••
العودة   منتدى وندر لاند > القصص والروايات > روايات الانمي_ روايات طويلة

روايات الانمي_ روايات طويلة لجميع أنواع الروايات " الحصرية، العالمية، المنقولة والمقتبسة"


مذكرات ديدارا | " منقوله ".

روايات الانمي_ روايات طويلة


إضافة رد
 
أدوات الموضوع انواع عرض الموضوع
قديم 06-30-2020, 11:17 PM   #51
Lavender
.The wise
SAGE


الصورة الرمزية Lavender
Lavender غير متواجد حالياً

بيانات اضافيه [ + ]
 رقم العضوية : 12
 تاريخ التسجيل :  Feb 2020
 المشاركات : 28,538 [ + ]
 التقييم :  153416
 الدولهـ
Saudi Arabia
 الجنس ~
Female
 MMS ~
MMS ~
 SMS ~
Look for the sound you’re not supposed to hear.
لوني المفضل : Gray
شكراً: 0
تم شكره 3 مرة في مشاركة واحدة

مشاهدة أوسمتي



وطبعا بعد ماسار كل شي بيني وبينها واضح ^^ سرنا نكلم بعض عادي .. كل الدنيا تعرف اني انا وياها نحب بعض ..صدق ولله في خلقه شئون .. والقدره لقت غطاها
بس انا مقرر على خطوة اكبر ... انا ناوي اطلب ايدها للزواج .. وهالامور يبغى لها واحد راكد ويعرف يتكلم .. مو انا ..لساني من طوله ملفوف حول رقبتي ^^ ..بس
الحلو في ستيفاني انها هي ايضا لسانها طويل وملسونه .. ويمكن هذا اكثر شي حبيته فيها .. وقررت اقولها اليوم بالتلفون

انا : مسا الخير ياخبله انتي ^^
ستيفاني : مساء النور يااهلا وسهلا ^^ .. نور الجوال
انا : منور بالحلوين اللي ماسكين الجوال<< ياحلاتي اعرف اغازل والله ^^
ستيفاني : تصدق مايلبق لك ههههههههههههههه .. والله انا مقهورة على الرهان اللي خسرته ولا كنت تعشيني الحين ^^
انا : طيب يااختي . بهل الخصوص انا عازمك على عشا
ستيفاني : والله ؟
انا : يب .. انا قبل العشا طبعا في طلب لازم تنفذينه لي .. وهالطلب راح يتم بالحديقه .. ابي اشوفك هناك واقولك شي مهم مره مره مره وبعدها نروح نتعشى
ستيفاني : هههههههههههههههه ياانتهازي .. وان مانفذت الطلب ؟
انا : بسيطه .. معناه مافي عشا ^^
ستيفاني : لا خلاص .. اهم شي ناكل (كانها حاسه ) بس متى ودك نتقابل بكره ؟
انا : بكره عالساعه 7
ستيفاني : وانا بكون هناك 6 ونص علشان ماتفضحني وتسوي لي سالفه
انا : اوووووووووووووووووووووووكي .. ايوه كذا البنت الشاطرة ولا بلاش
ستيفاني : بس والله لو يطلع العشا مو حلو ترى اشويك انا ^^
انا : يما منك تسوينها ههههههههههههه ... يللا اجل اخليك تنامين الحين .. اشوفك بكره ان شاء الله
ستيفاني ( بصووت واطي ) : ..............حبيبي
انا ( ارتفعت حرارتي ) : ها ؟ .. مين ؟ .. اي ها ؟
ستيفاني : بنتظرك على نار بكرة ^^ مع السلامه ( وسكرت الخط )

انا ( بعد ماسكرت الخط) : 0_0 حبيبي ؟؟ وش ينومني الليله انا ؟ << متعود على التهزيء مسكين ماسمع كلمه زينه

في بيت ستيفاني

ستيفاني ( قاعده على سريرها تفكر ) : انا ماادري شلون طلعت مني .. هالكلمه والله اني جريئه .. بس .. بس ..
ام ستيفاني ( تدخل عليها ) : ستوو .. بكره مسويه عزيمه وبنت خالتك ستيفاني وخطيبها بيجون ان شاء الله ان شاء ^^
ستيفاني : -__- يما مالي خلق
ام ستيفاني ( معصبه): تعرفين تاكلين هوا .. وتقولين لي ان شاء الله لومره بحياتك ؟؟ انا شسوي فيك ها ؟؟ لاسنع ولا مستحى .. بكره شلون بزوجك انا ها ؟؟ من اللي يحبك
وانتي بهالخلاق الخايسه
ستيفاني ( بينها وبين نفسها ) : ايه ديدي يحبني ^^
ام ستيفاني : عن كثر الهذره .. بكره تنزلين المطبخ تساعديني فاهمه .. من العصر ابيك معي علشان نستقبل ستيفاني وخطيبها
ستيفاني : يخرب بيتها بنت خالتي ستيفاني .. سارقه اسمي وشكلها نفس شكلي بالضبط
ام ستيفاني : بس هي ماشاء الله مخطوبه .. مو انتي عانس الله المستعان .. يللا اخمدي اشوف ( وتسكر الباب )
ستيفاني : ههههههههههههههههههه ايزي ^^.. من زين خطيبها الثور .. والله ان ديدي احسن منه ميه مره .. وعلى العموم .. الله يخلي الشباك واللي اخترعه .. راح نطب منه
ونروح لموعدي ويا ديدي ( وتتنهد ) اه منه احبه ......( تطالع الشباك ) شكل الجو مغيم .. يجيب الله المطر ^^

ويجي بكره .. وانا من 5 العصر متصربع و ومو على بعضي تروشت واتضبط واقلب في ثيابي ابي البس شي .. دولابي مافيه شي صالح للبس البشري .. الحل
عند ايتاشي حبي الوحيد ^^ << ياكل تبن .. الجاكيت ماركه ..والبلوزه والبنطلون ماركه << يخرب بيتك يااتوشا .عندك هالكشخه وتجينا مبهذل صدق فقر فقر -_- وش
ذكرني بهالانسان انا .. واروح الصاله .. واختي تجي تركض ..ومعاها مشط علشان تمشط شعري

اختي ( تمشطني ) : ومباركين عرس الاثنين .. اخوي اليوم عرسه ^^
انا : ههههههههههه تو الناس ياحبيبتي بس ان شاء الله قريب
اختي : العروس حلوة ؟
انا : حلوة وبس .. تجنن ^^
اختي ( ضربتني بالمشط على راسي ) : ياويلك لو تقعد وياها ماتجلس معانا .. بصيح لو تحبها اكثر مني ( تبوس خدي )
انا : انتي اصلا مافي احد احبه اكثر منك
اختي الثانيه ( جالسه قدامي ) : انا بحط لك الموكياج ان شاء الله ^^
انا : موكياج ؟؟ ههههههههههههههه لا ياعمري مانبي
امي ( جالسه قبالنا وتطالعنا بقلق وكان ودها تقولي شي بس ماتبي خواتي يسمعون ) ...............................................

بين ( دخل من الباب ) : سلام عليكم ياقوم .. ^^ ياه ياه .. كاشخ وش عنده
انا( العب بشعري ) :مايمديك علي
بين ( يعطيني مفتاح السيارة ) : خذ هاك مفتاح سيارتي .. لاتفشلنا عند الباب.. وامسك لسانك .. ولو اني ادري ان لسانها متبري منها هي بعد .. بس نبي الموضوع يتم
على خير
انا : بين ماقلت لك شكثر احبك ؟؟ ^^
بين : لا قولي انك بتحافظ على سيارتي ولا الله وبقلب الدنيا على راسك ترى ^^ وخذ هذا كارت حجز المطعم من هيدين وتوبي يقولون دفعو دم قلبهم علشانك
انا : امون ^^ وبعدين ياما فقروني وخلوني اشحت .. هههههههههههههههههههههههههههه
بين ( يطالع امي ويهمس لي ) : امك وش فيها ياديدي .. شكلها متضايقه .. انت كلمتها عن البنت ؟
انا: ايه كلمتها .. اليوم هي مش طبيعيه .. انت روح وانا بكلمها
بين :خلاص طيب طمني كويس ؟ مع السلامه ( ويطلع )
انا (رحت جلست جنبها بعد مافضت الصاله ) يما ؟ فيه شي ؟ كانك مو على بعض

امي ( تطالعني وتبتسم ) : لا ياحبيبي سلامتك .. موفق يما .. والله يتمم اللي في بالك
انا : انتي متضايقه من هالسالفه يما
امي : لا .. بس .. حاسه بشعور شين من هالموضوع
انا : امي انتي مو راضيه على البنت ؟
امي : لا والله .. دامك تبيها مااعترض عليك .. بس ماادري ليش قلبي ناغزني .. مااوصيك .. ياويلك تتسرع .. فكر عدل يما زين ؟
انا (حبيت راسها ) : لاتخافين ( قمت ) : دعواتك
امي ( تبتسم ): موفق

واجي اركض للباب << تو الناس مابعد جت الساعه 5 ونص .. وقبل لاافتح الباب
التلفزيون ( يتكلم ) : وراح ديدي وماعطى التلفزيون وجه ^^
انا : هههههههههههههههههههه بسم الله لك مني ان تم الموضوع صلحتك مع السلامه
واطلع للحوش واشوف البس الاسود
البس : ميوووووووووووووووووووووووووووو ^^
انا : وانتي كارتون تونه لو يتم الموضوع
البس : موفق يابعد عيني
انا : 0_0 ها ؟
البس : ميوووو ^^
وافتح الباب والقى ساسوري وكونان
انا : ^^ اهلين .. وينكم ماقبلتو
ساسوري : هلا والله .. وش هالكشخه
كونان ( طلعت عطر و علبه ساعه ) : تعال تعال .. دلخ مامنك فايده ( وقامت تعطرني ) .. والبس هالساعه ^^ ...( ولبستني الساعه ) لاتفشلنا عند هالنسره
انا ( عيوني تبرق ) : شباب احبكم
كونان : لاتخاف بترجع لي ثمن الساعه والعطر ^^
انا ( اطالع ساسوري ) : وانت ياساسو ^^ وش عندك لي .. ايتاشي عطاني الثياب وبين السيارة وهيدين وتوبي حجزو لي مطعم .. وكونان ضبطتني .. وانت ايد ورا
وايد قدام كالعاده ؟؟
ساسوري ( ابتسم وطلع من جيبه علبه دبله ) : خذ .. ان شاءالله يتم الموضوع على خير اليوم
انا ( ابتسمت وحضنته ) : شكرا ماتقصر ^^
ساسوري : واذا ماتبيه جيبه اتزوج فيه انا هههههههههههههههههههههههههههههههههههههه
انا ( وانا راكب سيارتي ) : انا ببيعه هههههههههههههههههههههه

وركبت سيارتي .. وطرت لبيتها .. << والله ليفضحني بين لو سار للسيارة شي .. طبعا الوقت لسه بدري على الموعد الساعه 6 ..بس انا رحت بشوف وش تسوي
ملقوف كالعاده ..
وصلت البيت .. واستغربت الزحمه اللي قدام البيت .. نزلت السيارة بعيد .. اسمع صوت ازعاج وزحمه .. وناس في بيتها .. غريبه .. ماقالت لي في
حفله في بيتها ..نطيت من عالسور .. وجلست اطل من عالشباك .. مااشوف شي من كثر الناس .. بس ؟؟ 0_0 ستيفاني ؟؟ ومن هذا اللي حاط يده على خصرها ؟؟
قلبي سار ينبض بسرعه .. واقول لا لا .. ياولد استنى شوي ..الطامه الكبرى .. يوم سمعت امها تقول .. وه فديتها ياناس ستيفاني كبرت وبتتزوج اخيرا .. زين مااخترتي
والله ؟ معقول ؟ لالا .. ستيفاني ؟ اسمها ؟ .. وانا ؟ انا؟؟ امس قالت لي انها ... انا
ظليت مشدوه 10 دقايق .. واخر شي توقعت انها تسويه .. انها ؟؟ سحبت نفسي .. واخذت السيارة ورحت لربعي .. ومن السرعه .. حسيت ان السيارة بتنقلب .. ما
توقعت امر بموقف زي كذا .. انا ؟ طيب واللي بيني وبينها ؟؟ تقول حبيبي امس ..؟ واليوم تنخطب لغيري ؟

..دخلت عليهم .. ووجهي مصفوق .. وعيوني جاحظه
الكل وقف مستغرب
ساسوري ( جا وهز كتفي ) : وش .... وش فيك ؟
انا : .................................
ايتاشي : اووووووه يجيب الله المطر .. قول خلصنا وش فيك ؟ لاتخرعنا
انا ( جلست ) : ستيفاني
الكل : شفيها ؟؟؟؟
انا : انخطبت
الكل : 0_0

الساعه 8 .. والكل شبه ساكت ومفجوع .. وانا ساكت وشوي وبنفجر .. وبراسي جني والود ودي ..لو اروح واذبحها واعلمها شغل الله
ساسوري ( جالس جنبي ) : انا حاس ان الموضوع فيه غلط .. ديدارا يمكن انت مغلط
انا ( انا اطالعه وجالس افك ارزار بلوززتي ) ..........................
ايتاشي : انت متاكد انها هي ؟؟ يمكن احد ثاني ياديدارا
انا ( بصوت واطي ) : الا هي ... وامها تناديها ياستيفاني .. شعرها ووجهها .. خلاص الموضوع منتهي
توبي : لاحول ولا قوة الا بالله
هيدين : ماتوقعت انها حقيره كذا
انا ( يرن تلفوني باسمها ) : ههههههههههههههههه وجالسه تدق بعد ( واسكر بوجهها )
كونان ( معصبه ) : اما هالبنت قليله ادب .. خير تدق والله وقحه
انا : لاعاد تجيبون لي سيرتها خلاص .. خليها تنقلع .. والله احساس امي كان صحيح ( وتدق ) واسكر بوجهها ( وترسل مسج ) امسحه من غير لا اشوفه
ايتاشي : ليش تمسح المسج .. على الاقل شوف وش بتقولك
بين : خيرها بغيرها .. اصلا هي اللي مش بنت حلال .. عديناها وحده منا وفينا .. تاكل وتقوم وتشتغل ويانا .. وانت اخلصت معاها بس وحده ناكره
انا: خلاص يرحم والديكم اسكتو .. انا ماابي اسمع طاريها ..
ساسوري : ..............................
انا : انا اسف ياشباب اتعبتكم معي .. وبعوضكم .. ( ويرن الجوال ) وأقفله ..خلونا نروح نتعشى ولا نروح نسوي لنا شي .. هي ماتستاهل ازعل علشانها
كونان : لااااااااااااااااااااااا .. انا نار في صدري ماراح تبرد الا اذا رحت شرشحتها في بيتها .. خلي الموضوع علي .. وانتو روحو
توبي : كونان لاتروحين تسوين مصيبه
ساسوري : اول افهمي السالفه بعدين سوي اللي تبين
كونان : خلاص انتو روحو وانا بروح لها البيت اوريها

ورحت معاهم المطعم .. ومهما كان قلبي حجر .. مستحيل ابين اني ماانكسرت .. وانجرحت ..انا صدق حبيتها .. وكنت معاها .. واسئل نفسي ليش هي سوت كذا
اللي حولي يحاولون يضحكون ويفرفشون .. بس هم بعد زعلانين .. الساعه سارت 11 .. واحنا تونا طلعنا من المطعم وجاني ذاك الاتصال من كونان .. واللي عرفني
وش كثر كنت غبي
انا ( متلهف ) : الو ... كونان ؟؟ وش سويتي
كونان : ................................
انا :كونان ؟؟؟ ردي علي ا... الو ؟
كونان : ديدارا ؟؟ .. انت وين واعدت ستيفاني
انا : بالحديقه .. اللي ؟ ليش تسئلين
كونان : وين واعدتها تكلم
انا : بالحديقه اللي عند بيتنا
كونان ( صوتها مبين يبكي ) : روح الحين الحديقه .. يمكن تلقاها الحين
انا : وش تقصدين ؟؟؟ القاها ؟؟
كونان : مع السلامه ( وسكرت الخط )
ساسوري : وش قالت لك
انا : ...................................

واركب سيارتي .. الطريق طووويل حيل .. والدنيا مطرت .. والشوارع زحمه .. وخايف ليكون سويت اكبر غلط في حياتي .. ويوم وصلت الحديقه .. ولا ؟ ستيفاني
طايحه على الارض مغمى عليها .. حارس الحديقه يحاول يوعيها ..بس البنت ماتتحرك .. وعلى وجهها ابتسامه غريبه ..ربعي واقفين.. وانا مصدوم .. قربت منها
واحطها بين ذراعي
انا ( اكلم راعي الحديقه ) : وش صار لها !!
راعي الحديقه : انا مااعرف .. من العصر وهي هنا جالسه على الكرسي .. ومن شوي وقفت وطاحت من طولها
انا : ....................... ( شلتها )

وفي العنايه المركزة ....
الكل واقف وقلق .. امها تبكي ..وكونان جنبها .. وانا واقف قبال الباب .. ستيفاني جاتنها نزله ربو وصدرها انتكم .. ودخلت في غيبوبه ..
كونان ( جت قربت مني وهمست لي ) : انا مااصدقت يوم قالو لي .. البنت اللي كانت موجوده كانت بنت خاله ستيفاني .. وكانت تشابها واسمها برضه ستيفاني .. وانا انفجعت من
الشبه اللي بينهم .. ستيفاني ماكانت موجوده من العصر
انا : ..........
ساسوري (يطبطب علي ) : ان شاء الله انها بتكون بخير
ايتاشي : وقفتك كذا مالها داعي .. تعال ارتاح

انا ( التفت على الكل واضحك ) : هههه . ههههههههههههههه ... تبون الصدق .. انا استاهل .. انا استاهل ياجماعه .. انا كذا وعمري مابتغير
انسان اناني .. وتافه .. وعقلي صغير .. وعمري مابتغير .. والعيب كله طلع مني ..لاني مغرور واكابر .. ستيفاني كانت واثقه لاخر لحظه
اني بجي .. وظلت تنتظر .. وانا قاعد ..اتحسب عليها .. واتلوم فيها .. وعزتي ماخلتني اروح واسئلها .. وغروري والكبرياء اللي فيني منعني
اتفهم الانسانه الوحيده اللي حبتني وتفهمتني مثل ماانا ... من فرحتها نست تاخذ دواها .. وقلت ابي اسبقها ..بس هي اللي سبقتني ... الكل قالها لي .. بس عمري
ماسمعت .. قالت لي كوراناي وقالت لي شيزوني .. وقالت لي امي .. والكل نبهني .. وانا بعنادي .. سار هذا كله .. ستيفاني في العنايه المركزه
والسبب واحد حمار زيي مايستاهل ظفرها
الكل : ..................................

ومااتذكر الا اني دخلت الغرفه الثانيه من الجناح اللي نايمه فيه ستيفاني .. وغرقت بدموعي مثل الطفل لين نمت .....................

صحيت الصبح .. بعد ماطلعت كل الل في صدري امس البارحه .. اتلفت يمين وشمال .. مافي احد الا ؟؟

جارا : صح النوم يابقره
ساسكي : وجع نوم الحمير هذا
انا : 0_0 انتم ؟؟ وش تسوون هنا
جارا : اخر عمري يقولون لي اجلس عن ديدارا لين يصحى ؟؟
ساسكي : والله شكلك وانت نايم يقرف هههههههههههههههههههههههههههههههه ^^
انا : -_- كولو هوا ... ( وتذكرت ) ستيفاني ؟ ( وطلعت اركض)
جارا ( يسحبني ) : مو هنا مو هنا
انا : وين راحت .. ؟؟
ساسكي : هالخبله اللي ماادري وش اسمها .. صحت اليوم الصبح .. ,واتوش وربعك جلسو وياها .. شوي بسم الله الا تقوم وتلبس وتشرد من المستشفى
تقول في موعد من امس مع اللي تحبه .. وبتروح تنتظره ^^
انا ( دمعت عيوني ) : كل تبن يااساسكي مااحبك ^^
ساسكي : يكون احسن بعد ^^
جارا : روح الله يعافيك روح لها .. يارب تموتون وافرح فيكم قولو امين يارب ^^
انا ( لبست وطلعت ) : ههههههههههههههه الله ياخذك انت وياه قول امين ..

انا .. لان الله عطاني فرصه ثانيه .. وماخلى هالبنت تضيع من يدي ..كثير اوقات احس ان اللي حوالي انا اخر اهتمامهم واني مالي قيمه عندهم
بس مثل هالمواقف .. كل شي يبين .. وتكون هذي اللحظه من اجمل لحظات الانسان في حياته .. ودتني رجولي بسرعه للحديقه .. للبنت ..اثبت للكل
من غير ماتتكلم انها تحبني .. وشاريتني .. وانا بعد رغم كل اللي سويته .. ابقى احبها ...

*******************************
انتم على موعد مع الحلقه الاخيررة
تابعونا
akatsuki boy


 
 توقيع : Lavender


رحمتُك يا الله، وكلُّ لطفِك لروح أمِّي الطّاهرة.
Infj | 2w1 | Sage.


رد مع اقتباس
قديم 06-30-2020, 11:19 PM   #52
Lavender
.The wise
SAGE


الصورة الرمزية Lavender
Lavender غير متواجد حالياً

بيانات اضافيه [ + ]
 رقم العضوية : 12
 تاريخ التسجيل :  Feb 2020
 المشاركات : 28,538 [ + ]
 التقييم :  153416
 الدولهـ
Saudi Arabia
 الجنس ~
Female
 MMS ~
MMS ~
 SMS ~
Look for the sound you’re not supposed to hear.
لوني المفضل : Gray
شكراً: 0
تم شكره 3 مرة في مشاركة واحدة

مشاهدة أوسمتي



STORY 30 FAINAL DIERY
(( وماذا بعد ؟؟؟ ))

وشو بعد ؟ وش باقي ؟؟ خلاص ماعاد باقي شي ونقوله .. كل حياتي وسردتها لكم .. ماخليت شي ماحشيت فيه ولا تمسخرت عليه << ديدي
احترم نفسك الحين الناس .. متعبه نفسها وتقرى جالسه ..ووانت تتكلم كانك شوي وتطقهم .. وطبعا مو زي قصص الانيمي .. تنتهي نهايه ساعات
سعيده وساعات نهايه مش مفهومه .. الحياه تستمر .. والبشر ينتقلون من حال لحال .. واظن ان كل مرحله عمريه بحياه الانسان ماتكفيها مذكرة
وحده .. ودفتر المذكرات حقي خلص ^^ مافي باقي الاكم ورقه.. تبون اكتب ؟ اشترو لي يللا واكتب لكم << عينه مو مليانه .. بس على اخر
المطاف :
البوس .. قرر انو يبيع الشركه .. ويجلس باقي ايامه مع زوجته وبنته << قرار حكيم جدا يفكنا من شره .. وطبعا بما ان عنده فلوس وخير فصار
يقضي حياته رايح وجاي بين الدول .. زي مايقول يستمتع ويريح نفسه بعد هالسنين الطويله << نفتك من هالنانا المزعجه بس والله اني فقدتها
وبما البوس ماعنده عيال .. فايش قرر ^^ ؟؟ قرر يقسم نصيبه هو << والله لتذبحه مرته لو عطتنا من نصيبها هي وبنتها .. ويتقاسمه بينا احنا
السبعه .. علشان نبدى حياتنا من اول وجديد فكان كل واحد كالتالي << بوس ماقلت لك شكثر انا احبك ؟؟

وبعد ثلاث سنين ....


ايتاشي .. اخذ الفلوس وضيعهم .. ههههههههههههههههههههه امزح بس .. اخذ الفلوس وقرر يفتح له مطعم .. في البدايه عشيرة الاوتشيها الموقره
ماعجبها واعتبرت ان هالشي عار لان هالقبيله معروفه بانهم جنود ومحاربين ومايسير يطلع واحد منهم طباخ بس ايتاشي اخذ الموضوع بكل بساطه
وسوى اللي براسه .. ويوم عن يوم المطعم سار مطعمين .. والمطعمين سارو سلسله مطاعم وانتشرت حول العالم .. وعقب كفاح وتعب .. سار مفخره
لاهله واثبت لهم هالشي من خلال الشي اللي يحبه << كبير ياايتاشي .. على فكره انا اروح ااكل عنده ببلاش ^^ .. علشان الايام الخوالي ويجيب الله المطر



ساسوري .. طبعا الفلس بجيب ساسوري مايجلس .. ساسوري اشتغل مرشد سياحي .. ويلف الدنيا ويروح ويجي << شاطر شغل الهياته .. وسار ماله ارض
يجلس فيها .. بس هو ابد مايخلينا نشتاق له .. لانه ناشب لنا نشبه .. ويطل علينا دائما .. والظريف .. انه سار ياخذنا على فرنسا كل سنه .. وسرنا نتعبر فرنسا
مثل بيتنا مثل ماحفظناها ..<< تذكرون ايام الفقر يوم تشحتون ؟؟



كونان من قراده حظها ظلت تنتظر فارس الاحلام المريش اللي جيبه مليان فلوس على درب الامل المنشود وظلت تنتظر على هذا الدرب ولكن
المسكينه كان هذا الطريق خالي من المارة ومافي احد غير توبي جايها يركض و حافي منتف .. بس بما انه يحبها ومستعد يعيش لها عمره كله و
يشيلها على ظهره ويمشي فيها طول الطريق << والله اشك ان هي اللي بتشيله ..
تزوجو .. وعاشو سوا مستورين وجابو اثنين عيال تؤوم << اغبيا بشكل الخالق الناطق ابوهم
وتوبي فتح له مشروع صغير << ولكم ان تتخيلو شكل المشاريع اللي يكون توبي مديرا عليها ^^



بين جالس ياكل الكورة الارضيه .. هههههههههههههههههههه جعل ضروسه تتكسر .. بين حاول بكل الطرق ان ينضم لنادي برشلونه وطبعا تعرفون النتيجه
فاكتفى بانه يسير معلق رياضي في احدى القنوات >> هو مايعرف يقول كلمه على بعضها ... بعدين بين اشهتر وسارت اكبر القنوات تطالب برقبته .. هههههه
اقصد بانه يعمل معاها .. وكلنا نتجمع على المباريات اللي يعلق عليها بين .. ونجلس نضحك عليه ونتذكر ايام ماكان خبل ومفهي




هيدان .. قرر يددخل الجامعه .. ومن خلال الصورة .. واضح انه جدا نشيط جدا جدا ههههههههههههههههههههههههههههه .. المهم انه طلع لنا بشهاده وسار الوحيد
اللي يملك شهاده جامعيه .. لا وابشركم بعد .. رشحوه علشان يكون جامعي << والله ياهيدان يطلع منك

وبس خلصت القصه .. اوووووه نسيت .. انا ^^ فديتني والله .. اما بالنسبه لي انا ..فاشتغلت بالجيش ويا ابوي << شغل متفجرات .. اما الفلوس عطيت منها ..لاهلي
وصلحنا التلفزيون المحشش .. وعطينا القطو تونه مثل ماوعدته .. واللي قاهرني ان ابوي للحين انا مو عاجبه .. وش اسوي يبا اشق ثيابي ؟؟ ^^ ههههههههه
واحنا اعضاء الاكاتسوكي ظلينا برداء الاكاتسوكي الغالي .. واللي مانفرط فيه .. واللي نكون لابسينه اغلب الوقت .. لان ايامنا ويا الاكاتسوكي كانت رائعه جدا
اما الحين .. فانا مضطر استئذكم .. لازم البس واكشخ .. اليوم يوم زواجي .. والعروس كوراناي .. هههههههههههههه من وين ياحسره .. اليوم زواجنا انا وستيفاني
هالبنت اللي كبرت في عيني .. واللي كانت تنتظرني رغم الاساءه اللي اسئت لها .. وظلت تتبعني وهي مغمضه .. وسارت من غير شك .. الانسانه اللي ماابي
اكمل حياتي من غيرها هي ..ونعيشها سوا راسي براسها .. بس تشوف والله لاطلع عيونها واوريها النجوم بعز القايله << ماتتوب ياديدارا ماتتوب -_-

يوم الزفاف

.. انا كنت جالس في الحديقه المقابله للقاعه اللي بيتم فيها الزواج .. اتفرج على اشعه الشمس اللامعه قبل الغروب .. اودع اخر ايام العزوبيه << ياويلي
على الشاعريه اللي طلعت مره وحده .. واشوف البزر موكي يلعب بالكورة .. مالت على اهله اللي مهيتينه -_-
انا ( اناديه ) : موكييييييييييييييي تعال يبا تعال
موكي ( يجي ويختخت برجوله ) : نعم عمو ديدي ><
انا ( قعدته على حضني ) : انت وين امك عنك ؟؟؟
موكي : امي قاعده تحط موكياج .. وابوي زالس - جالس - يسوي العرس حق عمو ديدي ^^
انا : فديت ابوك وامك .. صدق انهم خبول بس انهم احسن اصدقاء في العالم
موكي : كم متى تعرف بابا ؟
انا : اممممممممممممممممممممم ابوك توبي يمكن اعرفه يوم كنت زيك كذا صغير << شفتو حس الطفوله اللي فيني
موكي : طيب عمو ليش شعرك طويل زي البنت
انا: -_- بدينا بالاسئله اللي مالها داعي .. روح يبا توكل على الله
موكي : ديدي ديدي قول كباب ^^
انا: لا لا التاريخ يعيد نفسه 0_0 كباب
موكي : امك تاكل تفاحه ههههههههههههههههههه ( ويجري قبل لا اصفقه ) << ليش الومه مو امه كونان وابوه توبي وش بيطلع الولد

القطو الا سود : ويييييييييييييييييييييييييو ^^
انا : ويو اهلا ^^ انتي معزومه على عرسي ياقوطه ^^
القطو الاسود : انا من اهل البيت اصلا ^^
انا : 0_0 وشو ؟؟
القطو الاسود : ميوووووووووووو ^^
انا : لا لا بجد بجد .. تعالي .. مشيتها لك مره مرتين المره ذي مابمشيها .. وش قصتك انتي بالضبط ها ؟؟ ^^
القطو : ميووووووووووووووووووو ^^
انا : لاتقولين لي ميو .. تو سمعتك تتكلمين اعترفي وانا اشتري لك كنتاكي الحين
القطو : سطل دجاج اتفقنا ؟؟
انا : 0_0 ( واهشها .. بعد تتشرط سطل )

كونان ( تجيني من بعيد حامل وبيدها ولد ومضيعه ولدها الخبل موكي ) : وه وه .. الجو حر ... ديدي ماشفت موكي
انا : الا شفته دخل عند ابوه قبل شوي
كونان : والله العظيم شقى عيال توبي .. انا لولا مكانتك عندي ماجيت العرس .. بس شنسوي عزيز وغالي ولدنا ^^
انا : ماتقصرين والله .. عاد قولي كم باقي وتولدين ؟؟ ووش قالو لك بنت ولا ولد ؟
كونان : قالو لي بنيه .. ان شاء الله تشبهني يارب .. واذا على موعد الولاده مفروض اولد اليوم ^^
انا : 0_0 من جدك ؟ وقاعده ؟؟
كونان : ايه عادي .. تبي عرس ديدي يفوتني .. لا والله حشا والحشا عن الف يمين
انا :هههههههههههههههههههههه الله يقطع شرك .. خلاص من العرس قولي لي انا اوديك للمستشفى ^^
كونان : لا تتعب روحك ياعيوني هالخبل اللي اسمه زوجي يوديني .. يللا ياعيوني بروح ادخل داخل حريت
انا ( اساعدها بالقومه ) : بشويش وانتي تمشين بشويش ^^

كونوهامارو وايناري ( سارقين الزينه اللي عند الباب ويلعبون فيها )
انا : بس ياولد انت وياه لاتجلسون تناقزون تعفسون الدنيا
ايناري : يللا تعال العب معانا كوره
انا : لا نو نو نو
كونوهاامارو : يللا تكفى اخر مره ..
انا : ^^ خلاص اخر مره
كونوهامارو : علشان يمدينا نروح نستبح ونكشخ حق عرسك
ايناري : وين بنتسبح هنا مافي حمام ؟؟
انا : يعني في مكان بالدنيا مافي حمام ؟؟ وش بتسووي يعني بتتسبح بالمطبخ ^^ اما عليكم عقول

ولعبنا وياهم وتوصخنا .. واكلنا تبن بس عادي ايزي ايزي نودع ايام الطفوله ^^

واروح للبوفيه :

انا ( اكلم اتوش ) : هلااااااااااااااااااااا ايتاشي ( واطالع البوفيه) صراحه ماقصرت خوش بوفيه
ايتاشي : افا عليك ^^ اذا مااضبطك اضبط مين .. بس لاتفكر الموضوع ببلاش لازم تدفع ومن نفسي نص السعر بس كرما مني فديتني ^^
انا : -_- انا صاحبك ياحمار
ايتاشي : التجاره تجاره ويجيب الله المطر ^^
انا : انت ياما كنت تاخذ فلوسي !!
ايتاشي : وانت من فتحت انا المطعم وانت تاكل عندي كل يوم
انا : -_- اوف ماينسى شي
ايتاشي : يللا اذلف خليني اسكر القدور يجيب الله المطر
انا : تمام يافندم ^^
ايتاشي ( يهز كتافه ) : وبدنا نتزوج عالعيد ^^

وادخل جوا للقاعه .. انواع اصوات الاستشوار .. والقهوه والحلى تمر على كل اللي موجودين من ربعنا واهلنا .. طبعا الله يخلي البوس .. هو تكفل بزواجي وساعد ابوي
حيل << وانت وش شغلتك ها ؟؟ متزوج ومو مسوي شي .. انا وظيفتي معرس لا اكثر ولا اقل ^^ .. واصادف .. اوووووه .. نانا وامها

نانا ( تركض لي وتحضني ) : ديدي ^^ مبروك مبروك كنت بتزوجك بس حسافه انا صغيره
انا : 0_0
نانا ( وطلعت علبه هديه ) : شوف وش جبت لك
انا : ياسلام ^^ وش جبتي لي ؟؟؟
نانا : لاب توب جديد ^^ مو انت ماعندك لاب توب وفقر
مره بوس شاورما : بالمبارك يا يما .. والله فرحت لك وكانك ولدي
انا : لا يامدام .. انا ولدكم اقعد في بيتكم اكثر من مااجلس في بيت اهلي ^^
مره بوس شاورما : اي والله لزقه ههههههههههههههههه عاد ماوصيك خليك صارم عليها لاتعطيها وجهه ترا الحريم مالهم امان << يما منج انتي
انا : ابد ابشري العين الحمرا من اول يوم ^^
مره بوس شاورما : هههههههههههههههههههه اي هذا هو ولدي يللا عن اذنك اروح اتفرج على الحريم واشوف شيسوون

وادخل القاعه : توبي وبين وهيدن يضبطون الشغل هناك

انا : يعطيكم العافيه ياشباب
بين : تعال تعال .. والله لو اعرس وماتساعدني لاوريك شغلك
هيدين : zzzzzzzzzzzz
انا : -_- هيدن جبناك علشان تنام الله ياخذ عدوك
توبي ( يركب السلك فوق المنصه )
انا : يارجال لاتطيح 0_0
توبي : والله مرتي تبي الفكه اصلا هههههههههههههه ^^
هيدين : انت موت وعط عيالك لديدارا
توبي : اي والله .. لو يسير فيني شي ترا عيالي برقبتك << مره ماخذ جو
بين : ماعليك منها والله لو يسير لك شي تفضحنا
انا : لا انا عن نفسي ماابي يسير لك شي وبعدين اتكفل بتربيه عيالك
هيدين : يعني اللي يسمعك يقول انهم مب عندك الحين
انا : اي والله -_- انا اللي اوديهم الروضه وانا اللي اجيبهم واصرف عليهم
بين : ايه صح صح ساسوري توه جاي من السفر وقاعد يدورك
انا : اوووووه وصل الحمار .. والله خايف انه مايجي يللا بروح اشوفه

وعند باب غرفه العروس ...

ساسوري ( جايني يركض وضمني ) : يابو لسانيـــــــــــــــــــــــــــــــــــــــــــــ ــــــــن .. والله وبتدخل القفص الذهبي
انا : عقبال ماتنحبس فيه انت بعد
ساسوري : لا يابوي انا خليني كذا هايت على مزاجي ^^
انا : ماتبطل سوالفك انت ماتستحي .. والله من قالو لي انك جاي استناست
ساسوري : مالقيت الا انا افوت الحفل ... اكيد في بنات حلوات ^^
انا ( اضربه على راسه ) : هههههههههههههههههههه هذا انت ماتتغير
ساسوري : الا على فكرة ؟؟ شفت ستيفاني
انا : لالسه .. ماراح اشوفها لين يزفونها علي
ساسوري : انا شفتها ... بصراحه انصرعت من جمالها .. حتى اني توقعت انها مش هي .. بس يوم رمتني بالنعال ..تاكدت انه هي
انا : ياانك ملقوف .......... قولي قولي .. من جد حلوة ؟؟
ساسوري : وش حلوة ؟ خليني افتح لك الباب بس (ويفتح الباب )
انا : لا لالالا -_- ( وشفتها ) 0_0 << كانت ايه بالجمال .. شكلها شكل ملاك .. لكن الاخلاق اخلاق ابليس ههههههههههه والعياذ بالله ^^ انها زوجه المستقبل بلا منازع
ساسوري : ياه ياه ياه .. ماذا ارى .. وععععععععععععععععععع مو لابق عليك
ستيفاني ( مو قادره تتحرك من ثقل الفستان عليها ) :^^
ساسوري : يارب تمشين وتطيحين وتسير فضيحه ونضحك عليك ( ويجيه نعال من ستيفاني ) @_@ بروح الحمام اذنكم
ستيفاني : مو لاني عروس بسير مؤدبه ( وتتجه نحوي ببطىء ومسويه فيها مستحيه يعني ) ^^
انا( احط يدي على قلبي ) : وه فوادي .. وش هاللي واقف قدامي .. اباجورة بيضا ماشاء الله ^^
ستيفاني : ليه اللقافه .. وش مدخلك الحين .. اطلع قبل لااكسر راسك <<< ياصبر ايوب على بلواه
انا ( عصبت عليها ) : ستيفاني حبيبتي ممكن اطلب طلب ؟؟ لو سمحتي يعني ممكن
ستيفاني ( تدلع ) : بدينا بالاوامر خير ان شاء الله بما تأمرني ^^ ؟
انا ( حطيت ذراعي على كتفها ) : احنا اليوم يوم زواجنا صح ولالا ؟؟ يعني اليوم يومي ويومك
ستفاني ( قامت تسوي حركات وتدلع ) : اي نعم ^^
انا : يعني تكفين الله يخليك .. خلينا نسوي هدنه .. بس اليوم .. انتي تكفين شرك عني .. وانا اكف شري عنك .. ونسير مؤدبين ..لين بكره الصبح ممكن ؟
ستيفاني : بحاول ولو اني اخاف تجيني جلطه يازوجي العزيز
انا : يللا اجل انقلعي روحي كملي لبس ^^
ستيفاني ( تشد شعري ) : ها يااستاذ ديدارا ؟؟ توك تقول هدنه ؟ نسينا
انا : فكي شعري لا اكفخك الحين انا ><
ام ستيفاني ( تسحب بنتها ) : خلي الرجال عيب عيب ( وتهاوشها ) انتي ماتستحين ؟؟؟ عيب زوجك هذا حطي في عيونك خليك سنعه لو مره وحده
انا : ايه ياخالتي وصيها علي .. ترى البنت ناويه تذبحني
ستيفاني( ماده بوز ) : -_-
ام ستيفاني : عاد هذا عين السيح ولدنا ديدارا .. شيخ الرجاجيل والله لو تدورين الدنيا كلها ماتلقين زيه << ههههههههههههه فله .. انا مااحب ستيفاني الا علشان امها
انا : عاد استئذنكم ياخالتي .. بخلي العروس الحلوة تكمل لبس .. وانا بروح اتطمن على الباقيين ( واطالع ستيفاني ) : نتواجه بعد شوي ياجميل ^^
ستيفاني : وانا جاهزه وبكامل اسلحتي ^^ << عرس هذا ولا حلبه مصارعه

وادخل على واحد من الغرف والقى جارا ووساسكي ..

ساسكي ( مشغل المسجل على اعلى شي وطربان ويرقص ) : انا الشاكي انا الباكي انا الحساس .. انا اللي في المحبه رافع راسي ^^
انا ( جلست جنب جارا ) :هههههههههههههههههههه الحين هذا وش فيه ؟؟
جارا : والله ماادري جالس اطالعه واتحمد الله عليه ^^ .. الا قولي .. وين بتقضون شهر العسل ؟؟ وش رايك تجي عندنا في القريه
انا: اما عاد .... بنمر عليكم لاتخاف بس عاد لو سمحت ماتقولي صيد دب .. لااتصل على حقوق الحيوان يسجنونك
جارا : بعد يتشرط ؟؟ احمد ربك جاي احضر عرسك يافقر .. انت وسيارتك اللــــ -_-
انا ( ادزه ) : هاااااااااااااااااااااااااااااااااااااااااااااااه ^^ ماعاد تقدر تقولي شي ؟؟ الحين انا سيارتي جديده ^^
جارا : تظل فقر ياصاحبي ^^
ساسكي ( تعب من الرقص ) : اوه اوه .. قلبي انقطع
انا : اختزن هالطاقه .. لين ماانزف نحتاجك اليوم ^^
ساسكي : بروح انام شوي .. واروح اكل من البوفيه .. تعرفون البوفيه بوفيه اخوي العزيز ^^
جاارا : ايتاشي مسوي اسلاك شائكه على البوفيه حقه ههههههههههههههههههههه
ساسكي : قولي ديدارا ؟؟ وين بتسكنون لاتقولي بعيد 0_0 ترى امي متحلفه تقول لو يبعد هالصبي عنا والله اكسر راسه
انا : وانا اقدر استغني عن ام زغلول _ ام ايتاشي _ ^^ ؟ لاتخاف انا بسير ساكن جنبكم بنفس الحاره
ساسكي : اشوى علشان كل مازعلت اجي انام عندك
انا : لاخلاص غيرت رايي .. بنقل بروح بلد ثاني -_-
جارا : ماعليه انقل وعيش عندنا بالقريه وابشر باحلى شغله
انا : ايه خير ان شاء الله -_-
ساكورا ( تدخل من الباب ) : اصلا هو لو ينقل نقلب الدنيا على راسه ^^
انا : حيا الله سويكر ^^ ... متضبطه اليوم وش عندك .. تبين تنخطبين
ساكورا ( تطالع ساسكي ومستحيه ) : الله يسمع منك
ساسكي : احم احم .. انا طالع تبون شي ؟
جارا : وانا معاه يللا سي يو يافقر
انا ( جلست جنب ساكورا ) : ^^ ها ؟
سويكر : وش شعورك بما انك عريس
انا : والله ياساكورا مادري .. السالفه مو بس اليوم .. احنا تدبسنا خلاص الله يصبرنا على الجاي
سويكر : لاتحاتي .. كل شي تمام .. اهم شي انكم متفاهمين ^^
انا : ايه جدا متفاهمين .. تو من شوي بغينا نتهاوش
سويكر ( قامت تغمز لي ) : تحبها ؟؟
انا : لا مااشتهيها ولا اطيقها بعيشه الله ^^
سويكر : يما منك يما .. الكلمه الحلوة تموت لو طلعت منك .. ولا انت كذا ب عووووووووووود .. الا تموت فيها
انا : ^^ .. ان شاء الله نفرح فيك انتي بعد .. ولو اني ماافضل تتزوجين ساسكي بس يللا
سويكر : دعواتك لي يااااااااااااااااااااااااااااااااااااااااااااااااا ااااااااااااااااارب
انا : ههههههههههه ان شاء الله .. يللا يامااما انا بروح الحين اطل على البوس حقي
سويكر : اوكي وانا بروح اساعد البنات

واروح للبوس وجيرايا وتسونادي .. هالشياب جالسين بالحديقه .. يقولون الكبير بركه المكان اللي هو فيه ^^ شياب النخره ذولي
انا ( نغزت البوس من ظهره ) : شتسووووووووووووووووون
البوس ( ضربني على راسي ) : هلا والله بمعرس اخر زمن .. عنبو دارك جالس تحوس .. ماخليت مكان ماهجولت فيه حتى يوم عرسك
انا : يابوس ^^ خلاص عاد كبرنا لاتطقنا
البوس : والله لو تسير جد .. بطقك يعني بطقك
تسونادي : والله وبتكبرونا انتم .. نعرفكم من كنتو بالابتدائي والحين سرتو تتسهلون واحد ورا الثاني
انا : انها سنه الحياه
البوس : سنه حياه ؟؟ لا وتعرف تكلم بعد .. اجلس اشوف
جيرايا : والله امك ياديدارا حلوة ^^
انا : ادري بس ترى مالك امل ابوي لسه عايش ههههههههههههههههههه وان مات ناوي يدفنها معاه ^^
جيرايا : رحت لها قبل شوي وبغت تصب دله الشاههي كلها راسي
تسونادي : وانا اقول الولد طالع مجنون على مين
البوس : ماالومها .. جيرايا هذا نشبه .. قاعد يقولك ابوه عايش وخوش رجاله حسافه عليه ولد زي كذا << بو طبيع مايجوز عن طبعه .. -_-
جيرايا : بس اكيد ديدارا موافق اني اتزوج امه صح ؟؟؟
انا : اكيد ^^ على الاقل انت فله ماتهاوش ولا شي
تسونادي : ههههههههههههههه للحين خايف اهلك يهاوشونك
انا : توك تسمعين بوس .. يقول لو تسير جدك بظل اضربك
بوس : 0_0 صح صح صح .. ياعيال اللذين ؟؟ الحين انا اسمي بوس شاورما ؟ من متى و انا اسمي كذا وتنادوني كذا << توه ينتبه
انا : 0_0 ها ؟؟ من اللي قالك
جيرايا : هههههههههههههههه اسفين زلينا وقلنا له ^^
البوس ( فصخ نعاله ) : اه يالخايس .. وماتبيني اضربك انت وياه
انا ( واشرد انا عنه ) : ههههههههههههههههههههههههههههههههههههههه

وعلى بدايه الليل وكثره المعازيم رحت للطاوله اللي فيها شيزوني وكوراناي واسوما وكاكاشي وايروكا
انا : اهلا وسهلا نورتو العرس
شيزوني وكورناي (بصوت واحد ) : الف الصلاه والسلام عليك ياحبيب الله محمد كلووووووووووووووووووووووووووووووووووش
ايروكاا : ياحظي وش قاعد تسوي تتمخطر بين المعازيم 0_0 ورا مارحت لبست
انا: تو الناس يارورو ^^
كاكاشي : هههههههههههههههههههههههههههه والله العظيم تجلس الناس تقول ..وش هالمعرس اللي يتمشى
انا : لاتخاف محد يدري اني العريس
اسوما : ياليل .. اسمع عاد .. خليك ثقيل وعاقل .. ولا تطير فلوسك .. ولا تروح السوبر ماركت وتلم الطماط وحده وحده
انا : ياويلي للحين ذاكرها ههههههههههههههههههههههههه
اسوما : اي بالله .. بعدين كنت بذكرك .. اني ضربت كونوهامارو لانه كان يسرب الاكل من تحت
انا : احسن هالولد ذبحني بلسانه .. ^^ زين تسوي فيه
كوراناي : ها ياعريسنا الوسيم ؟؟ جاهز للمسؤوليه ؟
انا : بصراحه لا بس مع الناس .. والامور بتمشي ان شاء الله
كوراناي : اهم شي مرتك تعرف تطبخ ولا بتقضونها اندومي العشا وفطور وغدا هههههههههههههه
شيزوني : لا لاتخافين كل الامور تمام ان شاء الله ..( وحضنتني ) .. ه فيك حيل الله يسعدك يارب
انا : يووووووووه مااحب اللحظات المؤثره هذي .. انتي اختي اللي ماجابتها امي ^^
كوراناي : ياسلام وانا ؟
انا : لا انتي عاد .. كنت بتزوجك بس اسوما وقف بطريقنا
اسوما : لا والله ؟؟
كاكاشي :محد شايل هم اليوم في هالعرس غير ابوك اللي مستند على الجدار هناك
انا ( انتبه عليه واقف بعيد ) : يوه وش فيه الوالد
ايروكا : يوم سلمنا عليه كانت عيونه وكانه مانام من امس << ياحليلي والله من ظهر امس نايم ^^
شيزو : روح كلم ابوك شوف وش فيه

واروح لبوي .. كان شارد ويفكر .. وباله مو بالدنيا

انا ( احارشه ) : وش عنده ابو ديدي يتذكر عرسه ولا ايش
ابوي ( يطالعني ببرود ) : وش عندك هنا ؟؟ ليه ماتروح تذلف وتلبس
انا : مابروح البس الا لما اشوف وش فيك
ابوي ( ينافخ ) : مافيني شي ومو شغلك وانقلع
انا : الله الله ... كل هذا شايله بقلبك .. ( وحطيت ذراعي على كتفه ) شغل عدل واشتغلنا وكونا انفسنا ورفعنا راسك يابو ديدي وشلون نرضيك
بالله
ابوي : لا والله .. تعايريني يعني ؟؟ كل هوا بس وروح خلص شغلك بعد شوي نزفك
انا ( فهمت ان ابوي اكثر واحد متاثر بزواجي ) : لا تخاف يابو ديدي .. بنشب لك نشبه .. على بالك اني لو تزوجت بلهى عنك .. باعلق لك بالروح
والجيه
ابوي : يسير خير بس ( ويصرخ ) يللا روووووووووووووووووح انقلع من قدامي
انا : ان شاء الله ان شاء الله ^^
ابوي ( بعد مارحت ) : ..... الله يوفقك ياخبل

وجا وقت الزفه وانا داخل الغرفه .. توني اتجهز ماشاء الله علي ^^ عند اهلي
ا
مي ( تسك ازراري ) : ياربي عليك ياديدارا .. لبسناك وانت في المهد ولبسناك في الابتدائي ويوم دخلت المتوسط ويوم خلصت الثانوي ولازلت
انا اللي البسك
انا : وبتلبسيني مع عيالي ان شاء الله اصفهم لك ولبسيهم وانا وياهم^^
امي : الله ياخذ شيطانك .. تاخرنا ياناس اخلص علينا البس ساعتك
اختي الاولى ( تبكي ) : ديدي بتروح وتخلينا ... بعدين مع مين اقعد اسولف الصبح
اختي الثانيه : لاتخافين مو رايح المريخ .. بيسير جنبنا في << ملسونه طالعه على اخوها
اخوي ( يلعب بي اس بي ) : احسن شي ان غرفته بتسير لي .. ياما حطيتها بعيني
انا : ياانك حسود وحقود
اختي الاولى : ديدي ديدي .. كل يوم بنشوفك ؟؟
انا : ايه ياحبيبتي واذا ماجيتكم انتو تعالو لي
امي : ويييييييييييييييه اخاف البومه حقتك ماترضى
انا : مو على كيفها اكسر راسها
اخوي : نشوف من اللي بيكسر راس الثاني ^^
امي ( بعد ماجهزتني ) : كذا .. خلاص كل شي اوكي ^^ وه فديته ولدي
انا : خلاص يما اطلع ؟؟
امي : استنى لين تصف جنب عروسك وتطلع للمعازيم .. وش فيك طاير .. كانك بتدخل مباره كورة قدم
انا : يما
امي : نعم خير
انا : احبك ^^
امي (دمعت عيونها ) : كل تبن وروح اشوف بلا كلام فاضي << ههههههههههههههههههههههههههههه مالت عليك ياحمار ياابن الحمارة
وانزفينا .. كان شعور ماادري وش يبي صراحه .. عاد انا مش متعود على ان الانظار كلها تسير علي .. بس الليله ليلتي ومعذور ^^

وكان الحفل بسيط .وحلو . بحضور جميع الربع والشله غنينا ورقصنا .. وعشنا سهره حلوة بحضوركم انتو طبعا
.. واصحابي ماقصرو فيه وشالوني شيل .. وانتهى ذاك اليوم وكل واحد راح بيته وخذت عروسي الموقره ورحنا بيتنا او زي مايقولون
just married

للدنيا ساعات منعطفات غريبه .. تخليك تسئل نفسك ميلون مره .. ليش انا بالذات ؟؟ وليش معاهم هم ؟؟ وليه هالمكان ؟؟ وليه هالوقت بالذات .. ساعات توديك
لطريق يبكيك وماتعرف ليش ؟؟ او تفرحك لسبب انت ماتعرف وشو .. لله في خلقه شئوون .. والشي الاكيد .. انو مهما طال الوقت .. وخذتنا الدنيا وودتنا ..
مصيرنا نعرف كل الاجابات على اسئلتنا .. موب لازم اليوم .. ولا بكره ... من يدري ؟؟ .. بس اكيد في يوم من الايام


The End...
21\3\1432
24\2\2011


 
 توقيع : Lavender


رحمتُك يا الله، وكلُّ لطفِك لروح أمِّي الطّاهرة.
Infj | 2w1 | Sage.


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كوّن كلمة "صابون" و زحلق العضو اللي تريده 🧼 سيـرَان. تسالي و ألعاب 480 اليوم 01:49 AM
𝐌𝐈𝐒𝐓 | " طريقة إبراز لون واحد فقط من الصورة ". Lavender دروس وملحقات الفوتوشوب - Adobe Photoshop 6 11-03-2022 11:54 PM
ألماسـي | صيدليه العلاج بالثوم | The Garlic. " قاموس متجدد". MiMi صحة وصيدلة 17 08-06-2022 09:57 AM
𝐁𝐋𝐎𝐆𝐒 | " قسم المدونات ". MELODY مدونات الأعضاء 2 02-24-2021 09:03 PM

شرح حديث

علف


الساعة الآن 12:48 PM