سابِحةٌ فِي الفَـ ض ـاءِ’

السلام عليكم مريت ببتجربة جميلة لطيفة من يومين حبيت ادونها هنا حتى تظل ذكرى رحت ادرس ابتدائي انكلش و علوم العلوم ما اخذتهم و لا دقيقة بس انكلش بما انو انا مو خر يجة تربية و لساتني صغيرة فالمدير قال انو ادخل مع معلمة ابتائي و اشوفها كيف تدرس، اتعلم منها و طريقة معاملتها للاطفال ما الى ذلك شفت اسلوبها بين اللين و بين القاسي انا انتبه للنظرات بعيونهم و اساليبهم شفتهم مو كلش حابين الوضعية عاد لما اخذتهم بعدها قلت بكون لطيفة مرررة معاهم دخلت اول درس سولفت معاهم شوي و اتفقت وياهم انه اللي يصير مهذب و يدرس كويس و يجيب درجات سنعة بعطيه هدية و معاها رسمة للشخصية اللي يحبها هو شفتهم فرحوا و كلهم وعدوني انو بيحضرون و كلشي بيكون تمام و كانوا مستمتعين و اهم حاجة ما سمحت لاحد يضحك ع احد لما يغلط لان بخليه يقوم و بساله و انا متاكده انه بيغلط بعد حتى اخليه يحس بنفس الشعور عاد المهم خلصت المحاضرة و استانسن كلنا و كذا ثاني يوم لما جيت شفتهم غير عن امس كذا بس يسولفون بينهم و ما ينتبهون فعرفت وقتها المعلمة ليش كانت تعاملهم بقسوة شوية وقتها صحت بيهم كلهم حتى ينتبهون و يبطلون و عرفت انه هم جايين هني حتى يلعبون و يمرحون موب يدرسون -المكان معهد تقوية موب مدرسة- اشرح لهم و اظل اعيد و ازيد و هم ولا عبالك ولا يمهمم انا تعبت من الاعادة هي 6غ مدري 8 كلمات ابيهم يحفظونها بس معنى مو شي و مو راضين بحفظوها صارت السوالف بفلس و كل شوي واحد يضرب الثاني او يتريق عليه و اشياء ما تليق بطلاب جالسين بصف اوكيه ذا كان سبب خلاني انزعج من التعامل بس اوكيه هم اطفال لازم اتحمل تصرفت مع الموضوع و كذا المعلمة اللي كنت عندها اتعلم هي نفسها معلوماتها غلط تخيلوا 30 الف + الف كم بتصير؟ تقوللهم اربعين الف!! 185003 تقراه لهم مليون و 85 الف و 3 هو ييد القيمة المكانية لل 1 كم هنا؟ قيمته مئة الف هي تقول مليون و تقول انه المليون المرتبة السادسة و انو مئات الالوف هي نفسها الملايين انا لما قلتلها المعلومة الصح عاندت و صارت تناقش قدام الطلاب! انا ما سكتت لان ذا اللي قدامي غلط بغلط و قلتلها و فهمتها الصحيح ورة فترة تاكدت هي من الجواب الصح و جت قالت لي اني كنت صحيح و كذا و انو احح لهم هالشي كان واحد منهم قال "طلعتي تفتهمين اكثر منها" هي راحت و ما سمعت بس انا حسيت بالذنب ما كان بودي تصير نظرتهم لها كذا تعليما غلط كل الف تزيد عشرة الف مدر ي ليش هم الله يسلمهم بس يردون يلعبون ما احد حريص ع واجبه او ع الاقل اهله حريصين عليه فهم كانوا يومين و انسحبت لان الوضعية ما عجبتني لا و تخيلوا التعليم كذا صار بالمدارس بعد اتخيل هذا الطالب لما يوصل ثانوية عامة شنو بيكون؟ عموما هي كانت تجربة غريبة و جديدة علي

أكره لما أرسلك رسالة طويلة خاصة و انا مو مكلمتك من زمان و جاية بلهفة و مشتاقة لك ترد علي بعد سبعين سنة و بكلمة او اثنين لأكون واقعية، انا ما اعرف ظروفك و مررة مقدرة تأخيرك و ما راح اسأل و ازعجك لأن هذا موب طبعي و لا يحقلي اسأل اساساً لانه خصوصيتك هذي و انا احترمها جداً! بس ليش البرود؟ جد جد يحزني هالشي و اكرهني لما اهتم لهلشي صراحة.. حتى بعد ما يمديني اكمل محادثتي معك.. -فضفضة

الجَميع سينظر لبقعة اللون المختلفة التي عليك.. كما انك ستفعل ذلك.. جميعهم متشابهون..

كثُرَت الترهات ، تطاولت الالسنُ و تفرقَّ الجموعُ من حولهِ حينما طلب.. زاد النحيب، ظهرَ الجموعُ و عمَّ الندم حينما رحل..

استعدوا للقنبلة الجاية بشتغل على موضوع لي اسبوع كذا حاطة عيني على الختم الاداري حصلت الالماسي بقسم اللوحات و سعيدة فيه و الحمد لله لي موضوع ثاني هناك بس بعدين وييييي لي افكار كثيرة بس يا رب اتفرغ و يعيني الوقت بس