Me , Myself and I

best comic show ever


المسلسل الوحيد يلي حتي بعد ما كملته لأكثر من
ستة مرات ، نرجع له

نتذكر من حوالي سنة ، مريت ب صدمة قوية جدا في حياتي لدرجة
في هذاكا اليوم من كثر بكاء تنفس قطع عليا واغمي عليا لمدة عشرة دقائق
او أكثر ، بعد ما نضت وعرفت شن صار لي بكيت لمدةة ساعة تانية
ونضت فتحت لابتوب وتفرجت علي فريندز للصبحح ونفس شئ درتها
لمدة شهرين
بس مع هذا العرض هذا افضل دواء ل اي شئ سئ نمر فيه
ولحد توا ، لما بديت نتب في تدوينه هذه ، كنت نتفرج علي فريندز في ام بي سي 4
من اول حلقة ومع ان كمل توا 4 حلقات ، هذا وين قدرت نكمل تدوينه
المهمم الفريندز سواء من شخصيات او احداث او الاغنية او حتي بس استيديو يعتبر تحفة فنية
ولا يمكن في يوم نكرهه ابدااا

قبل كانت الأفكار تجني بالساهل وكنت نتجاهل فيها ونتجنب نخدم
عليها او نطورها لان كنت مكسلة وما خاطري نتعرض النقد او ان حد
يعطني رايه فيها لهذا كنت نتجنب او نرفض فيها ،
اما توا لان نبي نبدا في فكرة ما او ان نطور بشئ مافيش افكار ابدا ولا حاجة
نبيي حاجة يا ناس ما هذااا

ليا اكثر من اسبوعين بادية في كتابين ولحد توا ما كملتهمش
وما نعرفش امتا نكملهم ونفكر نبدا في واحد تالت
علي قد ان يبدو مستحيل وتقولو كيف تززبطي وتربطي في احداث يعني
ما تتلخبطش ولا ان افكارك تشوش نقولكم لا لا لا ، لما نبدا نقرا في كتاب
عقلي ينغمس فيه بكل ما فيه وما يحلل في كل كلمة ويحفظها ويتعلم منه ومجرد
نسكره نقعد نفكر في كلام اكثر واكثر ونحلل ونتوصل ل استنتاجات مرضية
، ننتقل للككتاب التاني ومرات نفوت كم ساعة او نفوت يوم ، وطبعا نقرا في اليوم حوالي
ستة او سبعة صفحات ونقراهم بشوية بشوية وبتمعن لن نفهمم كل كلمة ومرات
لما في حاجة تقطع عليا حبل افكاري ، نرجع نقرا من اول جديد صفحة ومرات تشابتر كامل
وصح نلقا ان في بعض كلمات فاتتني
شعور وانت شاد الكتاب في يديك شعور مش عادي ، شعور لا يوصف ومع ريحة الكتاب اووووه
ماي قادد مافيش زيه نشكر ربي ان حصلت شغل يخلني نقر نشري كل كتب يلي
نبيها واكثر

ام سوري بس كوريين أحسن ناس في برامج ترفيهية ، عندهم قدرة مش
عادية في ابتكار الافكار وتقديم وترفيه ، ليا تقريبا سنة نتفرج عليهم وكل مرة يزيدو
يفأجؤ فيا في افكاهم وابداعتهممم وكل يوم يزيد تعلقي فيهمم

علاش مافيش قسم خاص بالكتب ؟؟
ياريت ايديرو قسم خاص بالكتب وتحميلها heart3
كان بيكون قسم مفضل عندي heart3heart3