••
العودة   منتدى وندر لاند > القصص والروايات > روايات عامية


عَشآن الحُب!*مكتملة*

روايات عامية


إضافة رد
 
أدوات الموضوع انواع عرض الموضوع
قديم 05-19-2020, 03:51 PM   #1
AM.
https://www.anime-tooon.com/up/uploads/at165286508456371.png


الصورة الرمزية AM.
AM. غير متواجد حالياً

عَشآن الحُب!*مكتملة*







السَّلام عليكُم ورحمة الله وبركاتُه
مَساء الورد عَ الجميلين
كيفكُم؟ ياربّ تكونوا بخير دايمًا
-
اليوم جيتكُم مع رواية لها مكآنة خاصّة بقلبي،
وأحس مهما قرأت روايات عاميّة هَذي غير،
بأحداثها المُختلفة ورقّة المشاعر اللي فيها ماتوقع فيه زييها
بدون مُبالغة ودّي أنسى أحداثها وأرجع أقرأها ثاني
شخصياتها محدودة وتتركز بالقلب وكل وحده منهم
أحلى من الثانية
مظلومة بالقُرّاء فَعشان كذا حبيت يقرؤوها ناس
أكثر بمُنتدانا الجميل

تابعوها معايّ ومابتندموا

مُلاحظة: الرواية غامضة ومُملة شويّ ببدايتها
فَلا تحكموا عليها بسُرعة~





 
 توقيع : AM.


اللهم صلّ وسلم وبارك على مُحمد.
دافئ جدًا: مَعرضي~


التعديل الأخير تم بواسطة JAN ; 06-23-2020 الساعة 07:50 PM

رد مع اقتباس
قديم 05-19-2020, 03:55 PM   #2
AM.
https://www.anime-tooon.com/up/uploads/at165286508456371.png


الصورة الرمزية AM.
AM. غير متواجد حالياً





عنِ الرواية:

الاسِم: عَشان الحُب!
الكاتبة: حُب القمر، أو Love moon
سَنة الكتابة والنشر: 2009
عدد الفصُول: 30 فصل وكُل فصل مقسّم لجُزئين أو أكثر.
العمر المُناسب: 15+ لاحتوائها على بعض الأفكار الجريئة.
اللهجَة: عاميّة، سعودِية.

.
.
أترككُم مع الكاتبة، ومقدمتها








 
 توقيع : AM.


اللهم صلّ وسلم وبارك على مُحمد.
دافئ جدًا: مَعرضي~


التعديل الأخير تم بواسطة AM. ; 05-19-2020 الساعة 07:34 PM

رد مع اقتباس
قديم 05-19-2020, 04:10 PM   #3
AM.
https://www.anime-tooon.com/up/uploads/at165286508456371.png


الصورة الرمزية AM.
AM. غير متواجد حالياً






السلاااام ,,
طبعآ هذي مولودتي الأولى بعد ماسقطت مرتين لاتتوقعوني ه بس ربي ماكتب انزلهم ..
بس بقولكم شي اذا الله كتب وطقت فيوزاتي بنزلهم ماأضيع تعبي انا -> قوولي قسم
المهم مو هذا موضوعنا .. جبت لكم روايتي الأولى :.
عشــآن الحب ...!
يارب تعجبكم

-


...{ مدخــل
سحآبة صيف ..!
تقدمت الشمس .. لتغطي تلك الأشعه لكي لا تُكشف حقيقة الوآقع ,,
ويعم الظلام جميع القلوب ,,
ويبتعد الوالدان عن ابنيهما ..
ويطغي الخوف قلوب الأخوان ليرتكبا خطأً لا يغتفر ..
ويفترق العاشقان عن بعضهما الى الأبد ..
بدون وداع أو حوار بينهما يُذكر ..!
الجميع في انتظار شروق الشمس التي تٌعد أمراً مستحيلاً ..
لينقشع الظلام ,,
ويعم النور أنحاء القلوب ,,
ويلتقي الجميع .. فَرِحون باللقاء الذي لم يكن بالحسبان ..
قد يظنون ان من الإستحالة شروق الشمس مرةً أخرى ..!
ويعتادون الظلام .. رغم أُنُوفهم ..!
بعضهم من أعتاد ذلك برغبة منه وشوقاً للهمس ..
العشق و.. الهمس ,,
أصدقآء
لا يجتمعون الا في الليل ..
يظن البعض أن العشق ليس له طريقاً في وقت النهار ,,
كلآ ...!
لاتُنصت إليه معشوقي ولا.. تكترث لمآيقوله ,,
إرفع رأسك بفخر ..
وامتطِ الحب لتعبر جميع القلوب للوصول لقلبي ,,
وإن كُنا في وقت النهآر ..
ثق تماما بمحبتكـ .....!

*

صدمة ...
حين ينقشع الظلام ليكشف عن حقيقة الوآقع المر
صدمة ...
حين تكون أعمى عن كل عيوب معشوقك رغم انها واضحه وضوح الشمس
صدمة ...
حين تكون بحاجه من أحتجت له سابقا وجحدكـ بقسوة
صدمة ...
حين تفعل مالم تكن تتصور أنكـ تفعله يوما وإن أصابكـ الجنون !
صدمة ...
حين تُطعن 3مرآت من الشخص الذي لطآلما أحببته ,,

-يُتبع









 
 توقيع : AM.


اللهم صلّ وسلم وبارك على مُحمد.
دافئ جدًا: مَعرضي~



رد مع اقتباس
قديم 05-19-2020, 04:17 PM   #4
AM.
https://www.anime-tooon.com/up/uploads/at165286508456371.png


الصورة الرمزية AM.
AM. غير متواجد حالياً









-لا تُلهيكم الرواية عن ذكرِ الله.
.
.
[ الفَصل الأول ]

" لآ ضـآقت الدنيـآ تذكـر أن لكـ أخت شآرعهـ لكـ بـآب قلبهـآآ "


/
\
/

الله أكبر الله أكبر .. اشهد ان لا اله الا الله .. اشهد ان لا اله الا الله ..

رفعت راسي أناظر الساعه لقيتها ست وربع المغرب يالله معقول كل هالوقت جالسه أذاكر ؟ من اول ماقمت من الغذا الين ألحين ؟ بس معذوره السنه هذي ثالث ثانوي هه لو أني نجحت العام كان انا االحين في الجامعه بس ربي ماكتب ..
قمت وفرشت سجادتي وكبرت وصليت وكعادتي جلست ادعي لأمي وأبوي " يارب ان محمد ونهى تحت رحمتك رب الطف بهما وارحمهما واسكنهما فسيح جناتك واغفر لهما ذنوبهما واغفر لنا ذنوبنا وارحمنا انك انت الرحيم " ..
طويت سجادتي وانا افكر اذا مانجحت ذي السنه ايش حيعمل فيا خالي جاسم ؟ اذا العام سجنني في المخزن ذي السنه ايش ؟ يارب لطفك .. قررت انزل تحت احسن لي من ذا الجو الكئيب لبست حجابي يمكن نايف ولد خالي تحت او التقيه مصادفه ونزلت تحت دخلت المطبخ مالقيت فيه احد مشيت بخطوات للمقلط الثاني كان الباب شبه مسكر طليت بعيني لقيت اخوي فيصل مع نايف ولد خالي يلعبون بلايشتيشن ابتسمت من داخلي والله انهم بزران كبروا وبعدهم عليه .. تأكدت ان حجابي مضبوط ودخلت .. الوحيد اللي انتبه لي خالي جاسم ماأمداني ابي اجلس الا ويتكلم ..

خالي : سوير ؟ ليه مارحتين تذاكرين ؟ تبين تسقطين مثل العام ؟ والله ذبحك اقل شي اسويه
ابتسمت من داخلي وانا اناظر في يدي اليسرى المحروقه منه : توني بس قايمه من المذاكره وقلت اجلس معكم

يمكن ردي خلاه مايتكلم وسكت ويمكن ماله خلق يتناجر مه بزر على قولته .. لفيت راسي اناظر فيصل وهو يتحدى مع نايف .. مليت وانا اناظرهم لفيت على مروى بنت خالي وأمها تذاكر لها ياحظها عندها ام تذاكر لها .. والله هذي مروى ثاني ثانوي أصغر مني بسنتين ولأني جالسه في بيتهم فهي تهزئني أو بالاصح بيت جدي ابو امي ..

مروى : سوير !! قومي صعدي كتبي الغرفه ..
هذا وانا اكبر منها تتأمر علي لو أصغر منها ؟ : ان شاء الله ..
تكلمت مرت خالي : ايه صعدي كتبها مسكينه أكيد تعبانه .. واذا خلصتي انزلي ساعديني في المطبخ ..

*

هه وكأني شغاله لهم اللي يسمعها تقول ساعديني تقول بس بسوي العصير وفي الاساس انا اللي اسوي كل شي .. اخذت كتبها ونطرت نطره اخيره على نايف لاشعوريا ابتسمت له " يابعدي يا نايف انت الوحيد اللي ترحمني " .. نزلت راسي مستحيه لو في جهاز يسمع اش نقول بأفكارنا عز الله اني بروح فيها .. اخذت كتبها واتجهت للباب وطلعت لغرفتها وحطيت الكتب على المكتب .. والله انها مدللـه تذاكر على مكتب مو انا على خشبتين .. من يوم جيت وسكنت عندهم وهالخشبتين لكل شي أنام واذاكر وعليهم ثيابي .. بس مع ذلك مرتبه غرفتي .. رفعت راسي اناظر بالصوره اللي لازم من ادخل غرفة مروى أناظر فيها .. نايف اخوها ومشعل ولد خالتي وفيصل اخوي شايلها ..
ابتسمت على ذي الذكرى بتسألون ويني بقول خالي مارضى اصور معهم ارسلت قبله الى نايف وابتعدت ونزلت تحت وعلى طول للمطبخ استغرقت ساعتين تقريبا وانا أصلح المكرونيا بعدين قليت البرجر والبطاطا في نصف ساعه وصلحت عصير الفيمتو صديقنا في شهر رمضان رغم اننا في شهر رجب تذكرت ان الليله عيد ميلادي ( 2/7 ) يافرحتي محد حتى قال لي كل سنه وانتي بخير ناظرت في الساعه لقيتها تسع واربع وعشرين دقيقه حمدت ربي اني خلصت قبل تسع ونصف ولا قسم بربي ان يذبحني خالي ..

اتجهت للباب وطلعت ورحت للمقلط لقيت فيه فيصل متمدد على الكنبه ..
قلت له : فيصلووه وين نايف ؟
جاوبني بدون مايناظرني : ليه تسألين ؟ وثانيا انا اكبر منك بسنتين احترميني على الاقل
كنت ابي اتكلم بس دخل نايف .. استحيت على عمري جالسه مع رجالين وجيت ابي اقوم مدري اش اقول لعانه من فيصل قال لي ..
فيصل : تعالي هذا نايف اللي قبل شوي تسألين وين راح ..
والله لو بكيفي قمت وفلعت راسه يبي يحرجني .. رفعت نظري الى نايف لقيته مقطب حاجبينه .. انقذت نفسي قبل يتكلم فيصل وتصير لي سالفه ..
قلت : أممم يلا انا خلصت العشا
تكلم فيصل بدون نفس : اش طابخه لنا بعد ؟
انقهرت منه يعني جزاتي ؟ بس ابتسمت : سويت مكرونيه و ..
قاطعني : اش نووعها ؟
قلت : بالباشاميل ..
ابتسم وقال : أحلا أخت والله
ابتسمت له : تشكر
سمعت نايف يقول : تسلمين
ماعرفت ايش ارد عليه ابتسمت المشكله اني احبه وادري انه بيتزوج سلمى بنت خالته لأن ابوه قال .. وادري ان فيصل بيتزوج مروه ياحظه فيصل بيتزوج اللي يبيها .. حسيت بغصه ودمعه على طرف عيني قمت قبل احد يشوفها وحطيت يدي على راسي حاسه بصداع .. حرارتي مرتفعه كثير غمضت عيوني ومريت من الباب حسيت اني صدمت في حد دعيت ربي انه يطلع فيصل ..
ثم فتحت عيني لقيت مروه متخصره : عميا انتي ماتشوفين اللي قبالك ؟
المشكله كان صوتها عالي وعلى طول جاء فيصل ولحقه نايف ..
فيصل : اش صاير ؟
قالت بعصبيه : دعمت فيني ..
غمضت عيوني ونزلت دمعتي على خدي ونزلت راسي وقلت : آسفه بس مصدعه شوي
قال فيصل : طيب انتبهي للي قدامك
قلت : طيب

*

ابتعدت عن موقع الجريمه وفيني الصيحه فيصل عمره ماتكلم معي بذي اللهجه بس اذا كانت حبيبته ... خليني ساكته بس .. رحت للمطبخ وحطيت الاكل ورحت لغرفتي رميت نفسي على السرير ونزلت دموعي غصب ليت ابوي عايش او ليتني ادري عن اهل ابوي شي .. كل اللي اعرفه ان اسمي ساره محمد فيصل العلي .. سمعت طرق على الباب ..
مسحت دموعي وقلت : مين ؟
انفتح الباب ودخلت مروى وقالت لي : ماتبين تتعشين ؟
قلت : لا مشكوره !!
مروى : مره ثانيه ماتبين قولي لاتخليني اصعد لك !!
ابتسمت رغم الدموع المتحجره في عيني والله احسن لك تخففين وزن .. هزيت راسي يعني طيب مابكررها .. وعلى طول طلعت .. رتبت وضعي وتغطيت باللحاف وانا افكر ورحت بنومه ماامداني اغمض الا واسمع صوت حد يصحيني ..
فتحت عيني وهمست : فيصل !!
سمعته يقول لي : ليه ماتبين عشا ؟
بعدها الحره في قلبي فقلت : كيفي ..
قال لي بتهديد : اذا مانزلتي قسم لأجيب نايف هنا ..
نقز قلبي من ذكر اسمه كيف لاجاء ؟ فيصلوه يعرف نقطة ضعفي واني احبه واكثر من مره قال لي لاتتعلقين فيه هو لسلمى ..
قلت له بعناد : ماتقدر ..
ولفيت على الجهه الثانيه واعطيته ظهري ..
همس لي : بس انا اقسمت ..
قلت له : موبكيفك تقسم
وقف وقال بتحدي : انا نازل اجيبه وبقول انتي اللي قلتي لي انادي عليه ومابتنزلين الا اذا جاء ..
وطلع من الغرفه .. فيصل متهور ويسويها ركضت لجهة الباب وانا اصارخ على فيصل .. لقيته واقف على الدرج قلت له وانا ماسكه راسي : شف فيصل قسم بالله راسي مصدع والله مالي خلق انزل .. اعفيني
سمعته يقول : طيب تبيني آخذك الى المستشفى ؟
ابتسمت له وانا مقفله عيوني من التعب : هه لامايحتاج آخذ بندول .. ثانيا انت من وين لك السيـ ..

ووقفت ودققت في الوجه اللي قبالي هذا نايف فركت عيني ابي اتأكد ايه والله تلمست على راسي ماشفت غطا لشعري وأركض بسرعه الى غرفتي وانا اشاهق .. صحيح اني ما اتغطاعن نايف بس مهما يكون هو اكبر مني بثلاث سنوات واغطي شعري عنه .. تثاوبت على طول اتجهت لسريري وغمضت عيونب ابي يجيني نوم بس مافيه جلست اسب والعن في نفسي كيف ماانتبهت من البدايه .. انطرق الباب خصرته وسويت نفسي نايمه بس كثر الطرق ..
انقهرت وقلت : خير ؟؟ ايش صااير ؟!
دخل فيصل وقال : يقولون ان راسك مصدع عسى ماشر ؟!
فتحت عيني على آخرها ابي اتأكد انه فيصل مو نايف حتى ماأغلط مره ثانيه .. ولما تأكدت غطيت وجهي باللحاف ..
تقرب مني : ممكن اعرف اش فيك قالبه وجهك علي ؟
قلت له : فيصل اذا جاي تسألني فكر في تصرفاتك معي بالاول بعدين تعال واسأل .. والحين ممكن تطلع ابي اناام ؟؟!
قال لي : طيب انزلي تعشي معانا ..
قلت له : فيني النوم ..!
سمعته يقول : خالي جاسم حلف ان مانزاتي ليحرق لك يدك الثانيه

فزيت من مكاني يدي الاولى ماتشافت لين الحين بعد يحرق الثانيه ؟ علشان فضيحتي في الخُبر تنتشر بسرعه .. قمت وتحجبت ونزلت وانا كاره نفسي مابي عشا غصب السالفه ؟ ونزلت وجلست معهم ..
مرت خالي : ساعه على ماتنزلين ؟
فتحت فمي بس قاطعني صوت نايف : يمه راسها مصدع يكفيها ..
تكلمت من غير نفس : ماتشوفين شر
قلت : الشر مايجيك
كان النوم في عيني قمت وانا اقول : الحمدلله يلا تصبحون على خير
تكلمت مرت خالي : لاتصعدين انتظري نخلص علشان تشيلين الاكل ..

شر البليه مايضحك ألحين اقول لها راسي مصدع تقول لي لاتنامين ؟ وجع ان شاء الله

سمعت فيصل يقول : لااصعدي انا بشيلهم
ياقلبي يافيصل والله تحس فيني رغم انك تقهرني الا اني ماعندي احد يسمع لي الا انت مدري انت رحمتني ولا تبي تبين لمروى انك حنون " ان بعض الظن اثم " سكت وصعدت ورحت بسابع نومه ..

*
*
*

صحيت كعادتي الساعه اربع الفجر وصليت وضبطت حجابي ونزلت تحت جهزت الفطور حسيت بجوع خصوصا اني البارح ماتعشيت .. ناظرت بالساعه فيه وقت صلحت لي خبز مع جبنه وحطيتهم على الطاوله وجلست آكل .. سمعت صوت في الصاله كنت بقوم بشوف منو بعدين غيرت رايي وثواني بس ودخل فيصل ..
وقال : صباح الورد ..
قلت له : وش الطاري ؟ وشوي وتطير من الوناسه .. ليش ست الحسن والجمال وافقت تتزوجك ؟؟
فيصل : قولي آمين

حسيتها طالعه من قلب .. وجع اش لاقي فيها ؟

سكتت فتره ثم قلت : خير اشوفك ؟
تقرب وجلس على الكرسي اللي جنبي وأخذ خبزه : كيف ما انبسط واليوم الاربعاء ؟؟
ابتسمت له : بس هذا اللي تذكرته ؟؟
قطب حاجبينه يعني مو فاهم .. قلت : يعني ذا اليوم مافيه مميزات ؟
ناظرني نظره غريبه يعني اش تقصدين ؟
ابتسمت له ثم قلت : ياخي ساعتين ابي اقول لك اليوم عيد ميلادي
ضرب على راسه وكنه تو يتذكر : يوهـ اعذريني والله نسيت ..
قلت بقهر : لو عيد ميلاد مروى مانسيت ..
قال لي بحده : اقلبي سيرة مروى .. وقام ..
تكلمت : زعلت ؟
قال بدون نفس : انتي قلتي شي يزعل ؟
انقهرت منه : فيصل بربك مين اللي المفروض يزعل ؟ واذا ضايقتك أحلين اصحي مروه من النوم علشان تنبسط ..!
سمعته يقول : لاتصحينها ..
قلت له : ليش اش صاير ؟
فيصل : البارح كانت تعبانه وبتغيب اليوم

مدري اضحك ولا اصيح إلا غصب تبي تقلدني ..

قلت له : ماتشوف شر .. انزين انا بروح أصحي خالي يوصلني
فيصل : صحى من الصبح وأخذ مروه المستشفى ..
فتحت عيني : وانا مين يوصلني المدرسه ؟ اروح مشي ؟
بسرعه تكلم : شوفي عندك ربع ساعه تجهزين وتصحين نايف علشان يروح معك ..
قلت : وانت ؟!
قال : اليوم ماعندي محاضرات الا بعد الساعه عشر ..
قلت له : طلبتك فيصل تشيل الاكل ..
قال : طيب ..
كملت : وذا جات مروه قول لها اني عملت لها فطور تاكله ..
ابتسم : من عيوني .. ويلا روحي اجهزي ..

ركضت لغرفتي ولبست مريولي ومشطت شعري ولبست عبايتي أفتشلت لأنها ضيقه فكرت اروح آخذ من مروه .. ابتسمت .. لأن عباياتها وااسعه علي .. تحجبت .. ورحت لغرفة نايف وصحيته .. جاني فضول ان اسأله ..
قلت : عندك شي اليوم ؟
قطب حاجبينه : مثل ايش ؟
قلت : محاضرات ؟!
ناظر لساعته ثم ناظر لشنطتي : ايه عندي
بلعت ريقي : طيب مروه مع خالي راحوا المستشفى ممكن توصلني ؟؟
ابتسم : ايه طيب ..

طلعت من غرفته ورحت لفيصل وقلت له لازم يروح معنا وفعلا وصلت المدرسه وانا في قمة السعاده ودخلت وشفت ريم في وجههي .. ابي اخبركم اني افضل اني ابقى بلحالي من يكون معي شلة أصدقاء .. وقررت امشي معها وفعلا أول مره احس ان فيه بنت طيبه .. لاتلوموني على ذي النظريه بس مرت خالي ومروى مسوين خير والله مشغليني شغاله عندهم .. وانا اللي على قلبي على لساني مو جايه امدح في نفسي بس كيذا طبعي ..
قلت لريم : ابي اقول لك شي ..
ابتسمت : آمري ؟؟
قلت لها : اول مره احس اني محتاجه يكون عندي صديقات ..
ريم مستنكره : ليش انت ماتبين يكون لك ؟!
همست : بصراحه كنت مابي ..
ابتسمت : طيب اش اللي خلاك تغيرين رايك ؟!
جاوبتها : طيبتك وأخلاقك الحلوه ..
ابتسمت لي وقالت : استحيت ..
ضربتها على كتفها بخفه : تدرين انك دووبه ؟!
أكتفت بالابتسامه ..
ابعترف بشي ريم غيرت نظرتي في البنات من يومي احب اجلس مع العيال ولا البنات .. رغم اني بنت .. تتوقعون ان صفاتي بتصير بوي ؟ لا أنا بنت وربي خلقني كيذا ومستحيل اتغير واصير بوي .. صحيح ريم اصغر مني بعمر مروى بس طيبه مره وبعد ما اتفقنا اني اتصل عليها في الليل توادعنا ..
وطلعت لقيت خالي ينتظرني رحمني من الفشيله مع نايف اللي كأنه سايقي .. ووصلنا البيت رحت وتحممت وصليت بعدين نزلت وعملت لهم الغذا وأنا مرتاحه وه .. بعدين عملت السلطه .. وبعد ماتغذينا شلت الاكل ورحت اذاكر ولما صارت الساعه خمس ونصف قمت .. وفتحت التلفزيون على mbc2 ناظرت فلم والله مو ذاكره اش اسمه بس اذكر ان اغلب الوقت كان برحله في البحر .. ياحظها البنت حبيبها يموت على تراب رجلها .. سمعت صوت على طول قفلت التلفزيون .. رفعت راسي لقيته فيصل تنفست بقوه
وقلت : أوووف طيحت قلبي في بطني ..
قال وهو يضحك : ههههه ليش عاد ؟؟ انا وحش ؟؟
ابتسمت : حاشاك .. وهمست : كنت مشغله التلفزيون بس
حسيته كاتم ضحكته لا يفشلني ..
قلت : هيهيهي لاتكتم ضحكتك ..
ماتخيلته يضحك بصوت عالي وبعدين قال : وجع سارووه .. هههههههه والله انك تفشلين وطّي صوتك ههه لاحد يسمعك .. ههه لا وحجابك ليش لابسته ؟
انقهرت منه : ههاااي مايضحك .. بربك لو دخل نايف فجأه اش تبيني اسوي ؟؟
تكلم : ليش ماتصيرين مثل مروه ماتتحجب عني وناسه اقزها على كيف كيفي محد يقول لي شي ..
مجرد طروى اسمها يطلع عفاريتي : وجع فيصلوه انت ماتستحي ؟ وصلت الواحد وعشرين وتقز بنات خلق الله ؟؟!
هز كتوفه : والله مو ذنبي هي ماتحجبت بس تصدقين احلا مافيها شعرها طويييل ..
وغمز لي ..!
فارت اعصابي لأنه يحرني لأن شعري قصير بعدين اعلمكم سالفة شعري القصير ..
قلت : بايخه وتفشل وانت لولا الحيا كان قلت لك ماتستحي ابد !!
واتجهت للباب بس مسكني من ذراعي ولفني لوجهه ..
وقال لي : حطي عيونك في عيوني ..

حطيتها في عينه اكيد يبي يحرجني ..

كمل : احلفي بربك ماتقزين نايف اذا جلس ؟
نزلت عيوني لأنه كاشفني بس قلت ابرر : بس فيه فرق .. مروى بنت !!
لوح بيده : في الدول المتطوره عندهم مافيه فرق بنت ولا ولد عندهم الحب شي عادي .. عندهم ولد الخال يجلس مع بنت خالته بلحالهم عادي ..
ابتسمت له : ياخي حنّا في السعوديه أقصد الشرقيه بمعنى اصح الخّبر .. بنت الخال امفروض تتحجب من ولد خالها .. ولو سمحت ابي اروح ..
قطب حاجبينه : وجع وين بتروحين ؟ انزين ابقي معي اجلس اسولف مع الطوفه يعني ؟!
فلت باستهزاء : اناديلك مروى ؟
قال لي : اففف تدرين انك بايخه تعالي انزين ابي اسولف معك ..
ناظرت بفيصل والله محتاجه احكي له من زمان ماحكيت معه فضفضت له همومي .. وسرحت لبعيد وانا اناظر فيصل تخيلته معرس مدري فجأه تخيلت ريم العروسه وراح بالي لبعيد ..
فيصل : ساارووه وجع ياحظه نايف ...
نقزت : ياجعلك اللي منيب قايله .. آمر ؟ ثانيا غريبه تبي تسولف معي ؟! وين نايف ؟!
رد علي : أول شي نايف مو اقرب واحد لي في اخوياي .. ثانيا انتي اختي مو عيب ابي اسولف معك الا اذا انتي تكرهيني ..
اشرت له يحكي جلس يوصف لي مروه كيف تعذبه وانه يموت عليها كنت اسمعه باذوني ومن داخلي احترق بالنار من جوا ..
فاجأني بطلب غريب : أسالي مروى تحمل لي نفس المشاعر اللي احملها لها ؟؟ والله اني بموت !!
لوما الحيا قمت ضربته كف .. ولين الحين يحبها : ليه بالله قالوا لك رئيسة مباحث ؟
ابتسم : لا .. يسمونك المحقق كونان ..

ماقدرت الا اني ابتسم ذكرى حلوه لأني من يومي صغيره يسموني المحقق كونان لأن بذكائي أقدر افهم كل شي .. من اهم المشاكل اللي اكتشفتها يوم تعاونت مع نايف وسجلنا كاسيت فيه صوت مروى تكلم رجال ولين اليوم ماندري مين هوا ؟؟

لاحظ سكوتي فـ قال : علامة الرضا سكوت ولا انا غلطان ؟؟
ماحبيت اكسر بخاطره : طيب بحاول ولو اني ما اطيقها
ابتسم : يلا اجل دورك تعترفين وين وصلتي مع نايف ؟؟ ..
وطيت راسي .. عمركم شفتوا اخو يدري ان اخته تحب ويساعدها ؟ هذا فيصل اخوي متفهم للأمور بحيث مانوصل للشي الغلط أو بمعنى اصح الحرام ..
جاوبته : على حطت ايدينك ..
استغرب مني : كيف يعني ؟
هزيت كتوفي : يعني مافيه شي اقوله لك ابد ..
ابتسم : أشك احيانا انك تحبينه .. ألحين من يومك صغيره لين الحين وماقدرتي تعترفين له ؟ مجنووونه ..
عضيت على شفايفي لا اضحك : الحال من بعضه .. وانت جاي لين عندي تبيني اسألها ..
كأنه لمح الضكه فيني : مايضحك .. يعني برايك تبيني اروح لنايف أسأله ؟ .. وبنبرة سخريه : نايف اش شعورك تجاه أختي ؟ تبادلها نفس الشعور ؟؟ أصلا كيف اقول له .. ليش ما استحي على وجههي ؟
انقهرت منه : وجع محد قال لك تقول له .. أنا ماأرخص نفسي ثانيا أنا اللي كيف اقول لمروى ؟ تحبين فيصل ؟
انفجر ضحك : هههههههه يعني تردينها لي ؟
ابتسمت وانا من داخلي اضحك : مايضحك ..
وانفجرت ضحك ..

-يُتبع










 
 توقيع : AM.


اللهم صلّ وسلم وبارك على مُحمد.
دافئ جدًا: مَعرضي~


التعديل الأخير تم بواسطة AM. ; 05-19-2020 الساعة 06:09 PM

رد مع اقتباس
قديم 05-19-2020, 04:19 PM   #5
AM.
https://www.anime-tooon.com/up/uploads/at165286508456371.png


الصورة الرمزية AM.
AM. غير متواجد حالياً








.
.
الصراحه حسيت اليوم ان فيصل انسان ثاني يحب يضحك ويتكلم ويسولف ويحس ويحب وكل المواصفات الحلوه فيه .. وسط ضحكاتنا سمعنا أذان المغرب راح فيصل المسجد وصعدت انا غرفتي وصليت جلست أفكر متى أسأل مروى ؟ أنا ماأحبها بس لعيونك يافيصل .. انتظرت شوي فجأه طرى على بالي المثل " طق الحديد وهو حامي " ..!
طويت سجادتي بشكل يضحك ورميت حجاب الصلاة على السرير ولبست حجابي واتجهت لغرفة مروى وقفت عند الباب ابي ادخل وماابي .. وطيت راسي افكر اش بقول لها ..
انفتح الباب ووقفت مروى قدامي ..
قالت بسرعه : الله جابك والله ابيك تحلين لي واجب الرياضيات .. الواجبات لين رااسي ..

ابي اي احد يضربني على راسي علشان استوعب اللي يصير .. مروى تتكلم بذا الاسلوب ؟ اش صاير بالدنيا ؟ فيصل يسولف ومروى يتحسن حالها .. بدايه حلوه والله .. دخلت غرفتها وعيني على صورة نايف بعدين حسيتها تناظرني قمت وحليت لها الواجب فعلا كان صعب .. انتهزت الفرصه ..
وقلت لها بحنان : مروى ممكن اسألك سؤا وماتعصبين علي ؟!

ناظرتني بابتسامه .. فتحت عيني على ااخر مو مصدقه ..

ثم قلت : احلفي ماتعصبين علي ؟! ..
تكتفت : والله .. روعتيني اش صاير ؟؟!
نزلت عيوني وسويت نفسي منشغله بالحل : جربتي تحبين ؟؟ ..
قالت بسرعه : ليش ؟؟ ..
لوحت بيدي يعني بس سؤال ..
تكلمت لي : يعني تقدرين تقولين ..
ابتسمت لها : طيب اش شعورك لو عرفتي ان فيه انسان يموت على التراب اللي تمشين عليه ؟
ابتسمت ابتسامه عريضه : مين ؟؟!
همست لها : قربي اذنك شوي .. فيصلوه اخوي سم انه يموت عليك ..
ناظرتني وكأنها مو مصدقه : قولي قسم ...
قلت : قسم .. هاا ؟ اش صاير جربتي تحبين فيصل ؟؟
قالت : هو قال لك ؟!
قررت أكذب : لا .. بس واضح انك تعذبينه .. أصلا لو يدري اني سألتك يعطيني لساني بين ايديني .. هاا ؟ تحبينه ولا لا ؟؟
جاوبتني بهدوء روعني : بصراحه لا .. أنا اصلا اعتبره مثل نايف
بلعت ريقي " والله ماتستاهلين .. يافرحتي اش اقول له ؟ "
عطيتها كتابها وابتسمت : خلصت .. يلا ابي انزل اسوي لك العشا ..
مابي اسمعها اش تقول فـ بسرعه طلعت من عندها ورحت المطبخ لقيت مرت خالي نقدر نقول انها تسوي شي .. اول ماشافتني بدأت حكيها ..
قالت بعصبيه : كل ذا الوقت بالصلاه ؟
لا مو ناويه تعدي الليله على خير .. مسكت اعصابي : لا .. وقلت بهدوء : بس مروى كانت محتاجه أساعدها مسكينه والله ..

سكتت عني ولفت تكمل شغلها والله اني شاطره أكذب على الناس .. لوتوفيت مين اللي بيطبخ لهم ؟ ابتسمت على تفكيري وكملت شغلي ولما خلصت ناظرت الساعه كانت ثمان ونصف .. ونااسه يمديني أروح لفيصل بس اش اقول له ؟ لازم أراعي مشاعره .. أطلت تنهيده ورحت للمقلط لقيته مع نايف يلعبون بلايستيشن ..

قلت : فيصل لحظه ابيك ..
ترك اللي في يده طلع لي : اش صاير ؟ تعبانه ؟؟
ابتسمت له ثم تقربت وهمست له : سألت مروى عنك ..
قفل ابتسامته ثم قال : اش قالت ؟! ..
سكتت فتره ثم قلت : امم تقول حست باتجاهك مشاعر بس مو متأكده منها ..
أستغفرك ياربي على يوم أكذب .. بس كيف أقول له تعتبرك البنت مثل اخوها ؟ ..
ابتسم لي : تسلمين والله !!
دخلت معه المجلس لأني فاضيه ماعندي شي وأنا ظرهم وهم يلعبون ..
تكلم فيصل : تعالي العبي معنا ..
قلت بسرعه : ماأعرف .. ثانيا ذي لعبة عيال ..
اتجه لي وسحبني : خليها عنك عادي وانا بعلمك صدقيني وناسه .. شوفي يابت .. ذا مكان تحطين فيه الشريط اللي تبين .. مثلا مصارعه .. كرة سله .. أو حتى كرة قدم .. ناظرت نايف ابي اشووف ردت فعله لقيته عادي ..
كمل فيصل : شوفي كيف انا مع نايف واذا مافهمتي شي قولي
ابتسمت له : طيب يلا ابدي !!

سرحت فيهم كيف يقول ان نايف مو اقرب واحد له ؟ مين يعني ؟ معقول فيه حد اقرب من نايف ؟ بس مين يكون ؟ فيصل مايعرف احد !! ابتسمت والله ماكذبوا نايف وفيصل يوم سموني ( المحقق كونان ) .. انتبهت من سرحاني على صوت فيصل ..
سمعته يقول : ساروه ووجع اش بك تبتسمين ؟ ايش صاير ؟!
انتهزت الفرصه ابي اشوف نايف يذكر : المحقق كونان !!
ابتسم فيصل .. لفيت على نايف لقيته عادي والله انه هبل .. ساعتين وانا المح أف بس اف ..
مد لي شي مدري اش يسمونه استيت اسألهم : شوفي جربي .. ولف على نايف : خف عليها شوي خلنا نشوف الابداع ..

ابتسمت لان فيصل أحيانا يفهم صحيح أنا ابي اعرف مشاعره تجاهي بس مااتلصق فيه .. تونست معهم صحيح تعلمت كيف وأول ماخلصت قمت للتلفون ودقيت على ريم جلسنا تقريبا ربع ساعه وجات مرت خالي علشان العشا قفلت من عندها وتعشينا بعدين رحت انام وراي بكره مدرسه ..
يووهـ كيف نسيت بكره الخميس وناسه والله أنا فاضيه اش اسوي ؟ فكرت اروح ارتب المطبخ نزلت وقفلت باب المطبخ حتى آخذ راحتي وفتحت الغطا عن شعري وبدأت التنظيف .. حسيت بهدوء تسللت وسرقت مسجلة فيصل حطيت اغنية ( حبك وجع ) انبسطت عليها وعملت المطبخ وكأنه جديد .. ويوم اني خلصت محتاجه اتحمم قفلت المسجله ورحت تحممت بعدين نمت ..

*
*
*

صحيت الفجر وصليت بعدين عملت الفطور ورجعت نمت وماصحيت الا الظهر أول مره انام لذا الحد صليت ونزلت لقيت نفسي فاضيه .. عملت الغذا وطولت فيه .. مر علي خالي وماعلّق أحسن لأن مزاجي مو رايق .. خلصت رحت شربت عصير برتقال ورجعت كملت نومي أدري صايره كله نوم بس يوم الخميس دايم انا معاه كيذا ..
صحيت على اذان العصر لقيت مروه نايمه وخالي ومرت خالي طالعين مدري يعيدون ايام الخطوبه هههه .. فيصل ونايف يلعبون .. احيانا أتضايق لانهم دايم يلعبون بس احسن من الهياته في الشوارع .. انقهرت ماعندي شي اسويه .. رحت للتلفون وسولفت مع ريم صديقتي الجديده ويوم اني قفلت كان يأذن وصليت وعملت العشا .. تعشيت ونمت .. ماصار في يوم الخميس شي ابد ..
يوم الجمعة كعادتنا نتجمع من الساعه 9 الصبح الى الساعه 9 الليل ويرجع كل واحد بيته .. الساعه تسع وخمس دقايق كان الكل نايم بس انا صاحيه انطرق الجرس وكانت خالتي مشاعل .. يمكن ماقد ذكرتها لكم بس هذي خالتي الوحيده امم عندها ولد واحد اسمه مشعل انسميه مشعل مشاعل اسمه مميز .. اصغر مني بسنه كامله .. المهم مدري اش بها خالتي حلفت علي اني مااسوي شي المهم جلست مع ميشو متضايقين ..

تكلم ميشو : وبعدين يعني مع ذا الملل قومي خلنا نصحيهم !!
قلت له : والله ليذبحونا .. قم خلنا نصحي فيصل ونايف بس ..
رد بسرعه : ومروى ؟؟
وجع الكل يسأل عنها .. انقهرت منه ..
وقلت : اش بها مروى ؟؟!
قال : خلنا نصحيها ..
سحبته من يده وقلت له : قم خلنا نروع فيصل .. نسوي اكشن
ابتسم : والله انك جبتيها ..
قلت : لحظه بلبس حجابي يمكن يطلع نايف ..
سحبه مني : لاتخافين .. يلا نروح

رحنا غرفة فيصل وماخلينا شي الا وسويناه صحيح انا اكبر من ميشو والمفروض أقوله عيب بس انا اصلا هبلا مثله . وقفنا عند باب غرفة نايف ..

ميشو : خلنا نكررها مع ناايف !!
نزلت راسي : لا نايف انا استحي منه .. ادخل انت بروحك مااقدر
قطب حاجبينه : بس فيصل بروحه مايسوي شي ..
قلت له : خلاص انا بروح اساعد مشاعل اكيد محتاجه ..
ضربني بخفه : وجع ألحين صار اسمها مشاعل ؟!
هزيت كتوفي : والله مره قلت لها خالتي قالت خليتيني كبيره ..
ماشاء الله عليها خالتي مشاعل عندها خفة يد بسرعه تخلص ماشاء الله ..
قال ميشو : يمه خلي ذي تساعدك فاضيه .. واشر علي ..
خالتي مشاعل : اش ذي ؟ اسمها ساره .. ثانيا عيب تقول عنها فاضيه ..
مديت له لساني أحره .. حسيته انقهر ..
قال : والله اني فاضي !!
ابتسمت وسحبت الكرسي اللي جنبي : تعال ساعدني .. علشان اذا تزوجت تساعد مرتك..
ابتسم ابتسامه عريضه وجلس .. أعطيته الطماطم ..
وقلت : شف كيف تقطع تمسك السكين كيذا .. اصبعك السبابه على الحديد شف كيف ..
تكلم بغرور : قالوا لك مااعرف ؟
قلت له : انزين طبّق اللي عملته ..
فعلا بسرعه تعلم .. قلت بابتسامه : شااطر ميشو ..
برطم : وجع انا كبرت ..
قلت له : بس انا اكبر منك كيفي ..!

انتبهت ان خالتي تراقبنا وهي تبتسم .. استحيت على عمري وسكتت ..

قالت بعد فترة : والله لو انك أصغر من مشعل لزوجتك اياه ..
وطيت راسي ..
قال ميشو : نعـــم ؟؟! .. اجل الحمدلله انها اكبر مني ..
خالتي مشاعل : والله ان ساره مافيه مثلها عندي احسن من مليون بنت ..
انقهرت منه : اتصدق توني بقولها وااع بس .. ثانيا مين اللي لعب عليك وقال لك انك لو خطبتني بوافق ؟!
خالتي مشاعل : اش فيه مشعل ؟ جمال واخلاق ؟! ..
تكلم ميشو بدلع : ايه اش فيه مشعل يهبل والله ..
رفعت حاجب ووطيت حاجب : يسلم راسك .. مافيه الا كل خير بس مااطيقه ابد .. اليوم اللي اصبح بوجهه اتضايق احس ان فيه شي قاهرني ..
ابتسمت خالتي : توم وجيري مابتتغيرون ..
اشرت عليه : انت جيري الفاار ..!
ميشو : اش الدعوه القطوه فيها خير غبيه كلش ..
جاوبته بغرور : المحقق كونان ذا اسمي كيف غبيه ؟! واشرت عليه .. انت اللي بديت

تمنيت لو شخصية ميشووو المرحه تكون في صورة نايف ماأقول اني حبيت نايف لشكله بس مااقول ان شكله مو مهم ..!

{ انتهَى }
/
\
/

مقآطع من الفصل القآدم /

فيصل : تبين احرق يدك ؟ طيب ..
*
نايف : طيب ليه بالذات رقمي ؟
*
قال بهدوء : اللي اعرفه انك بنت عاقله وتدرين انها الحين عند ربك .. وابوك معها .. ماله داعي كل ذا .. لو الدمع يرجعهم ماترددت ..
.
.

-الفصل الأول، تمّ








[/quote]


 
 توقيع : AM.


اللهم صلّ وسلم وبارك على مُحمد.
دافئ جدًا: مَعرضي~



رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مذكرات قاتل مأجور [ 1 ] *مكتملة* JAN روايات عامية 17 08-21-2020 02:30 PM
خالد و بندر *مكتملة* JAN روايات عامية 6 08-10-2020 09:45 PM
سلع أرواح محرمة *مكتملة* JAN روايات عامية 77 08-08-2020 11:43 PM
بنات أكشن*مكتملة* JAN روايات عامية 31 07-04-2020 07:23 PM
هفوات أنانية *مكتملة* JAN روايات عامية 41 06-27-2020 07:09 PM

شرح حديث

علف


الساعة الآن 10:03 PM