ماذا يوجد داخل حقيبتك؟

@وَتِين؛; السلام عليكم ورحمه الله وبركاته كيف الاحوال ؟ يارب كل حاجه تكون تمام النهارده جيت ومعايا موضوع للتسليه هنا الموضوع وما فيه بسيط كل واحده مننا متقدرش تستغنى عن حقيبتها وطبعا بيبقى فيها الحاجات المهمه اللي بنحتاجها بره البيت وكل شخصيه وليها احتياجاتها وده بيختلف من مكان لمكان يعني مثلا : البنت الفرنسية بيكون جوه حقيبتها مرطب شفايف وكريم يدين وواقي شمس البنت اﻷمريكية بيكون جوه حقيبتها حزمة دوﻻرات وصاعق كهربائي وعطر مركز البنت اليابانية بيكون جوه حقيبتها علبة مكياج و موبايل آخر موديل ومفاتيح سيارة بالنسبه للبنت العربيه بقى: 1-كيس شيبسى مأكول نصه 2 -قلم كحل مبري من الجهتين 3-شوية فكه عشان المواصلات 4-بواقي علبة شكوﻻتة ليها سنة فى الشنطة 5-حته مراية مكسورة 6-ممكن تلاقى كوباية بلاستيك علشان بتقرف 7-سلسله مفاتيح كلها دباديب 8-قلم روج ملهوش غطا 9-أشياء جارى التعرف عليها مزحه بالنسبه ليا دايما بيقى جوه شنطتي الاتي: باور بانك و الاير بود و اكيد المحفظه والبطاقه وال3 فيزات اللي مش فيهم اي فلوس واحيانا باخد الواير ليس معرفش ليه المرطب وكمان لازم يكون معايا اقلام ونوته صغيره للطوارئ وبفكر حاليا في بخاخ فلفل حار وانتي بقى ايه اللي موجود في حقيبتك دايما ؟