مُتلازمات نفسيّة || ℙ𝕤𝕪𝕔𝕙𝕠𝕝𝕠𝕘𝕚𝕔𝕒𝕝 𝕤𝕪𝕟𝕕𝕣𝕠𝕞𝕖𝕤

Y a g i m a
R -

السلام عليكم ورحمة الله وبركاته
كيف حالك اورانوس؟ إن شاءالله بخير
طبعًا بما إنه موضوع في علم النفس فهو أكيد حاجة مُثيرة للإِهتمام كالعادة، كنت متحمسة للموضوع
من أيام ماكان في قسم طلبات التصميم وأفضل شيء إنك كتبت عن المتلازمات الغريبَة وليس
المعروفة للجميّع، يعني أعطيت القسم إضافة جديدة ومفيدة. أكثر شيء متحمسة له في حياتي
الجامعية هو تشريّح الدماغ أو الدراسة عنه، لأنه أكثر عضو في جسمنَا تتجلى فيه عظمَة خلق الله
وأكثر عضو تعقيدًا، أي خلل بسيط فيه مُمكن يعقّد حياة بأكملها، زي مانشوف هِنا بالمتلازمات.
مُتلازمة القدس، شيء غريّب جدًا، على حَسب مافهمت إن السائح يكون طبيعي وعند وصوله للقُدس
تبدأ الأعراض بالظهور؟ يعني متلازمة باريس أفهم إن المُصاب يكون عنده خلفية عن المدينة
ولما يزورها ينصدم بشيء ثاني، لَكِن متلازمة القدس شيء أغرب، أحيانًا أحن على دكاترة علم
النفس، في شغلهم أشياء كثيرة مُبهمَة وأسئلة كثيرة مالها أجوبة. مُتلازمة المحتال، يمكن النساء
إللي أصابتهم هذي المتلازمة كانوا في ظِل بيئة ماتعترف بدورهم في المجتمع أو بإنجازاتهم ونجاحهم
أو مُمكن كثرة المُقارنات بينهم وبين الآخرين أدت إلى إنعدام الثقة في أنفسهم وفي أعمالهم
أنا أعتقد إن الموضوع له علاقة بالبيئة، لِما قرأت عن الموضوع أكثر قرأت إنها غالبًا تُصيب
الأشخاص من الأقليات العرقية، وتصيب الناس إللي عوائلهم تتوقع الكثير منهم، الضغط عمومًا من
البيئة المُحيطَة أكيد بيأدي إلى عواقب وخيمة كهذه المتلازمة مثلاً. أنا عن نفسي ما أشوفها فيني
لَكن أنا من النوع اللي يسعى لأن يكون كل أعماله مِثالية ومتكاملة، وإذا ماكانت كذلك تصيبني
خيبة أمل أحيانًا وأحيانًا أشكك في قُدراتي، لازم أخاف على نفسي ولا مايحتاج؟ متلازمة ديوجانس،
هذي المتلازمة أنا متأكدة بتصيبني مية بالمية إذا كبرت في السن، إنا من صغري منعزلة وأبغى
أربي حيوان -لولا رفض الأهل ):- فمَا بالك لو كبرت وصرت وحيدة رسميًا؟ الخرف بيصيبني بيصيبني
ضحكني رد ديوجانس على الإسكندر، رُغم إن هالنوع من الشخصيات أخاف أقرب منهم بس مُثيرين
للإهتمام ياخي، أحيانًا أتمنى لو إني زيهم. متلازمة ستندال كأني اقرأ أورانوس خلف السطور
هذي المتلازمة بعَد فيه إحتمالية كبيرة تصيبني، أو يمكني أنا لسا بالمستوى الأول ماتطورت لمستوى
الإغماء والهلوسَة لسا، بس هذي أكثر متلازمة يمكن أعذر أصحابها وأقول ماينلامون! لأن الفن
شيء مُثير للإعجاب شيء لا يُمكن وصفه أو التعبير عنه، لِذلك أتخذوا طريقة أكثر سهولة إلا
وهي تسارع نبضات القلب والدوار متلازمة ستوكهولم، أشوف بالأفلام والمسلسلات هذي المتلازمة
أحيانًا، بس مايطلعوها بشكل حالة غير عقلانية، يطلعوها بشكل عادي وطبيعي، حتى مُمكن تنشأ
علاقة حُب بين المُختَطِف والمُختَطَفة أو العكس، بالنسبة لي أجد فيهَا بعض المنطق حقيقة، تعتمد
على تعامل المُختَطِف، وعلى سبب الإختطاف، على أشياء كثيرَة مُمكن المُختطَف يتعاطف فيها مع
اللي اختطفه. هل كلامي مفهوم؟ متلازمة ليمَا، برضو متلازمة منطقية، ما أعتقد إنها توصل
لدرجة تكون "مُتلازمة" لأنه هذا التصرف الطبيعي، وما أستغربت إنها تصيب النساء، لأن الرجال
بطبيعتهم مُجرمين ماعندهم قلب -اورانوس سوي نفسك ماتشوف- متلازمة مانشهاوزن أو مدري
وش اسمها المهم، هذي الحالة شفتها بالمدرسة كانوا بعض البنات يمثلون التعب أو الإغماء
لِكسب التعاطف أو لمُجرد جذب إنتباه، أفهمهم شوي لَكن الواحد لازم يتجاهل هذي الرغبات في
كسب ودّ وتعاطف الناس وإنتباههم ولا تطور الوضع لحالة مرضيّة ميؤوس منها، قصة جيبسي وأمها
قصة مشهورة جدًا قرأتها من زمااان ليّن قرروا يصوروها كمُسلسل قصيّر، وقتها أقشعر بدني منها
كيف أم تقدر تسوي هذا كله ببنتها؟ كيف سرقت عُمرها وصحتها وشبابها لِمُجرد إمتيازات وتبرعات
ومُقابلات بالتلفزيون؟ ما تنلام البنت لما قتلتها، أنا لمَا قرأت القصة تنرفزت كيف لو إني مكانها؟
يعني البنت حست بشفقة تجاه جُثة أمها الميتة بينما الأم ماحست بالشفقة لو ثانية تجاه أبنتها
الحية وبكامل صحتها، أتقبل هالمتلازمة لو كان الإنسان يطبقها على نفسه، أما يأذي فيها أحد ثاني
هذا شيء ينرفز. مُتلازمة اليس في بلاد العجائب، مدري ليه أنزعجت وانا اقرأ عنها كأنها صابتني
شيء مُتعب جدًا ومزعج لما تتغير البيئة من حولك وتصير تشوف الأشياء بأشكال وأحجام مختلفة
حزِنت على أصحابها جدًا. مُتلازمة فريجولي، مدري ليه تذكرت وأنا صغيرة كنت أقول إن الناس
مالهم وجود، وإنهم يكونو احياء فقط لما أكون متواجدة معاهم أو أكلمهم، ولما مثلاً شخص يخرج
من الغرفة أو من محيط رؤيتي يختفي. كنت بسبب لنفسي الجنون الله يهديني متلازمة انفجار
الرأس، شيء مزعج، إلا نومي لحَد يزعجني فيه!!! بس أحس إن من الممكن إن الشخص يسيطر
على نفسه وقتها، يعني يقول لعقله إنه مجرد هلوسات في هالوقت وبس، لأن تِكرار هالمتلازمة
كل يوم في وقت النوم المفروض يعطي تعود وتأقلم لصاحبها. متلازمة اليد الغريبة، أتذكر شفت
مقاطع لوحدة كانت مصابة فيها، يمة شيء مُرعب، وكأن يدها كائن مُنفصل تمامًا عنها.
مُتلازمة باريس، عشان كذا المفروض الواحد مايخلي عنده توقعات عالية لأي شيء بالحياة، هذا
درس لَك يا أورانوس اذا الجذب مانفع بالنسبة لي باريس مدينة جميلة وساحِرة، أعتقد كانت
توقعاتهم ضخمة أو مُبالغ فيها للغاية لأنها لا تزال مدينة رائعة في نظري. متلازمة كوتار، هذا الشيء
المُرعب صدق، ايش اللي مروا فيه لدرجة إنهم صارو يتوهموا هالشيء؟ بمجرد التخيل عقلي ولّع.
متلازمة كابجراس، أتوقع هالمتلازمة تأثر على المريض وتأثر على الأشخاص حوله بعد، مَا اتخيل
شخص قريب مني يعتقد إني مُزيفة أو إنه مايقدر يتعرف علي، حالة عصيّبة فعلاً. كل المتلازمات
بلا إستثناء أمراض مُحزنة للغاية والأحزن من ذَلِك إن علاجها غير مضمون وبعضها ماله علاج
كمان. أصعب شيء لما يكون المرض في عقل الإنسان بيكون شيء شاق ومؤلم ويأثر على كل
جسده ونفسيته وحياته وعلاقاته وكل شيء حرفيًا. مهما قرأنا عنها ومهما تخيلناها بيكون الواقع
أشدّ من اللي قرأناه وتخيلناه، كل اللي نقوله الله يشفيهم شفاء لا يُغادر سقمًا ولا تبتلينا يارب.
التنسيق على الطريقة الأورانوسية مُذهل وشهادتنا فيه مجروحة، أستمتعت وانا اقرأ بكل سلاسة
وراحة ودخلت جو بالموضوع. أحلى شيء سويته إنك أخترت الخلفية تكون بيضاء، رُغم جو الموضوع
السوداوي لكن هذا كان أفضل لِلقراءة. الموضوع فعلاً كان مُثير ومُفيد وبعضها كانت جديدة عليا.
يعطيك العافية يارب، أعذرني على الرد المُتأخر. تم التقييم واللايك.
في أمان الله