص طيب طمني كويس ؟ مع السلامه ( ويطلع )
انا (رحت جلست جنبها بعد مافضت الصاله ) يما ؟ فيه شي ؟ كانك مو على بعض

امي ( تطالعني وتبتسم ) : لا ياحبيبي سلامتك .. موفق يما .. والله يتمم اللي في بالك
انا : انتي متضايقه من هالسالفه يما
امي : لا .. بس .. حاسه بشعور شين من هالموضوع
انا : امي انتي مو راضيه على البنت ؟
امي : لا والله .. دامك تبيها مااعترض عليك .. بس ماادري ليش قلبي ناغزني .. مااوصيك .. ياويلك تتسرع .. فكر عدل يما زين ؟
انا (حبيت راسها ) : لاتخافين ( قمت ) : دعواتك
امي ( تبتسم ): موفق

واجي اركض للباب << تو الناس مابعد جت الساعه 5 ونص .. وقبل لاافتح الباب
التلفزيون ( يتكلم ) : وراح ديدي وماعطى التلفزيون وجه ^^
انا : هههههههههههههههههههه بسم الله لك مني ان تم الموضوع صلحتك مع السلامه
واطلع للحوش واشوف البس الاسود
البس : ميوووووووووووووووووووووووووووو ^^
انا : وانتي كارتون تونه لو يتم الموضوع
البس : موفق يابعد عيني
انا : 0_0 ها ؟
البس : ميوووو ^^
وافتح الباب والقى ساسوري وكونان
انا : ^^ اهلين .. وينكم ماقبلتو
ساسوري : هلا والله .. وش هالكشخه
كونان ( طلعت عطر و علبه ساعه ) : تعال تعال .. دلخ مامنك فايده ( وقامت تعطرني ) .. والبس هالساعه ^^ ...( ولبستني الساعه ) لاتفشلنا عند هالنسره
انا ( عيوني تبرق ) : شباب احبكم
كونان : لاتخاف بترجع لي ثمن الساعه والعطر ^^
انا ( اطالع ساسوري ) : وانت ياساسو ^^ وش عندك لي .. ايتاشي عطاني الثياب وبين السيارة وهيدين وتوبي حجزو لي مطعم .. وكونان ضبطتني .. وانت ايد ورا
وايد قدام كالعاده ؟؟
ساسوري ( ابتسم وطلع من جيبه علبه دبله ) : خذ .. ان شاءالله يتم الموضوع على خير اليوم
انا ( ابتسمت وحضنته ) : شكرا ماتقصر ^^
ساسوري : واذا ماتبيه جيبه اتزوج فيه انا هههههههههههههههههههههههههههههههههههههه
انا ( وانا راكب سيارتي ) : انا ببيعه هههههههههههههههههههههه

وركبت سيارتي .. وطرت لبيتها .. << والله ليفضحني بين لو سار للسيارة شي .. طبعا الوقت لسه بدري على الموعد الساعه 6 ..بس انا رحت بشوف وش تسوي
ملقوف كالعاده ..
وصلت البيت .. واستغربت الزحمه اللي قدام البيت .. نزلت السيارة بعيد .. اسمع صوت ازعاج وزحمه .. وناس في بيتها .. غريبه .. ماقالت لي في
حفله في بيتها ..نطيت من عالسور .. وجلست اطل من عالشباك .. مااشوف شي من كثر الناس .. بس ؟؟ 0_0 ستيفاني ؟؟ ومن هذا اللي حاط يده على خصرها ؟؟
قلبي سار ينبض بسرعه .. واقول لا لا .. ياولد استنى شوي ..الطامه الكبرى .. يوم سمعت امها تقول .. وه فديتها ياناس ستيفاني كبرت وبتتزوج اخيرا .. زين مااخترتي
والله ؟ معقول ؟ لالا .. ستيفاني ؟ اسمها ؟ .. وانا ؟ انا؟؟ امس قالت لي انها ... انا
ظليت مشدوه 10 دقايق .. واخر شي توقعت انها تسويه .. انها ؟؟ سحبت نفسي .. واخذت السيارة ورحت لربعي .. ومن السرعه .. حسيت ان السيارة بتنقلب .. ما
توقعت امر بموقف زي كذا .. انا ؟ طيب واللي بيني وبينها ؟؟ تقول حبيبي امس ..؟ واليوم تنخطب لغيري ؟

..دخلت عليهم .. ووجهي مصفوق .. وعيوني جاحظه
الكل وقف مستغرب
ساسوري ( جا وهز كتفي ) : وش .... وش فيك ؟
انا : .................................
ايتاشي : اووووووه يجيب الله المطر .. قول خلصنا وش فيك ؟ لاتخرعنا
انا ( جلست ) : ستيفاني
الكل : شفيها ؟؟؟؟
انا : انخطبت
الكل : 0_0

الساعه 8 .. والكل شبه ساكت ومفجوع .. وانا ساكت وشوي وبنفجر .. وبراسي جني والود ودي ..لو اروح واذبحها واعلمها شغل الله
ساسوري ( جالس جنبي ) : انا حاس ان الموضوع فيه غلط .. ديدارا يمكن انت مغلط
انا ( انا اطالعه وجالس افك ارزار بلوززتي ) ..........................
ايتاشي : انت متاكد انها هي ؟؟ يمكن احد ثاني ياديدارا
انا ( بصوت واطي ) : الا هي ... وامها تناديها ياستيفاني .. شعرها ووجهها .. خلاص الموضوع منتهي
توبي : لاحول ولا قوة الا بالله
هيدين : ماتوقعت انها حقيره كذا
انا ( يرن تلفوني باسمها ) : ههههههههههههههههه وجالسه تدق بعد ( واسكر بوجهها )
كونان ( معصبه ) : اما هالبنت قليله ادب .. خير تدق والله وقحه
انا : لاعاد تجيبون لي سيرتها خلاص .. خليها تنقلع .. والله احساس امي كان صحيح ( وتدق ) واسكر بوجهها ( وترسل مسج ) امسحه من غير لا اشوفه
ايتاشي : ليش تمسح المسج .. على الاقل شوف وش بتقولك
بين : خيرها بغيرها .. اصلا هي اللي مش بنت حلال .. عديناها وحده منا وفينا .. تاكل وتقوم وتشتغل ويانا .. وانت اخلصت معاها بس وحده ناكره
انا: خلاص يرحم والديكم اسكتو .. انا ماابي اسمع طاريها ..
ساسوري : ..............................
انا : انا اسف ياشباب اتعبتكم معي .. وبعوضكم .. ( ويرن الجوال ) وأقفله ..خلونا نروح نتعشى ولا نروح نسوي لنا شي .. هي ماتستاهل ازعل علشانها
كونان : لااااااااااااااااااااااا .. انا نار في صدري ماراح تبرد الا اذا رحت شرشحتها في بيتها .. خلي الموضوع علي .. وانتو روحو
توبي : كونان لاتروحين تسوين مصيبه
ساسوري : اول افهمي السالفه بعدين سوي اللي تبين
كونان : خلاص انتو روحو وانا بروح لها البيت اوريها

ورحت معاهم المطعم .. ومهما كان قلبي حجر .. مستحيل ابين اني ماانكسرت .. وانجرحت ..انا صدق حبيتها .. وكنت معاها .. واسئل نفسي ليش هي سوت كذا
اللي حولي يحاولون يضحكون ويفرفشون .. بس هم بعد زعلانين .. الساعه سارت 11 .. واحنا تونا طلعنا من المطعم وجاني ذاك الاتصال من كونان .. واللي عرفني
وش كثر كنت غبي
انا ( متلهف ) : الو ... كونان ؟؟ وش سويتي
كونان : ................................
انا :كونان ؟؟؟ ردي علي ا... الو ؟
كونان : ديدارا ؟؟ .. انت وين واعدت ستيفاني
انا : بالحديقه .. اللي ؟ ليش تسئلين
كونان : وين واعدتها تكلم
انا : بالحديقه اللي عند بيتنا
كونان ( صوتها مبين يبكي ) : روح الحين الحديقه .. يمكن تلقاها الحين
انا : وش تقصدين ؟؟؟ القاها ؟؟
كونان : مع السلامه ( وسكرت الخط )
ساسوري : وش قالت لك
انا : ...................................

واركب سيارتي .. الطريق طووويل حيل .. والدنيا مطرت .. والشوارع زحمه .. وخايف ليكون سويت اكبر غلط في حياتي .. ويوم وصلت الحديقه .. ولا ؟ ستيفاني
طايحه على الارض مغمى عليها .. حارس الحديقه يحاول يوعيها ..بس البنت ماتتحرك .. وعلى وجهها ابتسامه غريبه ..ربعي واقفين.. وانا مصدوم .. قربت منها
واحطها بين ذراعي
انا ( اكلم راعي الحديقه ) : وش صار لها !!
راعي الحديقه : انا مااعرف .. من العصر وهي هنا جالسه على الكرسي .. ومن شوي وقفت وطاحت من طولها
انا : ....................... ( شلتها )

وفي العنايه المركزة ....
الكل واقف وقلق .. امها تبكي ..وكونان جنبها .. وانا واقف قبال الباب .. ستيفاني جاتنها نزله ربو وصدرها انتكم .. ودخلت في غيبوبه ..
كونان ( جت قربت مني وهمست لي ) : انا مااصدقت يوم قالو لي .. البنت اللي كانت موجوده كانت بنت خاله ستيفاني .. وكانت تشابها واسمها برضه ستيفاني .. وانا انفجعت من
الشبه اللي بينهم .. ستيفاني ماكانت موجوده من العصر
انا : ..........
ساسوري (يطبطب علي ) : ان شاء الله انها بتكون بخير
ايتاشي : وقفتك كذا مالها داعي .. تعال ارتاح

انا ( التفت على الكل واضحك ) : هههه . ههههههههههههههه ... تبون الصدق .. انا استاهل .. انا استاهل ياجماعه .. انا كذا وعمري مابتغير
انسان اناني .. وتافه .. وعقلي صغير .. وعمري مابتغير .. والعيب كله طلع مني ..لاني مغرور واكابر .. ستيفاني كانت واثقه لاخر لحظه
اني بجي .. وظلت تنتظر .. وانا قاعد ..اتحسب عليها .. واتلوم فيها .. وعزتي ماخلتني اروح واسئلها .. وغروري والكبرياء اللي فيني منعني
اتفهم الانسانه الوحيده اللي حبتني وتفهمتني مثل ماانا ... من فرحتها نست تاخذ دواها .. وقلت ابي اسبقها ..بس هي اللي سبقتني ... الكل قالها لي .. بس عمري
ماسمعت .. قالت لي كوراناي وقالت لي شيزوني .. وقالت لي امي .. والكل نبهني .. وانا بعنادي .. سار هذا كله .. ستيفاني في العنايه المركزه
والسبب واحد حمار زيي مايستاهل ظفرها
الكل : ..................................

ومااتذكر الا اني دخلت الغرفه الثانيه من الجناح اللي نايمه فيه ستيفاني .. وغرقت بدموعي مثل الطفل لين نمت .....................

صحيت الصبح .. بعد ماطلعت كل الل في صدري امس البارحه .. اتلفت يمين وشمال .. مافي احد الا ؟؟

جارا : صح النوم يابقره
ساسكي : وجع نوم الحمير هذا
انا : 0_0 انتم ؟؟ وش تسوون هنا
جارا : اخر عمري يقولون لي اجلس عن ديدارا لين يصحى ؟؟
ساسكي : والله شكلك وانت نايم يقرف هههههههههههههههههههههههههههههههه ^^
انا : -_- كولو هوا ... ( وتذكرت ) ستيفاني ؟ ( وطلعت اركض)
جارا ( يسحبني ) : مو هنا مو هنا
انا : وين راحت .. ؟؟
ساسكي : هالخبله اللي ماادري وش اسمها .. صحت اليوم الصبح .. ,واتوش وربعك جلسو وياها .. شوي بسم الله الا تقوم وتلبس وتشرد من المستشفى
تقول في موعد من امس مع اللي تحبه .. وبتروح تنتظره ^^
انا ( دمعت عيوني ) : كل تبن يااساسكي مااحبك ^^
ساسكي : يكون احسن بعد ^^
جارا : روح الله يعافيك روح لها .. يارب تموتون وافرح فيكم قولو امين يارب ^^
انا ( لبست وطلعت ) : ههههههههههههههه الله ياخذك انت وياه قول امين ..

انا .. لان الله عطاني فرصه ثانيه .. وماخلى هالبنت تضيع من يدي ..كثير اوقات احس ان اللي حوالي انا اخر اهتمامهم واني مالي قيمه عندهم
بس مثل هالمواقف .. كل شي يبين .. وتكون هذي اللحظه من اجمل لحظات الانسان في حياته .. ودتني رجولي بسرعه للحديقه .. للبنت ..اثبت للكل
من غير ماتتكلم انها تحبني .. وشاريتني .. وانا بعد رغم كل اللي سويته .. ابقى احبها ...

*******************************
انتم على موعد مع الحلقه الاخيررة
تابعونا
akatsuki boy