••
العودة   منتدى وندر لاند > القصص والروايات > روايات الانمي_ روايات طويلة

روايات الانمي_ روايات طويلة لجميع أنواع الروايات " الحصرية، العالمية، المنقولة والمقتبسة"


مذكرات ديدارا | " منقوله ".

روايات الانمي_ روايات طويلة


إضافة رد
 
أدوات الموضوع انواع عرض الموضوع
قديم 06-30-2020, 06:10 PM   #1
Lavender
.The wise
SAGE


الصورة الرمزية Lavender
Lavender غير متواجد حالياً

بيانات اضافيه [ + ]
 رقم العضوية : 12
 تاريخ التسجيل :  Feb 2020
 المشاركات : 28,538 [ + ]
 التقييم :  153416
 الدولهـ
Saudi Arabia
 الجنس ~
Female
 MMS ~
MMS ~
 SMS ~
Look for the sound you’re not supposed to hear.
لوني المفضل : Gray
شكراً: 0
تم شكره 3 مرة في مشاركة واحدة

مشاهدة أوسمتي

مذكرات ديدارا | " منقوله ".



لافندر :
السّلامُ عليكم، بإذن الله بنقل كل روايات akatsuki boy هنا
عشان مايضيعُون لقيمتهم وأهميتهم عندي وعند الكثير.

/

01-16-2011

مساء الخير على الجميع
انا حاب مره اشكر هالموقع على فكرته الحلوة
- روايات وقصص الانيمي -
من جد كان خاطري بشي زي كذا لانو في راسي الكثير مثلي افكار
وابداعات ومن يدري يمكن يكونون كتاب مايندرى


مساء الخير على الكل الحلوين والحلوات والشبابين والبناتات اللطيفات << بدينا بالتميلح
انا ديدي تشان اصغر عضو من اعضاء المنظمه اللطيفه حقتنا (( الاكاتسوكي ))
اللي مايعرف معنى اكاتسوكي يعني الغيمه الحمره
واحنا كلنا لابسين بشوت - بشوت يعني هذا اللي يلبسونه الرجاجيل في العيد والعرس ^_^ اي ستره - حمرا انا جالسه الحين اكتب << حسيت انه بثالث ابتدائي
المهم .. انا عندي دفتر شرته لي امي .. هي طبعا شرته علشان اذاكر واكتب فيه مو اجلس اتفلسف واكتب مذاكرتي بس ماعليه تستاهلون .. وانا بحكيكم عن حياتي
الخاصه وكيف عايش انا وربعي وان شاء الله عاد تنبسطون
اول شي بعرف لكم عن ربعي واللي بحش فيهم لكم في هذا الدفتر وهم
ايتاشي : _ ياثقل دمه _ ا ا .. اقصد واحد من ربعي المقربين حيل .. طويل .. مفهي _ مفهي يعني مسطل مايدري وين الله قاطه _ بس قلبه طيب بس يبط كبدي ساعات
هو يحب ياكل المشاوي كثير _ مطيح عند الركن اللبناني وبيت الكباب وهلم جرا _ وهوايته متابعه المسلسلات القديمه وكلمته المشهوره _ يجب الله المطر _
ساسوري : وهذا بعد واحد من اعز ربعي يعجبني فزاع _ يعني لو طلبت منه مساعده يجيك يركض مايصدق يشم ريحه هوشه _ بس انه قليل ادب ولسانه طويل وشايف


نفسه ومغازلجي _يحب يجذب انتباه البنات _ مسوي فيها رجيم ورجيم وبقاله حارتنا كله تحت سريره
توبي : هالانسان غثيث ويستخف دمه ولاصق فيني ويرفع لي ضغطي بس ساعات يكسر خاطري لانه يحبني حيل بس بنفس الوقت حمار يدورها من الله علشان بس
يتمسخر علي
باين : او ناجاتو بالاصح ياحليله عاقل بزياده مدمن كورة ويشجع برشلونه بشغف وعند شيستر شيتا الوجبه المفضله _ هذاك البطاطس اللي علي صورة نمر _ قليل
كلام بس ان تكلم يموت من الضحك
كونان : يازينها .. احم احم هذي نسرة المجموعه .. مزعجة .. مغروره .. ونحيسه _ يعني راسها يابس _ اهلها جايبينها علشان انا اشتغل عندها سواق ياديدي جيبني
ياديدي وديني وكل هذا من غلطه عمري اللي سويتها _ مره من المرات كسرت لمبه سيارتي وبغى ابوي ينحرني عالعيد وصلحتها لي والين يومك تعايرني _


هيدين : هذا اكسل مخلوق في الكره الارضيه منه لو الجدار يتحرك هو مايتحرك 24 ساعه منسدح و وكلمته المعتاده (( مالي خلق ))
اوكي هذي كانت البدايه
اتمنى انو تكون يومياتنا حلوة وتنبسطون منها


***********
STORY 1
"مهمه عاجله "
صحيت الصبح على صوت جوالي _ ولكم ان تتخيلو كيف صوت جوال طايح كم مره وطايح بالمويا 700 مره _ عاد مو زلام اقولكم جوالي بلاك بيري لانو اللي في مثل حالتي
24 ساعه مافيه رصيد وخدمه البلاك بيري تساعدني .. المهم واقوم وانا كاره نفسي وعيوني حمر وارد
****
انا : يالله صباح خير نعم
توبي : صباح وشو يا صباح.. انت الساعه 2 ونص يابابا
انا : الله المستعان .. طيب انت مين ؟
توبي : خخخخخخخخخخخخ شكلك لسه ماصحصت انا خويك توبي الفتى الطيب
انا : والله وماقالت طيب !! طيب ياطيب شعندك .. الا صحيح توبي ؟ من وين الرصيد .؟ هاااااااااااااا من وراي اشوف


توبي : اسكت لقيت عشره طايحه في صالته بيتنا وخذتها وشحنت
انا : اعوذ بالله .. على طول مااصدق الاخ اي يشوف يشفطه
توبي : هههههههههههههههه ماعلينا الحين تعال ورانا شغل
انا : وش قالك قائدنا السحليه _ اورتشيمارو _ وش يبي بعد
توبي : يبيني نودي صندوق كتب لواحد من اقاربه في المدينه المجاورة
انا : واحنا نشتغل تكاسي نوصل كتب وماادري وشو من جده هذا ؟؟
توبي : والله عاد هذا اللي عندي انا وبصراحه انا ماعندي الا الله ثم انت


انا : وطقم قوارير الفيمتو الباقين ؟؟ _ يقصد الاكاتسوكي اللي لابسين اسود_
توبي : ايتاشي دقيت عليه قال يجيب الله المطر وسكر بوجهي و وكونان عصبت علينا وقالت : لا والله اروح واجي واكسر ظهري وباين اليوم مباراه برشلونه والله
لو يحترق بيتهم مادرى وهايدن مايرد من اساس وساسوري قلت له تعال قال ماعندي بنزين قلت له بنعبي قال ماعندي سيارة قلنا بيوصلنا قال ماعندي رجول !!
وقام يستخف دمه لين لاعت كبدي وسكرت
انا : والحل
توبي : الحل انك تجي وياي يابطل انتا لانك احسن واحد وبيعطينا علاوه على رواتبنا 500 ريال وش رايك ؟
انا : خلاص خلاص طيب يللا البس واتروش واجيك
توبي : خلاص ان شاء الله .. ديدي ديدي
انا : نعـــــــــــــم !!
توبي : قول كباب
انا : - بدينا بالاستهبال - كبــــــــــــــاب
توبي : امك تاكل تفاحه هههههههههههههههههههه !! طوط طوط
****
يمديكم على اصدقائي صراحة يجننون وبالاخص هذا اللي اسمه توبي .. انا ماادري هو صاحي ولا شارب الله اعلم .. اجل كباب .. امك تاكل تفاحه !! الله لايبلانا


المهم واصحى وانا اسحب رجولي اللي تعورني وامشط شعري _ والله يبي لي اطلع بدعايه هيد ان شولدرز بدال الشغل مع ذولي اللي مايتسمون !!! _ والبس


لبسي واطلع واهم شي لاتفوتكم سيارتي _ كامري 2009 ذهبيه واللوحه خ ب ل 999 _ وياعمري عليها تصفر من البنزين _ فاضيه مافيها بنزين _
الخلاصه اني سندت ظهري على السيارة واتفرج على بيتنا الحلو واشوف احد من اهل الله _ اهلي _يعطيني فلوس علشان اعبي بنزين , طبعا ابوي مر ولا كانه
شايفني يسلم على القطو اللي يلعب بحوش بيتنا ولا يسلم علي ^ شدعوه يبا عطنا وجه السلام لله ^ ولا من دري ولا من شاف !!

ويمر كذا بالصدفه واحد مااحب اشوفه بس والله من شفته قاعد يعد فلوسه حبيته ^ سبحان الله ^
***
انا : جارااااااااااااااااااااااااااااااااااااااااااا
جارا : ياليل الازعاج . . الواحد مايعرف يعد فلوسه بهل الحارة ولاوشو
انا : ياحبي لك حياك اقلط عندنا
جارا : لا والله مشكور
انا : لا والله تشرب قهوتك عندنا .. حلفت حلفت
جارا : اسمع اذا تتوقع اني بعطيك فلوس .. انت وسيارتك هذي .. مشمخه ومصدومه وحالتها حاله روح روح الله يستر عليك
انا : دام كذا اجل توكل على الله قبل لا اكفخك
جارا : ههههههههههههه والقهوه
انا : انت لو تدخل عندي الحين اسبحك بدلة القهوه اللي جوا _ يعني بيكبها عليه _
******
وراح هالبايخ بطريقه وانا استنى احد يرحمني مافي الا قطو اسود يطالعني بكل احتقار وانا اقول كش كش وهو يمسح راسه ويلحس شعره ^ حتى القطاوة شافت نفسها


وبعد شوي تجيك الغاليه حلوة اللبن امي .. وانط عليها واحضنها واصيح وهي تطالعني خايفه
امي : وش فيك ياولد خوفتني الله يقطع عدوك
انا : يما تكفين ارجوكي تكفين النجده
امي ( وهي تطلع بوكها) : اشوف كم عندي واعطيك .. اوف فقر فقر وش اسوي فيك ؟
انا ( ابتسامه خبيثه ) : اخر مره يما
امي : انت كل يوم اخر مره .. عن النصب وتوكل على الله لاتسوي لي فلم هندي .. خذ هاك 100 ريال .. خذ 20 وجيب عشا لاخوانك بـ 80
انا : ابشري يما مااجي الا وبيدي احلى عشا - على اساس اني باخذ مكافئه من الشغل 500 قلت اوريهم اني مو فقر وبيجيب لهم عشا محترم -
امي : والله العظيم لو تنسى بخليك تغسل الحوش

***


واحب راس امي _ طبعا مايصلح اسير قطو اكل وانكر لازم عاد اسير مؤدب واشكرها _ واحط رجولي بسرعه وسبحان الله ولا توبي الخبل مدبر الفلوس قبلي وجايني
بسيارته وهو يقولي : ادري وجههك فقر تعال اركب . وركبت معاه بسرعه وجينا نروح للبوس وفي الطريق
انا : من وين دبرت السيارة انتا ؟؟
توبي : هذي سيارة باين عطيته كارت الجزيره وقال خذ سيارتي بس لاتخربها
انا : على خير هههههههههههههههههه الا بالله شوف ذيك اللي واقفه هناك ماكانها كونان !!


توبي : الا بلى هي .. وتقول عندي موعد طبيب اسنان وهي في السوق النصابه !!
انا : هذا اللي فالحه فيه تعبانه وظهري يعورني بس الاسواق ماشاء الله اول وحده
شوي ويتصل علي رقم غريب انا : مين ؟؟
: يعني من اللي بيتصل عليك انت وهالوجه .. هارون الرشيد ... انا ايتاشي
انا : هههههههههههههههه هلا اتوش .. خير وش عندك داق من رقم غريب .. بعدين وش فيك معصب ماهي عوايدك
ايتاشي : ابوي هاوشني وعطاني محاضره في كيفيه توفير المصروف وعدم الاعتماد على الاخرين وماادري وشو


انا : عندنا وعندكم خير _ يعني حتى ديدي دايم يجيه تهزيء من ابوه عن هالموضوع _
ايتاشي : يجيب الله المطر .. المهم .. رايحين توصلون الكتب لاوروتشمارو
انا : اي بالله رايحين .. تجي ويانا يالطيب ؟
ايتاشي : حشا لله اول شي امي تبيني اوديها السوق واختي تبي اجيب فستانها .. وشغالتنا تبي اشوف ان كان جاتها رساله وعمتي ..
انا : خلاص خلاص وصل يعطيك العافيه
توبي : سلم لي على اتوش وقوله لاينسى يوصل الكيك لامي
انا : ايتاشي وصل الكيك لام توبي ... الا صحيح انت وش دخلك بام توبي ؟؟
ايتاشي : ان شاء الله ان شاء الله , وش دراني ياديدي انابوصل وبس يللا باي
****************

وصلنا بيت البوس اوروتشمارو _ اسمه طويل واحنا الاكاتسوكي نسميه بوس شاورما _ عاد البيت ماشاء الله حدث ولا حرج يطرد فيه الخيل .. فله 3 ادوار
ومسيح وملحق _ مو مثل بيوتنا .. تحس من كثر الزحمه الجيران بيجون ينامون عندنا _ والمدام قاعده تشرب شاهي وماسكه الجوال وتحش . هذي شفتي فستانها
وهذي من زين كشتها ..يوم شافتنا قالت : هلا والله بعيالي حياكم يما تعال شربو شاهي حياكم .. تبون عاد الصدق !! ليتنا نشتغل وياها ولا نشتغل عند بوس شاورما
ماامدنا نقعد بسم الله الا تجينا كورة طايره وتضرب راس توبي .. التفت توبي ولا واحد من عيال بوس شاورما .. طبعا مابيده حيله الا انه يطالعه ويبتسم علشان
ماينذبح وانا بعد جاتني بنتهم الصغيره وشدت شعري وطالعتها وابتسمت .. والمشكله المدام تضحك وتقول :ياحليلهم عيالي الله يحفظهم .. وحنا نشرب شاهي وناكل
بسكوت وساكتين , عاد البنوته ماخلتني بحالي جات
وقالت : انت وش اسمك ؟؟ ليش جايين بيتنا _ تعرفون الصغار ونحاستهم _
عاد انا جاوبتها : انا ديدرا ياحلوة انا اشتغل مع ابوك
قالت : وع اسمك بايخ _ من زين اسمك ابوك عاد بوس شاورما _
انا : حبيبتي انتي الله يحميك
تخصرت البنت وقعدت تتفلسف : تشتغل مع ابوي يعني انت خدام ابوي ههههههههههههههههههههههههههههههههه ياخدامه
انا ارتفع ضغطي واحمرت عيوني وانهبلت بس مسكت نفسي لاينقطع رزقي وطنشت _ طبعا البنت ماسكتت ظلت طول الوقت تقول خدام ابوي خدام ابوي _ تلوموني بعد
ليش مو ناوي اتزوج !! .. وبعد نص ساعه من الازعاج والقلق .. جا البوس
البوس : هلا والله بالرجاجيل .. ها جاهزين للمهمه ؟
انا : ابد رهن اشارتك يازعيم انت تامر !!
البوس : اسف والله بتعبكم معاي بس انا مااثق اودي الاغراض هذي بالفيديكس _ شركه عالميه لتوصيل الطرود _ ابيكم انتم تودونها
توبي : افا تعبك راحه والله
البوس : في سيارتين فيها كتب كل واحد منكم يسوق سيارة ابيكم توصلونها لاخوي وهالحمير الباقيين _ الاكتسوكي اللي قاعدين بالبيت _ انا بكلفهم بشغله احلى
شوي ولا تنط بنت بوس شاورما تقول : يبا يبا بروح لعمي الله يخليك ابي اروح
البوس : خلاص ياحبيبتي خلي امك تجهز اغراضك
انا طلعت عيوني من مكانها .. بس هديت قلت لالا خلاص بتركب مع توبي
البوس : مع مين تبين تركبين حبيبيتي ؟
انا ( بيني وبين نفسي ) : الله يخليك مو انا !! لاتختاريني تكفين
البنت باعلى صوت : بركب مع خدام ابوي _ واشرت علي _
لا لا مستحيل بموت انا .. انا وهي في بيتها مو متحملها شلون لو تكون معي !!


بكذا نكون خلصه الجزء الاول من كل القصه الاولى _ كل قصه جزئين _ ان شاء الله تكون عجبتكم انتظر تعليقاتكم _
Akatsuki boy


 
 توقيع : Lavender


رحمتُك يا الله، وكلُّ لطفِك لروح أمِّي الطّاهرة.
Infj | 2w1 | Sage.

التعديل الأخير تم بواسطة Lavender ; 06-30-2020 الساعة 11:20 PM

رد مع اقتباس
قديم 06-30-2020, 06:11 PM   #2
Lavender
.The wise
SAGE


الصورة الرمزية Lavender
Lavender غير متواجد حالياً

بيانات اضافيه [ + ]
 رقم العضوية : 12
 تاريخ التسجيل :  Feb 2020
 المشاركات : 28,538 [ + ]
 التقييم :  153416
 الدولهـ
Saudi Arabia
 الجنس ~
Female
 MMS ~
MMS ~
 SMS ~
Look for the sound you’re not supposed to hear.
لوني المفضل : Gray
شكراً: 0
تم شكره 3 مرة في مشاركة واحدة

مشاهدة أوسمتي



وعدت من جديد - طبعا تحمست احط لكم الجزء الثاني لاني ماقدرت ادرس قبل
لا اكمل _

الساعه الحين 4 العصر ..... السيارتين اللي جهزهم لنا البوس شاورما _ اقصد
الزعيم اوروتشمارو _ جاهز للاقلاع >> ليه هليكوبتر ؟؟ وانا قاعد اندب حظي
على هالبنت المزعجه اللي بتكون معي طول الطريق .. طبعا الطريق ساعه وحده
يعني لاتفكرون اني رايح الصين .. توبي يكلم امه يقولها : يايما استني اتوش صاحبي بيجيب لك كيك يمكن اتاخر اليوم.. المشكله اني مااسمع الا صوت صارخها
الظاهر انها قاعده تهاوشه وهو ولاكانه يسمع !! .. وفجئه عم الصمت المكان .. وتجي بنت ابليس _ بنت اوروتشمارو_ بفستانها الاحمر وشعرها الاسود ورابطه
شعرها بشريطه حمرة ووحاطه شنطتها على خصرها .. الحواجب مرتفعه والنفس خايسه .. شغالتها تحاول ترتب شعرها وهي تضربها وتقولها : اي اي عورتيني
_ كسرت خاطري هالشغاله مايسوى عليها _ ووقفت قبالي وتطالعني بابتسامه خبيثه جدا وانا خايفه وارتعش . اللهم سكنهم مساكنهم ..ولا شوي وينط توبي ويمسك
بكتفي
توبي : ياحلاة البنوته والله هذي بتروح معاك
اطالعه بنص عين واقوله : اي للاسف الله يصبرني
توبي : ليش للاسف وربي انها كيوت وحبوبه الله يصبرها عليك . مع فستانها كانها ليلى والذئب
انا: وان شاء الله انا الذيب ؟
توبي : اي والله حتى شوفها الامورة _ ويروح لها ويحاول يمسح على شعرها وتعضه بقوه _
انا : هههههههههههههههههههههههههههه من الذيب الحين ها ؟؟
توبي : خرامه مو اسنان اح اح الله يعينك .. يللا انا بسبقك وانتبه لاتسوى حادث انا بمشي قدامك وانت وراي باي
انا ( التفت على البنت واطالعها بقهر ) : ممكن ياحلوة انتي تركبين السيارة الحين بنمشي
البنت بكل ثقه : لو سمحت انا مو اسمي حلوة ... انا اسمي نانا ولا تناديني الا الليدي نانا !!

بوس شاورما قاعد مع مرته في الحوش بعد ماطلعت السيارات بنص ساعه
المدام : ياحليلهم والله هالعيال اللي يشتغلون معاك الله يعطيهم العافيه
البوس : ماتدرين عنهم دلوخ والله لو اني ماقلت بعطيهم فلوس كان محد بين منهم
المدام ( بينها وبين نفسها ) : يكفي انهم صابرين على وجهك
البوس : خليني اتصل على الباقيين .. وين بيرهبون مني اوريهم شغل الله
المدام : الا ماقلتي لي .. اخاف والله بنتك نانا تتعب هاللي مشغله وياك
البوس : ماعليك منه كل شي بفلوس .. بعدين بنتي مؤدبه مايطلع حسه >> لا العفو !!!
المدام : طيب ياحبيب قلبي ممكن تعطيني فلوس انا بروح السوق اشتري كم غرض
البوس : كم غرض ولا بتخمين السوق كله ؟؟؟ خذي يللا فكيني في امان الله
ويمسك اوروتشمارو الجوال ويبدى يدقدق على بقيه الاعضا الحلوين ...

طبعا جوال ايتاشي صامت _ من زود زحمة المكالمات طبعا_ في ايده الاولى فطاير لعزيمه امه وايده الثاني فستان اخته وايده وبفمه كيس اغراض
ومو عارف يوصل حق مين ويخلي مين .. يطلع له ساسوري مادري من وين
ساسوري : اتوش وش عندك ليه مهول بعمرك كذا
اتوش : امم ... . ام .... ( في فمه كيس اغراض موقارد يحكي )
ساسوري : وشو وشو .. شيل هذا من فمك لايجيك كف الحين
اتوش : أمممممممممممممم .................امممممممممممممممممم
ساسوري ( يشيل الكيس من فم ايتاشي ) : يللا اهرج قول وش عندك
اتوش : اه اه الله ياخذ عدوك ماتسوتعب يعني اني مشغول ... حشا لله يجيب الله المطر
ساسوري : الحين هذا اللي تبي تقولي اياه ..اقول خذ كيسك حطه بفمك ..وش ابي بكلامك انا جاي ابي جوالك ... حذفت رقم هيدين وجيت اخذه ( ويرجع الكيس بفم ايتاشي)
ساسوري يتحسس جيب ايتاشي وياخذ الجوال يلقى كونان حارقه الجوال تلفونات ويرد عليها
ساسوري : هلا بالزين .. هلا بالحلو
كونان : اقول خلصني وعطني ايتاشي
ساسوري : واحنا ماننفع يعني
كونان : والله مو رايقه لك انا عطني ايتاشي اشوف
ساسوري : طيب ماتبين رقمي ؟؟
كونان : اول شي رقمك عندي يالدلخ .. ثاني شي اخلص علي وعطني ايتاشي
ساسوري : ايتاشي خذ تبيك ( عقب مانزل الكيس من فمه )
اتوش : هلا كونان امري وش تبين
كونان : هايات هلا وغلا تعال ابيك تجيبني من السوق
اتوش : ديدارا وصلحتي سيارته وقاعده تعايرينه ... انا بوشو بتعايريني ياذكيه ؟؟
كونان : بعايرك بفاتورة الجوال اللي سددتها لك ذاك اليوم
اتوش : واااااااااااااااااااااااااا حرام عليك طيب خذي ساسوري تراه فاضي
كونان : حولني عليه اشوف
ساسوري : هلا وغلا امر تدلل مالك الا اللي يرضيك
كونان : تعال السوق يابطل ابيك توصلني
ساسوري ( يرفع سترته ) : هوااااااااااااااااااااااااا انا جاي الحين
ويروح ساسوري بسرعه بسرعه لكونان السوق
في هذه الاثناء وبينما باين متحمس لمشاهد المباره - المباره الساعه 7 وهو متحمس من الساعه 4 جاهز - مدخل كارت الجزيرة وقاعد
ومابقى شيتوز ماشراه .. فجئه .. الا ويطفي الكارت - منتهيه مده - .. ينصرع باين ويقوم زي المجنون يركض يبي يشتري كارت جديد
لاحظ ان سيارته اختفت .. وقام يدور عليها تطلع له امه من المطبخ وايدها كلها صابون
ام باين : وش فيك يابعدي تحوس كذا
باين : يما وين راحت سيارتي ؟؟ نمت قمت مالقيتها من ماخذها
ام باين : والله ماادري عنك صراحه بعد هذي سيارة مو مو بوك تنسرق
باين : يما مو وقته خلي تنسق السيارة بس الحين ابي اشتري كارت الجزيرة
ام باين : وش فيه الكارت بعد !!
باين : هذا الخايس اللي اسمه توبي ..... اوووه صح توبي .. توبي هو اللي ماخذ سيارتي
ام باين : وي وي خلف الله عليك ياولدي انا اشهد انك منسم
ويدقدق باين على توبي طبعا توبي مشغل عالاغاني وروووح ولا كان في جوال يرن ويدق علي
انا : هلا باين
باين : اخلص اخلص رجع السيارة انت وتوبي النذل اللي عاطيني كرت منتهيه صلاحتيه
انا : ههههههههههههههههه انا برا الديره الحين وتوبي قدامي الحين طاير بالعجه ولايسمع احد
باين : وسيارتي !!
انا : سيارتك الله يسلمك قدام باب بوس شاورما!!
باين : لا والله ... كدينا خير .. وشلون اخذ السيارة من قدام بيته ...
انا : والله ماادري دبر نفسك يللا انا فيه بومه جنبي مااقدر اخذ راحتي كثير
باين : الله يقلع ابليسكم ... انا الغلطان اللي عطيتكم سيارتي في امان الله

وطبعا انا وبنت ابليس نانا قاعدين بالسيارة .. الجوء هدوء .. وهي قاعد تلعب بالبي اس بي .. وانا اسوق وحاس بملل فظيع ..شوي ولا تصرخ باعلى صوتها
وااااااااااااااااااااااااااااااااااااااااااااااااا ااااااااااااااااااااااااااااااااااااااااااا ... البي اس بي حقها خلص شحنه وقامت تصيح .. انا خفت واختصبت بالسواقه
انا : وجع ... خرعتيني اشفيك
نانا : انت اللي وجع ..... مااحبك ( وقامت تضرب فيني )
انا : اي اح اح بس يابنت .. خلاص انا اسف حشا لله
نانا : انا زهقانه - تقولها وعيونها غايصه دموع -
انا : زهقانه يعني ايش اسوي ارقص لك ولا اقولك قصه
نانا : رجعني البيت
انا _ وانا اطالعها بدهشه - : لا والله ؟؟ وش ارجعك البيت انتي بعد ؟
نانا : وااااااااااااااااااااااااااااااااااااااااااااااااا ااااااااااااااااااااااااااااااااااااااااااااا
توبي حاط على راغب علامه - ليش راغب علامه بالضبط ماادري - ويهز راسه و ومااخذه الطرب ودخل باللفه غلط وطبعا انا كنت لاهي بنانا وقاعد اتهاوش وياها
وماانتبهت انه مش قدامي الا يوم اختفى تماما عن الانظار ... وقفت السيارة وجلست اطالع الطريق :وين راح هذا بعد
نانا : ليش وقفت يللا نرجع البيت ... يللا بسرعه
انا : انتي اسكتي شوي خليني اتصل عليه ... وطبعا مافي اجابه انتو تعرفون وينه فيه وظلينا في نص الطريق ننتظر الفرج
كونان وساسوري بالسوق .. كونان قالت بالمكالمه انها بتخلص لكن الاخت ماخلصت ... وساسوري يدور وراها من محل لمحل من محل لمحل
ساسوري : الله يخرب عدوك .. شاريه ثياب تكفيك 10 سنين
كونان : خير قلت شي ؟؟
ساسوري : ابد سلامتك يللا اخلصي انت واحنا بخير
ومن بعيييييييييييييييييييد ... تشوفهم تشوفهم مره بوس شاورما .. اقصد اوروتشمارو وتتصل على زوجها : ياحليلهم العيال حقيتنك موجودين بالسوق
وطبعا ذاك يدورها من الله فقال لها : اسمعي يالنسره .. جيبيهم لي وانا اعطيك راتبي كله .. وطبعا الحرمه اللطيفه اللي ماتهمها الفلوس كلش كلش ماصدقت خبر
وتصادهم بالجرم المشهود
المدام : طحت علييييييييييييييييييييييييييييييييييييييييكم
ساسوري :عفوا تعرفيني
كونان : هـ ... هـ .. هلا والله يامس اهلين
ساسوري : من وين تعرفينها انتي ؟ اكيد غلطانه
المدام : لا ياعيوني تعرفتي زين انا مره مديرك بالشغل
ساسوري : ومن قالك انا اشتغل ؟؟
المدام : ريلي
ساسوري : ومنهو رجلك ؟
سحبت المدام كونان وساسوري من اذنهم وجابتهم على البيت _ مره اوروتشمارو مب هينه والله - ويوم وصلت البيت ولا تلمح باين بروضه يحوس عند سيارته
وتصيده المدام
المدام : هااااااااااااااااااا واحد ثاني
باين : والله يامدام انا ...
المدام : جب وتعال وياي اشوف
طبعا بوس شاورما مستناس ومتضايق بنفس الوقت وهو يطالع مرته تضحك وه لانها صادت الحلوين : باين وكونان وساسوري
البوس : بل عليج امداك ماصدقتي قلت فلوس صديتهم
المدام : ايدك ايدك على الراتب اشوف
البوس : طيب ان شاء الله اوف اوف ... وانت ياابطال لي عندكم شغل يعجبكم

انا ونانا نمشي بالسيارة .. الخطوط ضعيفه ومو قادر اتصل طبعا اضطرينا نرجع للاننا ماندل الطريق من غير توبي. البنت جالسه تتألف سار لها وانا نفسي في خشمي ...
نانا : اوف من اوف .. انت غبي .. وصديقك غبي ... مالت عليكم ... انا تعبت انا ... جوعانه ... متى نوصل
انا و ( بصرخه مدويه ) : بـــــــــــــــــــــــــــــــــــــــــــــــــ ـــــــــــــــــــــــــــــــــــــــــس !!
نانا : ..........................
انا : بس ولا اسمع حسك ... وش مفكره نفسك ... اذا ابوك مدلعك بكره الدنيا تلطش فيك .. ولو سرتي مغروره محد راح يحبك ويلعب معاك
نانا : ( والدموع في عيونها ) : ..........................
انا : استغفر الله العلي العظيم على هاليوم
نانا : انا اصلا محد يحبني .. دايم العب بروحي .. بابا يقول لي لاتلعبين مع اي احد .. انا طول الوقت لحالي
انا عورني قلبي على نانا .. وتعاطفت معاها وحضنتها باقوى ماعندي ._ اول مره ادري ان عندي اموومه _
نانا : انا جوعانه ابي اكل
انا : - ماصدقت خبر !! - يللا ياحبيبتي الحين ندخل مطعم ونوكلك اللي تبين ^__^

ايتاشي خلص من اغراض اهله وقعد على حيله اخيرا من كثر الفرفرة وقعد في السيارة .. غمض عيونه وتنفس الصعداء .. ولا هيدين يضرب القزاز
اتوش : اوبس خوفتني ( ويفتح دريشه السيارة )
هيدن : هلا اتوش .. شفت ربعك الخونه شمسوين
اتوش : وش فيهم ؟؟؟
هيدن : ماخذين مهم بسيطه وعليها فلوس ولا قالو لنا .. هذا ديدرا الحيوان ويا توبي
اتوش : من جدك ؟؟؟ اتصلت عليهم ومحد قالي
هيدن : اكيد تلقاهم في بيت اوروتشمارو
اتوش ( وهو مره معصب ) : اقول .. اركب يالطيب انا اوريهم اللي مايستحون

انا في المطعم مع بنت السلطان .. والحلوة ماخلت شي ماطلبته وجبه وكيك وقهوه وايس كريم خلصت كل الميه اللي عندي بس ماعليه خلي ابوها
انا : ها حبيبتي ان شاء الله انبسطتي
نانا : ليش انبسط .. اصلا بيتنا احلى من المطعم الخايس
انا ( وباقي شعره ووادوس ببطنها ) : عقب ماخلصتي وشعبتي وكلتي الالاخضر واليابس تقولين كذا
نانا : وش بتسوي يعني بتطقني ؟؟؟
انا : لاحول ولا قوة الا بالله ماتتوبين انتي
نانا : رجعني البيت ولا بقول لبوي انك طقيتني
انا : لا لا لا خلاص - مالت وانا متعاطف معاها طلعت حيه زي ابوه - ييللا امشي
وعندما وصلنا الباب ولا يصادفنا ايتاشي وهيدن وبعيونهم شرار متقد
انا : هلا شباب خلصتو اشغالكم
هيدن : لا والله تاخذ الفلوس لك وتسوي نفسك ماسويت شي
اتوش : الله يسامحك بس ماتعودنا على كذا ... تاخذون اشغال من غير لاتقولون لنا
نانا : خويكم هذا دلخ
انا : انتي اسكتي شوي ... اي فلوس ياحسره عيونكم الحارة ....توبي راح قلعه وادرين ماادري وينه ورجعنا ايد ورا وايد قدام
يطلع البوس من عند الباب وهو مزمجر ومعصب
البوس : ها ياحلوين توكم تجون مابغيتو .. وانت ياديدارا خلصت شغلك ؟؟؟
وبهذا السؤال تنتهي احداث اليوم الاول وسنستعرض الاحداث الاخيره
توبي : طبعا توبي خلص عليه البنزين وهو ينتظر احد يسعفه الحين ولكن ؟؟؟
كونان وساسوري وباين : قاعدين يشطفون ويسمحون حوش البوس شاورما عقابا على هروبهم
نانا : رجعت لالعابها وغرفتها
مباراة برشلونه خلصت من زماااااااااااااااااااااااااااان
ام توبي : تستنى الكيكه ولسه ماجت
المدام : في السواق ه بالفلوس اللي عندها
ايتاشي وهايدن : عطاهم البوس شاورما الكتب يوصلونها
انا : رجعت البيت طبعا ولا 500 ولاهم يحزنون + انو الميه اللي عطتني اياها امي خلصت
فــــــ ........................................ غسلت الحوش كما هددتني هي


الى اللقاء مع حلقه قادمه من مذكرات ديدارا
akatsuki boy


 
 توقيع : Lavender


رحمتُك يا الله، وكلُّ لطفِك لروح أمِّي الطّاهرة.
Infj | 2w1 | Sage.


رد مع اقتباس
قديم 06-30-2020, 06:11 PM   #3
Lavender
.The wise
SAGE


الصورة الرمزية Lavender
Lavender غير متواجد حالياً

بيانات اضافيه [ + ]
 رقم العضوية : 12
 تاريخ التسجيل :  Feb 2020
 المشاركات : 28,538 [ + ]
 التقييم :  153416
 الدولهـ
Saudi Arabia
 الجنس ~
Female
 MMS ~
MMS ~
 SMS ~
Look for the sound you’re not supposed to hear.
لوني المفضل : Gray
شكراً: 0
تم شكره 3 مرة في مشاركة واحدة

مشاهدة أوسمتي



STORY 2
(( يوم في السوبر ماركت ))

يوم الخميس .. الصبح الساعه 9 .. هو الوقت المفضل للوالدة العزيزة
لانه في هالوقت يسيرون اخواني نايمين .. والوالد قرى جريدته ويتقهوى وينام
علشان يصحى للاستراحه بالليل فتستعد هي علشان تروح للسوبر ماركت بس
لكن حصل مالم يكن في الحسبان .. فبينما _<< اتعب على بينما _ انا قاعد بغرفتي

امي : ديدي ..... ديدي الحق علي الحق علي
واجيها اركض على بالي فيها شي .. لا مستحيل .. هذي امي ولن اسمح لمكروه
بالحدوث لها .. سوف انقذها << عن المهايط وشغل ابطال الديجيتال بس !!
واجي ولا القاها حاطة رجل على رجل وتطالع تلفزيون
_ تعبير الانيمي قطره مويا على راس ديدي الوسيم _
انا : الحين انتي مناديتني .. ومسوية قضيه .. وان اختض بطني والحين ..؟
امي : وش اسوي بعد لو اناديك بشويش بتتعيجز وماراح تجي المهم يابعد عيوني
انا : وشو ياامي وشو
امي : منهو حبيب الماما .. مين احسن واحد في العالم يحبني ومايرد لي طلب
انا : .............................
امي ( بصوت عالي وبحواجب معبسه : يعني غصب عنك ترد) : ميــــن ؟
انا : انا انا والله انا .. ديدارا حبيب ماما
امي : قواك الله ابوي ( وتطلع ورقه بيضا طولي تقريبا ) هذي طلبات ابي اجيبها
من السوبر ماركت يابطل
انا : اما انا يما ؟؟ مالقيتي الا انا .. حرام عليك .. وانا وش عرفني بهالاشياء
امي : ياه .. وانا طالبه قنبله نووويه ؟؟ .. طلبات مكتوبه والسوبر ماركت موجود
دوج شوي وبتحصل اللي ابيه
انا : امري لله .. مو انا حبيب امي ( القي نظرة على الطلبات )
* كيلو طماط
* كيلو خس
* كيلو جزر
* كيلو موز _ اهم شي الموز علشان تسكت القرود ( اخواني ) _
* كيلو باذنجان _ يااااااك مااحبه _ ماراح اجيبه ( بينه وبين نفسي )
* معجون اسنان _ نسيت اقولكم ان اخوي الصغير عنده هوس معجون اسنان
يعني ياكل معجون الاسنان بشراهه _
* 3 لمبات _ علشان نركبه في الحوش بعد تكسير اخواني
* اغراض حريم 0__O ?? وش افهم منها هذي اغراض حريم يما ؟؟
امي : يعني شوية كريمات : جل سويد وفاشكول وفازلين بالكاكاو
انا : هههههههههههه فازلين كاكاو .. ناقص بعد يحطو فازلين بالكبسه
امي : والله ماتدري انت هذا الفازلين الجديد
انا : وش جديد ياامي .. انتي بتدهين ولابتسوين تشيز كيك ؟؟
امي : عن المصاخه وجيب اللي مكتوب
انا : ان شاء الله يما تامرين .. بس مالنا مقسوم ؟؟ ( مع ابتسامه عريضه )
امي : والله انك ماتستحي .. هذا بدال ماتشتريهم بفلوسك الحين قاعد تقولي مقسوم
وماادري وشو
انا : من اللي قايلك اني اشتغل مع كوندريزا رايز يما ؟؟ من كثر فلوسي
امي : اجل اسكت واحمد ربك هالمقاضي علشان نسد حلوقكم _ جمع حلق_
انا : طيب يامامي خلاص يللا الحين بروح

وشلت المخطوطه حقتي - ورقه الطلبات _ وسيدا على السوبر ماركت

وها نحن في السوبر ماركت .. ماادري كل ماادخل السوبر ماركت اشم ريحه تايد 0_O !!
طبعا صاحبكم ديدارا ولا بحياته دخل سوبر ماركت الا علشان علشان محلات الايس كريم الا اللي برا
المهم شمرت عن ساعدي وتوكلت على الله واتجهت على اول قسم طاحت عليه عيني قسم الخضار
رحت متحمس .. واجمع الطماط بيدي وبكل حماس ..و يعني قاعد اسوي شي واسئل نفسي ؟
الحين الطمام كم كيلو !! يللا ماعليه بجيب 10 وانا رايح بكل حماس بتجه لقسم الخضار الثاني
ولا اصدم بعربانه - السله المتحركه حقه السوبر ماركت - اسوما سينسي وجاي مع ولد اخوه كونو هامارو

طبعا العربانه حقتهم :خضار .. رز بيض .. قريدس ... سمك ..توابل ... بس اسوما سينيي المسكين مادرى
ان كونو هامارو مسرب الكاكاو ومدخله من تحت علشان يطلع مع الحساب
**
انا : صباح االخير اسوما سينسي
اسوما : ماشاء الله ماشاء الله .. من وين الشمس طالعه ... ديدارا وسوبر ماركت .؟؟
انا : شنسوي والله الحاجه .. ( وتتجه العيون الى كونو هامارو بعيون خبيثه ).. اقول اسوما سينسي .. ترى ياما تحت السواهي دواهي وياما تحت الخضروات كاكاو
وحلاو
كونوهامارو وهو يغمز : احم احم عن اللقافه الزيادة ... ماعليك منه عمي ماعليك . الا تعال انتا ؟؟ وش فيك شايل الطماط بيدك
انا : اجل بوش اشيلهم ...اخليهم على الارض واقولهم الحقوني يعني ؟؟
كونوهامارو : يالدلخ في اختراع اسمه عربانه !!
انا ( بعد ماطاح وجهي طبعا وتذكرت انو وراي اشياء ثانيه غير الطماط اشيلها ) : اصلا انا ادري عبالك غبي زيك .. احط الكاكاو تحت العربانه يعني ماراح ينشاف<< ياشين اللي يصرف
اسوما : هههههههههههههههههههههههههه خلف الله عليك وعلى امن جابتك .. توكل على الله ياابني جيب لك عربانه انت وهالطماط حسستني انك بتلعب غولف
انا : ههههههههههههههههههههههههه ان شاء الله
***
ولقطت وجهي ورحت جبت عربانه زي العالم والخلق .. وبديت احمل اغراض .. شي بكيس وش بدون كيس .. اللي يعجبني شكله احط .. هو كوسا هو طماط هو بقدونس
ولا في خضره مره عجبتني لونا برتقالي وطويله تذكرني براس توبي الله يذكره بالخير ههههههههههههههههههههه ( القرع )

وقاعد ادوج في قسم الحلاو .. طبعا انجين يوم حصلت حلويات اسمها ( مفرقعات .. وتطرطع على اللسان ) لاني شغل متفجرات طبعا .. اخذتها

وبدون سابق انذار يجيني ذاك الشخص اللي مااحب اشوف وجهه .. جارا .. جاي مع تيماري وكنكورو وانا عاد خاطري اتحرش فيه .. امر جنبهم

انا ( مطير عيوني .. واتضحك ) : وش عندهم في السوبر ماركت
جارا ( معبس كالعاده ) : والله الشحاتين اللي سيارتهم محكوكه وقديمه لايحكون
انا : ؟؟طيب دام كذا وش جابكم عندنا السوبر ماركت .. ايها الشاه بندر
جارا : جايين نشتري سم الفيران !!
انا : هههههههههههههههههههههههههههههههههههههههه والله خايف لاتاكله انت
جارا : الحمدلله الخير واجد .. نخاف على الشحاتين ياكلونه ( ويحرك حواجبه اللي ماادري من وين طلعت )
وامشي واخليه ... مااحبه هالجارا مااحبه .. هو وعيونه اللي مكحلها بقلم سبورة سايل ..

وماافظع من اللي شايفه قبل شوي الا منظر عربانه تمشي لحالها بسرعه
ووراها واحد خبل يركض .. كاني اعرفه حق المعرفه ... اوه ساسوري .. واركض وراه وانادي وهو ورا العربانه .. لين مسكها

ساسوري : اشوى مسكتها
انا : اما شكلك وانت تركض وراها .. والله لو مااعرفك كان دقيت على الصحه النفسيه هههههههههههههههههههه
ساسوري : كل هوا الله يعافيك بس ماادري من وين طلعت لي ( ماد بوزه شبرين )
انا : اما .. ههههههههههه ساسوري كان يبي لك تصوير والله
ساسوري : لا والله دمك مره خفيف ياديدي
انا : اسمع اسمع .. وانت تركض ورا العربانه بالله ماشفت لي فازلين بالكاكاو هههههههههههههههههههه
ساسوري : لاتقعد تتمسخر علي مو فاضي لك انا
انا : والله اتكلم جد امي تبي فازلين بالكاكاو تبي تحطه على وجهها ماادري شعرها
ساسوري : شعرها ها ؟؟ ( ويطلع كلوركس من العربانه حقته ) عط هذا امك .. خليها تحطه على شعرها .. يمينا بالله ماتصحى الصبح الا و راسها يلمع ماشاء الله
من الصلع ... ويستحسن تحطه انت معاها

ويروح وهو يتحلطم يكلم نفسه وانا ماقدرت امسك نفسي من الضحك على شكله وهو يركض ورا العربانه .. يارب ثبت علينا العقل هههههههههههههه

انا تقريبا خلصت .. بس باقي فازلين بالكاكاو هذا اللي ماادري وين ادوره ؟؟ في قسم الشوكولاته ولا في قسم المرطبات طبعا مالقيت الا
كونان اتصل عليها واسئلها .. بس خفت ادق تجلس تقول لي جيب لي وجيب لي وتراني صلحت سيارتك .. والله ماتسوى علي هالسيارة
وه ... وه .. فريت السوبر ماركت كله ماحصلت اللي ابيه ... انا ماادري وش اسوي >> ذكروني افجر هالسوبر ماركت عقب مااخلص !!!
وانادي العامل يمكن يدلني
انا : سلام عليكم !!
العامل : ايوه بابا مرهبا .. ارهبو >>>> * __*
انا : هدا فين فازلين مع كاكاو سيم سيم جالاكسي انا يدور مافي يلقى
العامل : اس في كلام ... انت تويل مك مافي _ انت طويل عالفاضي مخ مافي _ تعال معانا انا اسوف .. واحد بقر !!
انا : ..............................
وبعد ماخلصت خلاص .. جاي نافش << اللي يسمعك الحين خذت جائرة نوبل .. ومعاي المقاضي

كان تعليق امي العزيزه كالتالي :
عيونها كذا 0_0 وقلبها شوي ويطلع من محله .. :- لا لا مستحيل ... لا مااصدق انت سويتها فيني .. انت تبي تقتلني صح ؟؟ انت تبي تجلطني ياديدارا
ابي افهم انت عايش معانا على سطح الكره الارضيه ؟؟؟ اقولك جيب لي طماط .. تجيب لي تفاح ؟؟ اقولك باذنجان تجيب لي قرع ؟؟ ووين الجزر راح ؟؟
انا ( وباابتسامه عريضه ) نسيته عن بوابه السوبر ماركت !!
امي : لا ..... ( وتصفق ) قواك الله ابوي .. وين كيلو الموز ؟؟ نسيته وين ان شاء الله
انا : لا مانسيتنه متاكد اني حطيته بدبه السيارة بس انا نسيت الدبه مفتوحه ( بابتسامه عريضه )
امي : ياويلي .. يعني طاح في الشارع ... وهذا الشي ؟؟ جايب لي صمغ باتكس سايل شسوي فيه انا الصق فيه عيونك ؟؟
انا : والله اسف ماانتبهت على بالي معجون اسنان
امي : ما انتهبت ولا احول مااتشوف ؟؟ واللمبات ياديدارا اللمبات !! اللمبات حسبيا الله عليك .. تجيب لي لمبات مكسره وش اسوي فيهم انا ها ؟؟؟؟ وين حطيتهم
بالشنطه وخضيتهم وكسرتهم وجبتهم وش اسوي فيهم ها .. والطامه الكبرى .. الطامه الكبرى ياااااااااااااااااااااالهي .. اقولك جيب لي فازلين باكاكاو تجيب لي فازلين
وجالكسي ليه ان شاء الله ؟؟ ليه ؟
انا : اااااااااااا ..... يما قلت اذا مالقيتهم كلهم بقاروره اجيبهم مجزء ... تاكلين و تتدهنين بنفس الوقت


***************
نلقاكم في الحلقه القادمه من مذكرات ديدارا
انتظر تعليقاتكم بفارغ الصبر
akatsuki boy


 
 توقيع : Lavender


رحمتُك يا الله، وكلُّ لطفِك لروح أمِّي الطّاهرة.
Infj | 2w1 | Sage.


رد مع اقتباس
قديم 06-30-2020, 06:12 PM   #4
Lavender
.The wise
SAGE


الصورة الرمزية Lavender
Lavender غير متواجد حالياً

بيانات اضافيه [ + ]
 رقم العضوية : 12
 تاريخ التسجيل :  Feb 2020
 المشاركات : 28,538 [ + ]
 التقييم :  153416
 الدولهـ
Saudi Arabia
 الجنس ~
Female
 MMS ~
MMS ~
 SMS ~
Look for the sound you’re not supposed to hear.
لوني المفضل : Gray
شكراً: 0
تم شكره 3 مرة في مشاركة واحدة

مشاهدة أوسمتي



STORY3
(( اكره المدرسة !!))
((المدرسة ... هي بيتنا الثاني .. فيه ننمو .. وفيه تبدى اول خطانا الى الحياة الخارجيه .. لا تعلم مالشعور الذي يراودك عندما ترى تلك البراعم الصغيره تتطاير في كل
مكان .. وتملى بسامتها المكان ))

طيب انا وش علي ؟؟؟ ..خلينا من هالكلام الفاضي والخرابيط .. بلا براعم بلا نيله الا جنانوه قرود .. يتطايرون ويخربون الدنيا
وانا صادق .. مع تحيات ديدارا ... احم احم .. قادتني رجولي في يوم من الايام .. اروح لمدرسه الابتدائي وجذبني منظر الاطفال اللي من زود برائتهم قاعدين ياكلون
الزرع .. ويسكرون الخشب ... ويتهاوشون .. ياحسافه على ايام قبل والله .. اول تشوف الطفل البريء اللي يتميلح ويحاول يجذبك علشان تحبه الحين لو تمر على
واحد وتطالعه يقولك : وخر لافقع وجهك !!! ولا ااذا كانت بنت تقول : ويه قطيعه ماادري وش يبي .. 0_0

المهم انا جلست برا حلبه المصارعه - ساحه المدرسه- اتفرج طبعا فاضي ماعندي شي .. ولا احد يمسك كتفي .. هيدين


هيدين : وشو يابو الشباب حنيت لايام الطفوله
انا : الله لا يعيديها .. تعال شوف الزومبي اللي هنا مو صغار حشا والله
هيدين : عادي ياحبيبي ماشفت شي .. مايمديك على بنت اختي ام 5 سنين اتهاوش معاها تتخصر وتقول لو مو عاجبك كلامي ... طلقني
انا : 0__0
هيدين : جد والله وش موقفك هنا بالحر
انا : الفضاوه وانا اخوك .. انت وش جابك
هيدين : يعني لو انت فاضي ؟؟ .... انا بيكون الشغل مقطعني ؟
انا : بوس شاورما مااتصل عليك اليوم ؟؟
هيدين: بوس شاورما مسافر طاجكستان
انا : ههههههههههههههههههههههههههههه وش موديه
هيدين : والله مااادري على زعيمنا شطحات .. عسى يجيه نمر ويعضه ويموت
انا : ادري ان النمر هو اللي بيتسمم بس يللا ماعليه .. امين
هيدين : بالله خلينا ندخل على المدرسه .. خاطري اتلقف
انا : تلا ياابن الحلال فكنا من شرك .. مالي خلق مشاكل .. اكلي لحوم البشر اللي هناك لايمكن السيطره عليهم
هيدين : تعال تعال بس لايكثر


ويسبحني هيدين من ايدي .. وندخل في خضم المعارك المقامه في ساحه المدرسه .. ماامدى هيدين يقول : ااااااااااااااااااا.. الا ونطو عليه مثل قطيع الذئاب الضاريه
وهو يصارخ : لحقي علي يماااااااااااااااااااااااااااااااا .... وانا اطالعه ونص الاولاد الثانين طالع من عيونهم شرار .. خفت انا وبغيت اتراجع واطلع .. لكن المتوحشين
سوو سور حول البوابه يعني .. (( لن تخرج حيا )) .. واسحب رجولي واركض باقوى ماعندي ... انحش ياولد .. وهم وراي جيوش .. اتوجه لغرفه الفراش


واطيح على ركبه واقوله وانا الهث : داخل عليك ياعمي تقولي .. عيال مدرستكم اشفيهم ملتمسه افياشهم ؟؟ يطالعني الفراش بنظره حزن وكئابه : والله ماادري شقولك
ياوليدي .. العيال ذولي مثل الثيران الهايجه .. لاحسيب ولا رقيب .. المدرسات جوا غرفه المدرسات يسولفون .. والمدير نايم في غرفته .. اطالعه بانفعال واقول : وانتا ؟؟
يرد علي : انا ياوليدي مسيكين لو لي بيت غير هالمدرسه كان هجيت - هربت من زمان -

واسمع هزه ارضيه مسوينها العيال وهي جايين وراي ركض .. اكمل ركض
وادخل في مباني المدرسه .. من سيب لي سيب ..المشكله اني اركض بلا هدف وماني شايف اللي وراي .. المهم اني حاس بخطر شديد وادخل على غرفه المدير والمفاجئه

ان القى المدير منسدح على الكنبه .. و وايتاشي جالس على مكتبه يلعب سوليتير 0_0
انا ( وانا شاد ملابس ايتاشي ) : انت ياوجه النحس وش تسوي هنا ؟؟
ايتاشي ( مشغول بلعب السولتيير وحاط ايده على خدود : مانبي بيتزا شكرا !!!
انا : بيتزا ؟ هــــــــــــــــــــــــــــــــــــــــــــي ... صحصح يارجال وطالعني وانا اكلمك
ايتاشي ( توه ينتبه اني موجود هنا ) : اوه .. هلا بالطيب .. هلا بديدي سار لنا فتره ماشفناك
انا حبيت ازور عمي المدير بالمدرسه وسبحان الله شفتك !!
انا : الحين الحق علي ودبرني .. هذولا المجانين يلاحقوني والله اني خايف
ايتاشي : بسيطه عندك الدولاب ادخل وانا اقول انك مش موجود .. ويجيب الله المطر
انا : تهقى - تظن ذلك - !!
ايتاشي : ايه ادخل سفط _ من تسفيط الملابس - نفسك وادخل الدولاب الحين

واروح بسرعه وادخل جوا الدولاب واسكر على نفسك وادعي بالفرج .. واسمع وصول الاطفال .. وطبببببببببببببببببببببب كان احدهم خلع الباب برجله
ترى مالذي سيحدث ؟ تابعو الجزء الثاني من حلقه (( المدرسه ))


akatsuki boy


 
 توقيع : Lavender


رحمتُك يا الله، وكلُّ لطفِك لروح أمِّي الطّاهرة.
Infj | 2w1 | Sage.


رد مع اقتباس
قديم 06-30-2020, 06:12 PM   #5
Lavender
.The wise
SAGE


الصورة الرمزية Lavender
Lavender غير متواجد حالياً

بيانات اضافيه [ + ]
 رقم العضوية : 12
 تاريخ التسجيل :  Feb 2020
 المشاركات : 28,538 [ + ]
 التقييم :  153416
 الدولهـ
Saudi Arabia
 الجنس ~
Female
 MMS ~
MMS ~
 SMS ~
Look for the sound you’re not supposed to hear.
لوني المفضل : Gray
شكراً: 0
تم شكره 3 مرة في مشاركة واحدة

مشاهدة أوسمتي



لحظات رعب وانا جوا الدولاب .... وانا متاكد مليون بالميه ان الاخ اللي برا _ ايتاشي _ خايف اكثر مني ويتنافض
واحد من البزران ماسك مسطرة : وين راح ؟؟
ايتاشي ( وهو واقف ويأشر بعيونه على الدولا ب >> نذل ) : هــ.. هـــ... ماادري
البرزان ( طبعا مو فاهمين شقصده بحركه عيونه ) : لاتكذب .. ترى الله بيقطك بالنار
ايتاشي ( وهو يحرك رقبته على وياشر للدولاب ) : وش ... وش رايكم ياشاطرين تطلعون تلعبون برا
العيال ( بصوت واحد ) : مانبــــــــــــــــــــــــــي !! مو شغلك
ايتاشي : خلاص خلاص بقولكم وين بس لاتقلبون الدنيا
انا : 0__0
قائد الاطفال : لحظه لحظه وش ضمني انك ماتكذب علينا .. ربطوه
انا ( بصوت واطي ) : احسن من حفر حفره لاخيه وقع فيها
وعاد ماامداني اتشمت فيه الا ولايرن جوالي ويفضحني .. جيت بسكره ولا اضغط بالغلط من الخوف على زر السبيكر
: وينك خليتني برووووووووووووووووووووووووووووووووووووووحي .. طقوني العيال طق وانت شردت ومابين الاغبارك
انا : هيدين يافضيحه
وطبعا انتو تعرفون وش سار بعدين !!


هيدين وبكل ثقه جالس يدق علي مرات عديدة عقب ماسكرت بوجهه طبعا تعرفون ليه !! ومسوي نفسه راعي حق لابعد الحدود وهو يقول : الحين هذا ليه ان شاءالله
مايرد علي ... انا اللي اكلمه يعني رصيدي اللي بيخلص .. ويحس فجئه ان في وراه اثنين ... ( طبعا مااحب يتلفت خايف شايف الظل طويل )
.... : انت ياولد وش تسوي هنا ؟؟
هيدين : اوووه جيرايا وتسونادي هنا ..
جيرايا ( يخبطه على راسه ) : اسمي عمي جيرايا ياولد
تسونادي : ولد الاكاتسوكي يعني وش تتوقع يكون مؤدب انت بعد ؟؟
جيرايا : اي بالله ذكرتيني .. مايجي من ورا اوروتشيمارو خير
هيدين : خويك هذا بوس شاورما وانت اخبر فيه بعد
جيرايا وتسونادي : 0_0 !!! وتنفجر من عندهم ضحكات مدوية
هيدين : ههههههههههههههههههههههههه بس مو تروحون تقولون له ترى يسلخني
جيرايا : الله يقلع عدوك .. والله انها مسكه ياشيخه - شي امسكه عليه - << طبعا ماانتبه لهيدين انه يقولون لاتقولون له
تسونادي : عاد لاتثق بجيرايا تراه مخرف يقط خيط وخيط
هيدين : الله يستر .. الا صحيح وش عندكم في روض تعليم البراعم .. ليكون بتدرسون هنا ؟؟
تسونادي : لا وش ندرس انت الثاني .. احنا سمعنا انو الاولاد فيهم هيستيريا .. فطلبت منا الاداراه نقشهم كلهم - نقشهم يعني ناخذهم - ونوديهم عندنا في الكونوها
هيدين : وش بتسوون فيهم بتحرقونهم يعني ؟؟
جيرايا ( بعد ماوقف من الضحك ) : لا لا ... بنستغل طاقاتهم المتفجره هذي وبنسويهم كلهم نينجا
هيدين : خلف الله على قريتكم اذا اصل النينجا اللي عندكم كلهم كذا -_- !!
تسونادي : لاتشك بقدراتنا يابابا ... انا مهجده كل اللي في القريه تبي شويه بزارين يخووفوني ... انا اضرب برجلي الارض يتنافضون كلهم >>> ياليل المهايط
هيدين : شفتي الحفره اللي انتي سويتيها ... هم يشيلونك كذا وياخذونك ويقطونك فيها
جيرايا : انت اذلف ياولد بوس شاورما هههههههههههههههههههههههههههههههههه مو عاجبينك حنا .. انت تعرف وش احنا
تسونادي : بوس شاورما حقك هذا ماقالك احنا مين !! انا وشجره الصنوبر اللي معي _ جيرايا من ضخامته _
هيدين : لا ماشاء الله مو مقصر ليل ونهار وهو يطريكم بالخير !! << وين خير كله يحش فيهم
جيرايا : الموهم .. يابوس شاورما انتا ههههههههههههههههههههه .. احنا رايحين توصي شي ؟؟
هيدين : ايه .. تكفون خذونوي وياكم .. 2 من اربعي محتجزين جوا ومااحبيت ادخل الا ومعي حمايه
تسونادي : ياكمخه _ ياغبي !! _
جيرايا : ووالله صدق طلع بوس شاورما ..هههههههههههههههههههههههه
هيدين : ايه ايه انا كمخه وغبي وكل شي بس بروح وياكم انزين ؟


غرفه مظلمه ... لالا هم مربطين عيوني بعصابه سودا .. وشالوها عني .. اشوف قدامي كومه بزراين قاعدين .. اح وش هذا .. ورابطيني انا وايتاشي .. اهزه وهو نايم
ايتاشي ايتاشي !! ..... ولا في اجابه الحمدلله .. على قولته يجيب الله المطر
قائد البزارين : انتم الحين في قضبتنا
انا : قبضتنا قبضتنا ياحبيبي
قائد البزارين ( منحرج ) : المهم .. احنا مستحيل نطلعكم من هالغرفه ابدا ابدا لو يجي سوبر مان لو يجي بابا <<< طبعا تعرفون اغلب الاطفال يعتبرون ابوهم اقوى رجال
بالعالم !!
اانا : حرام عليكم .. يعني وش تبونا تحبسونا هنا .. والله بنخيس بنسير مخلل
قائد البزارين : خلاص كسرت خاطري >> رقيق ماشاء الله
انا : لا والله ..... المهم ياشطار لو فكيتوني باعطيكم حلاو وبوديكم حديقه الحيوانات وش رايكم
البزراين ( بعيون بريئه ) : والله والله ؟
انا : ان شاء الله اوديكم حبايبي انتو
البزارين ( رجعو لعادتهم ) : لا والله تكذب علينا !! طلعه من هنا ماتطلع
انا : وليييييييييييييييييييييه .. طيب وش تبون مني الحين
البزارين ( قامو يطالعون بعض وواحد منهم طلع دفتر ورزه قدام وجهي ) : حل لنا الواجب كلنا وبنطلعك
انا : 0_0
4-2 =
3+5=
2X1=
كنت ابضحك بس مسكت نفسي لا اتكفخ
انا : والله صعب .. بس انا عندي لكم فكره
واحد من البزران : وشو
انا ( وانا التفت وراي ) : هذا اللي نايم ذكيييييييييييييييييييييي مره اخذ الاول في كل شي وبطل يعرف كل شي صحوه علشان يحل لكم الواجب وانا
خلوني اروح للاستاذ حقكم .. تراه صديقي اكيد شفتوني ذاك اليوم معاه في الحديقه << نصب X نصب
البزراين : رحت وياه الحديقه ؟؟
انا : اي اروح معاه الحديقه والسوق وذاك اليوم عطاني قلمه ..خلوني اروح اكلمه علشان مايعطيكم واجب كلش كلش
البزراين ( مع شهقه فرح ) : خلاص يللا روح بسرعه بسرعه
انا ( وانا التفت على ايتاشي وبنبره صوت واطيه ) : نشرب من كاسك ياصاحبي _ يعني زي ماسويت فيني اسوي فيك _
وفكو رباطي وانا امشي بشويش لين بعد انظارهم بشويش وعدت ادارجي للبيت طبعا وانخشيت عند امي
هيدين وتسونادي دخلو غرفه المدير وتسونادي طبعا غلى دمها يوم شافت المدير وسبحته معاها .. اما هيدين كمل لعبه سوليتير اللي بداها ايتاشي *__*
جيرايا عند غرفه المدرسات
وحده من المدرسات : والله دمك خفيف هههههههههههههههههههههههه
جيرايا ( جالس يتفوشر ) : انا ذاك اليوم ماخليت احد في القاعه عزمتهم كلهم على حسابي
وحده ثانيه : ياي مره كريم .. وقولي كم عمرك
جيرايا ( وبكل ثقه ) : 26 .... 0__0

تسونادي وهي تجر المدير اللي متخدر كليا ولا راضي وتفتح غرفه النشاطات _ الغرفه السريه اللي يستعملونها الاطفال علشان يعقدون اجتماعاتهم _
وشافت الفاجعه .... البزران صافين طابور .. وواحد ينظم الطابور .. وايتاشي الشجاع قاعد يحل الواجبات .. وهو يشاهق .. وفي اثنين وراه ماسكين مساطر
( علشان ماينحاش )
تسونادي : لا والله ؟ .... يعطيك العافيه حبيبي ..وش قاعد تسوي تقص تذاكر
ايتاشي : لا قاعد اطعمهم ضد الحصبه .. وش رايك اني قاعد اسوي ياابله


هههههههههههههههههههههههههههههههه ... ونرجع نقول الاطفال .. هم زينه الدنيا ... يعني وش سار لو انهم طالبين منا نحل لهم الواجب بكل هدوء ؟؟ ..
احل لهم وكل واجب بخمسه
>> طماع

**********************************
نلتقي في حلقه اخرى من مذاكرات ديدارا
akatsuki boy


 
 توقيع : Lavender


رحمتُك يا الله، وكلُّ لطفِك لروح أمِّي الطّاهرة.
Infj | 2w1 | Sage.


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كوّن كلمة "صابون" و زحلق العضو اللي تريده 🧼 سيـرَان. تسالي و ألعاب 480 اليوم 01:49 AM
𝐌𝐈𝐒𝐓 | " طريقة إبراز لون واحد فقط من الصورة ". Lavender دروس وملحقات الفوتوشوب - Adobe Photoshop 6 11-03-2022 11:54 PM
ألماسـي | صيدليه العلاج بالثوم | The Garlic. " قاموس متجدد". MiMi صحة وصيدلة 17 08-06-2022 09:57 AM
𝐁𝐋𝐎𝐆𝐒 | " قسم المدونات ". MELODY مدونات الأعضاء 2 02-24-2021 09:03 PM

شرح حديث

علف


الساعة الآن 05:43 PM