••
العودة   منتدى وندر لاند > القصص والروايات > روايات عامية


توائم لكن أغراب في الجامعة الأمريكية *مكتملة*

روايات عامية


إضافة رد
 
أدوات الموضوع انواع عرض الموضوع
قديم 07-06-2020, 06:13 PM   #66
JAN
مِرأة وٓاحدة … إنعِكاسات شٓتى !

الصورة الرمزية JAN
JAN غير متواجد حالياً

بيانات اضافيه [ + ]
 رقم العضوية : 115
 تاريخ التسجيل :  Mar 2020
 العمر : 23
 المشاركات : 9,849 [ + ]
 التقييم :  23316
لوني المفضل : Black
شكراً: 0
تم شكره 6 مرة في 6 مشاركة

مشاهدة أوسمتي





متعب بروعه :~ فصول اختك فصل عقلها ...
-(برهوم بخوف :~ روح الحق عليها قبل لا تموت البنت ...
-(فهد مصدوم من ابتسامة فيصل :~ فيصل من صجك انت بارد جذي ومستانس على
وضع اختك ...!!
-(فيصل جلس ببرود وهو مبتسم :~ وانتم شحارق رزكم ...
اذا انا راضي لا ومستانس بعد عاللي تساويه اختي ...
انتو شعلاقتكم بالموضوع ...
-(متعب :~ لااااا ابد ... ماأهبل من اختك الا انت ...!!!
((نرجع للنارا اللي للحين على غضبها وجنونها ...
الكل حاول يفكها عن نوف اللي بتوقعون انها ماتت ...
بس نارا تصارخ عليهم ودفهم بقوه وهي تضرب نوف بتوحش ...
يزيد تقدم من نارا ...
وهو الوحيد اللي قدر يشد نارا بقوه من يدها عن نوف ...
للدرجة انو نارا تأملت بيدها بقوه من شد يزيد عليها ...
-(يزيد لف نارا عليها وهو يقول بغضب :~ تبين تقتلين البنت انتي ولا ايــــــــش ...!!
موب كفايــــــــــه الإشاعات اللي تتهتمك بقتل اخوك وريان ...
تبين بعد تدخلين السجن مره ثانيـــــــــــــــــــــه ...!!!
انتي مجنونــــــــــــــــــه ..!!!تبي تأكدين للناس هالإشاعات اللي طلعت عنك ولا شلون ...!!
((نارا ســـــــــــآآآآكتــــــــــــــه ...
مصووودمه من يزيد اللي رافع صوته عليها بشكل سخيف قدام العالم اللي تطالعهم ...
من صباح الله وهي تدوره ...
تبي توريه شكلها اللي متغير مليون درجه ...
لبست تنوره عشانه ..
تغيرت عشانه ...
بالأخير كذا يصير فيها ..!!!
كذا يفشلها قدام خلق الله ...
فيصل ماتحمل وضع اخته تنهان من رجال غريب ...
توه بينزل بس قروب فيصل مسكوه بقوه وهم يقولون :~
انت مينون .. لو تنزل انسى شهادتك ...
لا تنسى اللي ساويته قبل ...
-(فيصل بغضب وهو يسحب يده منهم :~ بالعنـــــــــــه الشهاده ..
اختي تنزف جدامي وانا متكتف ماأسواي شي ..!!!
((لف بيروح للنارا بس وقف لما اختفت نارا ويزيد ...
عقد حواجبه وين راحو ..
تو كانو قدامه ...
أما الحين موب موجودين ...
لأن يزيد سحب نارا للداخل بعيد عن القاعه والناس ..
شالو نوف للإسعافات ...
أما الوضع بالاقاعه توتر ...
صحيح كل شي صار هدوء بس شوشرات الناس صارت عاليه ...
عشان كذا كملو الحفل عشان مايخرب أكثر ماهو انعفس ..
مره مع فيصل ومره مع نارا ومره مع ميشو ...
((شعبــــــــة فيصل دورها الحين ...
بس خلونا نرجع شوي ونشوف ايش صار مع نارا ويزيد ...
لما دخلها الغرفه باعصاب تلفانه منها ...
-(يزيد بغضب :~ نارا انتي شلون تفكرين ..!!!
البنت لو تموت انتي تبدخلين السجن ومأتوقع انك راح تطلعين ...
اصلا هذا اذا ماطبقو القصاص عليك ..!!
بجد بجد بجد انا مصدوم منك ..!!!
يعني احيانا اقول مافيه مثل نارا بذكائها وعفويتها ..
بس هالمره عكستي لي كل شي ..
-(نارا بعبرتها :~ لا لا تقول جذي ...
بعيدن انت ماالحظت انا قد شنو متغيره عشانك ..!!!
-(يزيد بدون شعور وهو مرررره معصب :~ مابي الاحظ وعمري مالاحظت ..!!
اقول لك بغيتي تموتين البنت وتقولين لي متغيره عشانك ..!!
نارا انتي بتجننيني بجد ..
لا لا جد بتجننيني ..!! ..
-(نارا :~ انت ليش تقول جذي ..!!! ... بعدين انت ليش معصب ..!!
نوف هي اللي قصت تنورتي وعباتي ..!!
وانت قاعد تدافع عنها جدامي ..!!
انا اللي المفروض اعصب ..!!
بعدين انت ليش ماترد علي من يومين ..
ومن الصبح الدورك وماألاقيك ..
بعدين لما ناديتك اليوم بالحفل ليش ماعبرتني عالأقل ..
طيحت ويهي جدام الكل وانت تتجاهلني ..!!
انا شساويت لك ..!!
لا صج انا اللي المفروض اعصب عالحركات السخيفه اللي تساويها لي ..!!
لا تنسى يايزيد اني سويت اشياء انا بالعاده موب متعوده عليها بس عشانك
مستعده اساوي كل شي ..!!
انت شفيك صاير جذي غريب ..
يزيد انا احس اني ماأعرفك على آخر الأيام ..!!!
يزيــــد انت لـ....
-(قاطعهـــــــــــــــــــــــــا بيأس وضيقه مو طبيعيه :~
أنــــــــــــــــــــــــــا متـــــــــــــــــــزوج ..!!!
أفهمـــــــــي أفهمـــــــــــــــــــــــــــي ...
أنا متـــــــــــــــــزوج ...
بس أحبـــــــــــــك انتـــــــــــــــــي ...

$$ ماأقــــــــــــــــدر أوصــــــــــــــــف الصدمـــــــــــه اللي نارا فيها الحين ..$$
بس اللي أقدر اقوله ..$$
مثـــــــــــــــــــــــل ماأنتو مصدوميـــــــــــــــن ..$$
نارا ضعف ضعــــــــــــــف ضعــــــــــــف صدمتكم من يزيــــــــــد $$

((للحظات من الصدمه اللي فيها نارا ...
ضحكت بصوت ساخر وهي تقول :~
انت مينون ... شقاعد تقول ..!!!
-(يزيد نزل راسه :~ هذا اللي سمعتيه ...
انا متزوج .... نارا ...
نارا انا متزوج من قبل لا أعرفك ...
بس الحقيقه .. هي ...
لما وصتني جدتك الاقيك ...
بعدها تركت زوجتي بالسعوديــــــــــه ..
وجيت ادورك ...
وفي بالي اني راح الاقيك وأرجعك وعادي تمشي الأمور مثل قبل بحياتي ...
بس الي ماكنت حاسب له حساب ...
هو اني صرت احبك ...
لا لا موب احبك وبس ...
نارا انا كلمة أعشقك ماتكفي أوصف لك مشاعري ...
صار كل شي عكس اللي خططت له ...
صرت احبك يانارا وماأقدر افارقك ...
حتى من بعد مالقيتي اهلك ...
انا قررت من بعدها نتفارق ...
رجعت للسعوديه وقررت انساك ...
بس المصيبه اني رجعت لك بالإمارات بنفسي وأنا موب قادر انســــاك ابدا ...
حاولت وربي حاولت ..
بس فشلـــــــــــــــت ...
حاولت موب عشاني .. عشانك انتي يانارا ...
عشان ماتتأذين لما تعرفين اني متزوج وكذبت عليك كل هالمده ..
صدقيني .. وربي ماكان ناويني اكذب عليك ابدا ...
بس لما حبيتك مابغيت اخسرك ...
كنت اناني ومأفكر غير بحبي لك ...
بس بعيدن خاولت ابتعد عنك ومثل ماقلت لك فشلت ...
أدري انك تكرهيني الحين ...
أدري انك حاقده علي الحين ...
بس الحقيقه هذي وماأقدر اغيرها ...
ولو بيدي ماكان سمعت كلام الرجال اللي بحسبة عمي ...
كنت أحترمه كثير ... عمي هذا له فضل كبير علي ...
ماأقدر أوصف لك شكثر فضله مغرقني ...
عمي كان عنده بنت قبل لا يموت ...
لما كان عمري 19 سنه ... توني صغير مالي ومال الزواج ابدا ..
بنته تقدرين تقولين انها موب بعقلها ...
يعني مهما تكبر ..
عقلها يضل طفولي جدا جدا جدا ...
بنته كانت مره وبشكل كبير متعلقه فيني ...
رغم انها أكبر مني بثمان سنوااااات تخيلتي كيف ...
كانت تطلع وماتعرف شي اسمه عبايه لأنها بعقل طفولي ...
أبوها كان يتضايق لما تطلع بنته لي وتطلب مني العبها ...
لين جى اليوم اللي طلب مني عمي اتزوج بنته
أول شي عشان يقدر يأمن مستقبل بنته مع واحد واثق فيه ...
وثاني شي لأنها تطلع علي بدون عبايه وهذا كان يضايقه ...
وبعد زواجنا ماراح تحتاج للعبايه ...
انا ماقدرت اقول لا ... فضله علي كبير ..
ولو اقول له لا مابي بنتك راح اكون واحد بدون اخلاق ..
بعد فضايله علي وعمره ماطلب مني شي غير هذا اقوله لا .!!!
بكذا تزوجتها ...
ضيعت شبابي بزواج وانا صغير ...
زواج مايتسمى ابدا ابدا زواج ...
هي بغرفه وأنا بغرفه ...
يعني لو أقرب منها يمكن تنجن لأنها بعقل طفل وماتفهم غير انها تجلس جمي وألعبها
وتلعب معاي ...
يعني ماأقدر اسمي نفسي متزوج ...
عمري مادخلت عليها .. لأني لو بدخل عليها راج تكون مجنونه وهذا اللي قاله
الطبيب الخاص فها ...
يعني تقدرين تقولين يتسمى عمل انساني لا أكثر ولا أقل ...
بعد كم شهر مات عمي اللي هو ابوها ...
لما مات .... أمجاد اللي هي زوجـ .... (ماقدر يقول هالكلمه قدامها فقال :~
اللي هي بنته ... سائت حالتها ..
صارت ماتتكلم .. ماتتحرك ... حتى اني أكلمها .. أحاول أذكرها فيني ...
ساكته ... تطالع فيني ولا كأنها تعرفني ...
منسدحه والممرضه الخاصه فيها طول الوقت معها ...
((يزيد ماحب يدخل بالتفاصيل عشان كذا كمل يقول :~
نارا انا ماأكأني متزوج ....
انا ماأعتبره زواج ...
تخيلي لي ثلاث سنوات ماشفتها ولما رجعت لها ..
على نفس حالتها ماعرفتني ابدا ...
منسدحه وماتتحرك ...
نارا اتمنى انك تفهمين الوضع كيف ...
-(نارا تقدمت منه بهدوء ثم قالت :~ انت متزوج ..!!!
-(يزيد فتح فمه بيتكلم بس سكت لأنه ماعاد يدري وش يقول أكثر من اللي قاله ..
متزوج أي متزوج ... بس ماأعتبر نفسي متزوج ..!!
وش بعد يقول اكثر من كذا ...
سكت ونزل راسه ...
-(نارا بصوت عالي ودموعها نزلت مره وحده :~ كذبـــــــــــــت علي ..!!
ياحيــــوان ثلاث سنين تكذب فيها علي ..!!!
حقيـــــر ... انت واحد بدون ضميـــــــــــــر ...
خليتني احبك للجنون وبالأخير تقول انك متزوووج ..
-(يزيد بضيقه :~ نارا انا كل مره ابي اقول لك بس انتي ماعطيتين فرصه ..
دايم تقولين لي مايهمني أي شي غير اني احبك وتحبني ..
نراا انتي ماعطيتيني فرصه اقول لك ...
-(نارا بقوه عطته كف رغم انه ماأثر فيه شي لأن ضربتها على طاقتها ماتساوي شي
قدامه ...
:~ كذاب .... لعبت علي ..!!! تسليت فيني ..!! ...
بالنسبه لك كنت مجرد تسليه تلعب عليها ..!!!
متــــــــــــتزوج ..!!! كذبــــــــــــــــت علـــــــــــي ..
((يزيد منزل راسه بدون أي كلمه ...
نارا صارت تضربه بقوه من صدره وكتوفه ...
وهي تبكي من قلب وتردد كلمة كذاب ...
لعبـــــــــــــت علــــــــي ..
تسليــــــــــت فينـــــــــــــــــي ...
((رفع راسه للفوق ثم نزلت دمعه منه وهو يشوف نارا كيف
تصارخ عليه ....
-(نارا جلست عالأرض عند رجوله وهي ماسكه بلزته وشادتها وهي تبكي بقوه
وتقول :~ شأكثر من جذي ..!!
جذبت علي وتسليت فيني ..!!
أكرهـــــــــــــــــــك ..
أكرهــــــــــــــــــــــــــــــــــــــك ...
آآآآآآآآآآآآآآآه ((صارت تبكي بصوت عالي بشكل ملفت جدا ..
حتى اللي برا الغرفه دخلو يشوفون شسالفه ..
صوت بكيها عالي لين برآ ...
((يزيد عطاهم نظره وكأنه يقول أطلعو ...
بدون أي كلمه طلعو ...
أما نارا بعد بكيها العالي ..
وقفت وهي تحاول تجمع شجاعتها ...
التتفت عليه ثم قالت بين دموعها وهي تمسحهم بحقد وغضب :~
لا عاد اشوف ويهك مره ثانيه ...
((لفت بتروح بس يزيد مسك يدها وهو يقول بضعف :~ نارا لا تنسين اني احبك ..!!
-(سحبت يدها بقوه وصرخت بوجهه بحقد وكره :~ بس أنا أكرهـــــــك ...
أكرهـــــــــــــــــــــــــك للجنون ...
((قربت من وجهه بقووه وهي تصارخ عليه بغضب :~
أنا ... أ كـــــ... رآآآآ .. هــــــك ...
أكرهــــــــــــــــك ...
لا عاد اشوف ويهك يالجذاب ...
((لفت ثم طلعت من الجامعه بكبرها وهي تبكي بصوت عالي رغم انها تحاول تكتمه ...
دايم حظها بالحياه ...
صدمات ورى بعض ...
صدمات تجرحها وتكسرها ...
((نــــــــــــــــــــــرجع للقروب فيصل ...
المسؤل بسرعه طلب من شعبة فيصل يتقدمون .....

أنتهــــــــى البارت ...
$$ أحــــــــــــداث روايتــــــــــــي لكــــــــــــم لم تنتهــــــــــي $$
رغم أن النهايـــــــــــــــه قربـــــــــــــــــت ...$$
لكــــــــــــــــن فيرزاتشـــــــــــVirsatCheـــــــــــــي عودتكم $$
على كل ثانيــــــــــــــــــــــه ... مليــــــــــــــئه بالأحــــداث المفاجــــأه للجميـــــع ..$$

تحياتــــــــــــــــــــي وسلامـــــــــــــــي للجميـــــــــــع ...
أختكـــمـ ...
فيرزاتشــــــــــــــــــــي ...



 

رد مع اقتباس
قديم 07-06-2020, 06:15 PM   #67
JAN
مِرأة وٓاحدة … إنعِكاسات شٓتى !

الصورة الرمزية JAN
JAN غير متواجد حالياً

بيانات اضافيه [ + ]
 رقم العضوية : 115
 تاريخ التسجيل :  Mar 2020
 العمر : 23
 المشاركات : 9,849 [ + ]
 التقييم :  23316
لوني المفضل : Black
شكراً: 0
تم شكره 6 مرة في 6 مشاركة

مشاهدة أوسمتي




البــــــــــــــــــاب العشــــــــــــ الأخيـــرـــــــرون ...
الفصـــــــــــــــــل الثانـــــــــــــــــــي ...

((شعبة فيصل الحين ..
المسؤل التفت على شعبة فيصل آخر شعبه وهو يقولهم يستعجلون بسرعه ويصفون بالترتيب ..
-(فيصل توه بيوقف بس فهد سحب قبعة تخرج فيصل ورماها تحت وهو يضحك :~
ههههههه أنا قبلك ياعسل ...
-(فيصل بقهر سحب قبعة فهد ورماها أبعد من رمية فهد ...
فهد رفع حواجبه والتفت على فيصل ...
-(فيصل ابتسم على جمب وهو يرفع حاجب وينزله :~
وحده بوحده .... أنا قبلك ...
-(برهوم :~ لا انت ولا فهد .. انا قبلكم ...
-(متعب سحب قبعة برهوم ورماها بعيييد وهو يقول بثقه :~ لا يكثر أنا قبلكم ...
((بهاللحظه الثلاثه كلهم حقدو وبسرعه دفوه بدفاشه من الدرج بين مدرجات الكراسي اللي كانو جالسين فيها ..
متعب طاح للنص الدرج ...
((قروب فيصل كتمو ضحكتهم على شكله الـ (كــــآآآآآآي ) ككككـ ...
وعبالهم ماسوو شي ...
-(متعب بسرعه وقف ولا كأنو شي صار رغم ان الطلاب كتمو ضحكتهم واللي شافه
برضو كتمو ضحكتهم على شكله التووووحفه ...
-(فيصل والباقي مرو من جمبه وعلبالهم ماسوو شي ...
((كل واحد أخذ قبعته وصفو ورى بعض ...
أول شي طلاب الشعبه ...
وبالأخير ...
عبادي ثم مساعد ثم برهوم ثم متعب ثم فهد ثم فيصل ....
((كل شخص يطلع وعلى حسب التصفيق اللي يجيه ..
ياقوي ياقليل ...
تقريبا أعلى تصفيق كان للتولين وبعض الطلبه الأجانب المعروفين بالجامعه ...
لكن لما جى دور قروب فيصل ...
-(اللي ينادي أخيرا قال :~
عبيــــــــــــد بن ناصر الـ ...............
((عبادي لما تقدم ..
قروب فيصل كلهم أنواع الإزعاج بالتشجيع ....
عبادي استلم الشهاده وهو مبتسم بسعااااااااااده ...
-(الأســــــــــــم الثانـــــــــــــي :~
مساعــــــــــــــد بن خالد الـ ............
((نفس الإزعاج والتصفيق من قروبه ....
-(فهد التفت على فيصل وهو يقول :~ أح ياخي فقعت اذني ...
-(فيصل تقدم من اذنه وصفر بقووووه نحاسه وهو يضحك ...
-(الأسم الثالـــــــــــــــــث ..:~
براهيــــــــــــــم بن نايف الـ ................
((نفس القلق والتصفيق من القروب وبعض الطلبه والحظور ...
-(الأسم الرابـــــــــــــــع :~
متعــــــــــــــــب بن سعود الـ ................
((نفس القلق والتصفيق من القروب وبعض الطلبه والحظور ...
-(فيصل وهو يضحك بصوت قصير :~ فهيدوه يى دورك ياك الموت ياتارك الصلاه...
-(فهد :~ فهيدوه بعينك احم احم اسكت خلني اكشخ ... ترى بنطلع بالتفلزيون للمتخرجين
لا تنسى ...
لزوم الكشخه بالتلفزيون ...
((فيصل رفع حاجب بخبث ...
-(الأســـــــــــــــم الخامـــــــــــس :~
فهــــــــــــــــــــــد بن محمد الـ ....................
((فهد توه بيتقدم بس فيصل مد رجله مع الجنب بدون مايلاحظ فهد اللي بلحظه
سريعه ماحس نفسه الا وهو عالأرض متمدد والعالم تضحك عليه ...
طاح طيحه قويه على وجهه ...
فيصل بصوت عالي ضحك للدرجة انو ماقدر يتحمل يوقف على رجوله ...
جلس عالأرض وهو ميت ضحك ...
الإداره وصلت معها من قروب فيصل ..
بس بقلوبهم فرحانين انو هذي اخر سنه يشوفون فيها القروب اللي سبب انواع القلق لهم ...
-(فهد وقف ولا كأنو صار أي شي ... حك جبهته وهو مرفع حواجبه وأنواع التصريف على وجهه ...
وبداخله يغلي نار من فيصل ...
لما استلم الشهاده قروبه صار يصفق له وأنواع الإزعاج من القروب للبعض ....
فيصل وقف وتعدل ...
عدل قبعته شوي ثم تنهد لأنه آخر واحد من المتخرجين ...
-(على آخـــــــــــــــر أســــــــــــم ...
وآخـــــــــــــــر متخرج بهالسنـــــــــــــــه :~
فيصــــــــــــــــــــــــــــل بن بـــــــــــــــدر الـ .................
((بهاللحظـــــــــــــــــــــــــه ...
كل بنـــــات الجامعه يصفقون بحمااااااااااااااااس ...
للدرجة انو الشبـــــــــاب فتحو عيونهم مرتاعيــــــــــــن ...
أما قروب فيصل ماعاد بان تصفيقهم وتصفيرهم من ازعاج البنات وتصفيقهم ...
كـــــــــــــــان فيصل أعلـــــــــــــى تصفيــــــــــــــق من المتخرجيـــــــــن كلهم ...
الحظور الكبيــــــــــــــــــر صار يصفق له رغم انهم مايعرفونه بس لما لاحظو التشجيع القوي
اللي صار له تحمسو برضو مع الطالبات وبعض والطلاب ...
فيصل نزل راسه بعد ماقلب أحمــــــــر مره وحده وهو يسمع كل هذا له ...
ماتوقع بجد شعبيته بكل الجامعه كبيره ...
وهو يستلم الشهاده ...
سلم على بعض اللي يسلمونه الشهاده ...
وعيونه بالأرض حاس بحراااااره بداخله من التوتر ....
ماتوقع كذا بيصير له بس من بعد كل هالتصفيق طبيعي تقلب حالته كذا ...
كمل طريقه بس من الخبصه طاحت شهادته دنق بياخذها بس صدم وراه واحد من المصورين
... بقوه طاح على وجهه وبكذا خرب البرستيـــــــــج اللي تو وطار بالهوآ ...
((أول واحد ضحـــــــــــك ..
فهــــــــــــــــــــــــــــــــــــــد ...
للدرجة انه قام يناقز ويصفق مستاااانس على طيحة فيصل ....
القاعه صارت تضحك عليه ....
فيصل وهو عالأرض جلس متربع وطلع لسانه بضحكه يحاول يصرف الوضع المخجل قدام هالعالم اللي تطالعه ...
بس الصدمه لما شافو بعض الطالبات الأجنبيات المتخرجات تقدمو للفيصل
بيساعدونه ...
فيصل أشر لهم يبعدون عنه وهو يقول قريب من قروبه يستهبل :~
لا داعي لا داعي خوفة قلوب المعجبات عالفاضي ... الله يهديني ....
((رغم اللي صار بس لازآآآآآآآآآآآآآآآآآآآآآآآلت الثقه العمايء موجوده ببطلنا فيصل وهو يقولها
بكل ثقه وجديه ...
قروب فيصل مره وحده جلسو بيأس وبصوت واحد :~
لآآآآآآآآآآآآآآآآآآآآآآع تكفى خلاص يرحم ؤمك ....
-(فيصل التفت على شلته وهو مرفع حواجبه بستغراب وكأنه ماقال شي ...
((بكـــــــــــــــــــذا لما انتهى الحفل ....
كل المتخرجيــــــــــــــــــــــن مره وحده ...
رمو قبعاتهم على فوق بفرحه وكل واحد يخطط للمستقبله المهنــــي ...
لما طاحت القبعات على بعضها بالأرض ...
كل واحد اخذ له أي قبعه وراح مع اقاربه وأصحابه يعيشون جو الفرحه مع بعض بالجامعه ...
أما عبادي قاعد يدور من بين القبعات ...
لما التفتو عليه قروبه ...
-(فهد بستغراب :~ عبيد شسالفتك شقاعد تدور ..!!
-(عبادي :ئ على قبعتي .. انا كتبت عليها اسمي ...
-(بصوت واحد كلهم ضحكو عليه ...
-(متعب :ئ هههههههههـ طيب انت وويهك جان مارميتها ويانا ...
تلاقي واحد اخذها .. بعدين ترى القبعات كلها واحد ..
خذ لك أي وحد وتعال بسرعه ...
((عبادي ماوده بس مايدري وش يسوي ..
اخذ له أي قبعه ولحقهم ...
-(فيصل :~ اقول شباب انا ابي شي بااااااارد ...
-(برهوم :~ آآآيسكريم أكيييييد أحلى شي على هالحر ياشيخ ...
((لما اتجهو بيطلبون آيسكريم ...
وقف فيصل ثم قال بسرعه :~ شباب خلاص خلاص هونت ارجعو ...
-(فهد :~ ليش ...!!
-(متعب لما شاف أميره واقفه تطلب آيسكريم قام يضحك :~
هههههههـ لأن الحبايب يعني موجودين ..!!
-(كلهم التفتو على اميره وبصوت واحد يطالعونها :~
يــــآآآآآآآهوووووووووووووووهه ...
-(فيصل بقهررررر :~ لعنه انت وياه ... خلاص عاد بلا استخفاف دم ...
-(متعب :~ والله وصاير جاد بموضوع أميره ...
-(مساعد :~ فيصل وقع في شباك الحب خلاص شتبون انتو ... ههههههه
-(فيصل :~ اقول لا يكثر انت وياه امشو امشو نروح نشتري عصير بارد او أي ثاني ..
-(فهد :~ فصول ترى ماراح تشوفها مره ثانيه ..
استغل فرصتك الحين ...
((لفو كلهم بيطلبون آيسكريم ...
وتركو فيصل واقف من بعيد يطالعهم مايدري يروح ولا لا ...
-(أميره التفتت على قروب فيصل وبسرعه نزلت راسها مختبصصصصه ...
-(نجود لما شافتهم قالت بصوت قصير للأميره :~ مو جنهم ربع فيصل ..!!
-(أميره :~ اشش قصري صوتج ماله داعي يسمعونج ويحسبون انفسهم وااااو شي ...
طنشيهم ماعليج منهم ...
-(برهوم وهو يطالع نجود ببتسامه ينتظرها تعبره بس مطنشششته ...
أما فهد يطالع برهوم :~ برهوم انت وويهك شتطالع بأميره ..!!
-(برهوم بقهر :~ منو قال اني اطالع اميره .. قاعد اطالع برفيجتها ..
-(فهد وهو يضحو :ئ ادري .. وكشفت نفسك بنفسك ... ههههه صج غبي ...
-(متعب :ئ يؤ يؤ لا يكون وقعت في حبها ...
-(برهوم التفت عليهم بقهر :ئ يازينكم ساكتين .. صج ماألوم فيصل يوم يعصب
عليكم انتم وحركاتكم ...
-(أميره تقول للفلبيني اللي يبيع :~ بليز تو آيسكريم تشوكلت ...
((بهاللحظــــــــــــه ...
دخل فيصل عندهم وهو قريب من اميره ونجود ...
علباله ماأنتبه للأميره وهو يقول للفلبيني :~
انت هيه ... بسرعه عطني علبه كبيره فيها الوان قوس قوزح ...
((قروبه والفلبيني وأميره ونجود التفتو عليه بستغراب ...
وش قوس قوزح هذا ...!!
-(الفلبيني :~ ايش قوس قوزح ...!!
-(فيصل ولازال مسوي حاله يتكلم بجديه وثقه :~ قوس قوزح ماتعرف شنو قوس قوزح انت
وويهك ..!!

يعني حط لي من الآيس كريم كل الوان قوس قوزح ..
احمر وأصفر ونقط الخ .. يالله بسرعه ...
((قروب فيصل كتمو ضحكتهم أما نجود لفت وهي تضحك عليه ...
لكن أميره ماضحكت .. لفت عنه وهي تطالع الوان الآيس كريم ...
-(الفلبيني مافهم زين بس اللي عرفه انو راح يحط له كل شي بسطل كبير ...
لما حط له كذا لون ...
وصل للون التشكوليت ....
الفلبيني حط التشكوليت ...
وبهاللحظه فيصل قال بثقه مصطنعه :~
ياغبــــــــــــــــــــــي ... قد شفت قوس قوزح فيه لون بني ...
((بهاللحظـــــــــــــــــــه ...
سمعو ضحكه عاليــــــــــــــــــه طالعه من قلب ...
التفتو ولقوها أميــــــــــــــــــره ميته ضحك على آخر جمله للفيصل ...
-(بهاللحظه فيصل التفت على أميره وهو يقول بضحك وحماااااس :~
yes …….. Yeeeeessss ….
أميـــــــــــــره تضحك .... مابغيييييتــــــــــي ...
-(قروب فيصل كلهم أنواع الإزعاج بالضحك ...
-(متعب :~ ياهوووووووه ...
-(فهد :~ هههههـ لاااااع ماأقدر انــــــــــــــا ....
((فيصل وهو مبتسم ويطالع بأميره ...
أميره حست انها خربت على نفسها لما ضحكت ...
بكذا التفتت وطلعت بدون أي كلمه ....
قروب فيصل كلهم بصوت واحد :~ الحقها انت وويهك شتنطر ...
((فيصل تنحنح شوي وهو يقول بستهبال :~ برايكم مايخرب برستيجي وانا الحقها ...!!
-(فهد وهو ميت ضحك :~ لااا ماأتوقع ... من بعد الطيحه بالحفل وماأظن فيه برستيج
-(فيصل :~ تتريق انت وويهك ....
((قالها بستهبال ثم طلع يدور على أميره ...
لما التفت على آخر الممر ...
بسرعه وهو يركض بيلحق على اميره لا تختفي من قدامه ...
-(بصوت عالي يناديها :~ أميــــــــــــــــره ..
أميــــره أميـــــــــــــره ...
((أميره التفتت بهاللحظه عليه وهي موب عارفه مين يناديها ...
بس لما شافته فيصل ...
نزلت راسها بتروح ...
لكن فيصل ماعطاها مجال لأنه وقف قدامها وهو يقول بتعب :~
أميره ممكن دقيقه من وقتك شوي ...!!
-(أميره وهي منزله راسها :~ ؤكي ...
-(فيصل ارتاح من كلمتها لانها سهلت عليه الوضع :~ آآآآ
شرايج ندخل ونتحجى على راحتنا ...
-(أميره التفتت تدور على اخوها القلق بس حمدت ربها انها ماشافته ...
:~ ؤكي بسرعه ...
((لما دخلو بمكان هااااادي بس فيه ناس غيرهم ...
-(فيصل بتوتر :~ آآآآآ .... اتوقع اللي صار اليوم وظح لج كل شي ...
-(أميره نزلت راسها :~..............
-(فيصل :~ ايوآ ... ممكن تردين لي الحين ...
شوفي يمكن انا ماعندي اسلوب ...
والدفاشه اسلوب من اساليبي ... بس ياليت تقولين لي الجواب الحين وتريحيني ..
-(أميره :~......................
-(فيصل يحاول يطل بوجهها وهي تطالع بالأرض ... رفع حواجبه وهو يقول :~
يعنـــــــــي ..!!! ...
-(أميره بلعت ريقها :~ ليش كل هذا عاد ...
-(فيصل عقد حواجبه :~ مافهمت ..!! وظحي اكثر ...!!
-(أميره :~ اقصد قدام الحظور كلهم .... مافكرت بموقفي كيف احرجتني ...
-(فيصل صك على اسنانه :~ أح لا يكون ضايقتج ..!!!
-(أميره رفعت راسها :~ لأني عارفه انك تتسلى ...
-(فيصل :~ من صجج انتي ...!! ...
لو بتسلى جان ساويت كل شي بيني وبينج ..
موب جدام العالم ..!!
شدعوآ أميـــــره ... شهتفكير عاد .... مره ماخذه فكره شينه عني ..
-انت اللي طبعت فكره مو حلوه عنك عندي ....
-(فيصل ببتسامه :~ طيب ممكن تسمحين لي اغير هالنظره اللي تنظرين لي فيها ..!
وأطلب ايدج من اهلج اليوم ...!!
((أميــــــــــــــــــــره بغت تشهق من الصدمه ...
التفتت عليه مستغربه :~ شنو قلت ..!!
-(فيصل ابتسم اكثر :~ شفيج موب مصدقتني بعد ..!!
-(أميره :~ من صجك ..!!
-لا من عمي ... أي من صجي ...
أميره أنا صج صج صج ندماااان قد النجوم اني ضيعت كل هالسنين بدون
ماأحبج ....
وندمان برضو اني جرحتج وايد ....
اعتذرت لج ثلاث اعتذارات جدام الكل ....
على نفس طلبج ...
ولا بالنسبه لي .... لو اعتذر مليون مره ماراح اقدر امسح الأغلاط اللي ساويتها فيج ...
بليز سامحيــــــــــــــني ...
وخلينا نبدى صفحه يديده ..!!
-(أميره ابتسم وهي تطالعه بس ماقالت شي ...)
-(فيصل لما شاف ابتسامتها ابتسم اكثر وهو يقول :~ شنو افهم من هالإبتسامه ..!!
-(أميره تنهدت بسعاده وهي تقول :~ افهم اللي تبي تفهمه ...!!
-(فيصل :~ يعني افهم انج موافقه على كل الحجي ومسامحتني ..!!
-(أميره :~ بس اسمح لي اعاقبك ... لأنك عذبتني ثلاث سنين ....
-(فيصل غمض عيونه وتقدم منها وهو يقول :~ يالله .. عطيني كف ...
ساوي فيني اللي تبين ...
انا جدامج ...
-(أميره نزلت راسها مسسسسستحيه من حركته ...
رغم جرائتها الكبيــــــــــره ..
بس تبخرت مره وحده وهي مع فيصل وبينهم كل هالحب المتبادل وأخيــــرا ...
مدت يدها بدون ماتحس وقبصت خده بقووووووووووووووووه ...
-(فيصل فتح عيونه وفمه وهو يقول بألم :~ آآآه آآآآآآآه يالعربجيه موب جذي ...
آآآآآح فجي خدي قطعتيه ...
((أميره زادت عليها بحققققققققد من جد من جد تبي تطلع كل اللي بقلبها ..
بس ماكتفت بيد وحده ..
مدت اليد الثانيه وبقوووووووه قبصت الخد الثاني ....
-(فيصل :~ آآآآآآآآآآآآح ترى ببطل احبج ... آآآآه ...
-(أميره زااادت بقووه وهي تضحك بخبث واستمتاع بألمه :~ احسن احسن .. اذا فيك خير
قول انك ماتحبني ...
-(فيصل :~ ىىىىه طيب هديني يرحم ؤمج ماينمزح وياج ....
-(زااادت بقوه وهي تضحك ...
-(فيصل :~ أه أه أه شكل وتين ارحم منج ... برد احبها وانساج ...
((علطول فكت خدوده وهي تقول :~ لا لا لا خلاص الا وتين لا تييب لي طاريها ..
صارت كابوس لي يعلها تعرس وتفجني ...
-(فيصل يستهبل وهو يفرك خدوده :~
لا خلاص انتي صعيديه .... بعكس وتين كل الأنوثه فيها موب انتي ..
بسم الله علي .. اذا هذا اول يوم عيل بعدين شبتساوين ..
-(أميره :~ أي يصير خير بعدين ..انت أول شي تقدم لي بعيدن يحلها الف حلال ..
-(فيصل :~ يلعن بليسج ماتستحين تقولين هالحجي ...
والله اني شاك من زمان انج ولد موب بنت ...
-(أميره التفتت عليه :~ اعتذر يالله اعتذر بسرعه اعتذر بسررررعه ..
-طيب طيب لا تدفين ... أي على حلق شعري اعتذر ..
صج انتي ولد .... هذا وانتي (وهو يقولها بثقه ويعدل ياقته :~
تحبينـــــي ماتستحين وتقولين تقدم لي .... عيل مع الباقي شبتساوين ..
-(أميره تطالعه بنص عين وهي تقول بصوت قصير :~ ياليييل لا يكون انت للحين على
أسلوب الثقه الزايده ...
بعدين اسمع ... أول شي شعرك تقصه .... ماعندي عيال يطولون شعورهم ...
وثاني شي لا عاد اسمعك تلعن ... استغفر الله ياربي ...
-(فيصل حط رجل على رجل :~ لا عمتي احلفي بس ...
أي اوامر ثانيه ...!!
-(أميره :~ أي وبعد ابيك ماتشوف غيري ..
يعني حركات البنات انساااها ...
-(فيصل ماأعجبه آخر شي حتى انه سكت ...
-(أميره :~ ايوه ايوه لا يكون للحين على حراكات المغازل .. قول عشان اهون ..
-(فيصل :~ لا لا لا من قال ... انتي اصلا مغنيتني عن العالم كلهم بأنوثتك ونعومتك ..
-تتريق انت وويهك ...
-(فيصل وهو يدخل اصابعه بشعره :~ بعدين انتي شفيج على شعري ..
اكيد غايره مني عشان كذا تبيني اقصه ...
-(أميره رفعت حاجب :~ الله يعيني على هالثقه ..
أي شي ثاني .. حركات الثقه مالك ابيك تبعدها عني ...
يعني مو كل شوي تقعد تقول .. يؤ هاي البنت تحبني ..
أي اكيد هاي تطالعني ..
يؤ يؤ لا هاي اكيد تبجي لأني ماعطيتها ويه ...
لاااع اما عاد هاي شي ثاني فرحانه لأني عطيتها نظره وحده بس ...
ترى اعرفك انت وهالثقه اللي مدري شلون يايه ...!!
-(فيصل وهو يخلل اصابعه بشعره بغرور :~ مايحق لي ...!!
بعيدن ترى شعري امس مقصره ومدرجه ... ماملا عينج ..!!
-(أميره سحبت الطوق اللي بشعره وهي تقول :~ وعن حركات البنات ...
ماأحب الخكرنه ...
انشالله قبل لا تتقدم لي قص شعرك ....
ولا عاد اسمعك تلعن مره ثانيه ...
-(فيصل :~ انتي الظاهر تبين تنحشيني منج ...
-(أميره مشت قدامه وهي تقول بستهبال :~ شباب ماييون الا بالعين الحمرا ...
-(فيصل وهو مبتسم ويطالعها .. سكت ولا قال شي ..
مستااااااانس عالأخر على هبااااالها .. مايتوقع راح يلاقي بنت مرحه مثلها ...
"""""""""""""""""""""""
((من جهه ثانيــــــــــــــــه ...
تولين واقفه بجمب ليان لحالهم ...
جوجو بالصدفه طاحت عينها بعين تولين ...
تولين حست بقلبها يدق وهي تطالع جوجو ...
بس مثل ماتوقعت ...
جوجو ماعبرتها أي اهتمام ولفت وبداخلها حقد للتولين ..
بتردد كبييييير ..
تولين اتجهت للجوجو وهي تقول :~
جواهـــــــــر ...
-(تمشي وهي مطنشتها ...
-(تولين وقفت قدام جوجو وهي ودها تبكي من حالتهم الصعبه ...
تولين حطت يدها على كتف جوجو وهي تقول بضيقه :~ جواهر عفيه اسمعيني بس شوي ..
-(جوجو بعدت يد تولين ثم كملت طريقها ...
تولين تنهدت بضيييقه ...
لما شافت طلال من بعيــــــــــد واقف بين الحظور والدكاتره ...
ردت تطالع جوجو مره ثانيه ...
وكل ثانيه تنقل نظرها بين جوجو وطلال ....
بهاللحظه ... بسرعه قالت بصوت عالي :~
جوجــــــــــــــــــــــو ...
((بسرعه راحت لها ثم قالت وهي قدام جوجو :
جوجو بليز اسمعيني ...
وسامحيني على كل اللي صار ...
ادري اني غلطانه ...
غلطانه بحبي للطلال ...
بس وربي كان غصب علي ...
وبرضو غلطي الأكبر لما وافقت عالخطوبه ...
بس ياجوجو ...
أنا كذا مره فضلت الصداقه على الحب ...
رغم اني ماشفت منج أي اعتبار لي ...
وبعدين رديت للحب ...
أما اليوم وبكل ثقه راح اقول ...
((تنهدت وهي تستجمع القوه :~
أليوم أنا اختـــــــــــــــــار الصداقــــــــــــه على الحب ...
أنا وطلال ماراح نتملك على بعض والخطوبه راح نفسخها ...
حتى لو ماسامحتيني ...
المهم عالأقل اقدر اعيش مرتاحه لو يوم بدون ماأفكر فيج بتأنيب ضمير ...
جوجو ... انا صج اشتقت لج وايد ...
((جوجو رفعت عيونها بصدمه من كلام تولين ...
يعني خلاص ..
هي ودكتور طلال بيفترقون ..!!!
بينفصلون ...!!!
((مايد كان واقف وراهم بالصدفه ...
منزل راسه وهو يسمع الكلام بدون قصد ...
التفت على تولين اللي شوي وتبكي وكأنها تتحمل بقوووووه ...
-(تولين مسكت يد جوجو وهي تقول :~ جوجو أنا اسفه ...
سامحيني ...
بليز ريحيني قبل لا أرجع للسعوديه ... بليــــز ...
-(جواهر نغزها قلبها لما سمعت طاري رجعة تولين
للسعوديه .. حست انها راح تفقدها رغم انهم مايكلمون بعض ..
بس تبقى العشره بالقلب مانستها ...
-(جواهر نزلت راسها ثم قالت :~
الله يوفقك بحياتك ...
((جواهر راحت رغم انها تبي تضم تولين بس بنفس الوقت تحس
بحاجز بينهم وهو طلال ...
((بهاللحظه تولين حست برااااحه كبيـــــــــــــــــــــره ...
ابتسمت من قلب وهي تحس براحه عالأقل انو جواهر دعتها لها بالتوفيق يعني
كل شي تمام ...
تنهدت بعد وقوف طويل وهي تفكر بضييييييييييقه وحزن كبير كيف بتترك طلال
حبيب قلبها ...
رفعت راسها تدور على طلال ...
لما شافته من بعيد واقف بين الدكاتره يسولف ..
اتجهت له وهي تستجمع كل ثقتها بنفسها ...
تنهدت بخوووووووف وتوتر ..
-(تولين من وراه :~ دكتور طلال ....
-(طلال التفت عليها ولما شاف انو تولين ابتسم بحب وهو يقول :~
أهلن ... مبروك ألف ألف مبروك التخرج ... وعقبال ماأقلو لج مبروك لنا مع بعض ...
-(تولين بلعت ريقها ماتدري كيف بتقول اللي بداخلها ...
هي اختارت الصداقه عالحب ...
خلاص لازم تنفذ كل شي بشجاعه ...
:~ دكتور طلال ممكن تسمعني زين وتفهمني عدل ...
وماتصعب الوضع علي أكثر ماهو صعب علي ...
((من بعيـــــــــــــــــــــد مايد متسند عالجدار وهو رافع رجله ويطالع في طلال وتولين
بين الناس اللي رايحي وجايين بالقاعه والزحمه ...
وبيده علبة مويه يشربها ...
وهو يطالعهم بهدوووووووء كعادته المعتاده ...
((نرجع للطلال اللي حس بتوتر كبير من كلام تولين اللي مايطمن ابدا ...
برتباااك :~ ايوا قولي شعندج ...!!!
-(تولين تنهدت بتوترررر وأنفاسها ترتجف من الإرتباك ..
ماتدري شلون بيهون عليها تقول كذا ...
صعب عليها واللـــــــــــه ...
اللي يحب من قلــــــــــب صعب يختار بينه وبين شي ثاني ...
صعــــــــــــــــــــب ...
-(تولين نزلت راسها :~ لازم ننفـ .... ننـ .... فففـ ...
-(طلال بخوف :~ تولين تحجي خوفتيني ...
-(تولين تنهدت ويدينها ترتجففف وهي تفركهم ببعض وتطالعهم :~ آآآآ ...
مثل ماقلت لك .. لازم ننفصــــــل ...
ماأقدر أعيش براحة بال وأنا مفضله الحب على الصداقه ...
ماأقدر وربي ..
-(طلال مصدوووووم ...
بخوف يفقد تولين بسرعه قال :~ تولين شهالكلام .. بليز مابي اسمعه ..
هذا موب وقته عفيه ...
-(تولين بإصرار :~ الا وقته ونص ..
((رفعت راسها بحزن :~ طلال انا اسفه ... ماقدرت ماأحبك من اول ماشافتك عيني ...
ماقدرت وربي وماألوم جواهر يوم تحبك من هي صغيره ...
انا اخذت اللي تحبه صاحباتي .. ثم اخذته وهو كان زوجها ...
والله ماأقدر ضميري يعذبني ...
شلون برتاح لما نتزوج ..
جواهر مصيطره على تفكيري وربي موب قادره ...
-(طلال شلون أوصف لكم حالته ....
$$ حطو نفسكم بمكانه مع من يحبه قلبكم وهو يقول لكم نفترق ...
الشعور اللي تحسونه يمكن طلال أعظم منه ...$$
موب سهله عليه يفقد صاحبه وهو صغير ويفقد خطيبته وحبيبته وهو رجال $$
الله يكــــــــــــــون بعونك ياطـــــــــــــــــــلال ..$$

لملمــــــــــــــت أحســـــــــاسكـ ...!!
شعوركـ وقلبــــــــــكـ ..
خلاص بتســــــــــــــــافر ...
زيــــــــــــــن التفــــــــــــت لحظـــــــــــــه ..!!
عطنــــــــي جروحكـ بــــــس ...
خلهـــــــــا تسلينــــــــــــــي ..
بغيــــــــــابكـ الكــــــــــافر ...
واخذ النظـــــــــــــــــر منــــــي ..
وخبــــــــــــه مع أشيائـــــــــــــــكـ ..
مــــــــــــــــــــــــــــابي أشوف النــــــــــــاس ...
وشلــــــــــــــــون أشـــــــــــــــوف النـــــــــــــــاس ...
وشوفـــــــــــــــــــي معكـ سافـــــــــــــــــــر ...
...............
((تولين دخلت للدورات الميـــــــــــاه وهي تبكــــــــي ...
تبكي من قلب للدرجة انو يدينها ترتجف ...
صوتها وهي تبكي عالي شوي ...
بس هالمره مو هامها أحد يشوفها أو لا ..
رغم اللي يدخلون ويطلعون وهم يشوفونها بستغرااااب ...
بس هي ماتشوف الناس ...
تبكــــــــــــي على حظها هي وطلال ...
عمرها ماتهنت بحـــــــــــــب حتى لما بيتحقق لها كل شي ...
بس جواهـــــــــــــر ماتقدر تنساها وتعيش حياتها ...
ماتقـــــــــــــدر تتركـ الصداقه وتروح للحـــــــــــــــب ..
لأن الصداقـــــــــــــه كانت قبل الحب ...
وحبهـــــــــــــــــــا للطـــــلال علط من البدايـــــــــــه ...
$$عشـــــــــــان كذا حلو الواحد لما يحـــــــــــب شي له وحده $$
مو للشخـــــــــــــص ثانـــــــــــــــي ..$$
ولا عمــــــــــــره ماعاش مرتـــــــــــــــاح وهو سلب سعادة انســــان آخر ..$$
((مـــــــــــــــــايد شاف كل الموقف ..
شاف كيف تولين بكت من قلب ...
حس ان الدعوه فيها شي غلط ...
خاصتا لما شاف طلال لف وطلع من الجامعه كلهـــــــــــا ...
لف وأخذ له كاس عصير يبرد على روحه شوي ...
بس مثل هدوء مايد وبروووده ماقد شفنا ...
((ليــــــــــــــــــــان ...
وهي واقفه لحالها بعد ماتركتها تولين ...
لفت بتطلع من القاعه بس سمعت أحد وراها ..
-(شاب غريب عنها :~ لو سمحتي ..
-(ليان التفتت :~ نعم ...
-آآآآ .. انتي الأخت ليان بدر الـ .......!!!
-(عقدت حواجبها :~ اي ..؟؟
-(مد لها ظرف صغير شوي وهو يقول :~ هذا لج ....
((ليان عقدت حواجبها بستغراب ...
خذت الظرف بتردد ...
-(الشاب راح عنها بعد ماستأذنها ...
ليان بين زحمة الناس بداخل القاعه فتحت الظرف وهي تحس بخووووف ماتدري ليه ...
لما لقت ورقه بيضا .. فتحتها ...
وياليتــــــــــــــــها مافتحتهــــــــــــــا ...
((ورقــــــــــــــــة طلاقهـــــــــــــــا من صقر بين يدينها ...
ليان جمدت مكانها ماتدري وش تسوي غير انها مصدومه من حركة صقر لها ...
طلاق مره وحده ...
رغم انها اعترفت له بحبها ...
صحيح اعترافها كان متأخر ومو متأكده هي منه ...
بس المهم انها اعترفت له ...
((دخلت الورقه بالظرف بس طاحت ورقه صغيره عالأرض ..
ومكتوب فيهـــــــــــا :~
الــــــــــــــى :~ ليـــــــــــــــان ...
بالبدايه ماأدري شنو أقول لج ...
بس هالظرف هديتي لج بحفل تخرجج ...
يمكــــــــــــــن يكـــــــــــــون هالهديه بعينج أحلى هديه تييج بهاليوم ...
ويمكن تكون هديـــــــه صدمتج وماتبينهــــــــــــا ...
بس كل هذا ماعاد يهمنـــــــــــــي ...
ليـــــــــــــان ..
انتـــــــــــي علمتينــــــــــــي درس عمري ماراح انســـــــاه ...
وأشكـــــــــــــرج جدا على هالدرس ...
الحـــــــــــــــــب وكل شي بهالحيــــــــــاه ... مايجـــي بالغصــــــــــب ...
يمكن لو اني ماغصبتج بالزواج وبالحب ...
راح تحبيني مع الأيام ...
ويمكن العكـــــــــــــس ..
بس خلاص هالأفكـــــــار كلها ماعاد تفيـــــــــــد ...
احنا أولاد اليــــــــــــــوم ...
وأولاد اليوم يفكــــــرون بالغــــــد ...
عشـــــــــــــــان جذي بقول لج ...
رغم اني عشت وياج فتره طويله وكلها آلام ...
الا اني اشكرج عليها ...
لأنج بقيتي وياي وماهدتيني ...
أشكرج لأنج حققتي لي جزء من اللي ابيه وهو انج بجمبي تبقين ...
بس هالمره ...
أنــــــــــــــا بنفســــــــــــي ..
راح انفذ وعـــــــدي لج ...
لما ماأقدر أسعدج ...
راح ننفصــــــــــــل وأخليج تعيشين حياتج ...
أنا مسافـــــــــــــــــر للمجـــــــــــان بعيــــــــــــد جدا ...
ووياي ولدي الصغيـــــــــــــــــر عبدالمحســـــــــــن ...
من اليـــــــــــوم وللأبد راح أعيش عشانه ...
وراح الربيه تربيه غير التربيه اللي تربيت عليها ...
راح أعلمــــــــــــــــه معنى الرجولـــــــــــــه والأخلاق ...
راح الربيه على الدين ومايخاف من أحد غير من ربـــــــــــه ..
سبحـــــــــــــانه وتعالــــــــــــــى ...
وكل هذا الفضل يعود للربي ثم لج ...
انتي اللي علمتيني من هالحياه قد شنو هي فانيـــــــــــــــه ...
وقد شنو تحتاي للريال اللي يقدر يمشيها على الصح ...
ليان ....
أنــــــــــــــــا راح أكون أبو عبدالمحسن موب صقر ...
هذا اللي راح أعيشـــــــــــــه للأبد ...
يمكــــــــــــــن الاقي البنت وأتزوجها ...
بس أنا اقول لج الحيــــــــــــــــــن ..
ماأتوقع أبدا اتزوج وحده من بعدج ...
عشـــــــــــــــــان جذي ابي اقول لج ...
أهتمــــــــــــــــي بأخوي .... لأني غلطت بحقه وايـــــــــــد ...
وعمري ماراح اسامح نفسي عاللي ساويته له ...
قولي له يقول لك أخوكـ صقــــر ...
أهتــــــــــــــم في ليـــــــــــــان وسعدهــــــــــــا ...
عســــــــــى الله يسعدكــــــــــــــم يارب ...
اقولها من كل قلبـــــــــــــي وبكل ثقه وراحـــــــــــــه ..
هذا الشي الوحيـــــــــــــد اللي أنا متأكد اني على صح ...
ليــــان ....
ليــــــــــــــــــــــــــــــان ...
آخر شي راح أقول لج واحفظـــــــي هالكلمه عدل ....
ليــــــــــــــان ..
((عيشـــــــــــــــــــــــــي حياتـــــــــــــــج ))
بالتوفيـــــــــق ...
محبج في الله :~
صقــــــــــــر ...
..............
((ليان ارتجفت يدها من آخر كلمه ...
طاح منها الظرف بس حست بثقله ...!!
جلست وهي تشوف بداخله ...
شريط تسجيل ...!!!
((دخلته بالظرف ثم سكرته عدل وحطتهم بشنطتها ...
وهي ساكتــــــــــــــه ...
ردة فعل ليـــــــــــــان هـــــــــــــاديه ...
رغم انها تحس بشي خاقنها من داخل بس لحد الحين هاديه ...
لفت بكل هدوء وهي تتذكــــــــــــــر الناس اللس فقدتهم ..
أمهــــــــــــــا اللي ربتهـــــــــــــا ..
أبوهـــــــــــــا الحقيقي اللي عمرها ماشافته ...
أمهــــــــــــا الحقيقيه اللي رجعت للبلدهــــــــــــــا ..
جدهــــــــــــــا اللي مات وهي ماسلمت عليه وتقول له انها مسامحته ...
والحيــــــــــــــــــــــــــــــن ...
صقــــــــــــــــــــــــــر ...
((مشت بكل هدوء وصمت ...
بس وقفت لما حست بأحد قدامها ...
رفعت عيونها على عبدالمحســـــــــــــــن اللي واقف يطالعها ...
وهو عارف كل شي من بعد ماأخذ صقر اخوه ولده وسافر أمس ...
-(عبدالمحسن :~ ليان ...
-(وهي تطالعه :~ نعم ...
-(عبدالمحسن :~ انتــــــي بخيــــــــــر ...!!!
-(ليان نزلت راسها شوي ثم بلعت غصتها وكملت بهدوء :~ أي نعم ...
-(عبدالمحسن :~ مبروكـ ...
التخرج ...
-(ليان وهي تطالعه :~ الله يبارك فيك ...
-(عبدالمحسن متوتر :~ ليان أنا آسف عاللي ساواه فيج أخـــو....
-(قاطعته :~ لا تتأسف ... صقر ماسوا لي شي ...
هو الحيـــــــــــــن مع ولده ...
الله يوفقــــــــــــــه ...
((كملت طريقها وتركت عبدالمحسن مستغرب من ردة فعلها الهاديه ...))
""""""""""""""""""""
((تولين لما طلعت من دورات المياه بعد مامسحت دموعها وعاهدت نفسها
تفتح صفحه جديده بعيد عن طلال ...
وهي تمشي ماتدري للوين ...
شافت مايد وهو واقف يطالعها من بعيـــــــــــد ...
تنهدت بشجاعه ثم تقدمت له ...
وهي تحاول تكون عاديه ولا بكت قبل ..
((لما تقبلو قدام بعض ..
مايد عدل وقفته وهو متسند عالجدار ويطالعها ...
-(تولين ابتسمت ابتسامه خفيفه :~ الحمدالله عالسلامـــــــــــــه ...
-(مايد ابتسم ابتسامه جانبيه وهو يطالع بعيونهـــا اللي شكثر اشتاق لها :~ الله يسلمج ..
وانتي مبروكـ عليج التخرج ...
-(تولين :~ الله يبارك فيك ... وأكيد بعد انت مبروك عليك شهادة الخارج ...
-(مايد :~ الله يبارك بعمرج ...
((سكتو شوي للحظات ثم قالت تولين وهي مقرره تفتح صفحه جديــــــــده :~
موب ناوي تتزوج بهالإجازه ...!!
-(مايد اختفت ابتسامته وهو يقول بهدوء :~ على ايدج ... دوري لي وحده
مثلج ...
-(تولين ببتسامه :~ مثلــــــــــــي ..؟؟؟
-(مايد ابتسم لها :~ أي .. نفس جمالج .. نفس غرورج هههـ .. نفس اخلاقج ..
نفس كل شي فيج ...
بتقدرين تلاقين لي ...!!!
-(تولين ابتسمت له أكثر وهي ساكته وكأنها تفكر وهي تطالع فيه ...
بعدت شوي على ورى وهي تقول :~ طيب ..... شرايـــــــــــــــك بالنسخــــــــه
الأصليــــــــــــــه ...!!!
-(مايد اختفت ابتسامته وهو مصدوم من اللس سمعه ...
من جدها ولا تستهبل ...
رفع حواجبه وكأنه يقول عيدي ماسمعت ...
-(تولين ببتسامه وهي تطالع فيه :~ قلت تبي وحده مثلي قلت لك شرايك بالنسخه الأصليه
اللي هي أنا ...!! ....
-(مايـــــــــــــــد بهاللحظـــــــــــــه ملامحه لانت ببتسامه حنونه وهو يقول :~
شرف كبيـــــــــر لـــــــــي أكيــــــد ..
-(تولين نزلت راسها ثم قالت :~
للحيــــــــــــن تحبنــــــــــــــي ...!!
-(مايد تقدم شوي منها وهو يقول :~
ماقدرت انســـــــــــــاج ولا لحظه ...
-(تولين رفعت عيونها وهي تطالعه :~ ثلاث سنوات تفكـــــــر فيني ..!!
-(مايد ببتسامه حنونه :~ والعمر كله راح أظل أفكر فيج ...
توليـــــــــــن ... أنا أحبج ... وماأعتقد راح اقدر احب أحد غيرج ...
حاولت بس ماقدرت ...
مــــــــــاقدرت ...
لأنج ماخذه عقلــــــــي وقلبـــــــي وروحــــــــي ...
-(تولين :~ أنــــــا آسفــــــــــــــ.....
-(مايد قاطعها :~ شششششششـ ..... لا تكملين ...
تكفيني كلمه وحده جوابيني عليها ...
-(تولين وهي تطالعه :~ تفضـــــل ...
-(مايد سكت شوي ثم قال بحب كبيـــــــــــــــر :~
تتزوجينــــــــــــــــــــــــــــــــي ..!!! ..
-(تولين ماشالت عيونها عنه وهم يطالعون بعض ...
للحظـــــــــــــــــــــات ..
ساكتــــــــــــــــه وهي تطالعه ...
شوي قالت ببتسامه خفيفه :~
يسعدنـــــــــــــــي أوافق ...
-(مايد اتسعت ابتسامته وهو يقول بداخلـــــــــــــه ...
أدري انج مانسيتـــــــــــي الدكتور طــــــــــــلال وللحين تحبينــــــــه ...
بس بإذن الله راح أخليــــــــــــــــج تنسينه وتحبيــــــــــن زوجج وانشالله ...
أبو عيالـــــــــــــــــــــج ....
<~ هذا اللي جى في بال مايد بكل حب وحنان ...
-(مايد ببتسامه وهو يطالعها من فوق للتحت بإعجاب كبير :~ طالعــــــــــــه اليــــوم أحلــــى
بنــــــــــــــــت بالجامعــــــــــــــــه كلهــــــــــــا ...
-(تولين نزلت راسها وهي تضحك بخجل على إطرائه اللطيف لها ...
تدري ومتأكده ان مايـــــــــــد راح يسعدهــــــــــــــــا ...
بس هي تفكـــــــــــــــــــر كيف بنفسها راح تسعــــــــــــده ...
$$وهذا أكبـــــــــر دليــــــــــــــل على اقتناع توليـــــــن باللي سوته اليــــــوم $$
""""""""""""""""""""""

((لما دق علييهم العم بندر على عيال أخوه بس نارا ماردت ...
قال لهم يطلعون برآ الجامعه عند البوابه ...
لما طلعو ...
-(العم بندر تقدم من عيال أخوه وهو يقول ببتسامه :~
مبروك التخرج ...
-(فيصل وتولين وليان وهم مبستمين له :~
الله يبارك فيـــــــــــك ...
-(العم بندر التفت على فيصل وهو يطقه بكتفه :~ شحالــــك ياريال ...
-(فيصل وهو يضحك على عمه :~ هههههـ عمي لا تحاول تحتك بالإماراتيين ...
-(العم بندر :~ أفا بس أفـــــــــــا .... الحين اللي يسمعك يقول امراتـــــي ...
-(فيصل وهو يعدل ياقته بثقه :~
امراتــــــــــــــي .. سعــــــــودي .. بحرينــــــــي ...
قطـــــري .. عمانــــــــــــــــــي ... كويتــــــــــــي ...
كلها واحد ...
وعلى قولتهم ...
خليجنـــــــــــــــــا واحد ...
-(العم :~ والله وصرت فيلسوف زمانك ...
ماعلينا بس عندي لك شي بيعجبك انشالله ... واذا ماأعجبك قول ...
((التفت على السياره الجمس السودا ثم أشر له يبعد ...
لما بعد السياره السودا بأمر العم بندر ...
طلعت وراها سيارة Bugatti
فيصـــــــــــل وكل اللي جمبه فتحو فمهم من الهديه الفخمه ...
((شلة فيصل تقدمو من السياره بنبهار موب مستوعبين ...
-(برهوم :~ فصول عطني كف صحني من اللي انا فيه ..
-(فيصل وهو فاتح فمه عالآآآخر :~ والله اللي يبيله واحد يصحيه هو انا ...
من سيارتي الددسن أقدم موديل للسيارة بوغاتـــــــي مره وحده ..!!!
-(العم بندر وهو مبتسم ويطالع ولد اخوه اللي واظح عليه الفرحه موب سايعته :~
ولو تبي وحده ثانيه حاظرين .. كم عندنا من فصول احنا ..!!
-(فيصل :~ لا لا صج عمي ترى ماأتحمل أنا ...
شوي شوي خف علي يرحم ؤمك ..
-(أميره من وراه :~ ماعليه شرهه ولد فقر ..
-(فيصل بقهر التفت عليها :~ لا يابنت العز ...
((شلة فيصل كلهم مره وحده بيأس من اميره وفيصل :~
ردينــــــــــــــــا ...!!!
-(فيصل لف على السياره وهو يقول :~ لا لا فجونا زين بلا أميره بلا هم ...
يالبا السياره ياناس ...
-(أميره فتحت فمها عالآخر بسرعه تقدمت من السياره وضربتها برجلها وهي تقول :~
كلمه ثانيه وبكسرها جدامك ..
-(فيصل شهق بروعه :~ لااااااع بعدي يالعربجيه ...
((أميره :~ عربجيه هاه طيب ...
((فيصل ركب السياره وهو موب مصدق عيونه ...
أما أميره فتحت الباب اللي جمبه وركبت ...
بس بدون قصد سكرت بالباب بقوه وهذا اسلوبها يعني فيها دفاشه شوي ...
بس شهقت من الروعه لما صرخ عليها فيصل :~
لآآآآآآآآآآآآآآآآآآآآآ ... كسرتي الباب الله يكسر راس عدوج ..
انزلي ... انزلي يالعربجيه ..انزلي ..
-(أميره وهي حاطه يدها على قلبها مرتاعه من صرخته تو ..
التفتت عليه بقهر :~ مالت عليك انت وسيارتك ...
((فتحت الباب ثم سكرته بأقوى ماعندها ...
فيصل نسى سالفة الباب لأن أميره واظح عليها زعلت ...
بسرعه نزل وهو يلحقها :~ أميره أميره شدعوا تزعلين...
-(العم بندر وهو يطالع بولد اخوه بستغراب التفت على بنات اخوه :~
اقول بنات منو هاي اللي واظح عليها ماخذه عقل فيصل ..!!
-(تولين بغرور :~ هاي من غيرها أميروه ...
مدري شلون انقلبت الآيه ... قبل كان مايواطنها اخوي والحين العكس ...
سحرته هالبنت مره وحده ...
-(بندر التفت على ولد اخوه وهو مبتسم عليه ...
رد بندر ثم قال للتولين وليان :~
وانتو ماتبون تسألون وش هدية تخرجكم ..!!!
-(تولين ببتسامه :~ صج والله توقعتك نسيتنا ..
-أفا .. يعني فيصل هو الغالي بس ... كلكم غالين على قلبي ...
عيال المرحوم الله يرحمه ويسكنه الجنه ...
-(ليان وهي تطالع عمها ببتسامه :~ الله يخليك لنا ياعمي ..
-(العم بندر ببتسامه :~ طيب ماعلينا
((فتح جواله ثم عطاه تولين وهو يقول :~ شوفي صورة هالبيت اللي بالجوال ...
-(تولين فتحت فمها مصدومه :~ واااااااااااو شنو هالبيت ... أصلا حتى المجان اللي هو فيه يطل عالبحر
طالع جنان ..!! ليش شفيه هالبيت ..!!
-(بندر وهو مبتسم :~ هذا البيت هديه مني لج ... بيت يطل عالبحر في
النمســــــــــــــــــا ...
-(تولين بفرحه موب سايعتها :~ ليون شوفي البيت كيف جنان ..
النمسا واااااو .. عمي صج كلفت على نفسك ...
-(العم بندر :~ عيب عليك تولين تقولين هالكلام ...
اذا مادلعت عيال اخوي من أدلع أجل ..!!
-(تولين وهي تغمز له :~ زوجتك ...
-(العم بندر :~ أي زوجه ياحسره .... عمري بالثلاثينات وانا توني ماتزوجت ...
اصلا بديت انسى شي اسمه زواج ...
((ليان وتولين وهم يطالعون بعض وكأنهم يخططون على عمهم بس اكتفو ببتسامه بين بعض
بدون أي كلمه ...
-(العم بندر طلع تذكره ثم عطاها ليان وهو يقول :~
وهذي تذكرة سفر للروما ... رحله خاصه لج تلفين فيها روما كلها ...
مع شخص تختارينه ...
-(ليان خنقتها العبره وهي تشوف طيبة عمهم الكبيره ...
من غير شعور ضمته بقوه وهي تقول :~ مشكور عمي ...
((العم بندر ابتسم وهو يشوف ليان اللي ضامته بقوه ودموعها تنزل ...
التفت على تولين وفتح يده الثانيه وكأنه يقول لها وانتي ماتبين تضميني ..
تولين ابتسمت بسعاده وشاركت ليان بضمة عمهم بندر ..
وهذا اقل شي يقدرون يشكرونه ...
((فيصل وهو يشوف خواته وعمه من بعيد ابتسم بسعاده عمره ماقدر حس فيها ...
-(أميره التفتت عليه :~ يالله ماتبي تراضيني وتلف بي كم دوره بسيارتك هالخايسه ..
-(فيصل التفت عليها :~ طيب دامها خايسه لا تركبينها ..
-(أميره بثقه :~ احسن عيل لا تحاجيني ..
-(فيصل :~ خلاص خلاص ياربيييي منج ... ماينقدر عليج انتي ابدا ...

$$ انتهـــــــــــــــــــــــــــــــــى البارت ماقبل الأخير ...$$
القاكم بالبارت الأخيـــــــــــــــــــــــر ...
من بابنا الأخيــــــــــــــــــر ..
أختكمـ ...
الكــــــــــــــــــــــاتبه :~
فيرزاتشــــــــــــــــــVirsatCheـــــــــــــــي ...






 

رد مع اقتباس
قديم 07-06-2020, 06:18 PM   #68
JAN
مِرأة وٓاحدة … إنعِكاسات شٓتى !

الصورة الرمزية JAN
JAN غير متواجد حالياً

بيانات اضافيه [ + ]
 رقم العضوية : 115
 تاريخ التسجيل :  Mar 2020
 العمر : 23
 المشاركات : 9,849 [ + ]
 التقييم :  23316
لوني المفضل : Black
شكراً: 0
تم شكره 6 مرة في 6 مشاركة

مشاهدة أوسمتي





البــــــــــــــــاب العشـــ20ــــــــــــــرون ...
الفصــــــــــــــل الثالـــــــــ3ـــــــــــث ...
((والأخيــــــــــــــــــــــــــــــــــــــر ))

$$بهذا الفصــــــــــل الأخيـــــــر ..$$
لا عساي الا أن اقول لكــــــــــــــم $$
ننهايتنــــــــــــا ابتدت ..$$

((مرت الأيـــــــــــــــــام ...
أميره رفضت راكان ...
وتقدم لها فيصل ...
وأكيــــــــد وافقت وبكل فرحه ...
وزواجهم قريب ...
توليـــــــــــــــــــن ...
تركت طلال عشان جوجو ...
بس جواهر للحين مارجعت لها ...
بس على كذا الا انو تولين ماندمت عاللي سوته ...
مــــــــــايد تقدم للتوليـــــــــــــن ...
ووافقــــــــــــــــــت ...
برضو زواجهـــــــــــــــــم قريب ...
ليـــــــــــــــــــان اللي لحد الحين محد فهمها ...
بس عبدالمحسن تقدم لهــــــــــــــــــــا ...
وهي وافقــــــــــــــــــــت ..
وقريب زواجهم ...
نــــــــــــــــــارا ...
كل يوم يدق عليها يزيد بس ياتسكر بوجهه او ماترد عليه ...
((وبيـــــــــــوم من الأيـــــــــــــــام ..
يزيد طفش من هالحاله ...
راح للبيـــــــــــــت التوأم ...
دق على نارا بس ماردت عليه ...
وقف شوي يطالع البيت من الشارع ...
وبجرأه منه ...
نقز السور ودخل للداخل ...
لما وصل الباب الداخلي ...
رجع ورى البيت وهو يطالع فوق يدور على شباك للنارا ..
بس مايدري وين بالضبط ...
((الرسل للنارا :~
طلي من شباككـ ...
((نارا كانت منسدحه على السرير والجوال على الطاوله ...
أهملت نفسها من بعد آخر موقف ...
وبدت ترجع للقوقعتها المعتاده بأيام ريان ...
سمعت صوت المسج ..
بس طنشت ..
تفكيرها موقف ...
تحس انها ضايعه بهالدنيــــــــــــــا ..
((شوي وصل لها مسج ثاني ...
التفتت تطالع الجوال ..
ثم راحت وفتحته ..
لما قرت المسجات لها من يزيد ...
بلعت ريقها وهي تطالع الشباك ..!!
شيقصد ..!!
اتجهت للشباك بتردد كبيــــــــــر ..
فتحت الستاره وهي تطالع منها ...
لما نزلت عيونها للتحت لقت يزيد واقف يطالع كل الشبابيك ولما شافها ...
علق عيونه عليها ولا بعدها ...
حست بقلبها يدق بسرعه وهي تطالع فيه ...
-(يزيد رفع جواله ثم دق عليها وهو يطالعها ...
نارا بتردد كبير ردت وهي تطالع فيه من الشباك ..
-(يزيد ساكت شوي ثم قال بصوت هااااادي ونبره حزينه :~
أنا آســــــــــــف ...
آسف .. وربـــــــــــي آسف ...
سامحيني ...
عالأقل سامحيني لأني ..
أحبــــــــك من قلبي ...
-(نارا نزلت دموعها وهي تسمع كلماته ...
-(يزيد :~ آسف لأني نزلت دموعك ...
آســـــــف لأني كذبت عليــــــــك ..
آسف لأني حطمتك ...
سامحينــــــــــــي وريحينــــــــــي ...
ماقدرت أنام الليل وأنا أفكر فيك ...
ماقدرت ابعدك عن بالي ولو ثانيه ..
بليز ريحـــــــي قلبي اللي يتألم بسببك ...
نارا سمعيني صوتك ...
بليز ردي علي ...
قولي أي شي ...
بس لا تبكين ...
((نارا نزلت الجوال وسكرت الخط بوجهه وهي تبكي من قلب ...
بسرعه راحت عن الشباك واتجهت للبرى المبنى ...
لما طلعت ورى البيت وقف تطالع يزيد ...
بهاللحظه يزيد التفت عليها والضيقه موب سايعته ...
تنهد بألم وهو يطالعها ...
نارا تقدمت منه شوي شوي وهي تبكي أكثر وأكثر ...
مابينهم مسافه كبيره ...
-(يزيد بعيون كلها حنان وحب :~ سامحينــــــي ...
-(نارا بهاللحظه صارت تبكي بصوت مسموع وهي تقول بصوت قطع قلب يزيد :~
ماقدرت انساك ...
ماقدرت أكرهك ...
ماقدرت ماأسامحك ...
أنا أحبــــــــــك وهذي هي الحقيقه ...
ماأقدر أغيرها ...
ليتني أقدر انساك وأكرهك عاللي سويته فيني ..
بس موب قادره ...
ليتني اقدر ماأسامحك ...
ليت ليت ... والله ماأقدر ...
-(يزيد :~ خلينا نفتـــــــــح صفحه جديده ...
بتقدم لك وبطلبك من عمك ...
بس وافقي انتي بليز ...
-(نارا وهي تطالعه بعيون باكيه :~ طيب وزوجتك ...
-(يزيد بحنان :~ انسي موضوعها ...
عندها الخدم والممرضات والدكتور اللي يتفضالها لو تسوء حالتها ...
أنا مالي وجود بحياتها لأنها ماتعرفني ...
-(نارا :~ واذا تعافت ...!!
-(يزيد سكت شوي ثم قال :~ اتمنى لها العافيه ...
بس الدكتور استبعد هالإحتمال وفقد الأمل منه ...
ولو بيدي وديتها للأحسن الأطبا ... بس مثل مانتي شايفه ..
حالتها هي نفسها ...
حتى انا اللي كانت متعلقه فيني ...
ماتعرفني الحين ...
نارا لما نتزوج راح نسكن ببيت واحد ...
ومعنا أمجاد ... بس صدقيني وجودها ماراح يأثر فيننا ..
ماأقول هذا عن انانيه او شر ... بلعكس انا لو صج اناني جان رميتها بالمستشفى
وطلقتها بعد مامات ابوها ...
بس انا موب من النوع اللي ينكر المعروف ...
وأمجاد امانه برقبتي لا يمكن اهملها ...
أما انتي راح تكونين زوجتي الأولى والأخيره ...
لأن أمجاد صدقيني ماتعتبر زوجتي ...
أمجاد بالنسبه لي أمانه برقبتي لازم أحافظ عليها للأبد ...
أما انتي راح تكونين زوجتي وحبيبتي وأهلي وكل شي بالنسبه لي ...
نارا جد أنا احبك ...
قدري هالشي بليز ...
-(نارا بين دموعها وهي تطالعها ...
ابتسمت بضعف وهي تقول :~
أنا تحت أمرك بكل اللي تبيه ...
ولو تبيني اهتم بأمجاد ... راح أكون سعيده بهذا الشي ...
انت يايزيد قلبك كبير وأبيض ...
وأتمنى أكون مثلك ...
-(يزيد تنهد براحه كبيره ثم ابتسم لها بحنان :~
لو موب قلبك كبير وأبيض كان ماحبيتك ...
نارا ....
وحشتينــــــــــــــــــــــــــــــي حيل ....
.............
((من جهه ثانيــــــــــــــه ...
ليان جالسه بغرفتها ..
فتحت المسجل ثم دخلت الشريط اللي عطاها صقر ...
شغلته بتردد وخوف ...
وكانت الأغنيـــــــــــــــه هي ...
((راشــــــــــد – كثــــــر السنين ))

عــلى كـــثر الـسـنــين اللــي عرفـــتك مـاعرفـــتك زيــــن
تمـنـــيت إنــي مـا شـفــــتك ولا لحـــظـه ولا شـويـــــه
حسـبــت إنــت وأنـــا نبـقـــى حــبايـــب نبـقـــى أحــــلـى إثنـــين
حسـبــتك تبـقـــى لــي طـــول العــمـــر مخــلـــص وفــــي لـيــــا
وأثـــاري حـبنـــا كـذبـــه نســـيت العـشــــره فـــي يـومــــين
زرعــــت الـشـــوك أنــا بنفــســــي غـرســــت الهــــم بيــديـــا

أنـــا مـاكـــنت أظـــن اللــي يحـــب يحـــب لــه شـخـــصـين
عــلى بــالـــي أنـــا لحــالـــي وحـبيــــبي يمــــوت بـــس فــــيه
عـــلى الـنيـــه مشــــيت ومـاعـرفـــت أمـشـــي معـــاه لـويــــن
إلــــين الـوقــــت بــــيـّن لــي نوايـــا غـــدر مخـفــــيه
تعــــال وشـــوف وش كــــثر الـدمـــوع إللـــي تخـــون العـــين
كـــثر مــا خاننـــي حـــظي وعـرفـــتك وإنـــت مــو لــــيه

أنـــا شـاللـــي يــصبرنــي عـــلى هـمـــي معــــاك للحـــين
خـــلاص إبعـــد وأنــا ببعــــد ولا تســــأل أبـــد فـــيه
وإذا قـــصدك تـبيـــع وتشــــتري قـــلـبي أنـــا بحـرفــــين
أبمـحــي الحـــب مـن قـــلـبي واعـيشـــك ذكــــرى منـســــيه
أنـانـــي مـثـــل مــا إنـــت ولا يفــــرق معــــاك الـبــــين
وأنــا مــا عـــاد تعــــنـي لــي وخـســـاره فــــيك مـاضـــيه

بهاللحظه ماقدرت تمســـــــــك دموعهـــــا اللي نزلت بدون ماتحس ...
((مرت الأيــــــــام ...
وجى أخيرا زواج توامنــــــــــــــــا ...
الزواج كلهم بيــــــــــــــوم واحد ...
بقاعه وحده في زفه وحده ...
العم بندر تكفل بالقاعه وكل شي فيها ...
القاعه اللي اختارها كانت فخمه وكبيـــــره ...
توأمنا عزمو تقريبا كل الجامعه بعد ماكتبو إعلان بالنت للطلاب الجامعه الأمريكيه بدبي...
الدعوه كانت لهم عامه ...
قسمين ... للحريم وللرجال ...
على كبر القاعه الا انها صارت زحمه من الحظور الكثير ...
((نزلو الأربع البنات مع بعض بالزفـــــــــــــه ...
توليــــــــــــــن ونــــــــــــارا وليــــــــــان وأميــــــــــــره ...
وكل وحده بفستانهـــــــــا الأبيض ...
الأغنيـــــــــه بالثاعه على نزولهم للأسيــــــــــــل عمران ...
الله يهنينــــــــــــي فيكـ ...
مع موسيقى هااااديـــــــــــــه ...
أم تولين نزلت دموعها وهي تشوف بنتها تزوجت ولد اختها ....
مايد ...
وبرضو خالتها نفس الشي نزلت دموعها وهي تشوف تولين الصغيره اللي يحبها ولدها من كان صغير ..
اليوم زواجهم ...
((من جهه ثانيــــــــــه عند الرجال ...
فيصـــــــــــل ويزيـــــــــــد ومــــــايد وعبدالمحســــــــن ...
الفرحـــــــه موب سايعتهم ....
وهم يسلمون عالظيوف ...
العم بندر جالس بالقعه وهو حاط رجل على رجل ويحس براحه كبيره وهو يشوف
عبال أخوه تزوجو وعاشو حياتهم وهو مرتاح ...
وهو بقلبه يقول للأخوه وجده وجدته المرحومين :~
تقدرون الحيـــــــن .. تنامون براحــــه واطمئنان ...
عيال بدر الحين بأمان ...
الله يوفقهم ويسعدهم ...
((في الليل ..
الساعــــــــــه 4 الفجـــــــــــر ...
عبدالمحسن وليان دخلو بالفندق ...
ليــــــــــــان جالسه وهي منزله راسها بهدوء وصمت ...
-(عبدالمحسن جلس بجمبها وهو يقول :~
مبروكـ علينا ...
-....................
-(سكت شوي ثم قال :~ ليان جوعانه ..!!
-......................
-(بلل شفايفه وهو يحس بالجو متوتر بينهم ...
مايدري ليش مايحس براحه بوضع ليان :~
ليان .. انتي تحبين صقر ...!!
-(رفعت راسها وعيونها غرقانه دموع :~ أنا آسفــــــــــه ...
بس بليز ساعدنــــــــي ...
((بهاللحظه انهارت قدامه وهي تقول :~ ماقدرت أنساه ...
تكفى طلقنـــــــــــي ... ورجعني للصقر ...
بليز عبداالمحسن رجعني للصقر ..
قول لي وين يسكن .. بأي دوله ...
لازم الروح له ...
ماأقدر على فراقه أكثر من جذي ...
((مسكت بشته بتوسل وهي تبكي :~
تكفى سامحني ....
بس انا ابي صقر ...
موب قادره على فراقه أكثر من جذي ...
((عبدالمحسن مجممممممد مكانه بدون أي كلمــــــــــه ...
أما ليان استمرت تقول بتوسل :~
طلقني ... خلني ارد للصقر ...
لا تحرمنـــــــي منه بليــــــــز ...

$$ برايكـــــــــــــــم هذا حقيقــــــــــــه ..!!! ..؟؟ ..$$
أكيـــــــــــــــد .. لا __^ ...$$
لأن ليـــــان أختارت طريقها بقتناع وثقه ...
ومافكرت لو دقيقه تتراجع عن قرارها ..$$
دامهــــــــا مع الشخص اللي تحبــــــــــه الحيــــــــــــن ..$$
يعنـــــــــــي اللي قبل حطو x عليه __^ ...$$
والحقيقـــــــــــه هي ..........$$

-(بلل شفايفه وهو يحس بالجو متوتر بينهم ...
مايدري ليش مايحس براحه بوضع ليان :~
ليان .. انتي تحبين صقر ...!!
-(تنهدت بضيقه ثم رفعت راسها له وهي تقول له بهدوووووء :~
الحقيقـــــــــــه ... ماأقدر أقول لك أكره صقر مثل قبل ...
أنا ياعبدالمحسن تزوجته وأنا أكرهه بجنون ...
بس بعد ماتزوجته رغم انه غصبني عالزواج ...
الا اني اكتشفت فيه اشياء كثيره حلوه ...
غيرت نظرتي له من سلبيه الى ايجابيه ...
رغم كل اللي صار بالأخير ...
الا اني ماأقدر اقول الحين غير ...
صقر بالنسبه لي ذكرى غاليه ...
رغم انه هو بإرادته افترقنا ...
بس أنا الحين مرتاحه عالأقل لأنه أختار حياته وعرف
كيف بيعيشها ...
بيربي ولده وبيكون ولده كل حياته ..
وانا اتمنى له كل التوفيق ...
ومتأكده انه راح يربي ولده أحسن تربيـــــــــــــه ...
صقر الحين عنده ولده عبدالمحسن ...
أما أنا الحين عندي ...
((ثم رفعت عيونها عليه وكملت تقول :~
أنـــــــــــــــت ...
وانشالله نقــــــــدر نسعد بعض ...
((عبدالمحسن ابتسم براااااااحه كبيره وهو خايف لا يكون ليان
تراجعت عن قرارها أو أي شي ثاني ..
كلامها اسعده بشكل ماتتصوره ...
وأخيــــــــــرا ...
هالمره حب من كل قلبه وتحقق له حبه اللي انتظره للسنوات طويله ...
-(عبدالمحسن :~ ليان أنا للحين أحبـــــــــــــج حيل ...
وانشالله نترس البيت كله عيال __^ ...
وأول واحد راح نسميه ..
صقــــــــــــــــــر ...
-(ليان ببتسامه حلوه :~ اللي تشوفــــــــــــه حبيبـــــــــــــي ...
-(عبدالمحسن :~ يابعد قلبــــــي والله ...

$$ وهذي نهايــــــــــة قصة ليان والأخويـــــن صقر وعبدالمحسن ...$$
$$ تعلمنــــــــــا منهم ..$$
انو مافيــــــــه شي يجـــــي بالغصــــــــــــب ..$$
ولا عمر الواحد ماراح يحقق اللي يبيه بالإجبار ...$$
صقــــــــــــر عاش حياته براحة باااااااال وبدون هموم ...
صار كل تفكيره ولده عبدالمحســــــــــــــن وبس ...
أما ولده كل يوم يتعلق بأوه بشكل جنوني ...
الثنين صارو كل حياتهم مع بعض وبس ...
أما ليان وعبدالمحسن ...
عاشو حياتهم مع بعــــــــض ..
بوجود الحــــــــــــــــب والحنان ...$$
((نرجــــــــــــع شوي للورى ...
عنـــــــــد توليـــــــــــن ومايــــــــــد بأول ليله لهم ...
((مايد جالس جمب تولين يطالعها بحــــــــــب عميييييق ...
تولين رفعت راسها له بخجل وهي تقول :~
شفيك تطالعنــــــي ..!!
-(مايد ببتسامه :~ أمتع عيونـــــــي بأحلى بنت بالعالم ..
-(تولين بضحكه خفيفه :~ اخلى بنت بالعالم مره وحده ...!!
يالله أستاهل أنا ..
-(مايد ضحك وهو يقول :~ وانتي للحين على نفس الغرور ..!!
-(تولين ضحكت وهي تطالع فيه :~ شأسوي .. هذا طبعي وماأدقر أغيره ..
-وأنا عايبني طبعج وغرورج وكلش وماأبيج تغيرين أي شي فيج ..
-_ابتسمت :~ خلاص دام مايد زوجي عايبنه غروري .. عيل ماعلي من العالم وكلام الناس ..
-(مايد :~ ههههـ وهذا أحلى راي ..
((تقدم شوي منها ثم مسك يدها وهو يقول بحب :~
انشالله نكون أحلى ثنائي مع بعض ...
-(تولين سندت راسها على كتفه وهي تقول :~ قولي لي شساويت بالخارج ..!!
منو قابلت ... وين رحت ... قول كل شي ..
حابه أسمعك ..
-(مايد ابتسم بخفيف وهو يقول لها :ْ ماصار شي عادي ..
-(تولين :ْ تبي تقنعني انك ماحبيت أي بنت ..!!
-وليش ماتقتنعين دامج انتي كنتي كل تفكيري ..
-(تولين :~ كنت ..!!
-ههههـ ولازلتي ولا يهمج ...
بس هاه اذا مانتبهتي لي ترى برد حق لمى ولا ملاك ..!!
-(رفعت راسها بسرعه وهي تقول :~ ايوآ ايوآ .. منو هالبنتين ..!!
-(ضحك وهو يطالع فيها :~ بنات الله يستر علينا وعليهم ...
-(تولين :~ لا لا قول لي شسالفتهم ..
-(مايد وهو يضحك عليها :~ لا أبد كانو زميلاة لي بالجامعه ...
مافي شي أكثر من جذي ..
-(تولين وهي تطالعه بشك :~ أي لا صدقت ماشالله ..
-هههه أهم شي ماعلينا ... شرايج نتعشى لأن حدي يوعان ..
$$وهـــــــــــــــذي نهايــــــــــة قصـــــــــــة توليــــن ومايد ...$$
وطـــــــــــــلال اللي كمل حياته مثل قبل ...
سافر للخارج ويكون دكتور بجامعه بالخارج بعيد عن الجامعه الأمريكيه بدبي ..
لأنها راح تذكره بتولين كل مره ...
سافر وعاش حياته بعيد عن الكل وهو يعلم ويعيش حياته مثل مايبي ..
بس طبعا أبدا مايفكر بالزواج ...
ولا يبي يتزوج ...
البنت اللي غيرت نظرته للزواج تزوجت وعاشت حياتها ...
عشان كذا راح يعيش حياته مثل قبل مايعرفها ...
طلال يتمنى للتولين بالتوفيق والسعاده ...
وهو عايش براااحه كبيره بالحياه اللي يعيشها الحين ..
أما جوجو ... تزوجت شخص ثاني تقدم لها بعد مانتهت من الجامعه ...
أما سعد للحين ماتزوج لأنه يطور من نفسه ... بالعمل ...
لكن بنت عمه محجوزه له طبعا من الأهل ولا هو عادي عنده ..
المهم تكون بنت محترمه تختف ربها ...
$$ وهذي نهاية قصة بطلتنا التوأم توليــــــــــن بحياتها ...$$
((نرجع برضو شوي للورى ....
عند نارا ويزيـــــــــــد ...
-(يزيــــــــد يطالع نارا بنبهااااااااااار من شكلها ...
-(نارا وهي تطالعه ببتسامه والعجيب انها ماتستحي لأن طبعا جريئ وغامض :~
يزيد شفيك تطالعني جذي ..!!
-(يزيد ببتسامه واظح عليها الإعجااااب :~ لا بس مندهش من جمالك اللي مخبيته كل هالعمر حرام
عليك ...
نارا بضحكه :~ بس جذي ...!!
-(يزيد ضحك لأنه عارف انها تبي مدح أكثر ... بس حب يعاندها شوي :~
أي يعني موب مره طالعه حلوه .. بس كتغيير حلو ..
-(نارا حطت رجل على رجل وهي تقول ببتسامه واثقه :~
عارفتك زين .... هالكلام تحاول تقهرني ..
لا تحاول المره اليايه لأني صرت اعرفك اكثر من نفسك ...
قول قول انك واااااو معجب بشكلي للدرجة الجنــــون ...
-(يزيد :~ ههههـ يعني خلاص مايمديني العب عليج شوي ...
-لا .. الا اذا تبي تلعب على روحك براحتك ...
-(يزيد فسخ البشت والثوب وبلوزته ثم انسدح عالسرير وهو يقول :~
اجل خليك لحالك ... بنام انا ..
-(بقهر رمته بالمخده وهي تقول :~ قوم عاد بتهدني جذي لحالي ..
-لا تحاولين .. خليني اناااااام ...
((نارا تنرررفزت من حركاته لأنه مهما سوت يقدر ينرفزها بأي طريقه ...
بوزت مقهوره وهي جالسه ...
ماحست الا باللي وراها يغمض لها عيونها وهو يقول :~
شرايج ننام ...!!
-(نارا بعدت يدينه وهي تقول بتغلي :~ انسى ...
نام لحالك ...
((ثم اتجهت للصاله ...
بعد مابدلت فستانها ببقميص رايق وحلو ...
طالعه مررره كيوت ...
يزيد لما دخل عندها بالصاله ...
انسدح عالكنبه وحط راسه عليها وهي جالسه ..
-(يزيد وهو يطالعها ببتسامه :~ بنام عليك .. ممكن ..!!
آها أكيد ممكن ... يالله قصي لي قصه حلوه عنوانها ..
توأم ولكن أغارب ....
-(نارا :~ يووووووووووه لاااا طويله ...
خلاص يكفي اقص لك قصة ليلى والذئب ...
-(فتح عيونه ثم قال :~ مالت ... غيريها تكفين ..
مليت منها من كثر ماتقولها لي أمي ...
-(نارا تبي تقهره :~ اييي نسيت انك دلوعة ماما ... رغم هيئتك ماشالله تبارك الله ..
الا انك للحين دلوع مامتك ..
-(يزيد وهو مبتسم :~ لا خلاص انا الحين دلوع حبيبة قلبي نارو ...
-(نارا استحت بس ماحاولت توظح وهي تقول له :~
طيب بقول لك رواية توأم ولكن أغراب ...
((توها بتبدى الا ومسك يدها يزيد وحطه على شعره وهو يقول بدلع :~
وانتي تروين لي القصه العبي بشرعي عشان ادخل جو مع الروايه ...
((نارا ابتسمت وهي تشوف كيف مدلل الولد وواظح عليه متعود على كذا من أمه ...
بس نارا راح تكون أحن من أمه بطريقتها وبحبها الكبير له ...))
-(وهي ببدياة الروايه قالت :~ يزيد ممكن أقولك شي ..!!
-لبيه قولي ..
-اذا يانا ولد شبنسميه ..!!
-انتي وش ودك ..؟؟
-الحقيقه ... ودي اسميه ر... آآآآ ... ريـ ...
((ماقدرت تكمل بس يزيد اختصر عليها الوضع ثم قال وهو مغمض عيونه :~
ولا بهمك ... راح نسميه ريــــــــــــــان ...
بس يالله عاد كملي الروايه تراني تحمست ...
((تنهدت بفرحه كبيره ثم كملت تروي له الروايه ...))
$$ وبكـــــــــــذا نهايـــــــــــــــة قصــــــــــة نارا ويزيـــــــد وريــــــــان ..$$
يزيد رغم طوله وعرضه بس حركاته طفوليه عند نارا ...
نارا تدلعه بشكل جنوووووووني ...
تحاول تخليه أسعد واحد بهالعالم ...
تحاول تنفذ له كل اللي يبيه ...
وبعض الأوقات تروح وتشوف أمجاد بنفسها وتهتم فيها ..
لأن أمجاد موب حاسه بأي أحد ...
....................
((طيب نــــــــرجع مره أخيــــــــــــره ..
لفيصــــــــــــــــــــل وأميـــــــــــــــره ...
فيصل وهو واقف بعيـــــد عنها قدام الماريه بعد ماغير ثوبه ببجامه نيليله غامقه ..
وهو يعدل شعره ومطنش أميره اللي جالسه على السرير وهي
تحترق من القهر ..
تطالع فيه تنتظره يتكرم الأخ ويلتفت عليها ...
بس شكله مطول قدام هالماريه ...
أميره بقلبها :~....
أنا قايلته هالشعر ماراح يي من وراه الا المتاعب ...
-(تنحنحت شوي ثم قالت :~ يوه اليوم مره تعب ييب الجوع
<~ على وزن تراني جوعانه ككككـ ...
-(فيصل كتم ضحكته ثم قال :~ لا وانتي الصادقه ييب العطش ...
بروح اشرب ماي تبين ...!! ...
-(أميره حقدت عليه عشان كذا قامت تتروش ابرك لها منه ...
مرت ساعتين كامله وهي بالحمام ...
قاصدتها فيه ..
فيصل عاض شفته وده يطقها ..
وهو يقول بقلبه بقهرررر :~
أصبري علي ياأميروه كل هذا تتروشين ..!!
((بهاللحظه سمع صوت الباب ينفتح ..
فيصل علطول انسدح على السرير يقاله نايم ...
أميره لما شافته نايم ابتسمت بخبث وهي تقول بقلبها :~
كاشفتك لا تحاول تصرفني ...
((تقدمت منه بهدوووووء ثم صرخت بكلمـــة :~
صرصـــــــــــــــــــــوووووور ...
((ماحست الا باللي نقز من السرير ...
فيصل بسرعه وقف بزاوية الغرفه وهو يحكك يدينه ببعضها متقرف ورجله فوق
الثانيه ...
-(أميره بصوت عالي :~
هههههههههههههههههههههاي ...
ياربي شكلك يضحـ ... ههههه .. يضحححكـ ..
هههههههههههههههههههههه..
-(فيصللما لاحظ انه مقلب بسرعه راح لها وشالها بين يدينه ثم فتح الباب وهو يقول :~
نامي برآ الفندق بكبره ...
-(أميره وهي ميته ضحك :~ لا لا لا خلاص ههههههههههههههـ ...
-(فيصل :~ عيل اسكتي ..
-(حطت يدينها على فمها وهي تحاول تسكت ...
لف ونزلها ثم سكر الباب بعده ...
بهاللحظه أميره انفجرت ضحك مره ثانيه ...
وبسرعه بتنحاش قبل لا يمسكها فيصل اللي للحين قلبه يدق بقوه من
الروعه اللي تو ...
فيصل بالصاله يحجر لها وهو يقول :~ ماسكج والله ماسكج لا تحاولين تنحاشين ..
-(أميره وهي تهز كتوفها وراسها :~ بأحلامك ياقدع ...
-(فيصل :~ لا تتحدين ...
((بسرعه نقز الكنبه وأميره صرخت وهي ميته ضحك لما وصلها ...
توه بيمسكها بس دفته بقوه ..
فيصل طاح عالكنبه وهو يقول :~
والله انها ولد موب بنت ...
((فيصل توه بيقوم يلحقها بس خطرت بباله فكره خبيثه ..
بسرعه انسدح عالأرض كأنه داخ لما دفته بقوه ...
أميره وهي بالغرفه استغربت فيصل مالحقها ..
للحظات طلعت تبي تتأكد شسالفه ...
لما شافته عالأرض شهقت بروعه وجلست عنده وهي تقول بخوف :~
فيصل ...
((بهاللحظه فيصل مسكها بقوه مع كتوفها وهو يضحك بخبث :~
هاهاااي تتحديني عيل ..
((أميره حقدت عليه كيف لعب عليها بهالسهوله ...
((فيصل عدل جلسته وهو يقول :~ شلون تبيني أعاقبج ..!!
-(أميره حطت رجل على رجل وهي جالسه على الكنبه :~
ماشالله أول ليله لنا تفكر شلون تعاقبني ..
-(فيصل وهو ماسك يدها بقوه وجالس جمبها عالكنبه :~
لا والله .. بللاهي عاد ... من اول ليله لنا تنقزيني بنص نومي تقولين صرصور..!!
نيالك الحقيقه ...
-(أميره التفتت عليه وهي مبتسمه :~ خلاص قلبك كبير وأبيض وتسامح ..
-(فيصل مسوي جاااد :~ لا لا تحاولين ابدا ..
-(أميره رفعت حاجب وهي مبتسمه وكأنها عارفه له كيف ...
وهي تطالعه وبدلع طفولي مصصطنع :~ فيصل تحبني ...!!
-(فيصل كان مسوي جاد .. بس من حركتها قلبته مره وحده وخف على يدها شوي
من القبضه القويه وهو فاتح فمه :~ هاه ...!!
-(أميره :~ تحبنــــي ..!!
-(فيصل راح فيها أول مره يشوف أميره بهالدلع اللي بيذوبه الحين ..
وهو يطالع بعيونها بحب :~ وآآآحلوك ياناس ... اذا ماحبيتج عيل من أحب ..!!
-(أميره وكأنها وصلت للي تبيه وكملت :~ بس اللي يحب مايقلب أول ليله نكد ..
-(فيصل وهو رايح فيها :~ أمزح وياج شدعوآ يابعد قلب فيصل ...
قومي قومي بقلب لج اليله رومانتك ...
ولا تدرين خليج جالسه انتي هني ..
((بسرعه راح ودق بعد مارتب الوضع كله ...
مسك أميره مع يدها ودخلها الحمام وهو يقول :~
بس شوي خليج هني ..
-(أميره بحقد :~ بالله وين الرومانتك اللي تتحجى عنه مع ويهك ...
-(غمز لها ببتسامه :~ بس شوي ياقلبي ...
((وفعلا ماهي الا لحظات ثم رجع لها وطلعها من الحمام وهو مغمض عيونها ...
-(أميره :~ فيصل على وين ماخذني ..
-(فيصل :~ لا لا بس شوي ...
(( لما دخلها بالغرفه توه بيفتح عيونها الا وضربت رجله بالكرسي وبقوه طاح على أميره ...
-(أميره بصرخه :~ آآآآآآي .. كسترني قوم عني ..
-(فيصل وهو يضحك :~ ههههه الظاهر الرومانسيه ماراح تكتمل ..
يالله يالله شرايج بالله ...
-(أميره رفعت عيونها على اللي حواليها بنبهااااار ..
تو كانت غرفه عاديه بفخامتها ...
بس الحين قلبت أنوار خاااافته والورد الأحمر بكل مكان والريحه خطيره ...
أميره من جد انبهرت باللي تشوفه ...
-(أميره :~ وآآآآو شلون قلبته جذي مره وحده ..
-(فيصل وهو يقرب منها شوي :~ لعيونج .. أغيــــــــــــر العالم كله ...
تدرين شكثر ندمان عالسنوات اللي ضيعتها بدون ماأبادلج الشعور ...
بجد كنت عميان ... جدامي طول الوقت ولا أحبج ..
صج أسك بعقلي ...
-(أميره انحرجت ماتدري وش تقول غير :~ توك تدري ان عقلك نص ونص ...
-(فيصل ضحك لأنه يعرف أميره ماعندها اسلوب بس رغم كذا يحبها ...
وقفها عن الأرض وهو مقابلها وجه لوجه رغم انها أقصر منه بكثير ...
عشان كذا جلس هو على السرير وجلسها جمبه ...
-(فيصل :~ أميره صج بسألج سؤال بس ابيج تجاوبيني عدل ..
-(أميره ابتسمت له :~ ؤكي تفضل ...
-(مسك يدينها بين كفينه وهو يقول :~ أنا كنت قاسي عليج بالسنوات اللي راحت صح ..!!
-(أميره نزلت عيونها ولا ردت ...)
-(فيصل :~ عذبتج صح ..!!
-....................
-جرحتج كثير .. صح ...؟؟
-...................
-(فيصل تنهد ثم قال :~ شلون تبيني أعدل كل هالأخطاء ..!! ...
لأني أنا بنفي موب قادر اسامح نفسي ...
-(أميره ماحبت تطول الوضع بهالكلام تبي تغير السالفه عشان كذا قالت بستهبال :~
تحجى سعودي ...
-(فيصل ابتسم لها وهو يحاول يفخم صوته :~ تامرين أمر كــم عندنا
من أميره ...فديت قلبك والله ...
ههههه هاه شرايج الحين ... أقصد شرايك الحين سعودي أصل وفصل ولا ..!!
-هههه لا أبد عشره على عشره ...
-(فيصل ابتسم بحنان :~ عسى الله يخليك لي ولا يحرمني منك قولي آمين ..
-....................
-قولي آمين ...!! ..
-هههـ آمين ...
$$ وبكـــــــــــــذا نهايـــــــــــة قصــــــــــة فيصـــــــــــــل ...
وأميــــــــــــــــــــــــــره ...
رغم حبهم للبعض الا انهم كل ثانيه ودقيقه يتناقرون ...
أميره بالسنوات البعيده من زواجهم ... تأخرت تجيب الطفل ...
الكل مستغرب ليش للحين ماحملت ...
رغم انها مرت 12 سنه بس فيصل دايم يردد لها كلمه وحده :~
أنتي أهلي كلهم ... يكفينـــــــي وجودك ووجود ميما جمبي ...
احنا الثلاثه أسعد ناس مع بعض ...
وتأكدي ياأميــــــــره .. لا يمكن أفكر بوحده غيرك ...
راح نعيـــــــش مع بعض ونشيخ مع بعض ...
((هالكلمات كانت تشجع أميــــــــــــره بشكل كبير ...
ميما عندها أكثر من بنتها ...
أميره صارت ماتشوف أحد بحياتها غير ميما وفيصـــــــل ..
هم حياتها كلها ومغنينها عن العالم ...

(( نهايــــــــــــــــــــــة روايتنــــــــــــــــا قربت ....
وخلونــــــــــي أتكلم لكم عن فرد فرد بهالروايه وإيش صار عليه ...
((قروب فيصـــــــــــــل ...
فهـــــــــــــــــد ~~> تزوج بنت اختاروها أهله له ...
عاش معها كأي زوج يحب زوجته وعياله ويقدرهم ....
جابت له ثلاث أطفال لحد الآن ...
((برهــــــــــــــوم ~~> تزوج نجــــــــــــود صاحبـــة أميـــــــــره ...
وعندهم طفل واحـــــــــــد لحد الآن ...
-((متعـــــــــــــب للحين ماتزوج لأنه مسافر بعد ماكمل الماستر وبيكمل الدكتوراه ...
وبعدها راح يفكر بالزواج أكيـــــــــــــــد ...
رغم انه عاش قصة حب وهو يدرس الماستر ...
لوحده من أصل سويسرآ ...
ومن حبها الكبير له اعتنقت الإسلام وتنتظره يتقدم لها بعد الدكتوراه ...
-((عبـــــــــــــادي ~~> للحيـــــــــــــن ماتزوج ...
وهو يشتغل مترجم لغه صينــــــــيه وكثيره تنقالته بين دوله ودوله عشان كذا للحين ماتزوج ..
بس أكيـــــــــد راح يجي اليوم اليوم يطلب من أهله يدورون له على زوجه ...
-((مساعــــــــــــــــــــد ~~> تزوج بنت بعمر 16 سنه ...
وهذا اختياره رغم ان عمره صار 31 سنه ...
مدللها بشكل كبير وعايشين حياة راااايقه للأبعد الحدود ...
بس دايم يردد لها كلمه وحده :~
تذكرينـــــــــــــي بوحده أسمهـــــــا أميره كانت معاي بالجامعه ...
((زوجته نفس هبال اميره ... بس يمكن أقل بشوي لأن أميره محطمه الرقم القياسي ...
((قروب فيصـــــــــــــــــل للحين يجتمعون مع بعض ويرجعون أيام الجامعه ...
صحيح قلييييييييييييييييييل يشوفون متعب وعبادي ...
بس أكثر شي فيصل وفهد ومساعد وبرهوم دووووم مع بعض ...))
-((وتيـــــــــــــــــن ~~> تزوجة رجال غني جدا ... بس كبير بالسن مره ...
قبلت فيه علطول لأنها تبي تطلع من عيشتها الكريهه عند زوجة عمها ...
زوجها مدللها كثير وهي ماقصرت برضو ...
كل شي تتمناه يحصل لها ...
جابت طفلين منه للحد الآن ...
-((تركـــــــــــــــــي أخو فيصل بالرضاعه اللي تربى عندهم ~~>
تزوج العنـــــــــــــــــــــود ...
بس حياتهم نكديه مره مع بعض ...
طبعا مو من العنود النكد .. بالعكس هي مره حبوبه مثل ماعرفناها ...
بس تركي هو اللي طايش للحين رغم انه يحب العنود بشكل كبير ..
لكن طبعه النكدي مايقدر يغيره ...
جابت منه أطفال وصارو حياتها كلها ..
لأنها ماتحب تركي أبدا بعكسه هو يمووووت فيها ...
بس بالنسبه لها حبها كله صار على أطفالها ...
-((نـــــــــــــوف ~~> للحين على نفس وقاحتها ...
ماتغيرت رغم مرور السنين ..
ماتزوجت ... أشتغلت بشركه ...
بس يمكن يجي اليوم اللي ربي يهديها ..
كــــــــــــــل شي جايز بهالدنيـــــــــــــا ...
واحنـــــــــا نتمنى لها كل خيــــــــــــــر ...
-((صاحبات نارا الإيمو ....
تركو حركات الإيمو وكل وحده عاشت حياتها على اللي تبيه ..
اللي تزوجت واللي كملت دراستها . . . . الخ ...
-((جواهـــــــــــــر ~~>مثل ماقلنا تزوجت وعاشت حياتها بهدوء ...
بس علاقتها مع تولين رجعت مثل قبل ...
لأن جوجو بنفسها صارت تتقرب من تولين وتدق عليها ...
صارو مع بعض مره ويمكن أكثر من قبل ...
لأن تولين اختارت الصداقــــــــــــه على الحــــــب ...
-((الدكتـــــــــــــــور طلال ~~> ...
رغم مرور السنين الا انه على نفس حالته .. مايفكر يتزوج أبدا ولا يبي يتزوج ...
دكتور بجامعه في أوربا ..
رغم السنوات الطويله ...
الا انه مانسى تولين أبدا ...
وبيوم من الأيــــــــــــــــــــــــــــــام ...
وهو ببيته الكبيـــــــــــــر والفخم بالخارج ...
يقلب بالقنوات ...
ثم رجع للقناه بعد ماشدته أغنيـــــــــــــه ...
ذكرته بتوليـــــــــــــــن وهو يفكر بكلامااااتها ...
أغنيـــــــــة نبيــــــــل شعيـــــــــــــل ..
((وش مســــــــــــوي ))
...............
وش مسوي مع غيري !!

وش الدنيا في قربه قول
يا روحي إنته متهني ؟
ولا بشوق لي مشغول ؟
أنا ما زلت أفكر فيك
وأموت في حبك وطاريك
ولكن هاذي أطباعي
أخبي الحزن بي ما قول
رجعت أسأل غصب عني
جبرني الشوق وأعذرني
أنا ما أقدر على قلبي
عجزت ألقى لوفاه حلول
أنا ما زلت أفكر فيك
وأموت في حبك وطاريك
ولكن هاذي أطباعي
أخبي الحزن بي ما قول
أمانه إن جيت في بالك
تطمن قلبي عن حالك
على الذكرى أنا عايش
وكيف أنساك .. مو معقول
أنا ما زلت أفكر فيك
وأموت في حبك وطاريك
ولكن هاذي أطباعي
أخبي الحزن بس ماقول

((طلال حس بضيقه ... عشان كذا سكر التلفزيون ثم راح ينام للدوامه بكره بالجامعه ..))
-((أم التوأم الروسيــــه ~~> بكل اجازه تشوفهم ...
مره يروحون لها ومره تروح لهم ... يعني مانقطعو عن بعض ابدا ..))
-((العــــــــــــــم بنـــــــدر ~~> تولين خطبت له ليلى أخت يزيد ...
وفعلا بندر لما شاف ليلى اعجبته وبعد كذا تزوجو ...
أول طفلين له سماهم ..
على أسم أبوه ((الجد)) وعلى أسم أخوه بدر ...
ليلى نسته أسيل وطوايف أسيل ...
صارت حياته كلها ...
وبرضو هي نفس الحاله .. تحاول تسعده بأي طريقه ...


]((( أعتقــــــــــــــــد انتهيـــــــــــــــــــت ...
بس باقي ثلاث أشخـــــــــــاص ماتكلمت عنهم ...
إسحاق ((الغريب))
راكان ..
مشاعل ..
((بعد سنــــــــــــــــــــوات طويــــــــــــــله ...
بيوم من الأيـــــــــــــــام ...
ميشــــــــــــــــــو جالسه بالغرفه ...
وهي ترتب الأغراض طاحت عينها على كتاب كبير شوي ...
فتحته بستغراب لأن واظح عليه قدييييييم ...
بس ياليتها مافتحته ...
كانت الصدمــــــــــــــــه عليهـــــــــــا كبيــــــــــــــره ...
الصفحــــــــــــــــه الأولى مكتـــــــــــــوب فيها :~........

29/5
أول يوم لــــــــــــي راح أكتب بهالمذكره ...
وأنا الحين بالمستشفى ...
بعد حادث الحريــــــــق بالجامعه ...
صحيح ظهري مشــــــــــــوه بالكـــــــــــامل ...
بس كل ماتذكـــــــرت ان هذي مو المصيبــــــــــه ...
بعد ماقال لي الدكتـــــــور عن مرضـــــــــــي ...
يهون عندي الحروق ولا هالمرض الخبيـــــــــــــث ...
كــــــــــــانت عندي أحلام وأمنيـــــــــات كثير بالمستقبل ..
خاصتا بعد ماقابلت البنت اللي جذبتني ...
حطمنـــــــي الدكتـــــــــــور مره وحــــــــــده وهو يقول لي هالخبر
الحزيــــــــــــــــن ...
خبيــــــــــت هالخبر عن الكل ..
غصـــــــــــب عني ..
مابي أي أحد يطالعني بنظره رحمه ...
حتى أمــــــــــــــي .. ماقالت لها ...
لأنها راح تبكي ليلها ونهارها عشـــــــان شي مفقود الأمل منه ...
أنا أعتبــــــــر نفســــــي من اليوم ..
ميــــــــــــــت ...
سواء الحين أو بكره ..
الموت قريب مني ...
.........
9/6
حاولــــــــــــــت أتقرب منها اليـــــــوم ..
بس فجأه تذكرت المرض الخبيث اللي بدمــــاغي ..
أبتعدت علطول لأني مابي أعلقها بوهم بعد كذا تنصــــــــدم
بخبــــــــــــــر وفاتــــــــــــــي ..
تمنيت أقولها شكثر هي عاجبتنـــــــــــــي ..
شكثـــــــــــر حبيتها حيـــــــــــــل ..
وكل يوم يزيد حبي لها ...
بس كل هذا مايفيد ..
لأني راح أمـــــــــــــــــــوت قريــــــــــــــب ...
راكـــــــــــــــان .. بعد كم سنه ..
ماعاد له وجود بهالحيـــــــــــاه بين هالعالم ...
مابي أعذب بنت حبيتها معـــــــــــــــاي ..
كفايه انا اتعذب كل يوم ويوم ..
مالهــــا أي ذنب تتحمل هالألام معاي ...
بس لأني أحبها ..
عشان كذا أحســـــن حل ..
هو اني أبتعد عنها ...
رغم عذاب مرضـــــي يزيد عليه عذاب حبي ...
شذنبـــــــــــي أنا ..!! ..
لأني حبيـــــــــــــت ...

18/6
جرحتـــــــــها .. وبقصــــــــــد ...
لأنـــــي اكتشفت اليــــــوم بس ..
البنت اللي أحبهــــــــــــــا ..
تحبنــــــــــــــــــي ..
وياليتهــــــــــــــا ماحبتنـــــــــــــي ..
ماتدري انها تحــــــــــــب انشان قريــــــــب يومه ..
جرحتهــــــــا بكلام أنا عذبنــــي قبل مايعذبها ...
بس غصـــــــب علي ..
لأني مابي أعذبها بعد ماأختفـــــــــــي عنها وعن هالحياه ...
اليــــــــــــوم بس تمنيـــــــــــــــت وبقوووه ...
ان هالمــــــــــــــرض بشخص غيري ...
لأنـــــــــــي ابي أعيش الحب اللي حبيتــــــــــــــه للهالبنت ...
أحبهـــــــــــــــا بس غصب علي اوظح لها الكــــــــــــره وبقســـوه ..
لازم تكرهنـــــــــــــــي قبل لا أمــــــــــــــوت ...
ليـــــــــــــــــش حبيتيــــــــــــــتني ليـــــــــــش ..
انتــــــي كذا تزيديــــــــــــن عذابــــــــي عذاب ...
عذاب مرضـــــــــــي اللي راح يفجر راسي ..
وعذاب حبـــــــي لكـ ...
أحبــــــــــــــــــــــــك للجنـــــــــــــــون ..

28/6
آســـــــــــــــــــــف ..
انتــــــي اجبرتينـــــــــــــــي أقســـي عليكـ ..
تكفيــــــــــــــن ..
وقفـــــــــــي عن حبــــــــــــي ..
لأنك تعذبينــــــــــي بدون ماتحسيـــــــــــــن ..
أتعذب وربـــــــي أكثــــــــــر منك ...
أفهمــــــــــــــي أفهمــــــــــــــي ..
أنا أحبــــــــــك بس قريب راح أمـــــــــــــــوت ..
كفايـــــــــــــــه عذاب يابنت ..
كفايـــــــــــــــــــــــــــــــــــه تكفين ...
وقفي عن حبي ...
مليت من هالعذاب اللي بداخلي ..
مليت من كل ليله أبكـــــــــــــــي فيها لحالـــــــــــي ..
تحت الظلام ...
أبكــــــــــي فيها على حظـــــــــــــي ..
على حبـــــــــــــــي ..
على مرضـــــــــــــــي ..
على الآلام اللي بتفجر راســـــــــــــي ..
علاجـــــــــــــــي شبه مستحيـــــــــــــل ..
مرضــــــــــــــــي بدماغــــــــــــي ...
شوي شوي ينتشر بجسمـــــــــــــي وأنا ماكنت أدري ..
ماكنت أدري اني مريض ..
وماكنت أدري اني راح أحب ..
بعد ماأكتشف مرضي ...
حرام عليــــــك كفايه عذاب ...
أكرهيــــــــــني وريحيـــــــني ..
عرفــــــــــــــت ماضيـــــــــــك ..
عرفت كل شي عنك ..
بس العجيـــــــــــــب اني ماقدرت أكرهــــــــــــك ...
أحبـــــــــــــــك للحيـــــــــــــــن..
وبشكـــــــــــل أكبــــــــــــــــر ..
بليــــــــــــز قولي لي وش العمل ...

4/7
أنا آسف بس هذا هو الحل الوحيــــــــــد ...
الرسلت لك شخـــــــــــــــص ...
هو نفسه اللي قال لي كل شي عن ماضيــــــــــــك ..
بالصدفه أعرفــــــــــــــته ..
وبالصدفــــــــــه قال لي انه ولد جيرانـــــــــــك ..
ويعرفك زين ...
طلبــــــــــــــــت منه طلــــــب ...
يكلمـــــــــــــك ..
وينفذ كل اللي اقوله له ...
كنـــــــــــــت ابي اغيرك من العالم المظلم اللي انتي عايشته ...
لأني عرفت انو مافيه أي شي راح يقدر يغيرك غير هالحركه ...
يمكن تشوفين هذا قاســــــــــــي عليك ..
بس بالنسبـــــــــــــه لي ..
هذا اللي راح يغيرك بالكامل وراح توعين للحياه ...
لما تشوفين شخص يتحداك ..
يهددك ..
يجننك ...
لحد ماتملين من الحياه اللي انتي عايشتها وتغيرينها بالكامل ..
تعرفين ربك ...
تنسين كل الكلمات البذيئه اللي تطلع منك ..
لأنك ارقى من كل هالألفاظ وهالحركات ...
كل شي صار لك من ورى تخطيطي أنا ...
وهدفي الوحيـــــــــــــد ..
أغيـــــركـ بالكامل قبل لا أروع عن هالدنيــــــــا ..
اغيــــــــــــب عنها وانا مرتاح ..
بعـــــــــــد ماأتأكد أنك مشيتي على الطريق الصحيـــــــح ..
صحيح بإمكاني اغيرك انا بنفسي وجه لوجه ...
بس صدقيني .. لو سويت كذا ...
راح أموت وأنا أتألم على فراقك .. وانتي
راح تتألميــــــــــــن أكثر ...
بعكس اني أموت وانتي ببالك اني اكرهك وبشكل كبيـــــــر ..
لازم تتغيريـــــــــــــن ..
حتى لو بطريقه تعذبك ..
صدقينــــــــي كلها كم ألم ...
وبعد كذا راح تمشين بحياتك عالصح ...
وبنفس الوقت ...
أتمنى انك تنسيني وتحبين هالغريــــــــب اللي يدق عليكـ ..
لأنه بالحقيقه قلبه ابيض وكبيــــــــــر ..
للدرجة انه تكفل بكل شي عشان يغيرك ...
وانشالله تتغيرين قبل لا أمـــــــــــــــــــوت ..

8/7
من زمان ماكتبت بهالمذكره ...
سألتنــــــــــــــي اذا كنت أحب أميــــــــــــره ..!!
سألتني ان كنت أحب بنت ...
بس الحقيقه ...
هي ماتدري شكثر أحبهــــــــــــا للجنون ..
بس موب قادر أعترف لها ...
أنا راجع للسعوديـــــــه ..
أتمنى اني اتعالج وأتعافى ..
ولو أني ماأعتقد .. وفاقد الأمل ...
أتمنى من كل قلبي انك تتغيرين ...
للأفضـــــــــــــــل ...

مرت سنتين ...
وللحيـــــــــــــــــن ماتغيرتــــــــــــي ..
مرت سنتيــــــــــــــــن ..
وأنا كل يوم أفكر فيك ...
مرت سنتيــــــــــــــــن ..
وأخبارك كلها توصلنــــــــــــي ...
بالأخيــــــــــــــــر ...
يمكن قلت للإسحاق شي قاسي عليك ...
بس عرفت انه هالشي راح يغيرك بالكامل ...
واتمنى من قلبي انك تتغيرين ...
أنا بسافر للأمريكـــــــــــــــا ..
بس قبل راح اسافر للإمارات ...
بالحقيقه ..
أتمنى اني اشوفك ...
وبالنفس الوقت خايف اشوفك وأعترف لك عن كل شي بداخلي ..
آآآآآآآه شكثر أحبك لو تدرين ...
7/6 3/12

لـــــــــي اسبوعين غايب عن الوعــــــــــــي ...
بغيبوبه ...
بس المصيبــــــــــــــــه ..
اني مانسيتك حتى بعد هالغيبوبه ...
والمصيبه اني وعيت عالدنيـــــــــــا مره ثانيــــــــــه ..
رغم اني ماتوقعت أفتح عيوني بالحياه ...
كنت متوقع افتحهــــــــا وأنا بالقبـــــــــــر ...
بس للأسف فتحتها على الدنيا ..
تستغربين مني ليش اقول للأسف ...
بس أنا مليت ..
تعبت من مرضـــــــــــــي ..
أبــــــــي أموت وأرتــــــــــاح ...
المرض يألم بشكل كبيــــــــــر ..
وقلبـــــــــي يتألم بشكل أكبر كل ماأتذكرك ...
تعبت ونفذ صبـــــــــــــــري ...
تعبت ومتى أمـــــــــــــــوت وارتاح ...
خلاص ماعاد ابي اعيش أكثر من كذا ..
حتى العافيه ماعاد أبيها ...
الدكاتره بدل مايعالجوني ...
مايدرون انهم يعذبوني أكثر ..
كل مره يقولون فيه أمل ..
وباليوم الثاني تنتكس حالتي بشكل كبير ...
ومره اسمعهم يقولون مافي أمل يعيش ...
انا ماعاد صرت أحس بأحد ..
المرض جنني ..
تعبنــــــــــــــي ...
صرت أبكـــــــــــي بضعف ..
وأدعي أني أموت ..
لأني فعلا مليـــــــــــت من هالألام اللي تعذبني ..
أحد يحس فيني ..
أحد يفهمني ..
مافيه ...
أمي ماأقدر اقول لها كل هالعذاب اللي احس فيه بداخلي ..
لأني مابي أخليها تبكي أكثر ماهي كل يوم تبكي بجمبي ..
مافي أحد بيسمعني لو اقول اني اتعذب ..
حرام عليكم فكوني من هالكيماوي اللي ذبحني ..
مليت وربي مليت ..
خلاص أبــــــــــــــــــــــي أمــــــــوت ..
مابي أعيــــــــــش ..
لأن مافي افيده مني ...
لــــــــــــــــــــــآ اله الا اللــــــــــــــــه ..
استغفرك وأتوب اليك ...
ادري كلامي يمكن تعدى حدوده ..
بس والله اني تعبت كثير ..
كثيييير ..

12/7
يمكن هذي آخـــــــــــــر مره أكتـــــــب فيها ...
أتوقع يومي قرب ...
<~ هالكلمه ارددها من سنتين ..
بس هالمره ماأدري ليه أحس اني متأكد ...
أكتب الحين وأنا ماأحس بنفسي وش أكتب ...
التوأم ... فرحت لهم من قلبي ...
وانشالله قدرت أجمعهم مع بعض بعد ماكلمت عمهم ...
وانشالله هم سعيدين مع بعض الحين ..
مشاعـــــــــــــــــــــــل ...
البنت اللي أحبهـــــــــــــا ...
بعد كم يوم تخرجكم ...
صحيح أبيك تفرحين بهاليوم ...
بس يمكن تتأملين من اللي راح يصير ...
هذي آخر طريقه راح تغيرك ...
بس أتمنى ماأموت الا بعد التخرج ..
لأني أبي اسمع الاخبار اللي تقول لي انك تغيرتي ...
انشالله تكونين سعيده مع اسحاق ..
اسحاق هو الحيـــــــــــد اللي راح يسعدك ..
لأنه يحبك ...
وشخصيته عكس وهو يكلمك ...
مشاعل ...
صورتك ماغابت عن بالي ..
مشاعل أدري ان هالكتاب ماراح يوصل لك أبدا ...
وهالسلسال اللي عطيتيني اياه للحين معاي ...
بس عالأقل أقدر اعبر عن كل اللي بداخلي بهالكتاب ...
أقدر اقول اني أحبك بدون خوف ...
الله يسعدك بحياتك يارب ..
لأن هذا اللي ابيه ...
كان ودي أشوفك أم لعيالي ...
بس ربي ماكتب لنا هالشي ...
اسحاق ... وصيته عليك ...
وانشالله يقدر يسعدك ..
رغم اني متأكد انه ماراح يقصر فيك بشي ..
بالتوفيـــــــــــــــــــــــــق للكـــــــــــــــل ...

27/7 ((ميشو وهي تقرى الكتاب مجمده مكانها ...
خانتها دمعه نزلت بدون ماتحس ..
((لقت بآخر صفحه سلسالها ...
ضمته بقوووووووووه ...
((بهاللحظــــــــــــــه رفعت عيونها عاللي دخل ....
راكـــــــــــــــان وهو ماسك عيالهم التوأم ...
بعمر الأربع سنوات ...
((ميشو خبت الكتاب ورى ظهرها بعد مامسحت دموعها ...
-(راكان عقد حواجبه :~ مشاعل ..!! شفيك حبيبتــي ..!!
-(ميشو بسرعه راحت للأبو يعالها راكان ..
وضمته بقوووووووووه بعد ماطبعت بخده بوسه ...
ابتسمت ابتسامه حلوه وهي تقول :~
لا بس وحشتونــــــــــــــــــــــــــــي ...
((راكان وهو معقد حواجبه ويضحك ...
:~ يابعد قلبي انتي والله
لا فيك شي أنا متأكد .... لا يكون عرق بعقلك فصل ...
-(ميشو :~ لا تييب طاري العقل ..
-(راكان قام يضحك بصوت عالي لأنه عارف هي شكثر تكره شي يذكرها بمرضه اللي
معجزه تعافى منه .....
ومافيه شي صعب عند ربنـــا سبحانه وتعالى ...
-(ليان :~ ماما جوعانه أنا ...
-(راكان ببتسامه حلوه :~ طيب بنطلع نتغدا برآ ..
بس رجاء قولو لأمكم تتركني لأن رقبتي بتنخلع من مكانها ...
-(ليان وهي تسحب بلوزة أمها :~ ماما خلي بابا ... أنا جوعانه مرره ..
-(سلمان :~ أي بابا نبي أكل كسيييييير ...
-(ليان :~ مو كسير . كثيير ..
((راكان وميشو ضحكو على عيالهم ...
((فعلا بعد حفل التخرج ميشو تغيرت من آخر موقف قدام العالم
اللي حظرت موقف كريه ...
بس كان بالنسبه لها درس علمها الحياه كلها ..
رغم انه قاسي بس كان بنفس الوقت مفيد لها بعد ماغيرها ميتين درجه عن اللي
كانت هي فيه ...
عرفت ربها ... عرفت الأخلاق المسلمه ...
عرفت معنى الحياه كيف تعيشها بدون أي اغلاط ...
وبكذا انتهــــــــــــــــــــت قصة ميشو وراكان...
أما اسحاق ((الغريب)) تزوج له وحده من بلده قطــــــــــــــر وعاش حياته كأي زوج مع زوجته بسعاده وراحه ...
.....................
((وبأحد دول أوربــــــــــــــــــا ...
عبدالمحسن وهو يركض بالشارع ..
-(صقر بعوارضه وهو بعمر الثلاثينات :~
محســـــــــــن ..
-(محسن :~ بابا هنا بنت مره حلوه ... ترى بتطوفك لو ماتشوفها ..
-(صقر وهو يضحك :~ وانت منو اللي علمك هالخرابيط ..
-(محسن وهو يضحك :~ لا ابد محد علمني ... بس والله يتعيبنك وايد ...
((صقر انتابه الفضووووول ..
لما دخلو المحل ...
لقو عجوز مره كبيره ..
-(محسن وهو ميت ضحك :ئ شرايك فيها .. تينن صح .. والله تنفع لك ..
-(صقر عض شفته بقهر من ولده وهو كاتم ضحكته :~
لا لا مابيها مخليها لك ...
-ههههههههههههههههههههههـ
""""""""

$$ النهايــــــــــــــــــــــــــــــــــــــــــــ ــــــه $$
بالأخير ماأقدر أقول غير ...
شكثر استمتعت بكتابة هالقصه ...
وشكـــــــــــــــــر خاص للكــــــــل من قرأ روايتي وشجعني عليها...
عذرا عذرا لأن اللهجه الإمراتيه يمين واللهجه اللي بالروايه شمال ..
بس هذا اللي اعرفه ..!!.
انشالله يكون الكل استمتع من خلال روايتي لكم ...
هذي أول روايه (( أنزلها بالنت )) ...
ويمكن تكون آخـــــــــــر روايه أكتبها ...
انشالله الكل يذكرني بالخير بهالروايه الوحيده لي
((أختكمـ :~
الكاتبه ...دم حبيبي يرويني




 

رد مع اقتباس
قديم 07-06-2020, 06:18 PM   #69
JAN
مِرأة وٓاحدة … إنعِكاسات شٓتى !

الصورة الرمزية JAN
JAN غير متواجد حالياً

بيانات اضافيه [ + ]
 رقم العضوية : 115
 تاريخ التسجيل :  Mar 2020
 العمر : 23
 المشاركات : 9,849 [ + ]
 التقييم :  23316
لوني المفضل : Black
شكراً: 0
تم شكره 6 مرة في 6 مشاركة

مشاهدة أوسمتي





… تمت بحمدالله


 

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
خالد و بندر *مكتملة* JAN روايات عامية 6 08-10-2020 09:45 PM
سلع أرواح محرمة *مكتملة* JAN روايات عامية 77 08-08-2020 11:43 PM
بنات أكشن*مكتملة* JAN روايات عامية 31 07-04-2020 07:23 PM
هفوات أنانية *مكتملة* JAN روايات عامية 41 06-27-2020 07:09 PM
عَشآن الحُب!*مكتملة* AM. روايات عامية 82 06-23-2020 07:48 PM

شرح حديث

علف


الساعة الآن 12:23 AM