••
العودة   منتدى وندر لاند > القصص والروايات > روايات عامية


عَشآن الحُب!*مكتملة*

روايات عامية


إضافة رد
 
أدوات الموضوع انواع عرض الموضوع
قديم 05-19-2020, 07:39 PM   #6
AM.
https://www.anime-tooon.com/up/uploads/at165286508456371.png


الصورة الرمزية AM.
AM. غير متواجد حالياً









-لا تُلهيكم الرواية عن ذكرِ الله.
.
.
[ الفصل الثاني ]

"أنت غير النآس عندي .. أنت عندي شي كبير ..!
كيف بصبر وأنآ شآيف .. النآس من حولك كثير ؟؟"


/
\
/

بعد ما خلصنا السلطه قمت لغرفتي مدري احس اني متضايقه بس مدري ليه احس ان بسبب سالفة فيل اني خليته يتعلق بأمل أدري انه صعب احكي له الحقيقه الحين .. وقررت اعترف له .. قرار مجنون بس الكل في ذا البيت معتبرني مجنونه .. لبست حجابي وفكرة توديني وثانيه تجيبني نزلت تحت وسألت عنه قالوا لي انه راح الصيدليه يشتري بندول لخالتي .. شكوكي ماخبرت فيها احد .. خالتي فيها شي .. طنشت الموضوع لأني محتاجه افكر اللي اعرفه ان فيصل اذا طلع أول ما يرجع يتحمم حطيت له ورقه " فيصل اذا رجعت ابيك بالغرفه .. سارهـ " .. جلست ربع ساعه محد جاء لبست بيجاما وقررت انام .. تغطيت باللحاف .. انطرق الباب .. طارت مني النومه على طول
قلت : بدون استئذان ادخل عادي ..
دخل ..
ركزت انه ميشو استحيت اني لابسه بيجاما قدامه ونايمه على السرير صحيح اني اكبر منه وفي عاداتنا ما أقدر وعيب اني اتزوجه إلا ان من الخجل اني ما اجلس معه كيذا حتى لو اني ما اتغطى عنه .. اتوقع ميشو حس لي فـ قام وقف ..
وقال : انزلي تحت خالي يبيك
هزيت راسي ..
طلع على طول رحت لبست جينز لأنه اسهل للحركه وتحجبت ونزلت .. تو بس انزل سمعت الأذان غيرت طريقي الى غرفتي وصليت .. رجعت نزلت وتغذينا .. مابقت لي فرصه اتكلم مع فيصل فيها بس لو الساعه واحده الليل ابي اقول له .. رغم ان عمري 19 سنه الا اني احيانا اتخذ قرارات واندم عليها .. اخذت خالتي الى غرفتي وقلت لها السالفه ..

خالتي مشاعل : طريقتك حلوه انك تكذبين شوي .. بس ليه بتقولين له ؟!
قلت لها : خالتي حسيت بالذنب كيف اني اكذب على اخوي واعيشه بوهم ..
رفعت راسي : ووين هذا الذنب قبل تقولين ؟؟
قلت : كنت خايفه أءذي حياته أو يتضايق لأنه يموت عليها من يومهم صغار .. وهذي مشكله كمان ..
قالت بهدوء : تبين نصيحتي ؟ .. هزيت راسي .. جاوبت : خلك على حالك ولا تقولين واذا ربي كاتب .. لو كل اهل الخُبر يعارضون مايقدرون ..
رديت بتردد : برايك ؟؟
ابتسمت لي .. قلت : تسلمين والله .. قسم اني اعتبرك مثل امي ..
ابتسمت لي .. تذكرت : يقولون تعبانه ؟؟!
هزت راسها : ادعي ربك يعطيني بنت ..
ابتسمت : انتي ماتعتبريني بنتك ؟! .. خالتي لو ربي اعطاك بنت بدل مشعل قلتي ابي ولد مافيه احد يرضى بنعمة ربي ؟؟!
خالتي مشاعل : اول شي لا تقولين خالتي ..
قلت بعناد : ياخالتي انتي عمرك 35 يمديك تحملين ببنت !!
قالت : قد قلت لك انك عنيده وذا الشي المميز فيك ؟؟

كنت ابي اتكلم بس انطرق الباب ..

قلت : مين ؟!
دخل فيصل وهو يبتسم ثم قال : هه والله انك من العصر الحجري ..
ناظرت خالتي لقيتها تناظرني مستغربين ..
انقذ حيرتنا فيصل : قصدي التبليغ بالرسااله ..
تنفست بقوه : يابويا لو قولت لي من البدايه .. روعتني ..

ضحك على لهجتي لأني اموت على اللهجه الجداويه .. وخالتي ابتسمت ..

قلبت ملامحه جد : ماكتبتي الرساله الا وفيه شي ؟! خير اللهم اجعله خير ؟؟

ناظرت خالتي مشاعل وكني اقولها صرفي الموضوع .. جلسنا فتره نفكر بكذبه حسيت ان فيصل شاك بالموضوع ..

قلت : لاتفهم غلط .. كنت ابي اقول لك شي بعدين حسيت اني بايخه ..
قال وهو يتكتف : طيب ايش ؟! ..
قلت : كنت ابي تشتريلي مجله وبس ..
وطيت راسي وجلست استغفر ربي .. ذي الايام أكذب كثير ..
تقرب مني وقال : حطي عينك بعيني ..
ماقدرت .. فـ قال : فيه شي صاير ؟؟ لا تخافين انا لا اضرب ولا أحرق الايادي ..
تكهرب الجو .. فيصل مصر الا يعرف السالفه ..
واخيرا تكلمت خالتي : فيصل انت تصدقني لو قلت لك ؟!
اشر لها ان تبدي بالحكي ..
قالت : كانت تبي تقول لك شغله بما انك اخوها واقرب الناس لها وجيت انا وفتحت قلبها وقالت لي كل شي .. وانتهى الموضوع ..
تكلم فيصل : ولو اني مو مصـ ..
انقذتنا جية مروى اللي خلت فيصل يروح وطي ..
تكلمت مروى : عمتي زوجك تحت ينتظرك ..
قطبت : غريبه مادق علي ؟؟
كملت مروى : الا يقول دق بس ماتردين ..
حسيت ان فيصل يبي يتكلم بالغصب ..
فقلت : اش بك فيصل ؟!
الكل ناظر بعيون فيصل حتى مروى والكل ينتظر الاجابه ..
ابتسم : ابد بس متضايق ؟
تكلمت خالتي وهي تعدل لثامها : أفاا ليه ؟؟!
قال بهمس : يعني تعب القلوب والعقول والعذاب وكل شي ..

*

هه الكل عارف بالحكايه يافيصل ماله داعي الرموز والاشارات .. سلمنا على خالتي ونزلت معها مروى بحجة انها بتشيل عنها اغراض .. ناظرت بفيصل لقيته يناظر مكان اللي كانت مروى واقفه فيه .. ياحظك يافيصل انت الرجال تختار اللي تبي ..
حبيت اقهره : شخبارك فيصل ؟!
ولا رد ولا شي وكأني احكي مع الطوفه رحت ووقفت مكان اللي واقفه بس مدري اش فيه .. قام قلبي يدق ..
هزيته : فيصل هل تسمعني ؟!
رد علي : أجل أجل لقد سمعتك ..
قسم مدري كيف طلعت معي لا والخبله فيصلوه يكمل علي ماقدرت امسك ضحكتي اكثر وانفجرت بقوه من الضحك ..!
فجأه طلع فيصل من غرفتي .. غريب امرك يافيصل ..

*

لبست حجابي نزلت تحت كنت متجهه للمقلط .. سمعت صوت من وراي .. التفتت إلا هو نايف شايل القهوه ..
قال : لالا سارهـ لا تدخلين ..
تسمرت مكاني بعدين حسيت على دمي وابتعدت ..
قلت : خير نايف اش بلاك ؟!

تستغربون مني شوي اقول ( اش بك ) وشوي ( اش فيك ) وبعض الاحيان ( اش بلاك ) بس انا بطبعي ما أحب الروتين احب اغير على كل شي حتى اللهجه ..
لف لي نايف : ابد هنا فيه ضيوف ..
هزيت راسي وابتعدت ..


مدري اش حكاية يوم الجمعه هذا .. كل يوم جمعه اول ماتطلع خالتي مشاعل يزورونا ضيوف .. الأغرب من كيذا ان الضيوف يطلعون بعد عشر دقايق وفيصل يطلع بعدهم .. أكون غبيه اذا ما لاحظت فعلا شي غريب .. قربت اذوني ماسمعت شي .. انقهرت ورحت لغرفتي وانا افكر .. معقول الصدف تلعب كيذا ؟! أول ماتطلع خالتي يزورونا ضيوف ؟! ومايطولون ؟! بس عشر دقايق ؟! أنا لازم اسأل فيصل .. طيب .. صعدت غرفتي وفتحت كتبي وشفت اش ناقصني وحليت بعدين رحت غسلت مريولي ومريول مروى ونزلت تحت لفيت البيت كله مالقيت احد .. معقول ؟ كلهم يدخلون إلا انا ؟! مين يعني ؟! رحت غرفة مروى ابي اتأكد لقيتها موجودها ارتاح قلبي يعني حتى مروى ..
رفعت راسها :خير ؟!
بلعت ريقي الحين اش اقول لها ؟! والله لتنشب في حلقي مثل فيصل ههههااي زوجها كيذا اجل عيالهم كيف ؟ طلعت مني الضحكه ..
تكتفت مروى : قلت خير ؟!
طرت على بالي اني اقول لها : ابد بس مدري كل البيت وين راحوا ..
هزت كتوفها : مدري ..
دفتني لبرى وقفلت الباب .. معليه المحقق مشغول ذي الايام بس خليني اخلص من ذا الموضوع وأرجع لك طيب !!

أخذت كتابب الكيميا ونزلت تحت اراقبهم على ابو اني اذاكر دقيقتين بالعدد وطلع خالي ومرت خالي .. ذبحني الفضول ابي اعرف اش صاير ؟؟
قلت : خالي !! التفت لي .. قلت : ماتدري فيصل وين راح ؟
لوح بيده : طلع ..
بستدرجهم ماتطوف علي : مع نايف ؟!
شوي الا ونايف طلع وبيده القهوه والحلا وذي الاشياء تقربت منه وأخذتهم منه ورحت للمطبخ وحطيتهم .. المهم رجعت لكتابي ناظرت الساعه عشر الا ربع .. جلست اتصفح الكتاب .. حضرت الدرس ماجاء فيصل .. ناظرت الساعه عشر وخمس وعشرين دقيقه .. تجولت بنظراتي مالقيت احد معي والانوار مقفوله يعني ناموا ؟ .. رحت وجلست عند الباب الخارجي علشان اول مايدخل فيصل البيت افتح التحقيق .. حسيت بالتعب بس قاومت مابي انام .. صرت اتثاوب بالثانيه مليون مره بس اكابر .. صعدت غرفتي وأخذت كتاب الرياضيات ونزلت وحفظته كله .. وكل شوي اناظر بالساعه أوووف 11 ونصف وماجاء ؟! وين راح ؟! مابقى شي بالدنيا ماسويته .. قلت بنظف المطبخ تذكرت اني البارح منظفته لاحول ولاقوة الا بالله .. دخلت المطبخ شفت القهوه شربت منها علشان ابقى صاحيه .. خلاص قفلت ابي انام رحت للمقلط وجلست على الكنب وماحسيت الا وانا نايمه ..

*
*

فتحت عيوني على صوت الباب ينقفل ركضت لقيته فيصل في البدايه ما انتبه لي .. بعدين يوم انه شافني قال ..
فيصل : بسم الله الرحمن الرحيم .. انتي باقي صاحيه ؟!
تكتفت : كنت انتظرك ... فيصل عاي تفهمني وين كنت ؟! .. ناظرت بالساعه وكملت : واحده وعشر وانت برى ؟!
تكلم : كيفي .. ثانيا انا راجع تعبان مالي خلقك راجء لا تفتحين لي ذي السيره ثاني مره أحرقك كلك مو بس ايدينك ..!
قلت له : نعــم ؟؟ ماسمعتك !! ألحين صار لي خمس ساعات انتظرك ...
قاطعني : محد ضربك على يدك تنتظريني .. والحين ابتعدي ..
عنّدت : مابي كيفي ..
قال بعصبيه : تبين احرق يدك ؟ طيب ..

خفت يسويها فـ إبتعدت وطلع غرفته تجمدت مكاني اش بلاه ذا ؟ يمكن متهاوش مع احد !! متأكده من ذا الشي .. تثاوبت للمره الالف .. ورحت نمت .. صحيت على الساعه اربع وثلث الفجر وااو نمت كثير رحت توضيت وصليت ورجعت نمت .. صحيت على صوت مروى : ساره يلا قومي نمتي كثير ..
ماقدرت ارد عليها احس لساني ثقيل وكلي متكسره .. فتحت عيني كانت الاضاءه على عيني .. رجعت قفلتها ومروى تهزني وانا مو قادره اتحرك راحت عني كملت نومي .. ثواني الا جاء فيصل .. عاد صحيت ويوم شفته تذكرت البارح وبغيت اصيح .. مسكت راسي وضغطت عليه أحسه يفتر ..
تكلم فيصل : انتي تعبانه ؟!
مارديت .. رجع وقال : ساره فيك شي ؟! تعبانه ؟! يألمك شي ؟!
ذي المره قدرت اتكلم بس انا متهاوشه معه فـ سكتت ..
رفعت نظري الى الساعه لقيتها خمس الا ربع .. فزيت من مكاني حسيت الكل مستغرب من تصرفي ورحت الحمام عزكم ربي وفرشت اسناني ومشطت شعري ولبست مريولي في وقت قياسي .. ونزلت تحت كانوا يفطرون مالي خلق اي شي طلعت وقفت عند الباب وانا اتذكر فيصل كيف كان معصب خنقتني العبره .. وعلى طول طلع خالي وصعدت ورحت الى المدرسه ودرسنا حصص وانا متضايقه مو قادره اسوي شي اشاركهم بجمل مختصره والكل لاحظ ذا الشي .. رحت واستأذنت في الحصه الرابعه .. ومن حظي ان ريم هاربه من الحصه وطلعنا على طول ..
ريم : يووهـ أنا خايفه ..!
قلت لها : بيني وبينك حتى انا خايفه اول مرة اطلع والمشكله ماأدل وين بيتنا ..
حطت يدها على فمي وقالت : لاتقولين !!
هزيت راسي .. قالت : والحل ؟!
هزيت كتوفي : مدري ..
جلسنا تقريبا فتره نفكر .. بعدين تكلمت ريم :عندي حل ؟!
رديت بسرعه : اديني هوا ..
ابتسمت : اش يعني ؟!
ضحكت : يعني قوليه وخلصيني ..
قالت : شوفي انتي تروحين معي للبيت واذا وصلنا ناخذ واحد من اخواني ويوصلك بيتكم .. هااه اش رايك ؟؟
ابتسمت : هو فيه حل غيره ؟! خلاص يلا .. ولو اني متروعه ..
وفعلا رحنا .. ولمّا وصلنا ..
ابتسمت : طيب .. ادخلي معي ومايصير شي لا تخافين ..
عنّدت : لا ..
قالت : كيفك بس ناظري عند بيت جيراننا وبتعرفي ..
لفيت لقيت مجموعة شباب عندهم كلب على طول دخلت بدون اي تردد .. دخلنا لمجلسهم وجلست انتظر وانا خايفه أول مره أروح اي مكان دقايق وجات ريم وجلست ..
قلت : خير ان شاء الله ؟!
ابتسمت : بنسولف ..
قلت : والله انك فاضيه .. أكيد لأنك في بيتكم ...
قاطعتني : أخوي يلبس واذا خلص جانا .. طيب بقول لك خبر ..
همست : اذا حلو قولي واذا مو حلو اقلبي وجهك ..
ضحكت وقربت مني : انخطبت ..
صرخت : احلفي ..
حطت يدها على فمي ابعدتها وقلت بهمس : مو كأنك صغيره ؟!
ابتسمت : لا تخافين اذا صار عمري 18 يعني بعد سنه الزواج ..
انطرق الباب لفيت حجابي وطلعنا .. ركبنا سيارته وحنا ساكتين لأن ريم جالسه بالمقاعد الاماميه وان الخلفيه
همست لي : تغطي لحد يشوفك ..
همست بنفس النبره : أختنق ما اقدر .. ثانيا ماأعرف كيف !!
همست : انزين تلثمي ..

تلثمت وانا ساكته بس قولكم انا اختنق اذا حطيت شي على وجهي واحس نفسي مو مركزه الا فيه لا يطيح .. المهم تحركت السياره لجهة المدرسه لأن ماأدل بيتنا الا من جهتها .. المهم ..

تكلم اخوها : يلا اوصفي لي بيتكم ..
هاذي والله الورطه .. انقذتني ريم : تقولك ماتدل بيتهم تقول اوصفي ..
تكلم بهدوء : طيب اش لقبها علشان اروح البيت اذا اعرفه ؟!
همست : انا ساكنه في بيت خالي .. جاسم نايف العلي ..
قال : وين يصير ذا ؟!
والله ذا يا هبل او يستهبل كل شوي يقول وين بيتكم ..
تكلمت ريم : طيب ماعندك رقم اخوك ؟!
بعترف لكم باعتراف .. انا مخزنه بذاكرتي رقم نايف واتحدى احد يقول غير كيذا .. حافظته من قلب ..
قلت : عندي رقم نايف ولد خالي ..
ابتسمت ريم : اديني هوا ..

لولا الحيا ضحكت .. المهم كتبته في ورقه وجلس الاخ نايف يوصف البيت الى ان وصلنا .. دخلت لقيت محد في البيت .. يوه شكلنا أزعجنا نايف في الكليه .. سمعت صوت في المقلط رحت لقيت فيصل مع نايف .. يافشيلتي الحين فيصل بيحرجني اعرفه .. بس يلا .. تسللت لغرفتي وغيرت ملابسي .. ونزت تحت ..
.
.
-يُتبع











 
 توقيع : AM.


اللهم صلّ وسلم وبارك على مُحمد.
دافئ جدًا: مَعرضي~


التعديل الأخير تم بواسطة AM. ; 05-21-2020 الساعة 05:58 AM

رد مع اقتباس
قديم 05-19-2020, 07:45 PM   #7
AM.
https://www.anime-tooon.com/up/uploads/at165286508456371.png


الصورة الرمزية AM.
AM. غير متواجد حالياً







.
.


(2)

*

دخلت المقلط ابي ابرر اللي اتصال اخو ريم لنايف بالذات ..
قلت : السلام عليكم ..
التفتوا اثنينهم يناظروني استحيت وجلست على الكنبه ..
تكلم فيصل : سلامات ؟! .. مين اللي ذق على نايف ؟
انقهرت منه : هذا مو شغلك .. رجاءا لا تتدخا ..
ناظر بنايف ورجع ناظرني : ليه بالله ؟؟
بدأ العد التنازلي لصبري : هو دق عليك ولا دق على نايف ؟؟ .. خلاص مو شغلك فيه !!
اشر فيصل لنايف : اسألها يانايف ..
ناظرني نايف : مين اللي دق ؟! وابتسم ..
ذبت خلاص : أخو ريم خويتي ..
فيصل مستنكر : خويتك ؟؟
اشرت عليه : أنت ماتسألني مو شغلك .. حسيت بالضحكه من الوضع فعلا ..
تكلم نايف : وأخو خويتك ذا يدرس معكم في المدرسه ؟!
فتحت عيني ذا مستحيل نايف اللي مايتكلم ولا كلمه .. انقهرت منهم اثنينهم ..!
وقلت : دام ذا اسلوبك يا أخ نايف أعذرني مابجاوب ..
عصب فيصل : غصب عنك تقولين .. مو بكيفك تطلعين مع أخو خويتك بدون لاندري .. اش السالفه ماعندك حد يراقبك أو يحاسبك ؟؟
هنا انفجرت : جب .. مو انا اللي اطلع مع عيال .. واعذرني أقول لك كيفي مو متكلمه معك .. ولو تحرقني كلي مو بس ايدي ..
تكلم نايف : قل لا اله الا الله ..
فيصل بزهق : لا اله الا الله ..
قال نايف : اعذريني لأني تلقفت .. ثانيا ممكن أسأل مين اللي دق علي ؟!
قال فيصل : مو ممكن الا غصب ..
قال نايف : فيصل !! اسكت .. هااهـ اش اسمه ؟!
قلت : قسم بالله ما اعرف اش اسمه ..
قال : طيب كيف ماتعرفين اسمه وطالعه معه ؟!
انقهرت من اسلوبه : احترم نفسك أول شي ثانيا مو انا اللي اطلع معه !!
تكلم بهدوء : طيب اجلسي ..
جلست وانا ماسكه راسي لا ينفجر ..
كمل كلامه : طيب احكي لنا القصه وحنا بنصدقك ..
ارتجفت حسيت شوي واموت من التعب قلت : أنا تعباانه .. وأستأذنت وطلعت من المدرسه .. شفت ريم كمان مثلي واتصلنا على اخوها وجاء لنا .. بعدين قا لي وين بيتكم ؟ .. أنا ماأدله .. سألوني عن الارقام عطيتهم رقمك .. وبس ..
تكلم فيصل : طيب ليه بالذات رقم نايف ؟!
سكتت عنه .. قال نايف : طيب ليه بالذات رقمي ؟
هنا انحرجت : لأن انا متهاوشه مع فيصل .. ضغطت على راسي : ومالي خلق مشاكل ..
قال بهدوء : طيب اش به راسك ؟! الصبح ماتتكلمين واليوم راسك ؟!
قلتبهدوء مثله : مدري ..
وجيت بقوم مسكني فيصل .. قلت : اتركني انتا مو شغلك فيني ..
قال بهدوء : بس انا اخوك ..

مالي خلق هواش معه فسكتت وتركت يده وأبعدتها عني وطلعت غرفتي .. رميت جسمي على السرير وفيني الصيحه .. معقول ماعندهم ثقه فيني ؟ اش سويت ياربي ؟ وربي مالي خلق لذي الدنيا .. طيب مروى تكلم عيال مايشكون فيها .. مسكت راسي وجلست ابكي مالقيت اي مبرر يخليهم على طول يشكون فيني .. ناظرت بالساعه عشر بالضبط ..

نزلت تحت الى المطبخ وعملت الغذا .. فتحت الثلاجه لقيت الجبنه عملت خبز وجبن أكلتي اللي اموت عليها .. جلست على الطاوله وأكلت .. سمعت صوت فيصل من وراي طنشته .. شفته جلس بالكرسي اللي جنبي قمت عنه وصلحت لي عصير ..
قال لي : اعذريني مو قصدي ..
قلت : لا تعتذر واعتذارك من الحين مرفوض ..
قال بعصبيه : بربك ساره لو حد يتصل ويقول ذا نايف ولد خال ساره .. مابتشكين ؟
دمعت عيني : اذا جاي تصارخ انا راسي مصدع مالي خلق ..
تكلم : اعذريني ..
قلت : فيصل انت فيك شي ؟! متغير كثير .. كله تعصب ..
فيصل : لأني خفت صاير لك شي ..
مسحت دمعتي : تشك فيني ؟! لو هي مروى حبيتها على راسها .. صح ولا انا غلطانه ؟؟
فيصل : ألف مرة قلت لك لاتحطين نفسك بمقارنه معاها .. وقلت لك أعذريني وماعاد اشك فيك ثاني ..
قلت : طيب ألحين وشكيت .. والبارح وشوي وتحرقني علشان خفت عليك مارجعت .. طيب انا آسفه اذا مره خفت صاير لك شي ..
تكلم بهدوء : لا تبكين .. أنا مااحب حد يسألني وين رايح ؟ وليه رايح ؟ ومن فين جاي ؟ كل ذا الموضوع .. واعذريني كنت تعبان ..
ابتسمت له : فيصل احبك ..
لاشعوريا نزلت دموعي مدري عندي دموع زياده ولا ايش ؟
قال : طيب عذرتيني ؟
رديت : معذور ..
جلس : طيب اش حكاية راسك ذا المصدع من الصبح ؟! ..
قلت : لأني مانمت البارح إلا الساعه واحده .. كنت انتظرك ..
ابتسم لي : وأحلا أخت ..
جاوبت : وأحلا أخو ..
بالرغم اني مقهوره منه الا انه بكلمتين عذرته .. لأن مالي غيره في ذي الدنيا .. والله احسد مروى عليه صادق حتى بمشاعره مايحب أحد يكون زعلان عليه .. عنده حنان كبير .. بعكس مروى مدري اش لقى فيها والله ..
همست له : أقول لك شي ماتعصب !! ..
رد بنفس النبره : ايش ؟! ..
جاوبت : تمنيتك تتزوج ريم .. بس حسافه انخطبت ..
ماتوقعت ردت فعله : ههههههههههههااااي احلفي انتي بس ..
مالقيت غير اني اضحك عليه ..

*

الموهم صليت الظهر وجات مروى طبعا وهزءتني لأني ماقلت اني طلعت وانتظروني وصارت مشكله .. وعدت على خير .. ونمت وصحيت على اذان العصر وذاكرت الين اذان العشا .. صليت وصلحت العشا وتعشيت وغسلت المراييل ورحت نمت ..

*

مضت الايام عادي مايتغير فيها شي .. يوم الاربعاء اعترفت لي ريم بإعتراف .. تدرون ايش ؟ .. بتتزوج بعد شهر .. بتسافر مع زوجها الى الدمام للأبد لأن وظيفته كيذا .. ألحين يوم اني تعلقت في بنت وصارت كل شي حتى تتنافس مع فيصل في المحبه .. تروح ؟! وماعاد اشوفها ابد ؟! ليه الدنيا كيذا ؟! مضيت يوم الاربعاء كله في الأسئله وريم كمان لأني تقربت لها كثير .. بصراحه كأننا عشاق بيفترقون عن بعض .. بس فعلا بطيبتها مقدر ابعد عنها ..
الموهم ما جاء يوم الخميس أحلا يوم تصدقون أكتشفت اني صرت مدمنه بلايستيشن وانا اللي قبل استغرب منهم ؟ .. ونااسهـ .. يوم الاربعاء الساعه ثمان الليل جاتنا ام سامي .. تستغربون لأني ماقد ذكرتها لكم .. هذي اخت ام نايف وجات معاها بناتها سلمى وسلوى وسهام .. اساميهم فلله .. أحمد ربي واشكره انهم مافكروا يسمون مثل اسمي ولا كان قسم لأغير اسمي .. المهم عملت لهم القهوه ودخلتها ..

قلت : السلام عليكم !!
كلهم : وعليكم السلام والرحمه ..
جلست جنب فيصل ونايف وانا ابي اذبح سلمى .. تقز نايف من فوقه الين تحته ..
تكلمت سلوى : الا ساره انتي دخلتي اي كليه ؟!
قرصني فيصل لا ارد عليهم ..
قلت : أممم مادخلت الجامعه باقي ثالث ثانوي ..
تكلم فيصل : هاا ياسلمى اش اخبارك ؟
ردت : ه بشوفة ولد خالتي والله ..

قسم لولا الحيا قمت وعطيتها كف .. سكت وانا اسمع كلامهم ..

قالت ام سامي : هااه ياوخيتي متى تتقدمون رسمي ؟!
ردت : والله ننتظر نايف يوم يخلص على طول بيده الشهاده ونجي لكم ..
قمت بهدوء : اجيب لكم الحلا اللي سويته ..
وقف فيصل : بروح معك اساعدك ..
رحت المطبخ واول مادخلنا قال لي ..
فيصل : هدي اعصابك .. لاتسوين فضيحه تندمين على اليوم اللي جابتك امك
ناظرته بانكسار : امي ؟ وينها امي ؟ ومين قلك اني مو ندمانه ؟!
قال بهدوء : اللي اعرفه انك بنت عاقله وتدرين انها الحين عند ربك .. وابوك معها .. ماله داعي كل ذا .. لو الدمع يرجعهم ماترددت ..
مسحت دموعي وكأن كلام فيصل اعطاني ثقة بنفسي ..
بعدين قلت : طيب ساعدني اقطع الحلا ..
ابتسم : شرايك نرفع ضغطهم شوي ؟!
تحمست للفكره : كيف ؟؟!
قال : اسمعي .. تبدين مني وتنتهين فيهم وطبعا انا بدوري بمدح فيه يعني كيذا .. اش رايك ؟!
ابتسمت من قلبي : من شاور ماعطى .. يلا روح للمقلط وانا وراك ..

فكره مجنونه .. بس والله قاهرتني ذي السلمى ماأقول لكم مو حلوه بس مغروره .. صحيح يحق لها بس ماتناظر الناس من طرف خشمها وكأنهم اقل منها مستوى .. المهم قطعت الحلا ووزعته على الصحون ورحت للمقلط .. عطيت فيصل ومريت جنب نايف استحيت من نظراته والله لو خالتي شافته .. قسم لتذبحني .. المهم واخيرا وصلت لسلمى ..

قلت بهدوء وكأنه مو صاير شي : بالعافيه حبيبتي حرم نايف ..
كح كح ..
التفتت وراي لقيته نــــايف !!
قلت بجرأه لأول مره : سلامات نايف ؟!
جاوبتني سلمى بهمس : يمكن من نظرتي له ..
بغيت افلعها بالصحن اللي عندي بس سكتت لأني تذكرت كلام فيصل ..
وقلت : يمكن من قزك له ..
وابتعدت وانا مبتسمه .. والله كلمه واحده وانفجر عليهم .. المهم وصلت وجلست جنب فيصل اللي كان جنب نايف مباشرة ..
فيصل : ولا اروع حبيبتي تسلم ايدينك ..
قلت بدلع : مشكور قلبي من ذوقك ..

قسم اني مسكت ضحكتي .. وين جالسين حبيبتي وقلبي هههههااي بس والله لو تشوفون وجيههم تموتون ضحك ..

رجعت قمت : شوي بقوم انادي مروى ..
فيصل : طيب اجلسي شوي كل شوي وتقومين .. نحتاجك ..
تكلمت سهام : خذيني معك ..
قلت لها وانا مبتسمه : أجل يلا ..
صعدنا السلم بهدوء .. ثم تكلمت سهام : عادي سؤال ؟؟
ابتسمت : آآمري ؟!
همست : خطيبك اللي كان جالس جنب نايف ؟!
والله بغيت اعطيها كف .. والله خطيبي لو يجلس بس يناظرهم ذبحتهم كيف يجلس معهم ؟!
ابتسمت : أخوي ..
قالت : مبين العلاقه بينكم قويه ..
ابتسمت : أخوي الوحيد وأخته الوحيده .. ياحظها فيه مروى ..
ابتسمت : الله يوفقهم ..
قلت : ليش اخوانك مايسوون كيذا ؟!
جاوبت : ياليت لو ربع المعامله ..
كملت وانا مبتسمه : تعوضينها مع زوجك ان شاء الله ..

سهام غير اخواتها رغم صغر سنها ( 14 ) سنه طيبه كثير .. لو عندي اخو ثاني زوجتها له ..
مضت الليله بحلوها وبمرها رغم اني اشك ان فيه حلوها .. المهم ورجع الكل لبيته .. استغربت خالي اليوم ابد ماشفته .. بس احسن لايفتح لي محاضره ( اذبحك اذا مانجحتي ) اللي يسمعه اول مره يقول انه يخاف على مصلحتي بس والله انه غير .. المهم مو جايه أسب في خالي آخر الليل خلني انام وبكره يصير خير ..

{انتهَى}

/
\
/

مقآطع من الجزء القآدم /

همس لنا : ماتعلمون امي ؟ .. هزينا روسنا .. قرب مننا : حبّي !!
*
قلت بصوت مسموع : اشهد ان لا اله الا الله ..
*
صرخت : فيصــــل .. فيصــل !! ..

-الفصل الثانِي، تمّ










 
 توقيع : AM.


اللهم صلّ وسلم وبارك على مُحمد.
دافئ جدًا: مَعرضي~


التعديل الأخير تم بواسطة AM. ; 05-19-2020 الساعة 07:47 PM

رد مع اقتباس
قديم 05-21-2020, 05:53 AM   #8
AM.
https://www.anime-tooon.com/up/uploads/at165286508456371.png


الصورة الرمزية AM.
AM. غير متواجد حالياً









-لا تُلهيكم الرواية عن ذكرِ الله.
.
.

[ الفَصل الثالث ]

" بعض العآشقون يعشقون الهمس أكثر من معشوقهم ..! "


/
\
/

كعادتي في يوم الخميس أقضيه كله نوم بس هذي المره من الصباح صعدت السطح لأول مره ناظرت لتحت .. يمااهـ يخوف الشارع من فوق .. دمعت عيني لأني صرخت يماه .. خليني اتعود على كلمة خالتي مشاعل او خالتي .. كان المنظر رهيب شروق الشمس سبحانك ربي ابدعت في الشروق والغروب كيف ان الشمس تلف الدنيا كل يوم .. مضى الوقت بسرعه وماانتبهت الا والساعه ست ونصف نزلت عملت الفطور ورجعت ولما الجو بدأ يصير حار نزلت بهدوء وتسللت للغرفه ودخلت وقفلت الباب " أوف الحمدلله محد شافني " .. لفيت شفت فيصل
صرخت : يمااهـ ..
سكتت مو قلت ابي اتعود على خالتي ؟ طيب ..
هديت شوي وقلت : وانا اقول ليه الغرفه منورة ..
قال بحده : وين كنتي ؟! دخلتي متسلله ؟؟! ليه ؟!
قلت : اتوقع اننا اتفقنا بلاها شك ..
ابتسم : طيب جاوبيني ؟! ..
قلت : مو انت تتضايق لما حد يسألك وين رايح ووين جاي ؟ وليه ؟ ولمين ؟! ..
قال لي : لاتقارنين نفسك فيني انا رجال انتي بنت يعني اقل شي يشوه سمعتك ..
قلت : خلاص خلاص بقولك .. كنت بالسطح ..
ناظرني بتعجب : السطح ؟! ليش ؟! .. وكمل باستهزاء : عندك عصافير طيور شي كيذا ؟! ولا تراقبين الرايح والجاي بس ؟ ..
ناظرته : ألف مره قلت لا تكلمني بذي النبره صح ؟!. .
قال : طيب ليه كنتي رايحه ؟!
تكتفت : تعدل باسلوبك اجاوبك ..!
قال بهدوء : طيب اش كنتي تسوين سارونه ؟!
ابتسمت : اناظر الشمس تطلع .. طافك فيصل والله وناسه تشوفها تجنن ..
همس : متأكــدهـ ؟!
ابتسمت له : ناظر بعيوني وتأكد !! اذا كنت صادقه ولا شي ثاني ..
ناظرني : طيب ليه ماعزمتيني من البدايه ؟؟
هزيت كتوفي : كنتوا نايمين .. وجلست على السرير : امم بعد الصلاه بالضبط صعدت .. اش رايك بكره من الصبح تصحى ونصعد ؟!
رد بسرعه : لا .. صباح يوم الجمعه لازم انام ..
ابتسمت من داخلي " ايه لازم ياقلبي علشان السهره تكون صباحي " ..
قلت : أجل في الغروب ..!
فكر شوي : اش رايك تصعد معنا مروى ؟!
قطبت حاجبيني :أووف لازم يعني ؟!
غمز لي : لاتخافين معنا نايف ومشعل ؟! هااهـ اش رايك ؟!
ابتسمت : ونااسه .. طيب الساعه 4 العصر حنا نصعد ..
قال : طيب ..

*

مضى اليوم بأحداث عاديه تماما وجاء يوم الجمعه وقت الغروب طبعا مروى ومشعل من البدايه كانوا موافقين اما نايف مارضى الا يوم عرف اننا كلنا .. حلو اننا نجتمع مع بعض من بعد ايام الطفوله .. رغم اننا كبرنا بس شي حلو ..
ميشو : ابي اعرف الذكي اللي اخترع ذا المكان مين ؟!
ابتسمت : ياقلبي يامشعل والله ادري اني ذكيه واجنن وأهبل كمان ..
قال ميشو : أقول شي ماتعصبون ؟!
فيصل : لاتخاف مانضرب ولانحـ .. قرصته فـ سكت ..
قال ميشو يناظرني : شكلك غلط .!!
فتحت عيني على آخرها اش به ذا : كيــف ؟! ..
قال : لاتناظريني كيذا .. بس قصدي انك الوحيده اللي لابسه حجاب بيننا لو تشيلينه ..
قلت : أقلب السيره .. عندي لكم لعبه تجنن ..
قالت مروى : وجع كبرنا ..
قلت : تهبل قسم انها حلوه .. اسمعوا اسمها الصرااحه ..
ميشو : قديمه نعرفها
قلت بقهر : وجع غيرك يبي يلعب .. صح فيصل ؟!
المهم جبنا علبه المااي ..
قال فيصل : انا بلفها ..
ابتسمت له وفعلا .. كان

" ميشو يسأل فيصل " ..
قال ميشو : اعترف لنا بأخطر شي عملته ؟!
قال : ماأقدر ..
قلت له : عاد حبيبي والله هي اللعبه كيذا ..
قال فيصل : قسم اني بوريك يامشيعل .. أمممم .. وهمس : دخنت ..
شهقت : أحلف ماأصدق والله فيصل ماتسويها ..
قال : والله ..
قلت : يلا ميشو لف اللعبه ..

" مروى تسألني " ..
قالت : أمم اش آخر شي اكلتيه ؟!
قلت : هههااي خبز مع جبن اكلتي المفضله ..
لين الحين مادخلنا بالمحظور .. المهم مسكت العلبه ولفيتها ..

" أنا أسأل ميشو " ..
قال فيصل : جاك الموت ياتارك الصلاه .. بردي حرتي ..
قلت : اش الشي اللي عملته وندمت عليه ؟
قال بهدوء : شريت لي جوال !!
ضحكت : ليش عاد ؟!
ابتسم لي : كله فواتير ههههه
ضحكت : يلا لف ..

" نايف يسأل ميشو "
وناسه وأخيرا نايف بيتكلم ..
قال : أممم اش السر اللي مستحيل تخبر فيه احد ؟!
صفر فيصل : عجيب ياولد الخال ..
جاوبه : نتعلم منك ياولد العمه ..
ميشو : انت ياحظي قلتها مستحيل اخبر فيه احد .. صح ؟!
قال له فيصل : وجع كلنا اعترفنا يلا عااد ؟!
ميشو : ماأقدر ..
قلت له : ميشو احنا اتفقنا من البدايه يلا عاد بليز جاوب ..؟!
همس لنا : ماتعلمون امي ؟ .. هزينا روسنا .. قرب من : حبّي !!
مشعل فتح اللعبه وسالفة الحب الله يستر وألحين الكل بيسألون الله يستر ..

" فيصل يسألني " ..
قلت : هه كل اسراري عندك ياحظي .. احذرك تسأل سؤال كيذا كيذا .. أفتح السواليف تبعك.. هزيت كتوفي : وانت ادرى ..
ابتسم : اممم طيب اش الشي اللي يخليك تطيرين من الوناسه ؟!
قلت بهدوء : جمعتنا هذي تخليني اطاير في السما ..

لفيت العلبه ..كانت فيصل يسألني ..
قال : توني سألتها ..
رجعنا ولفينا العلبه ..

" مروى تسأل نايف " ..
يارب تسأله شي خطير ..
همست مروى بخبث : كلنا نعرف ان نايف كتوم صح ؟ .. طيب ابي اعرف قد جربت تحب ؟!
والله لولا الحيا قمت وحبيت مروى على راسها والله انها جابتها .. انتظرنا الاجابه ..
سمعناه يقول : مافيه تغيير السؤال ؟!
ياحظي !! أنا ابيك بالطيب بالغصب تجاوب تبي نغير السؤال ؟!
قلت : طبعآ لا مافيه وضروري تجاوب كمان ..
سكت فتره .. قال ميشو : ها ياولد الخال ؟ عطينا من الآخر .. جربت تحب ؟!
همس لنا : ايه ..

ناظرت فيصل مو مصدقه مين هذي اللي حركت قلبه ؟! أكيد سلمى هي ماشاء الله عليها حلوه وتهبل كيف ما يعشقها وهو يدري انها بالأول والأخير له ؟! قربت عيني تدمع ..

قلت : ابنزل اجيب الشيبسات .. عادي اسألوا ماله داعي تنتظروني ..
تصريفه محترمه للي يدري بالسالفه .. المهم نزلت وغسلت وجهي وجهزت ( ليز ) وصعدت ..
قال ميشو : طافك سؤال فيصل لمروى عجيب !!
ابتسمت : ايـش ؟!
همس : نفس سؤال مروى لنايف ..
قلت بحماس : طيب اش ردت ؟!
قال : أكيد ايه .. هههههه جالسين وسط عشاق ..
قلت : وجع متى حد يسأل ذا المهبول يحب ولا لا ..
ابتسم فيصل : اش بها ذاكرتك ضعيفه ؟! أول واحد سألناه ..
ابتسمت وعطيت فيصل ليز ..
صرخ علي : مابي ذا اصفر ابي ازرق هلالي ..
ابتسمت : ولا تزعل .. طيب مين كمان هلال لا اتورط ..؟!
قالت مروى : انا مالي داعي بذي الشغلات .. ابي الفلفل ..
ميشو : ابي الاخضر ..
لفيت على نايف : وانت اش تبغي ؟! ..
ابتسم : عادي مايفرق عندي ..
قال فيصل : أنصحك بالبرتقال .. جبنه فرنسيه رووعه ..
قال ميشو : وجع فيصلوه تبي تورط الرجال .. خذ مثله ازرق ..
قلت : وانا طبعآ مثل فيصل حبيبي في كل شي ..
قالت مروى : نايف خذ مثلي أحمر ..
أشر عليه : مابطيقو بنوب ..
المهم لفيت العلبه ..
" نايف يسأل مروى " ..
قال : اش الشي اللي تستحين منه ؟!
هه هو أصلا فيه شي تستحي منه ؟! هذي وجهها مغسول بمرق بس نشوف اش بترد ,,
جاوبت : لحد الحين ولا شي الا اذا يوم الزواج شي ثاني ..
ماقدرت اكتم ضحكتي : هههههههههههههههههههههههااااااااااي
ناظرني فيصل : سلامات اخت ساره ؟!
جاوبته وانا أضحك : اتخيل يوم زفتك على مروى اسوي فيكم مقلب ..
ابتسم فيصل وغمز لي وكأنه يقول " تعجبيني " .. الموهم لفيت علبة الماي .. وقف قلبي .. ورجع يدق بقوه وكأنه طبول ..
نـ نـايـف .. يسألنـي ؟! الله يستر بس .. مشكله ياربي ما يسأل سؤال صعب ..
لاشعور طلعت مني : ترفق الله يخليك ..
قال ميشو : الموت ياتارك الصلاه جاك ..!
ضحكت مروى وكملت : رتب الكلمات السابقه لتحصل على جمله مفيده ..
ضحك فيصل : مافيه خيارات ياولد الخاله ؟!

والله يضحكون وانا واقف قلبي .. فيصل يناظر ميشو ومروى .. وميشو يناظر فيصل .. ومروى تناظر ميشو .. وانا اناظر نايف ونايف يناظرني .. اش ممكن انه يسألني ؟!

قال ميشو : سلامات سارونه مارديتي ؟!
ابتسم فيصل : أصلا نايف ماسألها علشان تجاوب ..
قلت بصوت مسموع : اشهد ان لا اله الا الله ..
كلهم ضحكوا واللي يقول لي نايف مايخرع واللي يقول وانا موسامعه غير دقات قلبي .. أحس كل أهل الخّبر يسمعونها ..
مروى : ماصارت يانايف اسألها وخلصنا ..
ميشو : صادقه مروى خلصونا بأه ..
قال نايف : نفس سؤال مروى لي ..
تبلعمت : وايش سؤال مروى لك ؟!
ضحكت مروى : أموت عليك نايف ..
ميشو : ياأخت جاوبي على اعصابنا ترى ..
ناظرت فيصل وقلت : ماأقدر اغير ؟! ..
قال نايف : لا مافيه طبعا وضروري تجاوبي ..
ابتسمت وحطيت عيني بعينه وقلت : ماجربت ولا ابي اجرب ..
الكل سكت ويناظرني .. فيصل اللي هو فيصل قام يناظرني مستغرب .. أربكتني نظراتهم ..
فـ قلت : عادي الحب مو شي أساسي في الحياه .. عادي !!
قال فيصل : بس اللي يجربه مايقدر يتركه .. صح كلامي ؟!
قال ميشو : لو كل انسان حب من قلبه .. كان ماانخلقت الدموع ..
قالت مروى : لا .. الدموع كمان للإهانه .. ولا كلامي غلط ؟! .. الاهانه والخيانه والذل .. كلهم سوا ..
قلت : لا يابنت الخال .. الذل والإهانه والخيانه يجتمعون تحت مسمى واحد اسمه الحب .. ماانخلق الذل الا مع الاهانه في الحب ..
كمل فيصل : ينذل النسان مع حبيبته الين تدري .. ولما يخونه ينهان وتنهان كرامته ..
مروى : مو كل انسان يمر بذي المراحل اذا كان حب صادق ..
قال نايف : يمكن الظروف تجبره على كيذا .. بس مهما صار يظل الحب في القلب .. مايتغير ..
فيصل : شي صعب اذا شي ماتتوقعه يصير وغصب عنك تسويه .. لأن القدر حكم عليك ..
مروى : شي اصعب اذا وقعت على اعدامك في الحياه وانت تدري ان اعدامك مصير رغم عنك بتواجهه ..
قلت : مافيه اصعب من انك تشوف حبيبك مع واحده غيرك يمشي بوناسه .. وانت من داخلك نيران ..
ميشو : غلطانه يابنت الخاله .. الصعب انك تشوف اقرب الناس اليك ماخذ حبيبتك .. يبعدها عن انظارك ..
كمل نايف : والمشكله ماتقدر تقوله غير الله يوفقكم .. بس الحب مذله ..
قلت : ماانخلق الحب الذي يذلني .. ومين يكون حتى يوطي راسي ؟!
فيصل : كلنا قلنا ذا الشي بس نهايتنا طحنا فيه غصب عنا ..
قالت مروى : الحب عمره ماصار بالغصب ..
نايف : النوع المنتشر في ذا الوقت الحب اللي بالغصب ..
ميشو : وجع ياناس الله يلعن الحب وأشكاله خلاص اسكتوا تعبت والله ..
قلت وانا كاتمه ضحكتي : مافيه تعب يابن الخاله غير تعب وعذاب الحب ..
ماقدرت اكتم ضحكتي يوم شفتهم يضحكون وضحكت .. نزلنا تحت وصلينا المغرب ..

*
*

خالتي مشاعل : وين رحتوا فجأه اختفيتوا ؟!
فيصل : أبد بس لقينا مصباح علاء الدين وبس ..
قلت : قصدك قلنا افتح ياسمسم .. وشفنا عجاييب علي بابا ..!
ميشو : لا يمه اصلا حنا سافرنا عبر الانترنيت .. لا يكذبون عليك ..
مروى : طاش ما طاش على غفله ..
قالت خالتي : وانت يانايف وين رحت ؟!
نايف : شفت البطه السحريه .. يااااه انقلبت قمرر ..
ام نايف : مين اللي راح جزيرة الواق واق ؟!
فيصل : كابتن الطائره اللي وصلنا جزاه الله الف خير ..
خالتي : أتكلم جد أنا .. فجأه اختفيتوا ؟! وين ؟؟
ميشو راح لأمه : ماما خفتي علي ؟ قلتي وينه ميشو مالقيتيه ؟؟
جاوبته امه : ايه حبيبي دورتك قلت وينه ؟! وجع مشعلوه وين رحت لا اهفك كف يطيرك مكان مارحت قبل شوي ..!
أشر عليها : مصارعه على غفله ..
قلت : خلاص بعترف .. كنا فوق السطح .. طافك خالتي ونااسه تمنيتك معنا ..
هزت كتوفها : لو عزمتوني رحت ..
قال ميشو : عذرا للشباب فقط ..
خالتي : وجع ان شاء الله مشعلو انا امك عيب ..
جلست مروى : والله طلعت فضايح الله لا يوريك ..
مرت خالي : كيـف ؟!
نايف : قسم انك يامروى ماتخبين شي ابد ..
مرت خالي : احسن منك على طول تبي تقول لأمها .. مو انت ماتخبرني بشي ابد ..
قلت : يلا انا بروح غرفتي أتحمم اشوفكم اذا خلصت ..
قال فيصل : ماشاء الله قلبي على قلبك توني بروح .. يلا نروح ..
ابتعدنا بخطوات عنهم ..
قال لي : ليش كذبتي وقلتي انك ماقد جربتين تحبين ؟! حنا اتفقنا من البدايه نكون صادقين ..
قلت : اسمع فيصل أنا ماكذبت .. الحب درجات .. أولها الإعجاب وانا لين الحين ماوصلت للحب ليش اكذب على نفسي ؟!
ابتسم : قد مرة قلت لك انك عندك اسلوب اقناع درجه اولى .!
ابتسمت بغرور : أدري ساره العلي مو سهله .. تشااوو بروح اتحم ..

دخلت اتحمم وانا افكر في كل احداث اليوم فعلا شي حلو نجتمع .. طولت وانا في الحمام عزكم ربي ولما طلعت كانت سبع وربع قفلت باب غرفتي لأن مروى على طول تفتحه وافتشل تشوفني بالروب .. فتحت الدولاب لبست برمودا ابيض يجنن وبلوزه سوداء أكمام .. لبست حجاب ابيض .. هه كأني في دول اوروبا مو في بيتنا .. تعطرت ونزلت عملت العشا وميشو عمل العصير فعلا روعه ذا الميشو ياحظها اللي بتاخذه بيساعدها .. لاحظت ان فيصل ماتعشا ولما سألت عنه قالوا لي انه يتحمم .. غريب امره .. صعدت غرفته طقيت الباب محد يفتحه خفت صاير فيه شي ودخلت الغرفه محد .. رحت الحمام شفت الباب شبه مسكر .. طقيته فتح لي الباب ..

قال : آمري حبيبتي .؟!
قلت : ماتبي تتعشا ؟!
ابتسم : يوم الجمعه انا ما اتعشى هنا ..
والله لو تدري يافيصل ان كلامك ذا يخوفني ..
ناظرني : وين سرحتي ؟؟
ابتسمت : في جمالك العجيب الملائكي ..
ضحك : ترى حتى صوتي حلو ..
ابتسمت : أدري ..
رحت دولابه وطلعت له ملابس عجيبه تشبه ملابسي بالضبط وأعطيته ..
قال : حلو تركيبهم ذوقك مره نايس ..
ضحكت : حتى ذوق اخوي نايس .. أنا طالعه اخليك تلبس .. باااايو..
سمعته يقول : أممم اذا تعشيتي تعالي لي الغرفه محتاجك .. طيب ؟؟
ابتسمت من ورى الباب : طيب ..
نزلت تحت .. أمم لاحظت ان الكل ياكل وهو ساكت اش صاير ؟ معقول وانا صاعده صار شي ؟ طيب اش صار علشان يصير كيذا ؟ ناظرت نايف مستحيل اسأله .. لفيت على مروى .. ادري انها بتقول مو شغلك . رفعت عيني ..
وقلت : خير خالتي اش صاير ؟!
خالي جاسم : اكلي وانتي ساكته ..
والله لولا انه خالي علمته الاسلوب .. أول شي انا ما سألته .. كملت اكلي وانا ساكته ولما خلصوا شلت الاكل ..
سمعت خالي يقول : صلحي قهوه .. واجلسي في المطبخ ..
ماعلقت على كلامه بس الشي اللي يقهرني اني كل اسبوع اصلح قهوه ولا أدري مين اللي يشربها .. صلحت القهوه سمعت صوت خالتي من وراي ..
لفيت لها وهمست : اش صاير ؟!
مسكت الفناجيل : اسكتي بس مقهور منك موت ..
قام قلبي يدق : ليش ؟!
همست : لأنك صعدتي السطح ..
فعلا بغى يغمى علي : ياخالتي لا يطلعنا ولا يرضى نصعد السطح ؟! اش ذي الحاله ؟!
وطت راسها : قال لي ... وسكتت
فهمت قصدها : قصدك قال لك تحرقين السكين ؟!
هزت راسها .. كالعاده يقول لخالتي المسكينه هي اللي تحرقه .. المهم خلصت القهوه وانتظرت في المطبخ .. ماجاء خالي .. رحت له وعصب علي المهم صارت الساعه ثمان ونصف وهو ماجاء .. بعد دقيقه واحده بالضبط .. جاء شكله كان يبيه يصير حار علشان احترق .. ماأخبي عليكم اني خايفه لأنه يألم موت بس بنتظر .. دخل المطبخ .. وسحبني من يدي ..
وقال : مشاعل هاتي السكين ..

اخذني للمقلط .. قدام الكل كعادته عظه وعبره .. هه والله الضحكه صارت تبكيني .. الموهم جات خالتي وهي شوي وتبكي .. ناظرتهم مالقيت فيصل ولا نايف ..

قال خالي : أعطيني يدك ..
اعطيته يدي المحروقه من قبل ..
خالي : لا الثانيه ..
قلت بقوه رغم اني خايفه : خالي !! انت شوهت ذي ليه تشوه الثانيه خلها عادي ..
خالي : لاتعاندين .. هاتي الثانيه احسن لك ..
فيني الصيحه بس قاومت : احرقني كلي بس يدي هذي خلها في حالها ..
مرت خالي : لا تعاندين ساره عنادك ماينفعك .. طيب ؟؟!
صرخت : فيصــــل .. فيصــل !! ..
ولا كأنه أحد ياربي يجي فيصل يارب يارب .. وجلست اتراجف ناظرت بخالتي لقيتها مدمعه .. لا يا خالتي لا تبكين .. أبيك قويه علشان أكون قويه .. لاتبكين ارجوك ..
صرخ علي خالي : هاتي يدك وخلصيني ..
صرخت بكل صوتي : فيصـل ..
ظلت الدمعه على أطراف عيني معانده ماابيها تنزل .. سحب يدي واحترق نصف اصبعي السبابه ماقدرت فريت السكين ماسمعت صوتها .. رفعت راسي لقيت كم ثوب نايف محروقه .. ويد فيصل فيها اثر على خفيف .. بلعت ريقي وركضت الى فيصل ..
وهمست لنايف : آسفه ..
صرخت مرت خالي : اش سويتي ؟!
ناظرها نايف ورجع ناظرني : لا عادي بس كم الثوب ..
قلت : فيصل ارجوك ابعدني عنه ..
وطى راسه : والله مايهون علي اشوفك كيذا وأسكت بس اذا طلعنا وين نروح ؟ ..
وماكمل جملته الا وخالي ساحبني واحترق ثلاثة ارباع الاصبع .. كنت ساكته ماابي ابين له اني اتألم ..
بس ماقدرت : يمــــاااااااهـ ..
وقف خالي عن الحرق .. والكل صار يناظرني مستغرب تذكرت اني قلت " يمه " .. وطيت راسي ورحت غرفتي خالي ما اعترض دخلت الغرفه وقفلت الباب .. رحت وأخذت قطعة قماش ولفيته فيها ابتسمت صاير مميز اقصر واحد فيهم .. قلت ابي البس الساعه في اليسار .. بس اليسار محروقه وأنا أحب اليمين .. تدرون ليه ؟! لأن نايف يلبس الساعه في اليمين وانا لازم مثله .. الموهم قلت ابخلي الوضع طبيعي غسلت وجهي ونزلت تحت بعد ماقريب مليون نكته علشان اضحك .. الموهم طلعت من غرفتي لقيت فيصل ينتظرني ..
ابتسمت : خير فيصل اش بك ؟!
أتوقعه مستغرب : تعالي معي الغرفه ..
ماتكلمت ورحت معه .. مسوي لي فيها فلم هندي تعالي معي الغرفه .. رحت وراه ودخل وقفل الباب ..
قال : يألمك شي ؟!
ضحكت بسخريه : ليش بتتصل على الاسعاف ؟! لاتخاف أنا أتمتع بصحه جيده ..
قال : أكيد ؟!
قلت وانا أشر على عيوني : ناظر بعيوني وتأكد ان كنت غلطانه ..
همس : الدموع مغطيه عينك ما اقوى اشوف ..
قلت ابي اغير السيره : طلعت خالتي مشاعل ؟!
هز راسه : ايه ..
ابتسمت : وأكيد ضيوف يوم الجمعه وصلوا صح ؟!
ناظرني : اتمنى انك ماتتدخلين فـ أشياء تخصني ..
قمت من على السرير واتجهت للباب : طيب انا طالعه .. سلم على أخوياك ..
طلعت من الغرفه وانا افكر اش السر اللي يقول لي فيه فيصل لا تتدخلي ؟!

*

مين ممكن يخبرني ؟.. اللي اعرفه ان ميشو مايدري .. الوحيد اللي يدري هو نايف .. ضروري اسأله وأكيد انه بيخبرني .. ابتسمت من داخلي والله لو خالي دري اني تطفلت .. ليذبحني .. ناظرت اصبعي بألم .. وغمضت عيوني مقهوره منه .. قمت من مكاني غيرت البرمودا الى جينز اسود والبلوزه بيج .. والحجاب اسود .. وطلعت من غرفتي وحطيت اذوني على غرفة فيصل مو مجود أكيد طلع .. نزلت تحت لقيت نايف شايل القهوه ومتجه للمطبخ ..ركضت لغرفتي كيف اقوله ؟ طرت على بالي رسايل العصر الحجري كتبت فيها " الساعه واحده بالليل انتظرك فوق السطح .. سارهـ " .. ركضت وحطيتها في الغرفه على السرير .. ابتعدت بخطوات شفت مروى بتدخل .. المشكله حتى على نايف ماتطق الباب ؟ والله جريئه ..
لحقت عليها وقلت : خير مروى فيك شي ؟ بتدخلين غرفة نايف ؟
قالت : انتي شكو ؟!
قلت : ابد بس نايف يقول ان فيصل وميشو وخالتي مشاعل ناويين يشربون قهوه من يدك !!
ابتسمت : اللي اعرفه ان عمتي ومشعل طلعوا ..
تورطت : ايه بس الصراحه قال لي نايف أعلمك وعمتك حبت تذوق فـ قلت اعلمك ..
قطبت : هههه اليوم بالذات ؟؟
ضحكت : انا قلت اليوم اعلمك وبكره واللي عقبه الين يوم الجمعه بتكون تحسنت .. شرايك ؟
ابتسمت لي .. مدري سبحانك ربي اش صاير لها رضت بسرعه لهالدرجه تحب اخوها وماترفض له اي طلب ؟ ماأقول غير الحمدلله على النعمه .. والله ان درت عن السالفه ذبحي حلال عند ابوها .. تشغلين بنتي ومن ذا الحكي الله يستر ..

ابتسمت : اجل يلا ننزل ..
ابتسمت : يلا ..!
نزلنا وقابلنا نايف هذا والله اللي ناقصنا ..
قالت مروى : لهالدرجه مشتاق تبي تذوق قهوه من ايديني ؟! والله وناسه انت
قطب حاجبينه : مين قلك ؟
جاوبته : ليش متوقع ان يصير لي سنتين على ماأعرف توصلني الأخبار ..
شوي ويعصب : جاوبيني ؟!
حسيتها ترتجف : ساره ..
قسم انها ورطه .. ناظرني ابتسمت له واشرت له يكمل عادي ..
قال وهو يبتسم : ماشاء الله نشرت اخبار بنت العمه !!
مروى : اليوم بتعلم وناسه .. عمتي بتذوق من يديني ..
ناظرني رجعت ابتسمت : والله ماينقال لك شي على طول خبرتيها ؟ ..
ابتسمت ومشيت .. رحت وعلمتها ولما خلصت قلت لها ..
وانا اهمس : واذا ماعرفتي انا اسويها وتقولين محد علمك وانتي اللي صلحتيها أوكي ؟؟
قالت : أوكي ..
ناظرت بالساعه وقلت : يووه عشر ومانمنا يلا نروح نناام ..
ابتسمت : ايه والله تعبت وانا احاول اتعلم ..

{ انتهَى }

/
\
/

مقآطع من الفصل القآدم /

حطيت يدي على فمه : ماعرفتني زين ياولد الخال ..
*
بلعت ريقي : أعذرني اخوي .. يمكن مشبه علي .. أنا ماأكلم عيال ..
ابتسم : مو انتي ساره ؟!

-الفصل الثالث، تمّ











 
 توقيع : AM.


اللهم صلّ وسلم وبارك على مُحمد.
دافئ جدًا: مَعرضي~



رد مع اقتباس
قديم 05-21-2020, 10:52 PM   #9
JAN
مِرأة وٓاحدة … إنعِكاسات شٓتى !

الصورة الرمزية JAN
JAN غير متواجد حالياً

بيانات اضافيه [ + ]
 رقم العضوية : 115
 تاريخ التسجيل :  Mar 2020
 العمر : 23
 المشاركات : 9,849 [ + ]
 التقييم :  23316
لوني المفضل : Black
شكراً: 0
تم شكره 6 مرة في 6 مشاركة

مشاهدة أوسمتي

الفضي




Y a g i m a



بسم الله الرحمن الرحيم
السلام عليكم ورحمة الله وبركاته


مساء الخير مياو !
شخبارك ان شاء الله كل شي تمام :&

ااحممم اااحمممم
وفقتي بنقلللل
الروايه واضح انها شييي و حمااس :&
ما الومك ان كانت من رواياتك المفضله
صراحة اول مره اسمع فيها بس اسمها كان يمر علي بين فتره و فتره
يوم نقلتيها قررت أقرأها :&

الاسم حلو لانه مختصر و يبين مفهوم الروايه نقطه جيده

السرد و الوصف حبيت ان الكاتبه خلت الاحداث بعين البطلة و جسدت الشخصيه و مشاعرها بضبط

الشخصـــــــــــات

ساره & نايف
الشخصيات الغامضة و المثيرة بنفس الوقت
الهدوء و الضجيج
النضج و التمرد
يجتمعان في ثنائي واحد
انتظر منعطفات الروايات بهما ! ، ايش القادم ؟

فيصل & مروى
الثنائي الغريب
شخصيه عاشقه متيتمه مقابل شخصيه عاديه (لم تتضح لي كثيراً )
فيصل و ايش الاسرار الي عنده و ايش سر الضيوف
متحمسه اعرف !

الاحداث في اخر بارت بدت تصير مشوقه جد تحمست !
ايش سر الرجال الي جا عند ساره ؟
وايش قصة الضيوف ؟
نليف متى بتتضح شخصيته اكثر؟
متحمسه للقادم

وكما قلت لك مارح أقرأها الا على يدك
لاتطولين في النقل ، انتظرك

دمتي بخير …


جانسو


 
التعديل الأخير تم بواسطة سيـرَان. ; 05-22-2020 الساعة 01:59 AM

رد مع اقتباس
قديم 05-22-2020, 07:54 AM   #10
AM.
https://www.anime-tooon.com/up/uploads/at165286508456371.png


الصورة الرمزية AM.
AM. غير متواجد حالياً









-لا تُلهيكم الرواية عن ذكرِ الله.
.
.

[ الفَصل الرابع ]


"معزتك عندي ترى مالها نوع ..!
ومكانتك بالقلب ماحد لقاها ,,
وغلاك بالقلب صار مزوروع ..!
حتى المشاعر ترجمتلك غلاها .."



/
\
/

صعدنا الغرف ولما دخلت اتأكدت ان نايف في غرفته ورحت غرفتي وقلبي يطرق طبول قسم لو درى خالي اني رجعت صعدت السطح .. بس ابي اعرف .. لو يحرق كل اصابعي مو بس السبابه عادي عندي .. ضيعت وقتي في حل الواجبات .. لقيت صعوبه معها بدون السبابه طبعا .. وغسلت المراييل .. ناظرت الساعه 12 الا ربع أف ماجات الساعه واحده .. مسكت المصحف وقريت الروم والعنكبوت ولقمان .. ناظرت الساعه 12 و 25 دقيقه أمم باقي تقريبا نصف ساعه وخمس دقايق كملت قرآن لين صارت الساعه وحده الا خمس طلعت من غرفتي وتأكدت ان مروى نايمه رحت غرفة فيصل لقيته نايم .. غريبه متى جاء ؟ بس الحمدلله .. يوم جيت بطلع ..

سمعته يقول : اش بك ؟؟!
نقزت : بسم الله الرحمن الرحيم .. باقي صاحي ؟!
قال : توني راجع .. خير جايه ذا الوقت بغيتي شي ؟؟
تورطت : ايه ابي الكاسيت اللي عملته انت ومروى قبل 6 سنين ..
ابتسم : ليش ؟؟
رديت الابتسامه : ابي اتذكر حرام ولا عيب ؟؟
راح وفتح دولابه وأعطاني هوا ..
قال : أمم خليه عندك ويوم اسألك عنه تجيبينه طيب ؟؟
ابتسمت : طيب ..

وطلعت وقفلت الانوار ورحت غرفتي ورميت الكاسيت وقفلت الغرفه وصعدت السطح لقيت نايف ينتظرني ..

قلت : السلام ..
رد : وعليكم السلام والرحمه ..
جلست : مستغرب ليه مواعدتك ذا الوقت .. وكمان مستغرب من الطريقه اللي وصلت لك فيها اني محتاجه اتكلم معك .. صح ؟؟!
ضحك : من الزمن القدييم ..
قلت : فيصل يقول العصر الحجري ..
قال : ليش انتي عازمه فيصل معنا ؟!
قلت : لالا بس أنا وانت ورجاء الكلام اللي يدور بيننا محد يعرفه ..
ابتسم : ممكن سؤال ؟!
قلت : آمر ؟؟
قال : ليش قلتي لمروى اني مشتهي أذوق قهوه من يدها ؟! والمشكله خالتك كمان ؟! ليه ؟؟
ضحكت : لأنها كانت تبي تدخل غرفتك وتشوف الورقه .. بعدين مو اصبع اللي ينحرق اليد اللي تحمل الاصابع كلها ..!
نزل راسه ثم قال : ابشوف اصبعك ..
عطيته هوا .. تعجب : وين راح ؟!
ابتسمت : أحترق كله بقى ربع .. هههه صغير مو ؟!
قال : تضحكين ؟؟!
رديت : ماعليك مني أعذرني ماكان قصدي تحترق ثوبك بس تألمت بقوه ..
قال : لا عادي .. آمري ..
رديت بجد : أسمع نايف .. أنا متأكده انك عارف بكل السالفه وانت الوحيد اللي ممكن تساعدني .. اسمع .. تقريبا من سنه لاحظت يوم الجمعه أول ماتطلع خالتي مشاعل أو عمتك مشاعل يزورونا ضيوف صح ؟؟ .. ويطلعون بعد عشر دقايق .. وكمان فيصل يطلع صح ؟! وانت اللي تشيل القهوه وتدخلها وتطلعها .. فيصل مايرجع الا الساعه وحده بالليل .. ممكن تخبرني اش الحكايه ؟! بكون غبيه اذا مالاحظت ..
ابتسم : المحقق كونان ..
ضحكت : لاتحاول تغير السالفه .. حتى فيصل مو راضي يخبرني ليه ؟! والله مابسوي شي بس اخاف عليه ..
سمعته يقول : اسمعي ساره .. تدرين ليه فيصل مايرضى ومستحيل أنا أخبرك ؟!
قطبت حاجبيني .. كمل : لأن ابوي أقصد خالك مارضى ومحذرنا أكثر من مره ان نخبرك .. انتي مع مشاعل ..
قلت : أنا بالذات ؟! وخالتي ؟! بليز ناايف والله قلبي يدق بقوه ..
سمعته يقول : ماأقدر .. ورفع اصبعي : لأن ان قلت بحترق كلي مو بس اصبعي ..
اتروعت بقوه : لذي لدرجه السالفه قويه ؟!
هز راسه .. قلت : طيب نايف انا متأكده ان محد يقدر يساعدني غيرك ارجوك .. مو فضول مني بس خوف على اخوي وعلى نفسي كمان ..
وطى راسه : مستعد اخليك تعرفين بس قسم ان سمعت انك مخبره أحد اني انا والله ...
حطيت يدي على فمه : ماعرفتني زين ياولد الخال ..
قال : اسمعي لو جيتيني في غير ذي الظروف ماقدرت اسوي لك شي ..
قطبت : ظروف ؟! ايش تقصد بذي الكلمه ؟؟
ابتسم وهو يناظر اصبعي : قصدي اني ابقى ساكت وانا اشوفك تنحرقين وأقدر اساعدك ..
قلت : الموضوع يخصني ؟؟!
قال : ماانخلق الموضوع الا لجلك ..
ابتسمت : طيب خالتي مشاعل ليه ماتبونها تعرف ؟! غريب ذا الحال أنا والموضوع يخصني هي شكو ؟!
سمعته يقول : لأن ابوي يدري انها مستحيل تخبي عنك اي شي .. خصوصا ذا الشي اللي يحميك من ابوي ؟؟
قلت بخوف : وغلاة اغلا الناس عندك ان تقولي كيف اقدر ؟؟
قال : اسمعي .. يوم الجمعه الجاي تلبسين عباتك وتتغطين وانا اخليك تدخلين
قلت : ماأعرف اتغطى اختنق .. يعني لازم اتغطى ؟!
قال : ايه لازم ..
قلت : طيب مايصير اتلثم ؟!
قال : طيب تتلثمين وتلبسين العبايه وتطلعين من الباب الخارجي للمقلط .. وانا براقب لك الوضع وأول ماتسمعيني رفعت صوتي تطلعين من المكان اللي دخلتي منه .. وبعد فتره تدخلين بدون محد يشوفك .. والله ان درى ابوي عنك قسم ليتوطا بطني ويذبحك ..
كأننا في المهمات السريه اللي في الأفلام .. نضحك والله .. بس الله يستر ..
رديت : تسلم على التضحيه وربي مابنساها لك.. مشكور وماقصرت ..
ابتسم : لا عادي أهم شي محد يدري ..
قلت وانا اضحك : لا تخاف انا مو هبلا ماأفهم .. أدري انت الحين تعبان وتبي تنام وانا عطلتك ..
سمعته يقول : تصدقين من او يوم صارت السالفه وانا أنتظر متى تسأليني .. أدري فيك تلاحظين كل شي ..
قلت : مافيك النوم ؟! اللي اعرفه ان بكره عندك دوام ..
قال : أكييد فيني النوم . يلا تسللي وروحي غرفتك وانا بروح وراك ..
ابتسمت : طيب ..

*

ورحت غرفتي وانا ارتجف لأول مره أجلس مع نايف بروحي لا وفي الليل بعد .. والله بس لو درى خالي .. صحيح ان نايف طيب .. اللي ماقدر فيصل يقوله .. هو عمله .. سبحان الله ياحظها سلمى فيه .. انقهرت من ذكر اسمها وضربت نفسي انسيها وفكري في الموضوع ذا .. ايش ممكن انه يكون ؟! رجال خاطبني ؟؟ لا مستحيل لو خاطبني كان خالي ماتردد أني اتزوج يبي الفكه .. طيب اممم وزير ؟ أو أمير ؟؟ لا مستحيل ههههه نايف يقول الموضوع يخصني .. الأمير اش دخله ؟! ليكون حاسبه نفسي اني سندريلا وبيجي يوم وأمير ياخذني ؟؟ والله اني هبلا .. انسدحت على السرير ابي انام ماقدرت تقلبت على يمين شمال ماقدرت طلعت مسجلة فيصل وحطيت الكاسيت وقررت أني اصحى على الساعه اربع علشان محد يشك .. لأن فيصل يدري ان راسي مايصدع الا اذا سهرت .. حطيت الموسيقات الهاديه .. ورحت في سابع نومه ..

*
*

صحيت على صوت المنبه فزيت وغسلت وجهي وصليت بعدين رحت ولبست وتجهزت ونزلت ولاكأنه صاير شي .. تدرون خالي اليوم معاقبني ان أروح المدرسه مشي ؟؟ ههه والله ماأدل .. كتبت الوصف من فيصل وطلعت مشيت تقريبا نصف المسافه .. فجأه توقفت سياره قدامي مبين انها راجعه من المدرسه .. طق لي بوري ..
وفتح الشباك : صباح الخير !! ..
رفعت انظاري .. رجال ؟ مين ؟
قلت : خير اخوي بغيت شي ؟؟! ..
قال : اممم ماذكرتيني ؟
بلعت ريقي : أعذرني اخوي .. يمكن مشبه علي .. أنا ماأكلم عيال ..
ابتسم : مو انتي ساره ؟!
همست : ايه اخوي آمرني ؟؟
قال : طيب اش بك تمشين ؟! ماتروحين بسياره ولا ايش ؟!
افتشلت رغم انه ماله حق يسألني : لا بس قررت اليوم اروح مشي .. سكتت فتره : أخوي شكلك فاضي اعذرني ..!
اسرعت بخطواتي ورحت على طول المدرسه دخلت الحصص وفكري مو معي مع نايف والحكايه اللي قال لي عليها كيف ممكن اقدر احمي نفسي ؟! عند الطلعه قابلت ريم خويتي ..
قلت : وينك ؟! طول اليوم في الفسحه مالقيتك خير ان شاء الله ؟!
ابتسمت : ابد لأني طول الوقت كنت بغرفة الصحه وماطلعت الا توو ..
قلت : سلامات ؟! اش بك حبيبتي ؟ صاير لك شي ؟؟
ناظرتني : دلع بنات بس ..
قلت لها : أممممم ترجعين معي مشي اليوم ؟!
قطبت حاجبينها : ليش ؟ سلامات ؟؟ ناويه تسوين رياضه ؟؟
قلت : عندي لك سالفه ..
قالت : لحظه اضبط حجابي واطلع ..
طلعنا فعلا .. استغربت منها تلثمت .. تدرون ليه ؟؟ زوجها يقول ان كل اهل الدمام يتغطون .. هه حركه جديده .. الموهم خبرتها بالحكايه مع التشفير يعني ماقلت لها عن نايف ولا فيصل ولا شي ..
قالت : شيين وحيدين محد يقدر يعمل فيك اي شي .. الزواج واذا كان عندك فلوس و اشياء كيذا ..

كلامها اقنعني فعلا .. ورحت البيت أترقب مجيء يوم الجمعه على نار .. تصدقون ياحظه زوج ريم .. ماشاء الله عليها دلت موقع بيتنا من مره واحده الموهم مضى اليوم عادي وجاء اليوم اللي بعده .. طبعا قالت لي ريم ان اخوها شافني .. فشيله وانا احكي له .. بس الغلط منه على الاقل لو قلي انه اخو ريم .. الموهم لا أشغل بالي فيه .. باقي خمسة ايام ويجي يوم الجمعه ..

*

يوم الاثنين جاتنا خالتي مشاعل بروحها تقول انها تعبانه وماعندها احد في بيتنها وتحتاج حد يرعاها .. طلعت الى غرفتني ونامت .. احترمت وجودها وماأزعجتها .. خالتي اكيد فيها شي أنا متأكده .. بس اش ممكن ؟؟ يالله عليك يا ساره ماكذبوا فيصل ونايف يوم قالوا المحقق كونان .. أحيانا احس نفسي ملقوفه بس عمري ماسويت شي يضرهم ..!
الموهم الساعه ثمان الليل طلعت من عندنا .. رحت ذاكرت لأن طول اليوم ماذاكرت .. الموهم مر اليوم زي اي يوم الا المضايقات اللي من مرت خالي على اصبعي لاتفشلينا وتطلعين ومدري ايش من ذا الحكي .. طبعا أذكر آيه (( واذا خاطبهم الجاهلون قالوا سلاما )) مدري اذا الآيه غير استغفر الله بس ذا اللي اتذكره .. فـ أسكت عنها ولا كأنه صاير شي .. طبعا ريم ماأكتشفت أمر اصبعي الا يوم الثلاثاء هه والله فاضيين الناس ..

*

-يُتبع









[/quote]


 
 توقيع : AM.


اللهم صلّ وسلم وبارك على مُحمد.
دافئ جدًا: مَعرضي~



رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مذكرات قاتل مأجور [ 1 ] *مكتملة* JAN روايات عامية 17 08-21-2020 02:30 PM
خالد و بندر *مكتملة* JAN روايات عامية 6 08-10-2020 09:45 PM
سلع أرواح محرمة *مكتملة* JAN روايات عامية 77 08-08-2020 11:43 PM
بنات أكشن*مكتملة* JAN روايات عامية 31 07-04-2020 07:23 PM
هفوات أنانية *مكتملة* JAN روايات عامية 41 06-27-2020 07:09 PM

شرح حديث

علف


الساعة الآن 08:11 AM