مذكرات ديدارا | " منقوله ".

Srtoy 10
(( خطوبة ايتاشي !! ))
ايتاشي ... صاحبي طبعا تعرفونه .. على نياته ..على البركه والامور عنده دايم سهله وتبون الصدق .. والله انه مريح ومستريح ومن ناحيه اهله .. هم ماادري شلون
مش مقتنعين بولدهم ويبونه على قولتهم رجال .. مثلا امه تطلب منه يجيب لها خبز .. ويروح المسكين يجيب خبز ويوم يجيب الخبز يقعدون يصفقون له ويقولون
ايوه بطل رجال كفو والله .. طبعا علامات استفهام تحوم حول ايتاشي << يتحمد الله عليهم... الى ان جا ذاك اليوم الذي لم يكن بالحسبان

ايتاشي يطالع مسلسل اسمهان ..وطالب صحن كباب مشكل من المطعم .. طبعا هاللحظات اسعد لحظات في حياته .. لكن مشكلته عنده اخو ملقوف اسمه ساسكي
ساسكي (يجي يجلس جنب اخوه ويحاول ياكل من صحنه ) : ايتاشي وش اسم المسلسل اللي تطالعه << على اساس يشغله
ايتاشي ( يضرب ايد اخوه ) : خل صحني اشوف روح كل لك شي ثاني
ساسكي ( وهو يتأفف ) : يوووووووه لاتسير قعيطي _ بخيل _ امي من الصبح مشغوله وكل مااكلمها تقول روح مالي خلق .. ماابي اكل اندومي انا
ايتاشي : مو شغلي عاد .. ياما شحتك عطني حلاو .. اشحن لي.. بس انت نذل
ساسكي ( يطالع الصحن ويطالع ايتاشي يبي يحسده ) : ..........................
ايتاشي : قل اعوذ برب الفلق .. روح من هنا اشوف
ساسكي : ان شاء الله تغص يارب ..عساك ماتتهنى فيه
وتدخل الام على العيال وتجلس تحط رجل على رجل وتقول << عاد ام ايتاشي نسره بشكل !!
ام ايتاشي : ايتاشي قوم ابيك
ايتاشي : شوي ماما عقب مااكل ويخلص الصحن
م ايتاشي ( مع زمجره ) : اقولك هد اللي بيدك وتعال
ايتاشي ( من غير شعور نط على الكنب جنبها ) : نــ ... نــ نعم يما امري
>> طبعا ساسكي اخذ الصحن يكمله في المطبخ .. اوف ياساسكي عينك حاره

في تلك الاثناء كنا انا وساسوري جالسين نلعب ورقه في بيتهم << ماراح اخليه يجي بيتنا اخاف ياكل اكلنا
ساسوري : اقول ديدي .. ماودك نطلع نروح سينيما ؟؟
انا : يللا مايخالف ... بس وش ودك نشوف ؟؟
ساسوري : حكايه لعبه .. الجزء الثالث والله فله حيل
انا : *-* لا مانبي .. حكايه لعبه وجهك .. اروح ادفع فلوس على شي بينزل بالانترنت
ساسوري : لاتسير قعيطي .. اذا ماخسرت الفلوس على السينما بتخسرها على اكل .. وان ماخسرتها على اكل
بتطير مصاريف شحن وماادري وشو .. يعني طايره طايره الفلوس
انا : لا ياابن الناس .. شوف لنا فلم ثاني
ساسوري : امممممممممممممممم .. وش رايك بماتركس ؟؟
انا : اقول العب العب الله لايهينك
ساسوري : طلبت لنا عشا ياديدي
انا : اي رحت المطعم اللي قدامكم قبل لااجي ودفعت بس قال لي ماعندهم توصيل طلبات
ساسوري : 0_0 ياسلام ؟؟؟ ويعني بيرسله لك بالفاكس ؟ قوم تلحلح جيب العشا
انا : طيب طيب .. ذليتني مايسوى علي هالعزيمه ياشيخ
شوي ولا يرن التلفون والمتصل كونان النسره
انا : هلا كوكو
كونان : ياعيال الحقو الحقو اخر خبر
انا : وشو ياام الاخبار انتي
كونان : ايتاشي
انا : وش فيه مات ؟
كونان ( باعلى صوت حتى ساسوري يسمعه ) : لا .. اعظم ... ايتاشي بيتزوووووووووووووووج
انا وساسوري: 0_0

طبعا مايحتاج اوصف شعور ايتاشي بهالخبر ... لاتستانسون تراه مايبي يعرس وفيه الصيحه بس ساكت ..
جالس قدام امه وهي تستجوبه ساعتين ... وساسكي جالس يتريق على اخوه >> الولد قاعد يستنى جارا يمره
ويطلع سوا معاه وجارا اللطيف تاخر شوي
ام ايتاشي : وش رايك باميره بنت ام اميرة ؟
ايتاشي ( خايف ) : زينه يما زينه
ام ايتاشي : طيب منيره بنت ام منيره ؟
ايتاشي : .اي اي يما كويسه
ام ايتاشي : طيب سميره بنت ام شاكيره؟
هنا ساسكي انسدح من الضحك
ساسكي ( ماسك بطنه من الضحك ) : يما يما ... هههههههههههههههههههه تكفين .. خلي ايتاشي يتزوج سميره
وانا اخذ شاكيره
ام ايتاشي : هههههههههههههه انت اسكت ولا زوجتك ساكورا
ساسكي ( لازال يضحك ) : لا لا خلاص هههههههههههههههه هونت
ايتاشي ( يتجرء ويحاول يدلي برايه ) : بس يما .. ماكن الموضوع بدري ؟؟؟ .. يعني انا ماجمعت من راتبي شي
ام ايتاشي : اقول اسكت بسكت .. ابوك بيدبرها ان شاء الله لوبنستنى راتبك كان ساسكي سار جد وانت لسه ماتزوجت !!
ساسكي : اي والله يما من عقب شاكيره قررت اتزوج
ام ايتاشي : ها .. اجل نتصل على ساكورا
ساسكي : لالا يما مابي خلاص بقعد عندك ههههههههههههههههههههههههههههههههه الا صح .. ليش ماتخطبين له كونان زميلته بالشغل
ام ايتاشي : لا ويه وع وع .. انا ابي بنيه سنعه وماتطلع من شوري .. وكونان هذي نسره ماتستحي << والله لو تسمعها كان قالت : من زين ولدك الثور بس !!
>> شدعوه انتي اللي بتتزوجينها عاد

******************************
مالذي سيحصل لايتاشي ؟؟؟ هل ستتم الخطبه على خير ؟ ولا بتتعفس الدنيا تابعونا في البارت الثاني
من الحلقه العاشرة

مرت الايام الاخيره على ايتاشي بصعوبه ... مو قادر يتصور نفسه معرس وفي الكوشة .. وقاعد يسئل نفسه كيف بيتصرف والموضووع جا فجئه ..
ام ايتاشي اخذت مشاورتها وقررت يوم تروح فيه لبيت البنت << طبعا مو بيت شاكيرا ماادري سميره على قوله ساسكي .. وهو يبي يقول لامه لابس الموضوع خلص والناس خذو كلمه

ايتاشي ( جالس وسرحان )
ام ايتاشي ( جالسه تكلم تلفون ) : اي ويـــه .... ههههه .. لا والله البنت ماشاء الله الكل يمدح باخلاقها .. بس سكتي سكتي تكفين لحد يدري بعدين يعطون ولدي عين
ساسكي ( منسدح على التلفزيون ) : قصدك بيجلسون يضحكون عليها المسينكه
ام ايتاشي ( ترمي على ساسكي مخده ) : جب اسكت انتا
شوي ويرن الجرس ... يطلع ساسكي يفتح الباب .. ولاجارا .. هلا والسلام وجلسه في الصالة
جارا ( يتهقوى ) : والله شكلنا جينا بوقت غلط
ساسكي ( يضيفه الحلى ) : انت كلك على بعضك غلط هههههههههههههههههههههه .. لا استهبل معاك البيت بيت
ام ايتاشي ( وهي لسه تكلم تلفون ) : اي يما جارا خذ راحتك البيت بيتك
جارا ( يلتفت على ايتاشي ) : وش فيه اخوك مفهي ويطالع السقف .. دخلت وسلمت وهو ولا منتبه
ساسكي : وه وه .. بيدخل القفص الذهبي
جارا : لا والله ؟؟ مبروك مبروك .. ومنهي سعيده الحظ هذي
ام ايتاشي ( تسكر الخط وتشبك مع العيال ) : ايه ياوليدي ايه هي فلان بنت فلان
ايتاشي ( يطالعهم بحقد ) : .........................................
جارا : عاد شكل والله ولدكم مو عاجبه الوضع
ايتاشي ( ينافخ ويلوح وجهه ) : ......................................
جارا : يالذكي .. هذولا الناس اعرفهم .. ناس هاي هاي ... من كثر فلوسهم ... ينامون ويتوسدون ذهب
ايتاشي ( خرج ايتاشي من صمته ) : وليه ان شا الله يتوسدون ذهب ... ماعندهم مخدات ؟؟؟ يجيب الله المطر بس
الكل : 0_0 !!!

قررت الام بطريقه او باخرى عزيمه ام البنت علشان ايتاشي يشوفها يمكن يقتنع .. وبما ان الام ماعندها الا ولدين .. كونان عرضت هالوجه
وقالت انا بجي بساعدك وبطبخ وبسوي كل شي << مو لله ..علشان تشوف شكل البنت .. والام اللي عمرها ماحبتنا اتصلت علينا علشان نقنع ولدها
اللي ميبس راسه ومعند .. واحنا جالسين بغرفه ايتاشي

ساسوري : الحين انت ليش معارض الموضوع ؟؟ شوف البنت يمكن تعجب .. على الاقل احسن منا كذا جالسين زي الاغبياء
ايتاشي : انت وش دراك انت .. طيب وش اسوي انا .. وش بيسون فيني ذولي ؟؟
انا ( حاط رجل على رجل ) : يعني وش بيسوون بيلبوسنك ابيض ؟ .. انتا المعرس هي المفروض اللي تسئل
ايتاشي : يااخي انا خايف من هالسالفه ماتفهمني ؟
ساسوري : بتعضك مثلا ؟؟ تشجع وروح اقعد مع امك قبل لايجون يمكن البنت تسير حلوة وتحبها
انا ( اامي تتصل علي ) : هلا يما .. شفتي يما كيف ام ايتاشي تسوي ؟؟؟ خطبت له .. مو انتي ياشريرة ماتخطبين لي ههههههههههههه يللا يللا مع السلامه
ايتاشي : وش تقول امك ؟؟
انا : تقول لي ماابي اوهق بنت العالم وياك يللا اذلف عن وجهي ههههههههههههههههه
ايتاشي ياحليلها امك ديموقراطيه
ساسوري : ياناس انا حلمان بعنز يطير
تدخل علينا كونان .. وهي منفجعه وتطيح على ربكها
انا : اللهم سكنهم مساكنهم .. وش فيك داخله علينا كذا
كونان ( عيونها طالعه ) : ويـــه ويــــع . وع وع وع وش هذي ... هذي اللي بتتزوجها ياايتاشي ؟؟
ساسوري وايتاشي وانا : 0_0
ساسوري : ماعليك منها كونان .. هذي تفكر كل بنات العالم اخيس منها ( ويغمز لكونان ) اسكتي الولد خلقه مو طايق الوضع
كونان : وليش بالله اكذب عليك .. داخل شي من جيبي ... انت روح شوف وبتعرف بنفسك
انا : هههههههههههههههه يالله سترك ... روح يااتوش شوف
ايتاشي ( عقد العزم وقرر يتشجع ) : خلاص يالربع انا طالع باذن الله .. ادعو لي
ساسوري : قلبنا معاك يااخي ههههههههههههههههههههههههه
كونان : لاتحوم كبدك بس يوم تشوفها

يطلع ايتاشي بكل خطا واثقه .. ويتجهه للصالة ...

انا : الله يوفقه يارب .. وتكون بالبنت زينه
ساسوري : 0_0
كونان : حرام عليك انت كذا تدعي بموته .. ان شاء الله ماتتم الخطبه
انا : ليش غيرانه ياختي ؟؟
ساسوري : 0_0
كونان : وع الله يعافينا ... هذي بشر اغار منها .. مو كفو والله
انا : الله المستعان بس ... الا انت ساسوري ... وش فيك يبا مبقق عيونك ؟؟
ساسوري : 0_0 .. عيال ...؟
كونان : نعم وش فيك
ساسوري : ايتاشي ؟؟
كونان وانا : وش فيه ؟
ساسوري : وش كان لابس يوم طلع ؟؟؟
كونان وانا : 0_0

ايتاشي من كثر الحماس اللي كان بعد الخوف طلع بكل جرئه متناسي انه هذه خطبه .. ومفروض يلبس ويكشخ بس .. حدث ولا حرج
فانيلا سودا حوسه .. وشورت جينز .. وشبشب البيت الاصفر .. ودخل الصاله بكل ثقه
ايتاشي : السلام عليكم !!
ام ايتاشي ( شوي وتجيها جلطه ) : 0_0
ساسكي : ايتاشي ... انت بتخطب ولا بتغسل حووشش ههههههههههههههههههههههه
ام البنت : ويه ويه ... هذا ولدج ياام ايتاشي ؟
ام ايتاشي ( مافي اي مبرر راح ينقذها من الموقف ) ...................
البنت ( طبعا البنت شيك وهاي ودلوعه وجاها صرع من شكل العريس ) : ماما ماما .. خلينا نطلع
ام ايتاشي : لا ياجماعه استنو شوي ..
ايتاشي ( قعد وحط رجل على رجل ) : ها شلونكم ياجماعه ... والله ماشاء الله بنتج يااخالتي تطير الطيح من السما
ساسكي : اسمها تطيح الطير مو تطير الطيح الله يفشلك قول امين هههههههههههههههههههههههههه
ام البنت : لا بالله كدينا خير ... اقول اسمحي لي ياام ايتاشي ... الله يعوضنا ويعوضكم
البنت : يللا ياماما يللا
ايتاش ( مستغرب ) : وش ساير ياجماعه ليش بتمشون ماقعدنا وتفاهمنا على الخطبه والملكه
ام البنت ( عند الباب ) : ماشاء الله ... واثق انت ووجهك ... يللا مع السلامه

وانتهى اليوم العصيب ... وماصار شي ونحمد الله على ذلك .. ساسكي قاعد يواسي امه اللي تدعي على ايتاشي اللي فشاله بين الحريم

طبعا مايحتاج اقولكم اننا احنا قضينا كل النهار بالضحك .. المهم .. ان ايتاشي ومستانس وخلصت معاناته وجالس يضحك
معنا
ساسوري ( وهو يضحك ) : احلف وقول انك ماسويت الحركه عمد علشان ماتنحشهم احلف
ايتاشي : هههههههههههههههه والله العظيم ماقصدت دخلت كذا من غير احساس
كونان : والله زين تسوي .. كفوها من زينها الشينه ذي
ايتاشي : هههههههههههههههههههه الا عاد قولي لي ... من جد انا افشل زي ماتقول امي ؟؟ ترى والله تحطمت ههههههههههه
ساسوري : يعني تفشل شوي بس شوي
انا ( حطيت ايدي على كتفه ) : ولا يهمك يااتوش انت الف وحده تتمناك <<< وكثير منهم في منتديات عيون العرب
ايتاشي : تحياتي لمنتديات عيون العرب وتحيه خاصه للبنات في عيون العرب



*******************************
تابعونا في الحلقه القادمه
akatsuki boy

STORY 11
(( المستشفى ))
طبعا اكيد من العنوان راح تسئلون ... وش سالفه المستشفى ... ابد .. صاحبكم ديدارا اللي هو انا .. ولاني
شديد الحرص والانتباه .. صحيت من النوم وانا احك شعري وبدال ماادخل على الباث روم اللي على اليمين
اتجهت بالغلط على اليسار .. وتكرفست من هالدرج .. وهذا يستدعي طبعا انو رجلي تنسكر .. وافقد الوعي
صحيت انا بلجه الناس ... وفتحت عيوني على وجه امي

امي ( مربوشه وتنوح ) : يما يما وليدي .. بسم الله عليك يما بسم الله عليك
انا ( اصلب طولي وعيوني تدور ) : انا ويني فيه الحين
امي : انتا ؟ انت في المستشفى ياعيون ... عنبو دارك ماتشوف ؟؟؟ مسبه ؟؟؟ ليش طحت من الدرج .. انا اخاف على خواتك يطيحون .. طلعت انت اللي يبي
لك مراقبه
انا : يماااااااااا ارحميني .. انا الحين تعبان وانتي قاعده تهاوشيني ( واشوف اختي الصغيره تعظ سلك الكهربا) انتي يابنت وش قاعده تسوين
اختي : قاعده العب ههههههههههههههه
امي : يابنت اهجدي وش فيك ( وتسحبها من شعرها )
انا : ان شاء الله تتكرهبين يارب
اختي ( تنط من على السرير وتمط شعري ) : ااااااااااااااااااااااااااااااااااااااااااااا ماااااااااااااااااحبك
انا : اي . اي .. اتركي شعري لاعطيك كف
امي ( تفكك بينا ) : بس انت وياها بس ... ( وتمط اختي من عندي << اختي فيها هيستيريا عندها غزيره هجوم عجيبه ههههههههههههههه ) خليني اروح اشوف
الثانيه وين راحت .. طبعا الثانيه تلعب في ممرات المستشفى .. وتجمع الورد اللي عند الباب .. والسكيورتي تعب وهو يلاحق وراها
امي ( وهي تطلب من باب غرفتي ) : تعالي يابنت خس الله ابليسك فشلتينا
اختي ( وهي جايه ومعاها ورد ) : شوفي يما قطفت الازهار لاخوي المصاب
امي ( مسكتها من قميصها ) : تعالي بس بلا مصاب بلا هم يحزنون .. ديدارا .. انا لازم اروح البيت .. اخوك بيجي من المدرسه ياعوينتي من بيحط له الغدا
انا : وانا يما .. ان شاء الله بقعد بروحي ...؟ والله بمل بالمستشفى
وحده من خواتي : انا انا يما بجلس معه
والثانيه : لا لا ياماما انا اجلس معاه
امي : -_- !!
انا : لا يما خذيهم معاك ماابيهم .. اخاف اجلس الاحقهم وتنكسر رجلي الثانيه .. بعدين وش هالاخو الفاشل .. ليه مايزورني ؟؟
ابوي ( يدخل من الباب ) : وهو بيجيب الفشل من فراغ .. اكيد طالع على اخوه الكبير هههههههههههههههه
انا : ههههههههههههههههه يبا ... لازم تهزيء يبا لازم . يللا ماعليه تمون
ابوي ( يتخصر ) : اكيد غصبن عليك امون .. انا جايبك تعبان فيك .. هههههههه والله العظيم حاله .. قال يمون قال
امي ( وهي تفكك خواتي الصغار اللي يتهاوشون ) : يللا يارجال خلينا نمشي قبل لا يتقاتلون هذولي
اختي الاولى : انتي ماتحبيني ديدي .. أمس قلتي لصديقتي ان اخوي غبي واقص عليه
اختي الثانيه : وانتي امس سرقتي من بوكه 5 ريال
انا ( في نفسي ) : طلعت الفضايح طلعت *_*
ابوي : لاحول ولا قوة الا بالله العظيم ههههههههههههههههه .. يللا يبا احنا ماشين توصي بشي ؟؟
انا : سلامتك يبا مانبي شي سلم على هاللي مايستحي - اخوي - وقوله يجي يمرني
ابوي : خلاص ان شاء الله يللا مره مشينا .. شيلي معاك هالبنات
امي : يللا يما ياحبيي بتصل عليك بالليل وبمرك بكره ( وتسحب البنات من شعورهم ) مع السلامه
عائلتي لطيفه صح ؟؟؟ ههههههههههههههههههههههههه ..


تمر الساعات .. وانا اموت من الملل .. والمشكله رجلي مكسورة ومااقدر اتحرك .. اوووف .. ويدخل علي دكتور معصب وماله خلق
الدكتور : السلام عليكم !!
انا : هــ ... هــ ... هلا دكتور
الدكتور : انت اسمك ديدارا ؟؟
انا : أيـــه
الدكتور : هذا اسم ولا مرض ؟ <<< 0_0
انا : لا هذا طقم صحون الله يسلمك
الدكتور : ماعلينا ماعلينا ... قولي كيف انكسرت رجلك
انا : انا طحت من الدرج يادكتور
الدكتور : الله يهديك بس .. يعني وش بينقص منك لو فتحت عيونك
انا : عاد قدر الله وماشاء فعل
الدكتور : خلاص الجبس وثلاث ايام عندنا وتسير كويس .. يللا مع السلامه ( ويسكر الباب بقوه )
انا : وش فيه هذا ماعطوه راتبه ولا ايش ؟؟؟


يدخل علي بوس شاورما وبنته نانا وتوبي
انا : هلا والله باللي جاييني حياكم الله
بوس شاورما : لاباس لاباس .. الله يقطع شرك من ولد وقته الحين تتعور
نانا : بابا انا قايله لك هذا الولد غبي
انا : -_-
توبي : 0_0 ديدارا ؟
انا : خير يابعدي؟
توبي : وش تسوي هنا ؟؟ وش عندك بالمستشفى
انا : العب جمباز !!! .. يعني شايفني منسدح وعلى رجلي جبس يعني وشو الله يخليك
بوس شاورما : الحين ساسوري ماهو معانا ؟؟ وين راح
نانا : هههههههه جالس يسولف مع الممرضات برا
توبي : انت بخير الحين ؟؟ ماجاك شي ؟؟
انا : ايه بخير ... وش فيك متنح كذا
نانا : هههههههههههههههههههه الله وناسه .. بجلس معاك اليوم
انا : لا والله ؟ وش رايك اجيب لك اخواتي علشان تكتمل الحفله
بوس شاورما : عاد حرام عليك .. من درت انك متعور اذتني الا نروح نشوفه
توبي : فيها خير الاموره هذي ( ويحاول يمسح على شعرها بس عضته )
انا : ههههههههههههههههههههههههههههههههههه
توبي : -___-
ساسوري ( يدخل من الباب ) : ماعليك ياديدي تراها جايه تتشمت فيك هههههههههههههه
بوس شاورما ( يمسكه من رقبته ) : وش قاعد تسوي برا مع الممرضات ها ؟؟؟
ساسوري : انا ... انا اسئل عني وين مكان الغرفه
بوس شاورما : لا والله ؟؟ تسئلهم عن مكان الغرفه ولاتقول قصه حياتك
توبي ( لسه متنح فيني ) : ديدارا انت بخير ؟؟ طمني عليك
انا ( صرخت بوجهه ) : ياابن الحلال روح عني .. وش فيك اليوم ارسالك متاخر ؟؟ مااقالو لك وين بيودونك قبل لاتجيني
توبي : لا والله .. محد قال لي .. قالي بوس شاورما تعال معي ورحت معاه
انا : وانت يقول لك روح تروح على طول ؟؟ ماتسئل وين وليه ؟؟
ساسوري ( وهو يضحك ) : هههههههههههههههه هذا اسمه الطاعه المطلقه
بوس شاورما : الا اسمها الفهاوه والتناحه المطلقه !!
ساسوري : يعني وين متوقع بيوديك البوس ؟؟؟ ملاهي مثلا ههههههههههههههههههههههههه
نانا : ديدي ديدي ... شوف وش جبت لك معي ( وتطلع من شنطتها علبه كاكاو )
انا : الله ................ الا لحظه .. ليكون حاطه فيها سم تبين تقتليني اعرفك
نانا : اصلا انا لو ابي اقتلك اقول لا ابوي وافتك ... ليش اخسر فلوس حلاو علشان اقتلك
انا : 0_0
وجلسو معي فتره من الوقت .. انا جالس اكل الحلاو مع نانا .. وبوس شاورما يتحلطم علي كالعاده وتوبي لازال مش مستوعب اني في المستشفى وساسوري
كل مادخلت ممرضه ... طق معاها سواليف .. ياالله عليهم مزعجين .. بس الصراحه .. ونسوني ..

وش بيسوي ديدارا باقي فتره بقائه بالمستشفى ... تابعونا في البارت الثاني

من هذه الحلقه
akatsuki boy

مر يومين وانا بالمستشفى .. مابين تحاليل .. وماابين اشعه .. والملل شوي بيذبحني ... وقاعد الوم نفسي على الغباء المستحكم اللي مني .. قعده المستشفى
اللي تحسسك انك مسجون هذي .. وانا كما تعلمون انسان هايت .. ومااقعد في ارض .. بس استاهل الله عاقبني << -_- !!

يوم جت الساعه 12 بالليل .. طبعا المستشفى هدووووووء .. اخذت عكازتي .. وسرت ادور بالممرات .. حالات اشكال والوان
غرفه فيها بزر يصيح يبي يطلع وامه حاطه سدادت و نايمه .. ووحده ماسكه الجوال وتقرقر ويوم سئلناها عن سبب قعدتها في المستشفى قالت نفسيتي تعبانه
قلت ابعد عن البيت شوي << يالطيف -_- .. وغرفه فيها ام فرحانه بولدها اللي توها جايبته ... تاثرت بالموقف وتذكرت ايام ماانولدت وامي جابتني << انت بكامل
قواك العقليه ؟؟ ... هههههههههههههههههههه

واللي يقهرني .. اني كل ماامر على الممرضات وحده تاكل اندومي والثانيه تنط تسلم علي تقولي : اهلين مدام ...
انا مستر مستر مو مدام -_- << تستاهل ابوك قايل لك قص شعرك بس انت عنيد
الموهم .. يتصل على ايتوش ... ويبلغني انه بيجي من باب الطواريء ويبيني استناه علشان مايطردونه الممرضات تعرفون وقت الزيارة خلص من زمان

انا ( استنى ايتاشي عند الباب ) : ايتاشي ياايتاشي .. الطيور طارت بارزقها ... وانت توك تصحصح وتجي .. اوه هذا هو ( وبصوت واطي اشر له )
يتاشي هنا هنا ..
ايتاشي ( جايب معاه كومه اكل ) : يللا جايك جايك
انا ( اخذ الاغراض من ايتاشي ) : وش جايب الله يهديك ريحه الاكل بتهب بكل المستشفى
ايتاشي : لا والله ؟؟ وتبيني اجي من غير شي ... شيفكني من لسانك انتا
انا : طيب الناس تجي بورد او كاكاو .. مو تجيب لي بوفيه كامل
ايتاشي : احمد ربك جايب لك شي بعد ... المهم .. ها علومك .. شخبار رجلك عساها كويسه ؟
انا : ماشي حالها الحمدلله هذاني افتر بالاسياب
ايتاشي : كنت ناوي اجيب ساسكي معي بس كان نايم
انا : احسن يريح الخلق
ايتاشي : فجيت انا مع جارا
انا : 0_0
جارا ( يدخل من الباب ويتفرج على الغرفه ) : السلام عليكم دار قوم مؤمنين وان شاء الله بكم لاحقون
انا : داخل على مقبره انتا
جارا : اوه .. انت صاحي .. انا قالو لي داخل بغيبوبه .. شلونك الحين ان شاء الله تمام ؟؟؟
ايتاشي ( فتح علب الاكل والمشاوي وبدى ياكل ) : فال الله ولا فالك هههههههههههههههه وش فيك على الرجال صدق مامنه فايده بس نبغاه
انا ( متعوذ من ابليس ) : تعال كل ويانا جعلك تختنق
جارا : اكيد بجي باكل هالاكل كله من فلوسي اصلا
ايتاشي ( ابتسامه عريضه ) : يعطيك العافيه ياجارا ماتقصر
جارا : قولي ياديدارا متى بتطلع ان شاء الله من غير شر
انا ( منتفخ ) : بكره العصر ان شاء الله
ايتاشي ( يحك عيونه ) : ااااااااخ ديدارا بالله شوف عيوني حمرا
انا ( اطالع عيونه ) : وريني اشوف ..... ايه حمرا
ايتاشي : طيب تعورني ؟
انا : عيوني ولا عيونك هذي هههههههههههههههههههههههههههه
ايتاشي : ماادري يمكن تحس فيني
جارا : والله الاكاتسوكي فاصلين الحمدلله الله لايبلانا
انا وايتاشي ( نطالعه وساكتين علشان الاكل اللي جايبه )
وعدت هالليله على خير ... طبعا جت الممرضه وهاوشتهم على ريحه الكباب اللي خنقت كل المستشفى ههههههههههههههههههههههههه عاد ي عادي الحياه
حلوة .. صح ؟

صحيت الصبح وانا انطط .. جا الفرج جا الفرج .. والم عفشي والم اغراضي .. صحيح اني ماطبت لسه ... بس على الاقل اقعد بالبيت وبين عاد وعدني يجبني
للبيت << نشوف عاد بيجيبني ولالا .. واطلع اسحب رجلي على الاستقبال حق
التنويم .. واتفاجء بوجود تسونادي ..

انا : صباح الخير تيتا تسونادي
تسونادي : حيا الله ولدي ديدي ... وش جاك يامال الصلاح ... تكرفست - يعني طحت -
انا : اي والله من الفهااووووه هههههههههههههه
تسونادي : الله يصلحك بس .. طيب وشلونك الحين
انا : نحمد الله ... انتي قولي لي وش تسوين هنا ؟؟
تسونادي : انا جايه اشوف الدكتور اللي مولدني .. قالو لي رجله انكسرت و جيت ازوه
انا : 0_0 تسونادي .؟؟ من ورانا عندك عيال وماندري
تسونادي (مسكتني من رقبتي ) : اولا انا اسمي تيتا ولا جده تسونادي .. مو تسونادي حافه .. بعدين انا مااقصد انو هذا الدكتور ولدني .. انا اقصد الدكتور اللي
ولد امي اللي جابتني .. يعني هو الدكتور المشرف على ولادتي
انا : هههههههههههههههههههههههه وهذا للحين عايش .. هذا مفروط يسير نفط
تسونادي ( تضربني من كتفي ) : ماتبطل سوالفك هههههههههههههههههههه يللا ياولد ابروح الحين .. لاتجلس تدوج تنكسر رجلك الحين

استنى ساعه ساعتين 3 والاخ ماجا ... ياربي وينه الرجال هذا .. ويطلع المغرب وهو لسه ماجا<< طبعا ماعندي رصيد اكلمه .. وهو ماتشرف يكلمني
اروح استئذن من الممرضه تعطيني التلفون وادق عليه
باين : الو ؟؟
انا : وجع ان شاء الله ... وينك فيه ها ؟؟؟
باين : لا والله ؟؟ وش اللي وين انا فيه ؟ انت وينك ؟؟ مانت موجود بالمستشفى .. بس حاب تخرسني بنزين
انا : انا استناك من صباح الله خير ... وانتظرك جوا الغرفه .. انت تعرف رقم غرفتي
باين : ايه اعرف ... بس الممرضه كل مااسئلها عن غرفتك تقولي : هذي فيه مدام حلوه شعرها طويل هناك .. يعني بتكون انت المدام ويا وجهك ؟
انا : 0_0
***********************************
نلقاكم في الحلقه القادمه باذن الله

akatsuki boy

STORY 12
(( ليلة عيد ))

اكيد على ليله 29 الكل يسير متحمس ويجلس قبال التلفزيون ينتظر خبر ظهور هلال العيد وطبعا ديدي يوم صحى
قبل الفطور بشوي .. << امي تقولي اخمد- نام- لاتجلس تحن علي طول النهار .. تعبان وتعبان .. خواتي على غير العاده
مو جالسين على السفره .
انا : الحين وين ريا وسكينه .. بالعاده يسبقونا على السفره
اخوي ( يطالع الاكل وبطنه يطلع زي صوت العصافير ) : اللقيمات - لقمه القاضي - والسمبوسه والشكشوكه والفطاير وانواع الفيمتو
انا ( اهز له كتفه ) : ياولد اكلمك انا .... وين اخواتك
اخوي ( يطالعني بحقد ) : في جيبي .... قدام التلفزيون تلقاهم يستنون هلال العيد
انا : هههههههههههههههههههههههههههه احنا خلينا نفطر وبعدين يسير خير .. والله هالبنات مرجوجات
امي ( تجيب معاها جيك عصير ) : صحيت ياديدي ؟؟ ( وتضرب يد اخوي ) ياولد لاتجلس تلمس الاكل توسخه ..
انا : انا ماشريت بدله العيد لسه << تخيلو تخيلو معي ديدي لابس ثوب وعقال وشماغ وبشت خخخخخخخخخخخخخخخخخخخخخخخخخخخخخخخخخ
اخوي : انا شاريها من اعلنو هلال شهر رمضان ههههههههههههههههههههههه
انا : ايه نشيط في اشياء واشياء لا
ابوي ( يجي يجلس على الطاوله ) : ماشاء الله على عيالي ... لو اناديهم بشي ساعه لين يردون .. لكن على الاكل يجون من غير ما احد يناديهم
انا واخوي ( ابتسامه عريضه )
امي ( جت اامي ومعاها البنات اللي جالسين يتهاوشون كالعاده ) : يللا اجلسو الحين .. خليني اوكلكم واخلص علشان اجلس اطالع باب الحارة الحلقه الاخيره
انا : اي والله يما ناديني اذا جت بشوفها معاك
ابوي : مامليتو .. كم باب حارة طلع .. 6 .. خلاص ماسارت
اخوي : بلاك ماتدري يبا ... امي معجبه بابو شهاب
امي : 0_0
ابوي ( علامات عدم الرضا ) : ابو شهاب ها ؟؟ . وش رايك لو اعزم اهلي كلهم وماتلقين وقت تحكين شعرك من الشغل علشان ماتشوفين ابو شهاب
اختي الاولى : اصلا ابو شهاب مات ياذكي كيف يطلع مره ثانيه بالمسلسل
ابوي : الحمدلله فكه هههههههههههههههههههههههههههه
اختي الثانيه ( جايه معصبه ) : اوف اوف اوف العيد بكره
انا : ليه يادبه انتي ماتبين العيد بكره ؟؟
اختي الثانيه : لا
ابوي : وليه ياوجه النحس ماتبينه بكره ؟
اختي الثانيه ( تنافخ ) : انا راهنت صاحبتي وقلت لو العيد بكره اعطيك 5 ريال ولو بعد بكره تعطيني 5 وهذا انا خسرت الرهان ين ؟؟

طبعا اجوا العيد جميله جدا ... الشوارع والاسواق والازعاج جوا البيوت ... فحبيت اخر لي دورة على اصحابي في هذي الليله الجميله
مرينا على ايتاشي .. ولو اني مااحب اجي بيتهم والسبب امه .. بس قلت ماعليه .. يستاهل اتوش .. بس الاجواء جميله عندهم .. جايين عشيره الاوتشيها
وجالسين بالحديقه .. انواع الحلويات والمعايده .. والالعاب الناريه واتفرج على ايتاشي من بعيد .. يطالهم ويضحك ويجاملهم .. اشرت له من بعيد
طارت عيونه .. وحاول يسحب نفسه شوي شوي من الزحمه وجاني
ايتاشي ( شوي ويبكي ) : ديدي .. تكفى ارجوك خذني معاك ... لاتجلسني هنا
انا : هههههههههههههه وش صاير لك
ايتاشي : ملل ملل .. والله مااحس انه عيد .. طفشت انا مع اهلي
انا : يللا اجل الحقني على سيارتي
ايتاشي : يس يس .. كفو .. يللا نمر على توبي الخبل ابوي عزمه وماجا خلينا نروح نتطمن عليه

واحنا في الطريق اتصل علي هيدين
انا : هلا بو الشباب ... عيدك مبارك
هيدين : ليه وش صاير ؟
انا : بكره العيد ... ياعيوني
هيدين : ليش جا رمضان علشان يجي العيد ؟؟؟
ايتاشي ( مات من الضحك ) : هههههههههههههههههههههههههه انا اشك انك عايش معانا على الكرة الا رضيه
انا : تدري شلون .. روح نام الله يخليك روح ..نوم الظالم عباده ههههههههههههههههههههههههههه

واحنا بالطريق لتوبي ... استوقفتنا كونان .. طبعا الحلوة ... لسه ماشرت ثوب العيد .. والمصيبه انها تدور من اول رمضان .. تبي تشتري شي محد شراه في العالم
ركبت معانا السيارة
انا : ها .. بشري ... سبع ولا ضبع ؟
كونان ( تقلب بالاكياس ) : لا والله ماحصلت شي زين
ايتاشي : والله انك تعبتي رجولك على الفاضي .. البسي اي شي وخلاص اهم شي يكون يناسبك
انا : هههههههههههههههههههههههه والله لو تنقز لو تبيض .. مالقيت الا كونان يقنعها كلام زي كذا
كونان : انتم ماتفهمون مجتمع النسوان . يعني انا معاكم عادي ماعندك اي مشكله بس هناك ... بس عند البنات كل شي ينتبهون عليه .. الشعر المكياج العطر
ايتاشي : الحمدلله اني رجال هههههههههههههههههههه
انا : اقولك شي ... اتركي عنك هالنسوان .. وتعالي عيدي واقضي العيد مع اخوانك
كونان : والله معك حق .. وش ابغى بعوار الراس انا
ايتاشي : يجيب الله المطر ياهووووووووووووووووووووووووووووووووووووو

يتصل علينا توبي ويبلغنا انه هو وباين وساسوري على الكورنيش .. ونروح لهم .. ونفرش قبال البحر
انا ( جالس نلعب ورق ) :ماقلتو لي بكره وش بتسوون ؟ احنا يومنا حافل .. بنروح بيت جدي وننبسط مع الاهل
ايتاشي : ماندري والله بس الظاهر انا بروح مع اولاد عمي المخيم لانو امي بتطردنا علشان عزيمه النسوان ههههههههههههههههههههه
ساسوري : .....................................
باين : والله مافي شي معين .. اهلي بيستقبلون الاقارب بالنهار بعدين مافي شي محدد المسا
انا ( اطالع ساسوري ) : ساسوري ؟؟ وش فيك ساكت
ساسوري ( ضحكه مزيفه ) : لا .... ماكو شي .. العب العب اشوف
ايتاشي : ماقلت لنا وين بتروح بكره ؟؟
ساسوري : هههههههههههههههه .. احنا مانعرف شي اسمه عيد .. انا عايش مع ابوي .. هو يكون في الشغل حتى ايام العيد .. يعني بالعربي .. ابي اسهر اليوم
لين الفجر وانام .. لان مافي عيد
باين : واحنا وين رحنا ؟؟؟ خلاص انا امرك بكره المسا ونطلع ندوج ونصيع على كيف كيفك
انا : وانا برضه بهرب من عند اهلي وبنجيك نزعجك لاتخاف مافيه مفر
ايتاشي : صحيح ماعندنا فلوس نتعشى عشا زي الناس .. بس عاد مالك غيرنا لازم تصبر علينا
ساسوري ( بدت من عيونه فرحه شديدة ) : وروميو وجوليت اللي هناك ؟؟
انا : مين روميو وجوليت ؟
ساسوري : التفتو على البحر وانتم تعرفون مين ؟
كونان وتوبي .. عايشين جو 0_0 يتمشون على البحر .. ماسكين الايداي .. توبي الغبي اللي ماعنده اي سالفه في الحياه ..ومثل مايقولون امواج البحر تداعب
قدميهما .. والضحكات االلي تملى المكان .. واللحظات الشاعريه
ايتاشي : 0_0
انا : الله يخليك لاتقولي انهم ؟؟
باين : ههههههههههههههههههههههههههههههههه اشكالهم غلط غلط
ساسوري : يعني ماحسيتو من اول ماجيتو وهم مع بعض سار لهم ساعه
ايتاشي : ياخرابي ... توبي وكونان ؟؟
انا ( اناديهم ) : يافرحتي بحب الفقرا الشحاتين ههههههههههههههههههههههههههههه
طبعا ماردو علي من الخجل
هيدين ( يطلع لنا ماادري من وين ) : اكره الخيانه انا... ليله عيد يانحيس انتا وياه .. رايحين الكورنيش وناسيني
ايتاشي : مو تقول رمضان لسه ماجا هههههههههههههههههههههه خلاص صوم 30 يوم وتعال عيد معانا
هيدين : هذا وانا جايب لكم بشاره
ساسوري : الحقها فيها
هيدين : البوس شاورما .. مسوي بكره عزيمه كبيره جدا جدا جدا .. ياايتاشي فيه مشاوي لو تجلس تاكل لبكره الصبح ماخلصت . .. والجماعه كلهم راح يكونون
موجودين
باين : الله ... الفله الفله ياجماعه
ساسوري : حلو لقينا شي نسويه بكره
انا : لاتخاف ياساسوري ربك يفرجها
هيدين ( ينادي كونان وتوبي ) : ياهوووو قيس وليلى ... بكره في حفله كبيره في بيت البوس .. خلينا ننسى الفقر والنكد وننبسط

ليله العيد .. مو تكون لابس ولا شاري اللي تحب .. ليله العيد يوم تكون مع اللي تحب

>> كاتب القصه قضى اغلب اعياد حياته في البيت دون اي احساس بمظاهر العيد
**************************************
اعذرونا بكره ماراح نجي ورانا امتحان يوم الثلاثا ولازم نذاكر
دعواتكم لنا
akatsuki boy