عَشآن الحُب!*مكتملة*

.: الجزء الحآدي عشر :.

" دنيـآ كفـى اللهـ شرهـآ .. تـ خ ــلي كـل قآاسي [ يلين ..! "
/
\
/

هزيت راسي وطلعت من المقلط وذهني شارد .. يعني ليه يحبه ؟؟ لأنه خويه .. معقول فيصل يطلع متزوج اخته ؟! قسم لو يطلع متزوج بدون مدري مااكلمه ابد .. بس خالي مُصر الا يزوجه مروى .. وهو يدري ان تركي ليش يجي .. معقول راضي ان بنته تتزوج واحد متزوج ؟ نايف يقول ان الموضوع فيه شي يخصني !! اش صاير ؟ ياربيه احس راسي بينفجر من التفكير .. أو مثل ماقال نايف لاأفكر علشان بكرة عندي اختبار .. صعدت غرفتي ذاكرت الين تعبت رحت نمت ..

*
*
*

لأول مرة احس صوت المنبه مزعج لأني ابي انوم قمت وصليت بعدين تحممت أخذت حجابي وحطيته على كتفي ونزلت لأني مابي اجفف شعري لاني مابعد فكرت اش بسوي فيه .. نزلت بهدوء وصلحت الفطور وصعدت غرفتي الحمدلله نايف ماطلع وقفت عن المرايا وجففت شعري بالشيسوار ورفعته بكليب اسود هه علامة حزن على فراق ريم .. لبست طوق اسود وماحطيت شي بوجهي غير القلوس قررت اتلثم مابي اجد يقول " امس حلوة واليوم ابد " نزلت وفطرت وعلى آخر اللحظات تحجبت ولا تلثمت غيرت رايي هه متقلبة المزاج ..
رحت المدرسه وانا كارهه نفسي وماصدقت على ربي وصلت البيت صلحت الغذا وصليت بعدها تحممت ولما خلصت كانت الساعه واحده ونصف .. ياربيه كيف ن اليوم زفة ريوم انسدحت على السرير وماحسيت الا وانا نايمه .. صحيت على صوت مروى !!
فتحت عيني : نعم ؟!
قالت بنبرة خوف : عمتي مشاعل
اتروعت : اش بها ؟؟
مروة سكاته .. قلت : مروى بليز اش بها خالتي مشاعل ؟؟
قالت : مدري مشعل اتصل وقال ساره تبيها امي ضروري ..
تنهدت بارتياح اكيد علشان يطلعوني من البيت ..
قلت : الساعه كم ؟؟
قالت : 2 وربع ..
قمت وغسلت وجهي ولبست ونزلت طلعت مع ميشوو تأكدت ان البطاقات عندي ومحد انتبه عليهم رحت السياره ومرينا على بيت خالتي طلعت مشاعل ومعها الاكياس اللي شريناهم ورحنا الصالون ..
قلت : خالتي مابتنزلين معي ؟!
جاوبتني : لا أنا بروح عندي اشغال في البيت .. هذا جوالي اذا خلصتي اتصلي على مشعل ..
هزيت راسي ورحت الصالون شفت ريم ومعها بنت على طول حضنتها ..
قلت : وحشتيني ياحماره هذا يوم وماقدرت اتحمل كيف لو للأبد ؟!

حسيت بدموعها على كتفي يااه معقول اني وحشتها ؟ صداقتنا تقريبا ماكملت سنة !! ابتعدت عن حضنها وناظرت باللي جنبها واشرت لها مين هيا ؟؟

ابتسمت : هذي مها اختي اللي حكيت لك عنها ..
سلمت عليها وشوي وابتعدت مها وراحت تكمل شعرها .. جلست مع ريم يابعد عمري مسكينه خايفه !! شي طبيعي أصلا تخاف رجال كيذا فجأة ماشافته أول مرة تشوفه تجلس معه بلحالهم ؟؟ .. تستغربون كيف ماشافته ولا كلمته .. أهلها قالوا انهم يبونها تدرسس بهدوء بدون اي شي يشغلها .. طبعا سويت شعري كان كيرلي وحطت لي المزينه تاج فيه كريستال احمر هههه كل شي كريستال عندي .. وبعد ماأذن المغرب لبست عدساتي كانوا شفافين وصلحت المكياج كان هادي وحلو أول مااذن العشا صليت ولبست الفستان وحطيت الكبوس لبست البوت ياربيه طالعه أجنن .. طلعت لريم ..
شهقت : لالا ماتروحين كيذا أخاف تغطين علي روحي غيري ملابسك وامسحي المكياج ..
ابتسمت : والشعر عادي مااسوي فيه شي ؟؟
ضحكت : لا الكل متعود على شعرك الحلو ..
ابتسمت على مجاملتها وماعلقت ..
مها : بتروحين معنا ولا مع اهلك ؟
ردت ريم : طبعا معي ..
قلت : غلطانه بروح مع خالتي مشاعل ..
ريم : لا سارونه بليز الله يخليك روحي معي ..
قلت : والله بخاطري بس خالتي بتاخذني ..
سحبت الجوال مني وقالت : ايش اسمها خالتك هينا ؟!
ضحكت : هذا اصلا جوالها ..
وسحبته منها .. ريم وشوي وتبكي : لابليز الله يخليك لا تروحين عني ..
قلت : مهاوي عندك ..
مها : لاحبيبتي انا مااقدر عليها بلحالي ..
ريم : اتصلي على اللي بياخذك القاعه وقولي له لا يجي ولا يتعب حاله ..

بصراحه كسرت خاطري قمت واتصلت على ميشو واقنعته طبعا .. اصلا اللي رد ابوه وقال اللي يريحني بجد تمنيت ان مشاعل امي ..
اتصلت مها على ابوها وجاء واخذنا للقاعه .. وعلى طول دخلت ريم كان من المفترض تدخل على اغنية " مذهله " بس عناد حطيت زفة راشد واحلامم " مرحبا يا اجمل عروس ..." لاني مجنونة راشد ..
ولما جلست حطينا مذهله رحت وجلست معها مااقول ان الكل يناظرني لجل سواد عيني بس لاني مع العروسه ..
بعدين انزفت ريم لبرى وطبعا انا ماخليتها سبقتها وطلعت شفت سيارة العريس قررت سلم عليه .. رحت لقيته ..
قلت : السلام عليكم ..
سمعت صوت اثنين انتبهت لانسان يسوق يوووه ذا اخو ريم ..
قلت : ألف مبروك ..
ابتسم زوجها : ربي يبارك فيك ..
مديت يدي وصافحته كانت يده بارده شوي وجات ريم ساعدتها تصعد ويدها نفس الشي باردة ..
همست باذنها : اش فيكم انتي وزوجك ايدينكم باردة ؟
شهقت وهمست : سلمتي عليه بيدك ؟؟
اتروعت ايه ليه ؟؟
همست : ليه يعني ؟؟ عايلته عيب حتى لو كنتي بنت عمته ولا عمه ..
حطيت يدي على فمي : لاااااااهـ ! الله يعينك على ذي العيله اجل ..
غمزت لي وهمست : يقولون ان زوجي عنده توأم روعه ابقترح عليهم يخطبونك له ..
ضحكت : لا بليز انا ابي واحد يفهم للحياه ..
وقلت بصوت شوي عالي : دعواتي وامنياتي لكم بقضاء ليلة ممتعه ..
احترق وجه ريم تحت اللثام اعرفها تستحي وزوجها ابتسم .. اخوها ماصدق شي وضحك ..
همست : اشوف فيك يوم ياساروه ..
ضحكت : آمين .. ههههههه
وسكتت فترة ثم قلت : ريموه مابي يعدي ذا الشهر الا وكرشتك لقدام ..
وطت راسها وقالت : حرك السيارة ..

هههههههه اش حلاتها ريوم تستحي ياحظه زوجها فيها .. رجعت للقاعه وكملت رقص ووناسه الساعه تقريبا 3 الا ثلث اتصلت على خالتي ووصلوا ..
سعدت السيارة : السلام عليكم .. والتفت لميشو : بليز ميشو ابتعد مالي خلق اروح للباب الثاني ..
رحمني والله وابتعد على طول رميت نفسي والاثقال ..
خالتي : هااه اتوقع انك تعبانه اكيد رقصتي ؟؟
رديت بلهفه : ايه والله ربي يعطيك مليون عافيه ياخالتي بصراحه شي عجيب بس تصدقين زوجها مادخل للقاعه يقولون محافظين ومدري ايش .. ايه شفت اختها مرة طيوبه وتجنن .. امها تقول اني اشبه ريم شبه مو صاحي انا ماصدقت ...
ميشو : آآآآه شوي شوي ماتتعبين انتي اسكتي شوي ؟!
قلت : اش حارق رزك ياخي خالتي وحره فيها ..
ميشو : طيب اسكتي ريحي عمرك ..
سكتت عنه وناظرت من الشباك تقريبا متجهين الى بيت خالتي لا عاد انا ابي اعرف اش سالفة يوم الجمعه واخاف ابقى معهم وماالحق ..
قلت : خالي ! عادي توصلني لبيتنا ؟
خالتي : ليش ان شاء الله .. ماتبين تجلسين عندنا ؟!
تورطت : لا ابدا خالتي بس اصرف لي ارجع البيت لان تعبانه وابي انام ..
ميشو : طيب نامي معنا اش ب بيتنا ؟!
قلت : أحلا بيت بس ابي ارجع ..
خالي : خلاص براحتك
ابتسمت : مشكوور
وصلت البيت .. ميشو : تعالي انتي ماعندك مفاتيح ش بتسوين ؟؟
خالتي : قلت لك ارجعي معنا انتي اللي اصيرتي .. شفتي ؟!
هزيت كتوفي : لاعادي انقز من الجدار ..
ماشاء الله علي مسرع ماتعودت كيف انقز هههه ..
شهقت خالتي : انهبلتي ؟!
قلت : نوو بس عادي .. ليله سعيدة
وجيت بطلع ناداني ميشو : يابرنسيسه الكبوس ..
ابتسمت : شكرا ميشو ..
خالتي : تعالي متى بيصلحون صورك ؟!
قلت : مدري المصورة قالت بعد اسبوعين او ثلاثه .. تصبحون على خير ..

ماسمعت الرد وعلى طول التفتت محد يراقبني ونقزت آآي وجع ان شاء الله اللفه تعلقت وجريتها اانشقت لبست الكبوس .. سمعت صوت تصفيق و " براافو " .. لااه اليوم انا راايحتن فيها ..!

((2))
لفيت على وجهي لقيته نايف مااقول مابدى قلبي يدق من الخوف بس نايف احسن من خالي .. تنفست بقوه وجاء نايف وسحبني من يدي وظل ممسكها والمشكله بدون لفه او حجاب بس العبيه والكبوس ..
همست : اترك يدي ..!
ساكت ويناظرني .. هزيته : نايف اترك يدي لو سمحت ..
قال : مو تاركها أول تخبريني وين كنتي !!
ياذا البلشه .. قلت : مو قايله الا لما تفكني قسم يألمني ..
نايف : تكلمي أفكك ..
قلت : واذا ماقلت اش بتسوي ؟؟
هز كتوفه : بس بصاارخ ..
انا اعرف نايف مستحيل يسويها حنون لاقصى درجه فـ أنا متطمنه من ذي الناحية ..
قلت : مو متكلمه ويلا صارخ ..
سكت فتره ثم تركني واشر على مكان جنب الزرع : خلنا نروح هناك واحكيني وين كنتي ..
قلت بخوف : لانايف عيب ..!
قطب حاجبينه : وشهو عيبه ؟!
قلت : انا بنت عمتك وانت ولد خالي وجالسين بأنصاف الليول لا والأزيد لبسي وبذا المكياج ..
ابتسم : دامني اقدر اضبط نفسي وماارتكب جريمه في البنت اللي قبالي واضمن لك مايصير لها شي لو كنت معها بغرفة النوم .. عادي اجلس معك كيذا ..

ولع وجهي ذا مايستحي مثل اخته ؟!

جلست بهدوء ودخلت شعري داخل الكبوس بحيث مايبين شي ..
نايف : احكيني وين كنتي ؟!
همست : بس مو تخبر احد حتى فيصل مابيه يدري ..
هز راسه واشر لي ابدي بالحكي .. قلت : كنت في زفة ريم خويتي ..
قطب حاجبينه : زفتها ؟! اللي اعرفه انك رحتي مع عمتي لأنها مريضه ..
جلست فتره على مااستوعبت ان عمته هي نفسها خالتي .. واعيد واكرر انا ماافهم الا اذا قالوا خالتك ..
قلت : لا ذي خطه من خالتي علشان اروح .. على خالي ..
ابتسم : ماشاء الله ونقزتي من الجدار ؟!
طنشت كلامه : اصلا انت ليه صاحي ؟!
نايف : ايد بس دايم بالليل ماانوم ..
قلت : تصبح على خير بروح غرفتي ..

ابتعدت ودخلت البيت ورحت غرفتي شلت العدسات وقفلت باب غرفتي أخذت الروب ورحت اتحمم خلصت ولبست بيجاما صليت بعدين صلحت الفطور ونمت ..

*
*
*

ماصحيت الابعد اذان الظهر قمت وكل شي فيني يألمني مو قادرة امشي أكيد لأني بقيت البارح بطوله امشي بالكعب وارقص لا وراسي مصدع الله يستر بس .. صليت ونزلت صلحت الغذا ماقدرت اكلت بندول ونمت ياخوفي امرض وبكرة آخر يوم باذن الله لي مع سواليفي مع ذا التركي ..!
ابتسمت من داخلي وانا ادعي الله مايصير نذل ومايقول .. فعلا سؤال غريب " ليه ياتركي تحب فيصل ؟! مين يكون هوا بالنسبة لك ؟"ابد ماطرى على بالي اني اسأل مثل ذا السؤال يالله احس بلقافه لمعرفة الجواب .. بكل بساطه بيقول لأنه خويي .. طردت بسرعه ذي الافكار عني .. ونفضتها عن بالي ..
صحيت على أذان العصر حلو صلاتي ماتأخرت صليت ورحت لفيصل محتاجه اتكلم مع اي احد .. مشيت لغرفته كانت فاضيه ياكرهك يافيصل ماتدري اني محتاجتك .. قفلت النور ويوم جيت بطلع قابلته ..
فيصل : اش عندك بغرفتي ؟!
قلت : هيهيهي فيها كل ثروتك عاد .. جايه ادور عليك ..
قطب حاجبينه : ليش بالله ؟!
قلت : فيصلوه ياحمار انت ماتحس ؟ لي يومين ماشفتك وذا اليوم الثالث وانت ولا سألت اختك موجودة بالدنيا ولا لا ..
ضحك : اشغال والله!!
قلت بسخريه : ايه معذور مو لأن الوزير مايعطس الا ويعطيك قبلها بساعه خبر ولا المصانـ ...
قاطعني : صدق حماره الحين اش تبين انجزي ؟!
قلت : ياربيه على النفس لعلمك اخاص اني مو جايه اسولف معك وانك اذا عرفت السالفه انت اللي بتركض وراي فـ من باب الذوق ان تعدل اسلوبك ..
تكتف : وايش السالفه اللي بلاحقك لجلها ؟!
اعطيته ظهري وانا ماشيه : عن مروى بنت خالك ..
ومشيت لغرفتي فيني الضحكه جد .. صحيح ان مافيه اي سالفة بس حلو احرق اعصابه على مايعرف سكرت الباب واتجهت للمرايا .. شلت حجابي ووقفت اتأمل شعري صار طويل هه تذكرون مرة قلت لكم بخبركم عن سالفة شعري القصير ؟! وانا عند وعدي بس مو وقته الحن تعرفون .. رفعت اصبعي اناظره ماتغير يمكن بس شوي .. فتحت علبة المكياج جديدة لأول مرة استعملها وجلست اصبغ وجهي من الملل أوووف رحت للمسجله وفتحتها على اغنية الحل الصعب .. وبديت اغني معاها .. وانا ادندن انتبهت ان الاغنيه وقفت معقول خلصت ؟! التفت لقيت فيصل واقف جنب المسجله ومبرطم مثل الأطفال .. ماقدرت الا ابتسم حتى وهو زعلان يجنن مو حرام كل ذا الحلا والحنان على مروى ؟! لا والمشكله يحبها ..
قلت : خير اخ فيصل ؟!
فيصل : تو الناس صباح الفل تو منتبهه على صار لي ساعتين ادق على الطاوله وانتي عايشه جوك ولا كأني موجود أحكي مع الطوفه انا ؟؟
ضحكت : طيب افتح المسجله حلوه الاغنيه خلها تكمل ..
جلس على السرير : خبريني اش بها مروى وافتح لك المسجله .. وثانيا ايش السرقات هذي مابقى كتاب بغرفتي الا واخذتيه مابقى كاسيت ومسجله الا وتاخذينها .. ياخوفي تسرقيني بعد !
ضحكت : لا عاد اذا تبيهم اخذهم بس كاسيتات راشد لا والف لا اشتري لك غيرهم ولا تحلم ارجعهم
فيصل : تصدقين لو شفت راشد ذا قسم قلت له ارحم حال اختي ..
تحمست للفكره : ايه وقول له اموت عليه مهووسه فيه الا انجن على صوره صوته كل شي فيه حلو ويهبل ..
ابتسم : لا تموتين علينا .. بس مهما حاولتي تضيعين السالفه لا تحلمين مابي اطلع من هينا الا لما اعرف اش السالفه ؟!
قلت بنذاله : بس انا تعبانه وابي انوم ..
حط يده على خصره : لا والله !! احكيني اشوف ..
هزيت كتوفي : مافيه سالفه !
حسيته تنرفز شوي ويذبحني هه انا اوريك فيصلوه اجل انا تسفهني يومين ماتسأل عني ؟ هييييين !
قال بقهر : لا عاد مصختيها
قلت بابتسامه : حط عليها ملح ..
فيصل : ساروه لا تستهبلين ولا قسم برب الكعبه اللي فوقي انزل افضحك عند نايف قدام خالي ..
فيصلوه الحمار كله يهدد بس طيب امسك عليك شي ومااخليك بحالك غلطتي الوحيده اني ماخليته يحلف علشان مايقول ..
قلت : واقسم لك ان مافيه سالفة بس كنت احرق اعصابك لانك ياحمار طنشتني يومين ويوم جيت ابي اسولف معك نرفزتني ..
قطب حاجبينه وكأنه مو مستوعب وبعد شوي قام يلحقني بالغرفه وانا اصارخ لحظات حلوة موت ولما تعبت وقفت الهث وهو جنبي ..
قلت : فيصل حنا كبرنا اترك حركات البزران على جنب وشف قربت توصل لـ 22 وانت تراكض ؟!
فيصل : لاعاد يعني انتي اللي عمرك سنتين قريب تكملين العشرين .. بس الظاهر عقلك مابعد كبر ..
اتنرفزت وسكتت وجلست اناظره شكله جنان اكيد يشابه ابوي .. وانا ؟! اشابه امي ولا ايش ؟!
قلت : فيصل !!
جاوبني : هممممم ؟؟
رفعت راسي : اوصف لي شكل ...
ماقدرت انظق الاسم اكيد بتدمع عيني ومابي فيصل يشوف دموعي ..
فيصل : أوصف لك ؟! ايش ؟!
وطيت راسي : أوصف لي شكل .. أمي !!
انتبهت انه يناظرني : سارهـ !! ناظريني ..
رفعت عيني وانا ماسكه دمعتي وانا سكاته ..
فيصل : انتي كبرتي وماله داعي كل ذا انتي مو بزر علشان اذكرك ان ...
كملت وانا خانقتني العبره : ان امي ماعاد ترجع .. أدري بس اوصف لي شكلها حرام يعني ؟؟ ولا عيب ؟؟
وقف : لا مو عيب ولا حرام بس انتي كيذا تنكدين حياتك ..
قلت : هه اصلا بدون ماتوصف حياتي منكده .. فيصل بليز كمل .. ثانيا انا مااذكر شكلها كنت بزر ..

اسندت راسي وغمضت عيوني .. سمعت صوت الباب يتسكر أكيد طلع ليه مو راضي يخبرني عن شكلها ؟؟ ليش ؟؟ .. أمي فيها شي ؟ ناقصها شي ؟..

*

سمعت اذان المغرب صليت ونزلت رحت للمقلط وكالعاده نايف مع فيصل بس مروى وين ؟؟ أكيد بغرفتها .. جلست جنب فيصل
قلت : فيصلووه
مارد .. رجعت وقلت : فيصلووه ياحمار
فيصل : ماحمار الا اللي قايلها ..
قلت : أوووه تطور والله وقمت تعرف تتكلم !!
رجع سكت .. اش فيه الحمار مو راضي يتكلم معي بس هين انا اوريك هه صايره اهدد اليوم فيه ومااشوف سويت له شي بس انا لك ان ماخليتك تتكلم غصب عنك .. عناد السالفه يعني !!
قلت : تصدق طالع متغير ؟!
ساكت !! ..
انقهرت منه وقمت شوي وسمعت ضوت ضحكه التفت شفته فيصل ..
فيصل : ههه سارووه .. ههه حـ ههههه حلوة وانتي معصبه هههههه ..
كتمت ضحكتي ولفيت : احلف انت بس ..
ماعليه تبي تنرفزني اعلمك مين اكون طيب !!
ابتعدت عن المقلط ورحت المطبخ أوووه مروى !!
قلت : ماشاء الله مروى اش بتسوين ؟؟
ابتسمت : أحاول اصلح شي
قلت : طيب اش حاطه ببالك تسوين ؟!
هزت كتوفها : أممممم أي شي .. حلا .. لأأنه ابسط شيي ..
قلت : طيب أساعدك ولا مايحتاج تعرفين ؟!
قالت : لا مشكورة ...
عاد بالذات اليوم فاضيه .. صعدت غرفتي شوي وشفت فيصل سكت عنه ..
فيصل : اش فيك زعلانه ؟!
أخذت الروب ودخلت الحمام عزكم ربي مليت البانيو مويا باردة وانسدحت افكر .. شي شاغل بالي ذي الايام .. فيصل دايم يناظرني ويتأملني !! صاير شي ؟؟ أو نايف قاله شي ؟! أو حتى مروى وخالي ؟! والله مو عارفه كيف افكر ومن وين ابتدي .. دخلت راسي بالمويا ثواني وطلعته .. مرت في بالي صورة خالتي مشاعل !! معقول تشابهه امي ؟! كيف اني ماسألت خالتي مشاعل عن شكل امي ؟! أكيد تعرفها وحافظه شكلها ..
نهال !!
هذا اسم امي اللي ماانطقه الا في الاحلام .. ولا مرة قلت أمي أو يمه دوم أقول خالتي !! معقول ان الملجأ الوحيد هلو خالتي مشاعل ؟! طيب ليش ؟؟ ليش انا محرومه من امي وابوي ؟! استغفر الله بس انا اش اخربط ؟! انا مو بزر سنتين علشان افهم !! أنا من يوم انولدت ماشفت امي اشمعنى هذي الايام أحس اني محتاجه لها ؟! ناظرت الساعه ما مضى الا 35 دقيقه فقط نصف ساعه تقريبا وخمس دقايق !! أنتبهت من سرحاني على صوت طرق على الباب تذكرت اني ماقفلت باب غرفتي ..
قلت : خير ؟؟
سمعت صوت : قومي اطلعي بسرررعه ..
اتروعت : خير فيصل اش صاير ؟؟
فيصل : خالي يبيك بسرعه ويقول ان مانزلتي خلال خمس دقايق يذبحك ..
ارتجفت : طيب رح قله جايه ..

لبست الروب على عجله وانا افكر اش سويت ؟؟ لحظه ليكون تركي ؟! دق قلبي بقوة تعرفون اذا احد سوي شي خطير يخاف بسرعه .. طلعت للغرفه لبست برمودا زيتي وبلوزة بيج والحجاب الزيتي ونزلت تحت على طول للمقلط ..
قلت : فيصل وينه خالي ؟؟!
التفت لي : خير ان شاء الله اش تبين فيه ؟!
هذا اللي ناوي اذبحه الحين ..!
قلت : لاتستهبل علي قبل شوي طارق الباب ليش ؟!
قطب حاجبينه : أنـا ؟؟؟؟؟
تنرفزت : وينه خالي ؟!
هز كتوفه : من الظهر طالع ..!
رحت وجلست جنبه مو مستوعبه هل هو مقلب منه يبي يقهرني ولا ايش ؟!
قلت : فيصل فهمني اش صاير .. قبل شوي طرقت علي الباب ووقلت خالي يبيك ركز معي شوي !
فيصل : احلفي انتي بس .. ألحين اطق مشوار لغرفتك ؟! أصلا من يوم تركتك في الغرفه رجعت هنا .. " التفت لنايف " حتى اسألي نايف !!
ناظرت نايف .. قال : فيك شي سارة ؟!
مااخبي عليكم خفت بس تذكرت كلام خالتي انه عادي اذا انا خايفه من شي اتخيل ..
هزيت راسي : ابد بس كيذا ..
شوي ودخلت مروى .. على طول قاالت : تعالي افتحي لي الفرن ..

هه خيبه ماتعرف تصلح شي ابد .. هزيت راسي ورحت لها شغلت الفرن ورحت غرفتي شلت الحجاب واتجهت للمرايا أخذت البلسم وحطيت لي صار شعري حلو جاف على مبلول .. مشطت شعري وربطته وانسدحت على السرير أحس برعب ورجفه تسيطر على كل جسمي مدري ليه .. ابي انوم .. ناظرت الساعه يعني تقريبا أقل من خمس دقايق على اذان العشا .. رحت توضيت وانتظرت على سجادتي الين اذن صليت وحطيت المنبه على اربع الفجر ونمت ..

*
*
*

صحيت فعلا وصليت بعدين نزلت تحت جهزت الفطور وصلحت لي خبز مع جبن تستغربون مني الفطور خبز وجبن والغذا والعشا !! ليش مُصرة عليهم ..لأني احبهم أحب البساطه من الفطور اللي اصلحه كل يوم .. لما خلصت شربت عصير فراوله .. لمحت الاكواب اخذتهم وغسلتهم من جديد وجففتهم .. سمعت صوت تصفير التفت كان فيصل .. لفيت وكملت شغلي كان يهذر على راسي بس مالي خلق اتكلم الحين .. خلصت ورحت غرفتي وكان يتبعني انتبهت انه دخل وفتح الانوار غمضت عيوني بقوة ..
وقلت : فيصل قفل الانوار بليز ..
سك الباب وأخذ كرسي وحطه قبالي وجلس ..
فيصل : اش فيك ؟؟
قلت : فيصل ورحمة امك قفل الانوار تعبانه تفهم ؟؟ راسي مدوخ وابي انوم ..
فيصل : ساروه ياحماره قومي تنامين كثير انتي ..
تأففت : انت الحمار كل يوم جمعه تنام الصبح شكو اليوم جالس مافيه سهرة ولا ايش ؟! رح نم وانقلع عني ..
فيصل : قسم انك ماعندك ماعند جديتي ..
قلت : اسمع تبي تجلس هينا حياك ربي بس التزم الصمت ولا ماتبي الباب قدامك وتدله !!
وقف : شكلك رايحه فيها .. تصبحين على طراق ..
وطلع غمضت عيوني وانا مبتسمه عليه ربي لا يفرقنا عن بعض .. وان شاء الله مهما صار يظل بعين الا اخو في ذي الدنيا .. قفلت عيوني بقوة مابي افكر ابي اناام ..!

*

((3))
*
صحيت على صوت صراخ انتبهت انها مروى خير اللهم اجعلو خير ..
قلت : خير مروى ؟!
قالت : مطوله بالنوم ؟!
انقهرت من اسلوبها وطنشت ولا كأني سمعت شي ..
مروى : قومي الساعه 12 وربع الظهر !!
فزيت وعلى طول غسلت وجهي ورحت للساععه كانت عشر وخمس انقهرت ليش تكذب لبست تنورة سوداء طويله على أطرافها ذهبي وبلوزه ذهبيه اكمام هه تناسق .. أذكر ان عندي ساعه ذهبي من فيصل ماقد لبستها .. فتحتها ولبستها بـ " اليمين " لبست حجاب أبيض وعليه شيله ذهبي ونزلت تحت ..
خالتي : مابغيتي تصحين ؟!
قلت : أهلا مس مشاعل هاور يو ؟؟
خالتي عاد خرطت لي انجليزي مافهمت منه ولا حرف ..
قلت : يس .. سوري .. بليز .. نو .. ثري هاندريد ..
معنى الكلام / أجل .. عذرا .. رجاءاً .. لا .. ثلثميه ...
خالتي :هههههههههه سلط الله على ابليسك انا مالي خلق اضحك وذي تستهبل ..
قلت وانا اجلس : وينه ميشو ؟؟
رفعت ساعتها : تقريبا من عشرين دقيقه طلع مع فيصل نايف ..
فتحت عيني : سلامات ؟! وين راحوا ؟؟
هزت كتوفها : يتمشون ..

ركضت للتلفون دقيت على فيصل أول ماانفتح الخط

قلت : فيصلوه ياحمار ياألعن مخلوق شفته بحياتي ياوجه البوم يامشكله ياجعلك اللي منيب قايله .. تطلع وما تخبرني وجع ان شاء الله ..
فيصل : ههههههههههه والله محد قالك تنامين وتطنشيني اليوم الفجر وتحملي نتايج فعلتك ..
انقهرت : حمار انته تدري ؟؟!
فيصل : حمار اخو حمارة هههههههااي ..
قلا : هيهيهي ينقالك خفيف دم بايخه اصلا قل لي وين رحتوا ؟!
سمعته يقول : أمممم حنا نمشي بالسيارة !!
قلت : شف أول ماترجع حسابك معي فاهم ؟ ويلا بقفل ..
فيصل : مافيه بايو ؟! أو مع السلامه ؟! تشاو مثلا ؟!
قلت : مالت عليك ..
وقفلت الخط صدق مقهورة ألحين هو يبي يطلع ياخذ معه ميشو ليه ؟! لا ومروى صحيتني بعد .. تذكرت اني ناويه أسأل خالتي عن شكل امي اتجهت لها وجلست بهدوء ..
قلت : خالتي ابي اطلب طلب وياريت ماترديني ..
ابتسمت : آمري حبيبتي ؟؟
قلت بهمس : أبي توصفين لي شكل امي ؟
قطبت حاجبيني : اش اللي ذكرك فيها ؟!
قلت : خالتي ذي امي لا يمكن انساها بليز توصفين لي شكلها بليز ..
مشاعل : ابد مااذكر شكلها ..

موقلت لكم امي فيها شي ؟! كيف الكل مايذكر شكلها ؟! كيف ينسون ؟ ماحبيت أضغط عليها لان مصيري بعرف اذا مو بكرة اللي بعده .. واذا مو اللي بعده بيجي لي يوم واعرف .. هزيت راسي يعني طيب ورحت للمطبخ صلحت الغذا مع خالتي كنت اتجنب اني اتكلم أخاف تزعل شوي وسمعت صوت اكياس رفعت راسي لقيته ميشو أكيد فيصل جاء أنا أعلمه ..
كنت بتحرك بس شفت نايف مع فيصل يدخلون المطبخ .. اتجهت لفيصل وتكتفت يعني اني قويه ومايهزني شي قدامه ..
قلت : وين كنتوا ؟!
خليتها صيغه جمع علشان مايعصب علي ..
فيصل : كنا نتمشى عندك مانع ؟!
قلت : احلف انت بس .. قصدي ليه يا ... فيصل ماقلت لي ؟!
فيصل : وليه ان شاء الله ؟ أخاف ولية امري وانا باقي مدري !!
قلت بقهر : مو شغلك ..
ماكملت جملتي الا وميشو يضحك واتجه لأقرب كرسي وجلس وفيصل كمان جنبه ويضحكون .. نايف عادي ماتغير شي ..
قلت : اش فيك اخ مشكل مشاكل ؟!
ماسمعت غير ضحكته ومد يده لفيصل وصفقوا مع بعض ..
قلت : آآخ يابطني ارحموني مااقدر تقول القصبي والسدحان لا لا والله مقدر ..
وقلت بنبرة اعلا : اش عليه تضحكون ؟!
ميشو : والله صادق فيصل ههه ..
قطبت حاجبيني وناظرت خالتي كمان مستغربه ..
قلت : احكيني ؟!
ميشو : أول مادقيتي انفتحت سيرتك على طول فيصل قال بتزعل وبتقول موشغلك فيني لما أكلمها وفعلا ..
فتحت عيني على آخرها الحين لهم ساعه يضحكون علي ؟؟ قسم انهم يقهرون .. ناظرت نايف كان عادي رجعت ناظرت ميشو ..
تكتفت : طيب اش كمان قلتوا ؟
ميشو بابتسامه : ابداً بس فيصل علمنا كيف تسوين له ..
ولف لفيصل : فيصل سوي لها كيف اذا زعلت !!

ناظرتهم مو مصدقه ! فيصل مد شفته اللي تحت ومدري كيف كان يناظر بنظرة تضحكني وأعطى ميشو ظهره .. جلست قبالهم وانا اناظر ..

ميشو : سارونه اش فيك زعلتي ؟!
كنت بتكلم بس لف فيصل له ..
فيصل : احلف ياشيخ أنت تصير أنا ؟
ميشو : يلا عاد فيصل ..
رجع فيصل ولف عنه فيني الضحكه بس مسكتها ..
ميشو : اش فيك زعلتي ماقلت شي انا .. خبريني اش فيك ؟!
لف له فيصل وأشر عليه باصبعه السبابه .. وقال : انت مو شغلك فيني ..
كتمت ضحكتي لا يوقفون ..
ميشو : بس انا اخوك ..
فيصل : وياليتك ماكنت أخوي فيصل انت ماتحس ؟! ماتناظر اسلوبك معي ؟! ذي الايام ؟! نسيـ ...
ماقدرت اكتم ضحكتي أكثر من كيذا وضحكت بأعلى صوت عندي ماتوقعته يقلدني ابدا والمشكله نفس تصرفاتي .. سبحان الله كيف قدر يمتص غضبي ويخيني أضحك ربي لا يحرمني منه .. رحت وجلست جنبه ..
همست : فيني الصيحه ..
فيصل : لا تزعلين قسم كنت ابيك تضحكين ..
والله كلامه مازادني الا شهقات صحيح ربي حرمني من ام وابو بس عوضني باخو مافيه مثله وخاله تعتبرني مثل بنتها ربي لا يغير علينا ..
فيصل : سارونة ترى والله كنت امزح ..
قلت : ومين قلك اني شايله بخاطري عليك ؟!
قطب حاجبينه : أجل ليش ؟!
رميت نفسي بحضنه وجلست اشاهق ..
فيصل : اش فيك سارونه تعبانه شي ؟!
قلت : فيصلوه ياحمار احبك ..
فيصل : بالله كيف تيجي ذي ياحمار أحبك ؟! ثانيا اش حلاتي أهبل ..
ضحكت وقمت من حضنه صحيح افتشلت قدام الاوادم احضن اخوي بس عادي عندي مافيه حد غريب .. قمت بهدوء ورحت وغسلت وجهي رجعت لهم وجلست بهدوء موطيه راسي وأفكر ..
نايف ,,
وفيصل ,,
وميشو ,,
ومشاعل ..
الوحيدين اللي يعرفون كيف انا افكر ويقولون قبل مأأسأل .. ربي لا يحرمني منهم .. فيصل بالذات اللي لو الدنيا جهه وهوا جهه اتجه له بدون تردد .. ماتدرون قد ايش فيصل يعني لي .. فيصل بالنسبه لي انسان يفوق الوصف بكثير كل انواع الحنان عنده .. أقسى حنون .. صحيح تطق فيوزاته احيانا بس يظل اخوي اللي احبه ومالي غنى عنه .. فجأه نقزت صورة تركي قدامي .. بدا قلبي يدق الليله بعرف اش صاير !! يووه ماجهزت لي ملابس .. قمت انتبهت الكل يناظرني ..
قلت : هييييي اش فيكم تناظروني ؟! مسويه شي غلط ولا ايش ؟؟!
ميشو : ابد بس كنتي جالسه وساكته وفجأه قمتي مو عاجبتك سوالفنا ولا ايش ؟!
قلت بسرعه : مين قال ؟!
والله لو يدرون اني ماسمعت ولا حرف من اللي قالوه ..
ابتعدت لغرفتي وجهزت لي ملابس عاديه تماما .. بلوزة ورديه وبنطلون جينز .. جهزت عبايتي الورديه هه كل الالوان ماشاء الله عندي .. ورحت تحممت ولما خلصت قفلت الباب كويت ملابس وعلقتهم بالدولاب .. مشطت شعري صحيح قصير بس حلو بس بدى ينمو وصل لكتفي أمم فيه لون طبيعي مو بني بس فيه لون المهم ماعليكم منه أخذت لي ملابس بيجاما لبستها صليت وقفلت الانوار وانسدحت .. ماكنت ابي انام بس ابي افكر مااعرف افكر الا اذا كان هدوء والنور مقفل وأحلى شي وانا قريب انوم .. مابي أخبي عليكم واقول مو خايفه من الليله ومجهزة نفسي لأي صدمه .. خايفه من الكلام اللي بقوله تركي واذا عرف خالي اني دخلت .. أو حتى مجرد فكرة اني ادخل لخوي اخوي ولو كان الكل داري ترعبني .. تتوقعون مثل ماقلت من قبل ان فيصل متزوج اخته ؟! يمكن .. بس مااتوقع .. طيب لهالدرجه فيصل يمون عليه ويسهر معهم ؟! ابتسمت من داخلي على لقافتي أقصد حب الفضول مااحب حد يقول اني ملقوفه .. هه الحين انتظرت اسابيع مو عاجزة انتظر ساعات .. انفتح الباب ودخل فيصل وسكر الباب مسكت اللحاف اش لي لابسه ذي البيجاما فتح النور وجلس على طرف السرير يناظرني ..
قلت : خير اش صاير اش بك تناظرني كيذا ؟!
هز كتوفه : ابد بس غريبه العاده يوم الجمعه تتغذين معنا ؟!
قلت : لا مشكور مالي نفس ..
فيصل : لاتكونين زعلتـ....
قاطعته : لا مازعلت مجنونه انا ازعل على كيذا ؟
ابتسم : طيب ليه تصيحين ؟!
أدري ان قلت له ان الله عوضني عن امي وابوي بيقول لي " انتي مو بزر أفهمك أنهم ماعاد يرجعون لنا " فـ فضلت الصمت ..
بعدين قلت : على اسلوبك كيف امتصيت غضبي !!
فيصل : متأكده ؟؟
اشرت على عيوني يعني تأكد .. قال : أصدقك ماله داعي .. طيب يلا قومي مشعل يسأل عنك يقول وينها خطيبتي وزوجتي ؟
ضحكت على خبال ميشو يكبر ولا يعثقل مثلي تماما صحيح قالها بسخريه بس الحيا شي اساسي بالبنت مو مثل مروى .. اي جد وينها مروى ؟!
قلت : طيب ثواني أغير ملابسي وانزل ..
فعلا ماصدقت خبر انه طلع قفلت الباب غيرت ملابسي ونزلت تحت .. أول مانزلت سمعت صوت ميشو ..
يقول : هلا والله تو مانور المكان وينك حبيبتي تركتيني بلحالي ؟!
قلت : معليه حبيبي أعذرني هههههههاااي ...
فيصل : ماتستحين انتي ؟!
ميشو : رجاءاً فيصل لا تغلط على مرتي ثانيا احبها وتحبني شكو تتلقف ؟!
ناظرت نايف كان عادي والله انه بارد .. حسيت من كلام ميشو اني حمارة ومولعه لآخر درجه والله فيصل مايعديها لو شافني على طول يعلق .. قلت ابي اغير السالفه ..
ابتسمت : طيب ابي العب معك ميشو !!
ابتسم لي ابتسامه عريضه وقال : وانتي كل يوم جمعه ضروري تلعبين معي ؟ ياربيه أموت مقدر ..خالتي مشاعل تكلمت من بعد ماكانت طول الوقت ساكته .. قالت : مشعل استح على وجهك ذي بنت خالتك تفهم !!
قلت : طيب ابي العب ..
فيصل : والله بزر ..
برطمت : يعني الالعاب بس للبزران ؟! فيه العاب للي بسننا .. عادي والله ؟؟
ميشو : صادقه بنت خالتي ..
قلت : أحلا ميشو .. هاه فيصل ياقلبي اش رايك ؟!
فيصل : طيب ايش نلعب ؟!
ابتسمت : كيفك انتوا اختاروا وانا العب معكم ..
مشاعل : طيب القافيه ..
ضحكت : يااااااي خالتي بتلعبين معي وناسه والله !!
اكتفت بالابتسامه .. فيصل : أجل وين مروى ؟!
أوووف في كل شي مروى بس يالله ماعندي حل غيره ..
قلت : شوي بقوم أقول لها ..
ابتعدت عن المقلط ورحت لغرفة مروى ترددت اطرق الباب بس بعدين حبيت اروعها وفتحت الباب بقوة ..
قالت : هييييييييييي
قلت : سوري مروى ..
جاتني اللقافه : مروى اش تسوين في اللابتوب ؟!
مروى : مو شغلك .. وقسم ان قلتي لأمي انك شوفتيني ع اللابتوب ذبحتك تفهمين ؟!
هزيت راسي موافقه وجلست جنبها ..
قالت : اش عندك ؟!
قلت : خبريني اش تسوين ؟
سكتت فتره ثم قالت بصوت هامس : على الشات ..

الشات ؟؟؟ كلمه جديدة في قاموسي رغم اني سمعت فيها بس وين مو ذاكره ,,

قلت : طيب اش ذا الشات ؟؟
مروى : مو كأنك تسألين كثير ؟
قلت : يلا عاد مروى !!
مروى : هذا مجموعه قروبات بنات وشباب يسولفون مع بعض يعني يتعرفون وبس ...
قطبت حاجبيني : بس يتعرفون ؟
هزت راسها بـ لا .. ثم كملت : يعني اللي تبي توريه صورتها ايميلها أو حتى رقم جوالها بس اسمها مااقوله !!
قلت : طيب اش اسمك ؟!
مروى : اش ذا السؤال ؟!
قلت : قسم آخر سؤال ..
مروى : سالي ..
قلت باستنكار : سالي ؟؟؟؟؟؟؟؟؟؟
تأففت : الحين انتي اش تبين رازة وجهك ؟؟ خلصيني ؟!
والله نسيت اني جايه مو لجل افتح تحقيق ..
قلت : ابد بس نايف وفيصل وميشو وامه آند مي بنلعب لعبه وياليت تلعبين معنا ..
قالت : طيب شوي ونازله ..
هزيت راسي وطلعت من غرفتها .. كيف اني كنت احسب ان مروى ترقم الشباب بس طلع عندها مصدر كامل وهي جالسه في بيتها أقصد غرفتها .. وانا اقول من وين تجيب ارقامهم وماتقفل من واحد الا ويجي الثاني !!
نزلت تحت وكنت سرحانه خفت احد ينتبه وبديت اشاركهم بكلمات مختصره ..

*

تقريبا بعد نصف ساعه شرفت .. كل ذا الوقت مع اخوياها ؟؟ مالي شغل فيها ولو اني اقدر اقول لخالي بس كيفها مو خوف منها ولا شي بس تكرهني ... هي بروحها كارهتني بعد اسوي كيذا ؟؟ جلست جنب خالتي وقبالها فيصل ..
قلت : طيب وصلت مروى ننقسم فريقين يلا اختاروا ؟!
ميشو : أممممممم أنا ابي مع امي ..
ابتسمت : طيب انا مع فيصل .. وانتي مروى ؟!
مروى : مع عمتي ..
قلت : أجل نايف معنا يلا اختاروا لكم أسم ..
ميشو بعد فتره : نبي حرف m
قطبت حاجبيني : ليش بالله ؟!
ميشو بفلسفه : أبد بس أنا مشعل وامي مشاعل وذي مروى فـ أفضل شي ان يكون شي مشترك بيننا ..
ابتسمت : اجل حنا n بما أنا نايف اكبرنا ..
نايف : لالا .. خليا على حرفك لأنك البنت الوحيدة ..
ميشو : انتي ماتستحين جالسه مع رجال وانتي بنت .. ياخوفي تصيرين بوي ..
انقهرت : والله ماكنت ابي اقول ذا الشي بس انت اجبرتني .. بربك الحين انت اللي مسوي فيها بطل ؟! جالس بين بنات ؟؟!
ميشو : بس ذي امي !!
قلت : ولاتنسى ان فيصل اخوي ..
سكت ميشو .. خالتي : قسم ان مايعرف يسكت مشعل الا انتي ..
ضحكت .. ميشو : هاه مااخترتوا اسم ؟!
قلت : قلنا حرف n
نايف : لا حرفها ..
عندت : لا حرفك ..
فيصل : وانا طفايه بينكم صح ؟! مااخذتوا رايي أو حتى حرفي ..
ابتسمت : حبيبي والله خلاص حرف f ولا تزعل ..
خالتي مشاعل : أجل نقول حرف القاف ..
بلعت ريقي .. وصفر ميشو : أحلا ماما ..
ناظرت فيصل هز كتوفه ونايف ساكت عاد اش نسوي ؟! بديت احط الحروف .. قأ قب قت الين وصلت الى قف عاد تذكرت شي ..
صرخت : عرفت !
ميشو بضحكه : ايش ؟؟
قلت : أحم قفا نبكي نمن ذكرى حبيب ومنزل ..
وسكتت مو ذاكره شي ناظرت فيصل .. قلت : موذاكره ..
مروى : هههههههههههههههه مالنا شغل !!
فيصل : بسقط اللوا بين الدخول فحومل ..
صرخت : أموت عليك فيصل بعد عمري انته ماترضى تشمت العذال فيني ..
وناظرت ميشو بطرف عيني ..
ميشو : هااه يمه حرف اللام ؟؟
سكتوا فتره .. مروى : طيب عادي اغنيه ؟؟
فيصل : ايه عادي ..
ناظر ميشو مروى وكأنه يقول اش عندك ؟؟
مروى : ليه بس اعيش مابين همي وخوفي .. كثر المحبه فيك والطيب مابان !!
صفر ميشو : أحلا بنت من بعد ساره ..
ضحكت على كلمته ..
مشاعل مبتسمه : حرف النوون ..

مسكت نفسي اعدد اغنيات راشد وحده وحده .. ياربيه مو قادره اتذكر شي ياربيه !!

سمعت فيصل : تعال نايف اي اغنيه اللي فيها نسي ليالي بيروت ؟
قطبت حاجبيني اعرف ذي الاغنيه بس اش اسمها ناسيه حاولت اتذكر .. شوي وسمعت ..
نايف : قصدك شايف نفسه ؟! وسكت فتره وقال : نسي ليالي بيروت لما قالي بحبك موت وهلأ جنبي عم بيفوت ولا كنه شايفني ..
ماقدرت من الفرحه ونقزت وبست فيصل على خده ..
ميشو : لاماتستحي ابد انتي ..
اشرت عليه بحب : أخووي وكيفي .. ويلا تشطر عاد حرف الياء ..
مشاعل : ياللي شفت احلامي فيه والتقيت بأحلا جنه ادعي ربي وارتجيه ربي لايحرمني منه .. هااء ..!
صفر ميشو : أحلااا أم ..
صرخت : هيهات انا انسى هواك ساكن بوجداني ..
فيصل : يعزف على اوتار قلبي هيض اشجاني ..
قلت : حتى المشاعر حكت لك انت شي ثاني ..
نايف : انت المحب اللي لا مايصح تبديلوو ..
قلت : أحلا والله حرف الواو ..
مروى : واو ؟؟ لا هيا تبديله ..
قلت : بس يقولها تبديلوو ..
نايف : خلاص عندي حل لا واو ولا هاء .. حرف اللام ..
ميشو : يمه حرف اللام أنقذيني ..
سكتوا فتره يفكرون .. قلت : هااه مالقيتوا شي ؟!
ميشو : اسكتي خليني أفكر .. ثانيا مدري تحبين تخلين لنا حرف اللام ..
قلت : ماتبي لام حط وااو ..
ميشو : خلنا على مجنوننا أحسن ..
طبلت مروى : ليك الواوا بوس الواوا خلي الواو يصح .. لما بوست الواوا شيلتوا صار الواوا بح .. حااء ياعمري ..
ناظرت فيصل ونايف .. على طول قال نايف : حبيبي الله يخليك ابي ترجع تريحني .. انا اترجاك لا تنسى ليالي الحب وسنيني ..
التفت له : من وين جبتها ؟؟
فيصل : هذي وانتي مجنونة راشد ماتعرفين اغانيه ..
نايف : لاتفشلني ترى سارة اللي علمتني هيا ..
قطبت حاجبيني : أنا ؟؟!
نايف : أيه .. أكثر من مرة أمشي لغرفتي واسمعك حاطتها خلاص حفظتها ..
فيصل : ايه عاد انتي أول مانزل الشريط لاصقتن فيها ..
رميت نفسي عليه : بالذات ذي الاغنيه عذااااب صوته ياربي احبه يخبلني ..
ضحكت خالتي : رحمتك ..
ميشو : لاتخونيني ياحماره ..
فطست ضحك : ههههههههههااااي قسم وربي انك فللله اموت عليك ميشوو ..
قال بطريقه مضحكه : أنا ولا راشد ؟؟
ضحكت : راشد طبعا .. أبيع الدنيا كلها لجل عيونه ..!!
ميشو : وانا ولد البطه السوداء ؟؟
ضربته امه : اش عندك تسب فيني ؟!

*

بصراحه اليوم يُسجل في التاريخ لأول مرة نجتمع انا ومروى بحب صحيح مو حب لكن مو كره ..
أذن المغرب وصلينا بعدين تفرقنا وصعدت انا لغرفة فيصل معه واخترت له ملابس كويتهم .. وبعدين نزلت وجلست مع ميشو .. قسم انه مايستحي على وجهه ومغسول وجهه بمرق أجل يقولي زوجتي اليوم ؟ أدري انه يهبل فيني بس انا استحي .. المهم نقلب سيرة ميشوو ..
نايف !! اليوم جنان لأول مرة أدري انه يحب اغنية " عشان الحب " ويمكن اكثر مني بعد .. مدري ليه متعلق فيها يمكن مثل الشي اللي يخليني احبها .. ليش لما اسمع ذي الاغنيه بالذات يعورني قلبي وكأن الاغنيه لها قصة تبكي ؟؟ ونقلب السيرة الى فيصل .. صحيح انه دوم معي طيوب واحبه بس اليوم غير لكل الناس ..

لما طلعت خالتي لبيتهم جلست بالصالة وبيدي جوال فيصل في البدايه كنت افتش عن اسم تركي بس مالقيته يمكن متعمد انه مايحطه .. أو يمكن تركي أحد الاسماء التاليه هه كأني بحصة عربي .. المهم فيه اسماء غريبه رموز وارقام ومدري ايش يمكن .. انتقلت الى نغماته كلها فرح ماعنده شي حزن ابتسمت ربي يجعل كل ايامك حلوة يافيصل .. سمعت صوت من وراي لفيت كان نايف ..
قال : مارحتي لبستي دقايق وجاي ..
صرخت : احلف !!
ابتسم : والله ..
دفيته عن الباب وابعدته وهو يضحك وركضت لغرفتي ..
رحت لغرفة فيصل كان يجهز اغراضه كالعاده اللي ياخذها معه وما لبس ولا تحمم أحسن .. رجعت غرفتي ولبست ملابسي رولت قذلتي وصارت روعه حطيت كحله مع مكياج وردي خفيف وهادي كمان لبست برقع وناظرت نفسي بالمرايا ياربيه اهبّل .. عفست الدنيا ادور ساعتي الورديه مالقيتها مو لازم ساعه .. لبست اسواره مكانها .. روعه ذهب .. وحطيت خاتمي اللي من فيصل آخر عيد ميلاد اعطاني هوا .. طلعت من غرفتي متسلله وقفلتها وطلعت برى على طول .. ياخوفي خالي يشوفني .. صحيح هو وينه ؟؟ هه نسيت انه يشتغل ذا الوقت وتارك كل المهمه على نايف !! ..
كالعاده جاء نايف وتأكد من شكلي ولف لي اصبعي .. وجواله .. جلست اتذكر السؤال " ليش ياتركي تحب فيصل ؟! هوا ايش يعني لك ؟! " ماكملت جملتي الا ودق جوال نايف تأكدت انه رقم البيت ودخلت ..
قلت : السلاام ..
رفع عينه : وعليكم..
قلت بهدوء : اسمع انا بقول شيي وماعاد تشوف وجهي ثاني بس ابي تجاوبني على سؤال ..
وقف وصار قبالي .. قال : اسمعيني انتي اول .. أنتي مو مروى صح ؟!

بلعت ريقي وبدى قلبي يدق طبول .. هزيت راسي بـ ايه ..

قال : أجل انتي مين ؟؟ سلوى ؟ سهام ؟ سلمى ؟ ..
ياربيه ! عنده قاموس أسماء العيله واسمي مو موجود .. كنت بتكلم بس قاطعني ..
قالي : اسمعي لا تكذبين لاني أقدر بسهوله أعرف ..
قلت : اخبرك بس ماتعلم فيصل ؟؟
هز راسه .. قلت : قرب اذنك ..
قال : نعم ؟؟أعرفك تعرفيني تهمسينن باذني ؟؟
ياربيه معه ذا يحسبني احبه ولا شي والله حاله ..
تقربت منه وهمست باذنه : يعني السالفه عناد ؟؟
مسك يدي وابعدني .. قال : قلت انا مااعرفك ..!
انقهرت : خلاص اجل بروح ..
وسويت نفسي بروح ..
قال : لحظه !! شوفي ماتعلمين اسمك قسم ثم قسم ثم قسم شوفي 3 حلوف ان ماقلتي انتي مين أقول لفيصل وحافظ شكلك ..
دق قلبي وقلت : لا تقول له تكفى .. أنا ساره !!
قطب حاجبينه : ساره ؟؟ أخت سامي وسلمى ؟!
مو معقول يعرف الكل الا اخت خويه ..
قلت برعشه : لالا .. أنا سارة .. أخت فيصل ..

/
\
/

.: نهاية الجزء الحآدي عشر :.

((2))
صحيت كعادتي الساعه 4 صليت وتحممت بعدين جففت شعري على داخل وماحطيت به شي حطيت لي كريم ولبست مريولي جلست ساعتين عند مرايتي اناظر بشكلي واقول اش ناقصني واخيرا تذكرت الكحله هه صدق خبلا حطيت لي على خفيف ومرطب احمر لبست حجابي واخذت شنطتي وعبايتي وطلعت من غرفتي وقفلتها بالمفتاح .. على قول نايف مال قارون فيها هه لعانه مني .. نزلت تحت لقيتهم كلهم ..
قلت : صباح الجوري ؟!
الكل : والنور
قلت وانا اجلس : يوه نجوى اليوم صاحيه بدري اش صاير بالدنيا ؟!
نجوى وهي تأشر على عمتي : من الصبح مصحيتني قهرر
ابتسمت وصلحت لي جبن واكلتها شربت من عصير الفراوله وقمت شوي وقام تركي ..
قال : وجع استحي يلا قومي لاتسمنين !
نجوى : مو شغلك فيني
عاد انا بغيت اموت ضحك بس ياخوفي يقولون مهبولا ..
طلعت معه ولحقتنا نجوى اغلب شي كان يسولف مع نجوى اما انا موطيه راسي واناظر باظافري ياقلبي يجننوا .. المهم وصلنا للمدرسه في الفسحه نزلت كتبي معي وحليت الواجبات اللي اعطونا هما اليوم مع ريم وانا استمع لسواليفها كل شي ملوك وملوك ودي اعرف اسمه بس خخخ ملقوفه مابتغير ..
أول مارجعت من المدرسه صليت وسويت لي نص كافيه فتحت التلفزيون اناظره حطيت على قناة مااذكر اش كانت بس المسلسل سعودي مو ذاكره اسمه خخخ لاني اول مرة اشوفه .. كنت احس بالملل كنت بذاكر بس تذكرت اني ذاكرت .. يوم شفتهم بيتغذون حبيت اقوم معهم منها اسولف ولاني من زمان ماجلست معهم قفلت التلفزيون ورحت المطبخ دخلت وجلست جنب نجوى ..
عمتي : واخيرا تنازلتي وجلستي معنا ؟!
قلت : يحق لي اتدلع مو عمتي وبناتها ؟!
وابتسمت .. نجوى : وجع ان شاء الله
شهقت : اهئ عمتي صرقت كلمتي يامال الصواريخ بس
نجوى : بنت وبنت خالها يعين عادي
ناظرت نهى وانا مبتسمه .. نهى : خير ان شاء الله ؟!
قلت بطرب : معجبه مغرمه !
نهى : مالت عليك
سكتت فتره ثم قالت نجوى : ياربيه ملانه حدي
نهى : تصدقين ان الملل اللي عندك لايساوي ولا حتي يقارب مقدار الملل عندي ؟!
نورة : مابقى شي اقوله بعد
نهى : بالله اش نسوي ؟!
نجوى برجا : تركي طلبتك طلعنا والله مليت
نورة : ايه تكفى
نهى : قسم ملانين مو كيذا يابنات ؟!
نورة & نجوى : كيذا ياختي
تركي : بالله وين اطلعكم ؟!
نهى: اي مكان بس نطلع
تركي : بس بشرط
نجوى : اللي تبيه آمر ؟
أشر علي : بس ذي ماتروح معنا
وناظر امه وابتسم .. امه ابتسمت .. ونجوى ونهى نورة على وجيههم علامات تعجب .. مااخفي عليكم قهري منه ..

قلت بغرور : اصلا مين قلك ابي اطلع معك احمد ربك مستحملتك اروح معك المدرسه ولو بغيت اروح .. اروح غصصب عنك بس حرام مواعده عيال عمي
سكت وناظر امه دلوع امه .. وقفت : الحمدلله
سمعت صوت : اخذيني معك
لفيت : مين اللي تكلم ؟!
شفت نورة مقبله عندي وكأنها تقول انا .. قلت : يلا رحلة ممتعه
صعدت مع نورة واول ماوصلنا دخلنا غرفتها .. قلت : ليه ماتبين تروحين ؟!
هزت كتوفها : بس كيذا
قلت : بس متأكدة انك راضيه
ابتسمت وراحت لدولابها تطلع لها ملابس .. احترمتها ورحت غرفتي طلعت لي جينز اسود اسهل للحركه مع بلوزة ابيض اخذت شيله سوداء علشان ابطلع فوق ويمكن يمر تركي .. ولفيتها بعجله ورحت لنورة لقيتها متحجبه ومخلصه ابتسمت لها وتحركنا نبي نصعد
سمعت صوت تركي : لحظه !
لفيت .. قال : لا تروحين
يقصدني ولا يقصد نورة ؟! .. قلت : خير ؟!
تركي : نوير تعالي معنا تو تقولين ملانه بقوة !
نورة ناظرتني .. قلت : عادي نوران مافيه مشاكل روحي معه
همست : بس انا ابي اروح معك !
ابتسمت بانتصار : خلها على راحتها
حسيته منقهر طلعت لجناح عمي وطرقت الباب .. طلع لي ثامر
قال : اووه ساره ؟ وانا اقول ليه البيت منور
ابتسمت : ذا نور نورة يابعدي
ناظر نورة وصرخ : سويمر المزعج جاتنا
حسيت ان نوران بتبكي ..
قلت : ثامر !! اذا تبيني انا لازم معي نورة وماادخل بدونها .. ولعلمك تركي بيطلع مع اخواته قال لها قالت تبي تيجي .. كيذا تستقبلها ؟؟
انحرج وابتعد عن الباب : حياكم
سحبت نورة ودخلنا
قلت : يلا انا بسولف مع ثامر واحشني بقوة
نورة : وانا ؟!
قلت بابتسامه : مع سامر تلعبين

راحت فعلا وبقيت مع ثامر احسه كثير يشابهني مو بالشكل بس صفاته وطريقة كلامه واسلوبه أو حتى افكاره ..

قلت : اش بك على نوران ؟!
هز كتوفه : ولا شي
قلت بهدوء : كيف ولا شي ؟ معليه ثامر مو تحقيق بس ذي بنت عمتك
قال : بصراحه لو تبين الصراحه ذي دلوعه موت
ابتسمت : بس ؟!
قال : غير كيذا دوم تحالف مع سامر ضدي ..
قلت : طيب وانا معك !
ابتسم : بجد ؟!
قلت : وانا بنت عمك .. سامر ونورة عندي اقترراح جديد حلو
نورة : ايش ؟؟
قلت : انا مع ثامر وسامر مع نورة ونشوف مين يفوز طيب ؟!
ابتسموا علامة رضا ..
ذكروني يومنا صغار بالخبر انا مع نايف وفيصل وميشو مع مروى .. شفتهم يتهامسون اخذت ثامر وبديت اهمس واسوي حركات تقهرهم شفت نورة ترسم في الهوا حرف T وتحطه في مستطيل استغربت حركتها ..T ؟؟؟ مين بذا الحرف ؟؟ تركي ؟! ايه مافيه غيره ..شفت سامر يضحك .. اش تقصد ؟! قمت وسحبت ثامر ..
قلت : وين غرفتك ؟!
قطب حاجبينه : ليه ؟!
قلت : بصور فيها .. ابي اسولف معك
فتح عينه : في غرفتي انا ؟!
يووه نسيت اننا بالدمام مو بالخبر ..
قلت : لاتناظرني كيذا يلا نروح
سحبته الين وصلنا لغرفته ودخلنا بصراحه كنت ابي اساله عن امه بس مدري دايم اتراجع باللحظه الاخيره .. المهم دخلنا جلست على السرير اما هو جلس عند المرايا ..
قلت : اش فيك ؟!
حسيته مرتبك ومدري ايش الظاهر فيه شي يمكن لاني معه هنا ..
قلت : كانك منزعج خلنا نطلع
ثامر : لا عادي
ابتسمت : اكيد ولالا ؟!
ابتسم بخوف : اكيد
قلت : طيب فكر معي ايش رايح يكون اسم مجموعتنا ؟!
سكتنا فتره .. ثم قلت : نبي شي مشترك بيننا يبين اننا قدها
ظلينا نفكر فتره .. ثامر : العلي اش رايك
قطبت حاجبيني كيف راح عن بالي ان اللقب مشترك ؟؟ سبحان الله عقله ولا اروع لااله الا الله .
ابتسمت : يسلم عقلك .. طيب اول شي راح نسويه نذلهم
قال : ممم كيف ؟
قلت : نلعب بلايستيشن بتحدي انهم يقولون قدام عمتي والبنات مو قد التحدي !!
صفر : وااااو
وقفت ورحت للمرايا وشلت الشيله ورتبت شكلي .. ناظرته : حلوة ؟!
سكت .. يوه صدق حنا بالدمام طلعنا برا وجلسنا معهم ..
قلت : اش رايكم نلعب تحدي بلايس ؟!
تذكرت نايف بذي الكلمه لانوو دايم يقولها ..
سامر : بس حنا 2 وانتوا 2 كيف ؟!
ثامر : الشوط الاول علي والثاني على بنت عمي وانتوا بكيفكم ..
صفر سامر : يلا ..
قلت : اشششش لايصحى ابوكم ..
هز كتوفه : مو فيه
قلت : طيب العلي ضد ايش ؟
ناظروا ببعض وسكتوا .. قلت : ايش ؟
سامر : نورة ..
نورة : لا سامر ..
سامر : لا نورة ..
نورة : لا .....
قاطعتها : خلاص العلي ونوره .. قلت : والفريق اللي يخسر يلف حول البيت بما فيه عمتي وعيالها وعمي ويقول مو قد التحدي ..
فعلا كان الشوط الاول انا وسامر وانتهى لهم ..
قلت : الظاهر حنا اللي بنقولها ياثامر ..
حسيته خايف .. قلت ارفع معنوياته بهمس : نورة ماتعرف يلا عاد
ناظرني بنظره ماخُفي علي معناها .. قمت جنبه : وانا معك ..
فعلا مثل مابغينا وفزناا ..
صفقت : يجوز يجوز
ثامر : اللي مايعرف العلي
كملت : يقول يجوز
ثامر : هذا العلي هذا العلي
كملت : دايم يفوز
ثامر : دايم
قلت : يفوز

للمعلوميه فقط :. هذه جُمله تُقال في الملاعب السعوديه او في بعض الاحتفالات بفوز احد الفُرق ..!

رفعت حاجبيني ورقصتهم بطريقه مُضحكه من الفشيله ضحكوا .. ناظرت الساعه وشهقت : اذن المغرب ؟!
فزيت ورحت صليت ونورة كمان ..
بعدين قلت : يلا ننزل
نورة : مابتتحجبين ؟!
يوه صدق وين شيلتي ؟ ايه في غرفة ثامر ولد عمي .. رحت واخذتها بالغلط شفت على الدولاب محفور اسمه Thamer Omar .. ثامر عمر ؟؟ يبدي بحرف T ؟؟ يعني نورة وسامر يقصدونه ؟؟ اخذت الشيله باقي اعرف اش يقصدون بالمستطيل نزلت انا ونورة وعيال عمي سامر علشان ينفذ العقاب مع نورة وثامر وانا نتمصخر عليهم .. نزلنا تحت شفت عمتي جنبها ولدها ونهى ونجوى بعباياتهم وجنبهم اكياس اول ماشافوا عيال عمي تحجبوا ..
عمتي : نورة !! وين كنتي ؟!
ناظرتني وابتسمت .. قلت : معي في بيت عمي يلا نفذوا..
نهى : ايش ؟!
نجوى : اش السالفه ؟!
خخخ هذا نجوى الملقوفه اللي اعرفها لازم السالفه
قلت بغرور : اللي فاز ثلاثه اثنين .. والعقاب تشوفونه يلا قولوا ..
ساكتين ومفتشلين ..
قلت : ثامر مساكين رحمتهم خلنا نخفف العقاب الى جمله غير ..
ثامر : قولوا الله يخلف على عقولنا بس ..
ضحكت ومديت له يدي : كفك بس .. يلا اختاروا ..
سامر : موقد التحدي زين ؟
قلت : ونوران ؟!
نورة : مو قد التحدي ..
واتجهوا للدرج من الفشيله .. قلت : لاتنسون باقي عمي عمر هااه
بديت اهمس له عن مخطط اخر وهو يردد : الله يعينهم بس
عمتي : حرام عليك سارة بنتي هذي ترا ماارضى
قلت : وانا مو بنت اخوك ؟؟ وذول مو عيال اخوك ؟! بس هي موافقه مو شغلي
تركي : الحمدلله وله الشكر والحمد والمنه .. بزر !
حسيته يستهزء فيني بغيت ابكي ..
قلت بحدة : كاني برايك بزر فـ هذي وجهة نظرك انت محد يشوفها غيرك لان كلن يرا الناس بعين طبعه .. قبل تتكلم ناظر بحالك لاصقن بامك وانت طول بعرض دلوعه ولله الحمد ..
عمتي : ساره اش ذا الحكي عنه ؟
قلت : معليه لاتدافعين عنه صدق انه ولد بس هو الغلطان يقولي بزر ؟! اللي بيته من زجاج لايحذف الناس بصخر
افحمهم ردي ..!
كملت : واذا ماترضين اعتذر ك انتي بس هو لا والف لا ..
ناظرته عمتي وابتسمت .. اما هو مبرطم كالعاده بس مبين ان فيه ابتسامه جانبيه يمكن سخريه او شي ..
همس لي ثامر : انزين لاتطيح هيبتي قبل شوي انتي بزر اجل انا اش بيقول ؟ ياخوفي يجبلي رضاعه
ضحكت : اوكي اشوفك
قام وسلم على على عمتي وراح فوق ..
قلت : هممم بنات عمتي اش شريتوا ؟!
اشرت نجوى : شوفي ..
قمت وشفتهم .. قلت : روعه بس ليه كله وردي ؟!
نهى : للبنات وردي ...
قاطعتها نجوى : بصراحه ذا المخلوق مارضى ناخذ شي غير الوردي ..
قطبت : ليه بالله ؟!
نجوى : مدري والله يمكن يحبه ..
يحبه ؟؟! يحب اللون الوردي ؟؟ نايف كان يحب الوردي ..
قلت : مدري كيف تيجي ذي اغلبا لعيال يحبون وردي .. أذكر مرة قالي ولد خالي انه موته الوردي ... ناظرت نهى : هيهيهي لاتكتمين ضحكتك ..
ضحكت : لاتقولي عاد وردي ؟!
ابتسمت : وبرتقالي .. بس تصدقين ولامره شفته لبس وردي اوبرتقالي
نجوى : يستحي ..!
هه ايش ماسمعت ؟؟ يستحي ؟! اقسمي بقوة واصدقك !!
نايف مثل مروى اخته لاحياء ابدا وكان هو رجال اكيد جريء ومافيه حيا ذي بنت ياناس عمركم شفتوا بنت ماتستحي ؟! الحمدلله رب العالمين .. سولفنا شوي وتركي ساكت .. لما صارت الساعه 9 قلت بروح انوم
قلت : تصبحون على خير
الكل عداه : وانتي من اهل الخير ..
ناظرته : باقي زعلان ؟!
قال مثل الاطفال : ايه !
ضحكت : احسن ..

ورحت لغرفة نورة لقيتها بالعسل نايمه رحت غرفتي ونمت ..

*
*

.: الجزء الوآحد والع ـشرون :.

" ورحلتُ إلى ×المآضي× البعيد ..
لأُثبت لـ *قلبي *أنني اُحبه ..
وعدت إلى الحآضر القريب ..
لـم ~ ألقَ أيـــةُ ..{ مح ـبه ,؛ "
/
\
/
صعدت السيارة وانا ه ..!
قال : وقسم باللي خلق ذي القمر زوجتي انك مجنونه
قلت : انت ماتعرفه مثلي في البيت 24 ساعه كله يعارض حتى اتفه الامور لا والمصيبه انه وحيد امه .. دلوعتها
ريم : لاااا رحتي فيها من عمتك اجل
قلت : لا عادي لاتشيلي همي !
ريم : تلاقينه الحين محترق قهر
ضحكت عليها ..
المهم وصلنا ونزلنا اما زوجها راح يخليني على راحتي
شفته بيت كبير معقول كل ذا لريم ؟ الله يهينها
قلت بلقافه : بالله ذا بيتك ؟!
ضحكت : لا طبعا انا عندي جناح فوق
تنفست بقوة : قولي من البدايه شهقت كل ذا لك وناسه !
ضحكت ودخلنا بيت ابو زوجها من غير محد يحس وصعدنا لجناح ريم دخلت على طول حذفت عبايتي وشنطتي وكل شي
قلت : ابي بيجاما
قالت : روحي الغرفه
قلت : هيي اصحي ترا غرفتك انتي متزوجه عيب ..
استحت وراحت جابت لي بيجاما واراهن ان ذي استر وحده فيهم لبستها وصليت ..
ريم : يوه فشله اش بتاكلين ؟!
قلت : عادي خبز وجبن ..
اخذت جوالها خمنت انها بتدق على زوجها ..
سحبته منها : ريم انا جايه عناد لتركي مو علشان اتغذى !!
ريم : طيب وانا جيعانه ..
قلت : حلفتك وغلاة رجلك ان ابي اطبخ من زمان ماطبخت !
ريم : لا سارة الا ذي
رميت جوالها على الكنبه وسحبتها ..
رحت عند اقرب مرايا رتبت شكلي وفعت شعري بكليب غير الخصلات اللي سقطت سهوا .. رتبت البيجاما ودخلت المطبخ ووراي ريم ..
قلت : سوف نحضر الآن مكرونيا لاني مشتهيتها .. وبذوقك هيا لاول مرة تعالي
هزت راسها : بعد الولادة باذن ربي
ضحكت وطلعت كل شي احتاجه ثم جلست على الكرسي والاغراض على الطاوله سمعت طرق الجرس قامت ريم توقعت انه زوجها بس طلعت خالتها ام زوجها

سويت نفسي ماانتبهت وكملت شغلي
الين سمعت : السلام عليكم
استحيت وقمت سلمت عليها : وعليكم السلام ..
ناظرتني : اش تسوين ؟!
يووه ياخوفي ماترضى حد يدخل مطبخ ولدها الله يستر بس
ريم : قولت لها ياخالتي لا تدخل عاندت عاد مدري اش اسوي لها ..
شاطره ريم ماتدري اش تسوي لي خخخ ..!
خالتها : طيب روحوا وانا بكمل ..
قلت : لا والله تكفين بخاطري اصلحها من زمان ماصلحت
سكتت عني وجلست عن شمالي وريوم عن يميني ..
ريم : خالتي ! .. ملوك اللي دق عليك وقال لك ؟!
قالت : لا انا سمعت ان عندك خويتك واعرفك ياريم ماتعرفين تسوين شي
قلت : معليه خالتي انا بعلمها اليوم
ورفعت حاجبي لها انقهرت .. خالتها : اش اسمك انتي ؟!
قلت : سارة العلي ..
قطبت حاجبينها : العلي
قلت : ايه سارة محمد فيصل العلي ..
قالت : صدق !!
قلت بخوف : ليه خالتي تعرفيننا ؟!
قالت : اممم تقريبا ولد عم جدك متزوج بنت خالت امي ..
هه فك اللغز على قول المثل ياخال ابوي حك ظهري
قلت : اهااا
هذي الكلمه يعني مافهمت ..
كملت : اول مرة تزورين ريم صح ؟!
قلت : ايه كنت معها في الخبر بالمدرسه بعدين نقلت ورحت معها
قالت : غريب قليل اللي يصير كيذا وفي
ابتسمت لها : لا مو القضيه كيذا لاني سكنت عند اهل عمي ..
بصراحه مالي خلق تجرحني وتسأل عن ابوي ..
فـ كملت : لان امي وابوي متوفين
قالت : الله يرحمهم
ووقفت ورحت للفرن وشغلته وجلست معهم ..
وقفت خالتي : اجل دام خلصتي كل شي مالي دخل .. انزل واخليكم براحتكم
قلت : لا عاد خالتي ماتبين تذوقين المكرونيا ؟!
ابتسمت : مرة ثانيه ان شاء الله
لا ناويه مرة ثانيه بعد ؟!
قلت : لاخالتي اجلسي ..
ريم : بليز !
ابتسمت وجلست رحت وصلحت عصير وحطيته بالثلاجه واتجهت لكرسي بجلس ..
ريم : ساره حبيبتي هاتي لي مويا
خالتها : لا والله !! في بيتك تراها ..
ريم : لا عادي خالتي طايحه الميانه !
خالتها : لا والله مايجي
ضحكت من داخلي ..
ورحت جبت مويا ,؛
وقلت ابي اقهرها : تبين شي قبل اجلس ؟!
ناظرتني بقوة .. ابتسمت لها .. بعد شوي طلعت المكرونيا وحطيته بالصحون وعلى الطاوله وبدينا ناكل ..
أكلت خالتها اول لقمه وانا انتظر رايها .. قالت : حلو تسم يدك
قلت بخجل : تسلمين خالتي
ريم تناظرني بقوة وكأنها مو مصدقه اني ساره ههههه ..!
قالت : ماشاء الله مبين انك متعودة تصلحينها ..
ابتسمت : ايه من يومي بمتوسط
قالت : بعمر ريم ؟!
قلت : لا اكبر منها بسنتين ..
قطبت حاجبينها : كيف تيجي ؟!
قلت : عندي ثالث ثانوي مرتين ..
ابتسمت لي : الله يوفقك ..
وقفت : يلا اترككم ..
همست لي ريم : خلنا نروح معها بوريك اخو زوجي ..
قطبت : اخو زوجك ؟!
همست : تذكرين ليلة الزفه قلت لك عنه حلو يلا نروح ..
فرصه لاتعوض وناسه ..
ريم : خالتي ..
لفت لها .. فـ كملت : بنوصلك .. عادي ؟!
ابتسمت ..
رحت ولبست عبايتي وريم لبست عبايتها والفروقات العشره انا لاصقه فيني وهيا واسعه انا على كتوفي وهيا على راسها انا متحجبه وهيا متلثمه ..
المهم نزلت معها وانا اتخيل شكله المهم انفتح الباب ..
سمعت : يمه !! وين كنتي دورت عليك مالقيتك
قزيته من فوقه الى اخمص قدميه ايه حلو ابي اتكلم علشان ينحرج
فـ قلت : يلا خالتي انا بصعد مع ريوم ..
ناظرته كأنه متعجب مني او مفتشل او لبسي مو عاجبه نزل راسه ..
خالتها : لا سلامتك تسلمين ..
سكرت الباب بهدوء وصعدت وانا اضحك بقوة مو قادره اسكت ..
ريم : حرام عليك
قلت : احسن له
سكتت فتره ثم قلت : قلبي يدق طبول خايفه اش يصير ببيت عمي اعرف تركي عنيد بقوة ومايرضى حد من البنات يطلع
ريم : بصراحه خفت
قلت : تصدقين كل الرجال اللي اعرفهم عنيدين ؟ تركي ونايف وفيصل وزوجك واخيرا اخوك .. تذكرين ؟!
ضحكت بقوة : اش جاب طاري اخوي بعد ؟!
قلت : مدري ذكرته بس اذكر انه يقهرني بقوة ..
ريم : صدقيني هوا كيذا يتعامل مع الكل واللي يعانده يكون اعند بزياده بس الشي اللي مايقدر عليه هو انه يستحي بقوة من اي بنت وبس
فتحت عيني : وين دارسه كل ذا ؟!
قالت : مالت عليك .. قومي نتابع فيلم ولو سمحتي صلحي بوب كورن
قلت : مالت عليك انتي في بيتك واخدمك ..
رحت اصلح البوب كورن ويوم خلصت رحت لريم لقيتها جالسه تتابع ...
قلت : يالخاينه ماانتظرتيني
قالت : طولتي
جلست اتابع وانا منسدحه على رجل ريم وهي متحمسه له اما انا بس ابكي لان المشاهداللي تأثر على طول ابكي عليها بدون نقاش ..

المهم انتهى الفيلم نهايه حلوة قمت ورتبت الصاله لاننا قلبنا عاليها واطيها ناظرت الساعه شوي ويأذن العصر تجهزت ولما اذن صلينا الحين برجع لبيت عمي والله يستر ..
قلت : يلا دقي على زوجك صاير سايق لي بس معليه
قالت : اش رايك نخلي اخو ملوك يوصلك
تحمست : كيف بالله ؟!
قالت : لحظه بس ..
ودقت على زوجها : هلا ملوك .. شف اذا اتصلت عليك امك توصل خويتي قل مااقدر طيب ؟! " ضحكت " توقع ليه ؟! ابي اوريها اخوك .. كيذا .. والله كيذا .. لا مايجي ..
فجأة صار وجهها احمر اكيد لاعب فيها ابن اللذين امنوا : طيب .. قلت طيب لما تيجي نتفاهم باي ..
قفلت وابتسمت : انا حامل ..
صرخت : احلفي !!
ابتسمت : والله
قلت : كيف عرفتي ؟!
ابتسمت بخجل : تو ملوك قال

بصراحه طقت علي اللقافه ابي اعرف اش اسمه ذا زوجها ..

قلت : ريوم عادي أسألك سؤال ؟!
قالت : آمريني بس ؟
قلت : اش اسمه زوجك ؟!
قطبت : ليه ؟!
قلت لكم اني صريحه .. قلت : لأن دايم تقولين ملوك واستغرب اش ذا الاسم اللي دلعه ملوك ؟!
ابتسمت : مالك ..
قلت : اووه حلو اسمه
سكت فتره ثم قلت : يلا نروح لخالتك ..
سحبت شنطتي ونزلنا ودخلت ريم ومدري اش قالت وطلعت ومعها اخو زوجها بجد عليه طول يذبح خخخ لو اني مااحب نايف حبيته خخخ صعدنا السيارة انا وريم ورى وامه قدام ماشاء الله العيله كلها من اجلي ..
قال : يمه وين بيتها ؟!
خالتها : وين بيتكم يمه ؟!
ريم : دق على مالك يدل بيتهم
وفعلا اتصلوا بس مالك لا يرد الظاهر ينفذ اوامر ريم .. المهم
قال : طيب ماتعرفين محل تجاري مبني جنبه ؟!
قلت : هممم هو يبعد عن المدرسه حوالي ساعه الانصف ودقيقه ..
ضحكت ريم ..
قال : يعني امشي من مدرستكم ساعه الا نصف ودقيقه ؟!
قلت : لا شف انت بس وصل عند المدرسه وانا الباقي اعرف ..
وفعلا وصلنا وانا اوصف لها المهم وقف عند بيت مايقع على الخريطه ..
قال : ذا بيتكم ؟!
قلت : لا ..
مشى بيت ثم رجع وسأل : طيب ذا ؟!
قلت : لا ..
سكت فتره ثم قال : مافيه بيت العلي بذي المنطقه الا ذولي البيتين ..
قلت : خلاص انزل هينا واسأل اي حد اشوفه ..
ريم : مو صاحيه لاتسمع لها
وفعلا حرك لمحت بيتنا .. قلت : ستوب ذس از ماي هاوس ..
ضحكت ريم ونزلت ..
قلت : بايو ريم مع السلامه خالتي وولدها .. مع دعواتي ان تدعون اين مااموت !
ضحكت ريم .. خالتي : ليش ؟
قلت : ها ؟ بس كيذا كلنا معرضين لخطر الموت .. بايو
دخلت الفله شفت بوجهي تريك .. طنشته وصعدت الدرج ..
سمعته : تصدقين لو تأخرتي دقيقه وحده ذبحتك ؟!
صحيح انقهرت بس طنشته ..
وصعدت لغرفتي على طول غيرت بيجاما ريم هه رايحة فيها ذا البيجاما ماتناسب بنت لازم متزوجه .. كتبت واجباتي وذاكرت واخيرا اليوم الاربعاء رتبت كتبي ليوم السبت علشان اخذ راحتي مع فيصل ياني مشتاقه له ..


اذن علي المغرب صليت وانسدحت على السرير ابي انوم ماامداني اغمض عيوني الا اواسم حد يصحيني فتحت عيني كانت نورة مااقول لكم ماانقهرت بس معليه ذي بزر ..
ابتسمت : آمريني نوران
نورة : تركي يقول ...
لا اله الا الله الملك احق المبين اش يبي بعد ؟!
قلت : ايش ماسمعت ؟!
نورة : تركي يقول فيه بنت تبيك على التلفون
وطلعت فزيت اكيد ريوم .. مالي خلق اغير البيجاما غسلت وجهي ولبست عبايه وحجاب ونزلت اتجهت للتلفون
وقلت : هلا وغلا امداك تشتاقين لي ؟ تو راجعه من بيتكم ..
سكتت .. قلت : ألوو ريوم فينك
سمعتها : انا مو ريم ..
قطبت حاجبيني : اجل مين ؟!
وناظرت نورة وتركي لانهم الوحيدين اللي معي بالصاله ..
قالت بهمس : امداك تنسين ؟! انا اللي الصبح عندك ..
سكتت فتره وقلبي يدق طبول كنت ابي اسأل من وين جاء رقمي عندها بس سكتت اللي عرفت كل معلوماتي سهل تجيب رقم التلفون ..
قلت : اش تبين مني انتي ؟!
همست : ولا شي
قلت وانااتراجف : طيب ليه داقه ؟!
قالت بهدوء : ابي اسألك يوم السبت ان شاء الله في الفسحه امممم ..
وسكتت .. قلت : بلا مقدمات وقولي !
همست : عادي اكون معك بلحالنا بالفسحه ؟!
دق قلبي : اش تقصدين ؟!
قالت : اقصد ان ريم ماتكون معنا ..
قلت بخوف : لا بس ريم اكثر من اختي عادي ..

هي فعلا اكثر من اختي لكن مو ذا السبب الحقيقي .. السبب هو اني اخاف منها ومن شلّتها ..

قالت : لا مايجي هذا اذا تبين تعرفين مين اكون ..
قلت بتردد : طيب بس كيف اعرف وينك ؟!
همست : بكون بلحالي جنب الشجرة اللي جنب المويا ..
قلت : طيب موعدنا يوم السبت ..
مدري ليه حسيتها تبتسم .. قلت : تبين شي ؟!
قالت : لا مشكورة
قلت بسرعه : اجل باي ..
وقفلت الخط وانا ارتجف اولا من كلامه وثانيا من تركي ياخوفي يفتح تحقيق ..دقيت على ريم رد علي زوجها .. قالت : الووو
قلت : هلا وين ريم ؟!
تأفف : يالله ماتملين منها خليني شوي معها ..
قلت وشوي وابكي : مالك بليز اعطيني هيا وقسم ضروري والله والله ..
قال بهدوء : اش فيك لاتصيحين اهبل فيك .. خلاص اسف .. خوذي ذي خويتك ..
حسيت بنظرات تركي وزاد قلبي طرق .. طمني صوت ريم
تقول : هلا سارونه ..
قلت : مصيبه ياريم ونزلت على راسي ..
ريم : ايش فيه خبريني روعتيني ؟!
قلت : تعرفين البنت اللي الصبح ....
قاطعتني : ايوه اش بها ؟! انا اول ماشفتها قلت وجهها مايبشر بالخير
قلت : من شوي اتصلت علي وتقول ابي اشوفك يوم السبت بدون ريم والله ارعبتني ان نبرة صوتها كله همس
تنفست بقوة : واش قلتي لها ؟!
قلت : أبدا اكيد بوافق مضطره يعني مافيه خيار ثاني غصب عني
سكتت فتره ثم قالت : اذا ريّحتي بقول لك شي
قلت : ايش ؟
جاوبت : لا مهوب ذا الحين انتي خايفه ..
تنفست : قولي لا اذبحك ..
ريم : ملوك يحتاجني ..
قلت : هه هه هه بايخه ! ايش انجزي ؟!
ريم : خالتي اول ماوصلنا البيت مسكتني تحقيق من وين عرفتيها وايش .. وكيذا وليش كم عمرها اقولك شوي وتقولي اش برجها .. عاد لما سألتها ليش تخيلي اش قالت ؟!
قلت بسرعه : مايبي لأبو امها كلام بتخطبني ..
صفرت : ايوه تقولي تهقين لوخطبتها بتوافق ..
قلت : ايش قولتي لها ؟!
ريم : عاد سويت نفسي مدري ايش وقلت والله مدري يمكن تكمل دراستها ..
نسيت نفسي : لو تخطبني اواافق بدون شك بصير جنبك طول اليوم .. ايه صدق اش اسمه ؟!
ريم : الظاهر همام ..
قلت : ولو ان الاسم يقهر بس يالله شكله يجنن عذاب يخقق يشق الراس .. موافقه .. ايوه كم عمره ؟!
ريم : اممم هو توأم مع مالك يعني تقريبا 24 سنه
قلت : يوه بعمر نايف ولد خالي ..
ريم : أقول لك تقولي لا تقولين لحد ابد وبالخصوص لها وانا ولا عندي في ابو امها
قلت بسرعه : موافقه ..

ماحسيت الا بالتلفون ينقطع الخط أكيد مالك هين بس ..
لفيت لقيت تركي حاط يده على التلفون ..

صرخت : ياحمار اش سويت ؟!
قال ببرود : لا تعصبين اول شي استحي تقولين ذا الحكي ثانيا اش ذا رايحه لخويتك ولا رايحه تنخطبين وعلى طول موافقه وخالي ؟! ماله راي ؟!
بروده نرفزني بس ماعليه مو انا اللي يقفل الخط عندي ماحبيت ابين له اني مقهورة ..
فـ قلت : ابي اعرف انت اش دخلك فيني ؟!
تركي : ابدا بس لا تعطينها كلمه اول خالي يعرفه ..
انقهرت : اولا انا كنت استهبل عليها ثانيا اش ذا الذوق تقفل بوجهها ؟!
سحبت يده ودقيت على ريم ..
قلت : معليه ريوم في بعض الناس جنبي ماعندهم ذوق ..
قالت بملل : لاتقولين ولد عمتك ؟!
قلت : ايه .. المهم مسيبنا منو اش اخبار بعض الكائنات الحيه ؟!
ضحكت : هو كائن حي يابعدي ..
قلت : يمكن يكونون توأم مثل زوجك وخطيبي ؟!
ضحكت : خلاص صار خطيبي ؟!
قلت : اهبل فيك ياحماره بس كسذا .. اجل انا آخر عمري آخذ لي واحد من الدمام مو صاحيه ولا ايش ؟!
ريم : ليش بالله ؟!
قلت : وقسم يقهرون وثانيا لو تزوجت واحد من الخبر ميه على ميه بسكن بالخُبر وناسه ..
ريم : يعني اش اقول لها ؟!
سكتت فتره ثم قلت : هيا اصلا اش قالت بالضبط ؟!
ريم : قالت لمحي لها على خفيف وشوفي رايها ..
ابتسمت : لمحي لها على خفيف اني بكمل دراستي ..
ريم : ياحماره ليه ؟!
قلت : لا ريم اولا انا بكمل وانا طموحاتي توصل اني ادرس واتوظف واكون شي ناجح ثانيا ابي واحد من الخُبر ..
ريم : ترا ذبحتينا بالخبر كل شي تبينها ..
قلت : لأني اموت على ترابها ..
انتبهت ان نورة واقفه على راسي .. ابتسمت : اش بك نوران ؟!
نورة : تقول امي جهزنا العشا يلا
قلت : طيب .. ريم قود باي سلميني على الكائنات الحيه ..
ضحكت : يوصل بايو
قفلت الخط وناظرت تركي : اتمنى لو يوم واحد تتصرف بعقلانيه ..
لفيت على نورة : نوران بروح اغير ذي العبايه اختنقت منها وبنزل ..
نورة : بس كيذا احلا ..
ابتسمت : لا والله ؟! لاني لابسه بيجاما يابعدي بروح اغير وانزل مو تاكلين ..

وضحكت وصعدت الى غرفتي لبست بمودتي الابيض ياناس اموت على ذاا لبرمودا ولبست بلوزة بيضا اكمام حطيت عطر ولفيت حجاب الابيض وخذت الساعه وطلعت مشيت على الدرج وانا احاول البس الساعه بس كيف وانا امشي ..
وقفت ولبستها وكملت طريقي الى المطبخ ..
دخلت : السلام عليكم
الكل : وعليكم السلام
نورة : مااكلت انتظرتك ..
ابتسمت ورحت جلست بجنبها : اموت عليك ..
جلست آكل وانا افكر مين هذي البنت اللي تعرف عني كل شي انا ماكملت شهر في ذا المدرسه ؟! مين يعني ؟! مااخفي عليكم اني لاول مرة اخاف رغم ان كأن احد يقولي لاتخافين كـ عادتي قمت من بدري وغسلت فمي وصعدت غرفتي شوي وصليت العشا وعلى طول بسابع نومه .. لاتفكير يشغلني ابدا !!!

*

بما اني نمت من بدري اليوم فـ اكيد بصحى بدري تتوقعوا الساعه كم صحيت ؟! الساعه 2 بالضبط .. نزلت تحت وفتحت التلفزيون روتانا كليب بصراحه لوعندي رقمهم دقيت وقلت تعاقدوا مع راشد الماجد واحشني صوته فزيت لاني تذكرت ان فيه مسجله بغرفتي قفلت التلفزيون وصعدت واخذت شريط قسم مو ذاكره اسمه بس تقريبا اخر كاسيت المهم على اغنيه الحب خالد .. مدري اسمه راشد المهم سيبكم منو صحيح الاغنيه حلوة بس مو احلا من الحزينات لان راشد صوته حزين .. حطيت اغنيه المسافر بدون شعور بديت ابكي عليها بقوة لفت انتباهي مقطع " يالله ياقلبي تعبنا من الوقوف .. مابقى بالليل نجمه ولاطيوف .. " إلى لما قال " يلا ياقلبي سرينا .. ضاقت الدنيا علينا " فعلا راشد مبدع اصلا الابداع يتعلم من راشد .. هه مو جايه احكي لكم عن راشد لاني لو كتبت من اليوم لبكره مابكتفي ..
المهم سمعتها حوالي 8 مرات وقفلتها فتخت دفتري بحزن وكتبت " ورحلتُ إلى المآضي البعيد .. لأُثبت لقلبي أنني اُحبه .. وعدت إلى الحآضر القريب .. لم ألقَ أيةُ محبه " مدري ليه طرت على بالي ذي الكلمات قفلت دفتري ورحت الحمام يعز قدركم وغسلت وجهي ناظرت الساعه كانت 3 إلا ربع ..

رحت توصيت وفرشت سجادتي وبديت اقرا قران رغم الخوف اللي بقلبي من يوم السبت الا اني تطمنت تقريبا .. ظليت كيذا لما اذن صليت ودعيت دعائي " اللهم ان محمد ونهال ..."
طويت سجادتي وفتحت دولابي لبست جينز اسود وبلوزة بني حطيت كحله ولبست حجابي كنت بحط قلوس بس شفايفي رايحه فيها حطيت مرطب وعطر لبست كعب عادي تماما ونزلت البيت كان فاضي طلعت الحديقه لاحظوا شي يوم كنت بالخُبر بالذات يوم الخميس اصعد السطح وبالدمام انزل للحديقه مو قلت ان الدمام غير ؟؟
حتى حيآتي تغيرت يومني جيت وسكنت هنآا ..!

.: نهاية الجزء الوآحد الع ـشرون :.