كالماء والنار | الطاقة البشرية!

Y a g i m a

السلام عليكم ورحمة الله وبركاته
كيفك فلوري* ؟؟
فيتا فيتا فيتا فيتاتسووووو
كل عام وانت بخير وسعادة يارب
رمضان مبارك عليك
أن شاء الله بيخلص رمضان وبكون كورونا اختفى كمان

شو هالموضوع الجميل بكل ما للكلمة من معنى
الفكرة لحالها تحفة
الطقم كتييير حلو ما شاء الله
تنسيق الخط والشغلات يلي ذكرتيهم كتير عجبوني
الرمزيات حكاية أخرى
بجننو حرفياً* ... كل يلي نقتيهم رائعين
والحركات يلي فيهم كتير بتجننن
للأسف انن متحركين مافيني ركب منن شي بلا مساعدة
يعني اي سرقت منهم عادي فداي
صاير عندي ثقة مفرطة بهاد الحظر
مبدعة بكل شي ما شاء الله
الفكرة عجبتني ورحت قرأت شوي كمان عنها ..
الاقتباس كتير حلو واصلا أن يخطرلك تستخدمي هيك اقتباسات بالبداية خلا الموضوع أحلى
كتير حبيت فكرة البطاقات يلي مكتوب فيها الاقتباسات
الماء والنار هممم ....
انا اكيد نار ونار ملتهبة * ... عنجد بعصب وبنفعل من الباردين كتير
حركاتن الباردة بجد تستفز الواحد* ... بس اكتر شي بعصب بالبيت
يعني مافيني عصب أو اعمل شي برا
طبعاً في أوقات كتيرة بحاول استعمل البرود
بس لا ما بصير بالاخير لازم انفجر وخرب كل شي
بس عنجد خاصة مع البنات المايعين فيني اتبارد واعمل حالي مو فرقانة معي
وخاصة بالمدرسة بصير معي شغلات عنجد لازم فيها عصب أو صرخ بوجه هالشخص
بهدلو أو احكي شي وخليه يخرس
بس بالسكوت والنظرات الباردة والتجاهل بخليهن هنن يحترقو
انا بكون من جوا عم اغلي بس لما اعمل هيك وشوف انن عصبو اكتر برتاح
مع الناس المايعة والوقحة هيك بعمل والمفعول بكون قوي وجميل نوعاً << الشر
*لننظر إلى لهب صغير، فنجد أنه بنفخة هواء صغيرة بسيطة يمكننا إطفاؤه، ولكن أليس الهواء نفسه هو الذي يؤدي لانتشار الحرائق واللهب وإشعالها أكثر
هيك تماماً انا بشوف يلي طبيعتو نارية فيو يحرق كل شي قدامو بس بشغلة بسيطة أو إقناع من شخص ما بيهدا وكأن ما صار شي
*من أجل إظهار هذه النار الروحية، لا بد من تهيئة النفس لتقبل تلك الطاقة الهائلة، وإلا أحرقتها. يتم التحضير والتقبل من خلال نقاء النفس والمحبة والطيبة والعدالة والحكمة
^ هيك تماماً
للأسف الناريين ويلي بينفعلو دغري وبعصبو هاد الشي بأثر كتير بحياتهم وتعاملهم مع الناس من حوليهم وكمان بأثر على صحتهن سلباً

هلق الماء ويلي هنن باردين بطريقة غبية أحيانا ومستفزة بأغلب الأوقات
أحياناً بحسد يلي فيه يأخذ كل شي ببساطة وهدوء وبرود
هاد الشي يمكن يخليه مرتاح بأغلب الأحيان وعايش حياتو متل ما بدو
يتواجد الماء في كل العناصر ذات الصفات الامتصاصية والمرنة، فهو ليس له شكل يحتويه. لا لون له، ولكن يصبح بسهولة أحمر، أخضر أو أصفر حسب ما يمتص من أشياء أثناء عبوره بها. الماء يمتص كل شيء، السيء والجيد
^ حرفياً هيك
بكون مرن ومرتاح فيو يتقبل كل شي وكأن مافي شي صاير
خاصة وقت المشاكل والمصايب

أوف كتبت جريدة طلع ردي أطول من موضوعك
شكرآ على الموضوع الجميل ويعطيك الف عافية
دمت بحفظ الله ورعايته
استغفر الله ~ استغفر الله