الختم الإداري | 𝐆𝐄𝐍𝐄𝐒𝐈𝐒: 𝙖 𝙗𝙤𝙣𝙚𝙨 𝙨𝙩𝙪𝙙𝙞𝙤 𝙧𝙚𝙥𝙤𝙧𝙩

@روز;


السلام عليكم ورحمة الله وبركاته
أخبارك لافندر عساكِ بخير؟

ما شاء الله تبارك الرحمن وش هالموضوع الفخم
فخامة تليق بالاستديو اللي تتكلمين عنه

دوم أتكلم وأمدح استديو بونز وشخصيًا أشوفه أفضل استديو أنمي بالعقد الأخير
نقطة التحول هي إعادة إنتاجهم لـ فُل ميتل الكيمست، ومن وقتها والاستديو بتحسّن مستمر..

يعجبني نظام اقتباسهم للمانغا..
يمشون بمعدّل جيد.. لا اللي يسرعون بالاقتباس ويحذفون نص الأحداث أو يحشون الانميات بالفيلر..
ولا اللي يمشون بمعدل بطيء ومُمِل
وأبرز مثال بوكو نو هيرو..
6 سنوات من انعرض، بمعدل موسم لكل سنة وماشين فيه تمام التمام..

أذكر من فترة كنت أسولف عن الاستديو وأعمالهم وكذا..
وكيف بعدها بفترة بسيطة جدًا أعلنوا عن الموسم الجديد لـ موب سايكو
فرحت جدًا xD وقعدت أقول عادي جدًا قريبًا يعلنون عن موسم جديد لـ بونغو بعد
وحصل فعلًا xDD عندي ثقة كبيرة بهالاستديو
باقي يسوون موسم جديد لـ نوراغامي..
وأتمنى يعيدون إنتاج سول إيتر بعد لأني شايفه انظلم بالنسخة القديمة
وما شفنا إلا يا دوب 30٪ من المانغا =)

حبيت التقرير جدًا.. ولو أني كنت أفضّل لو تكلمتِ أكثر عن الاستديو نفسه بمقدمة الموضوع..
مثل أنه تأسس من قِبل موظفين سابقين لاستديو سنرايز..
وأن الاستديو مقسّم لـ 5 استديوهات وكل استديو مسؤول عن إنتاج أنميات معينة

+ فيه عدة أنميات مشهورة أو حلوة من إنتاجهم وما انذكرت بالموضوع..
مثل سول إيتر، أكاغامي، كارول تيوزدي، سكيت، فانيتاس < بالرغم أن بعضهم موجودين بالصور

وعلى ذِكر الصور.. حبيت وجود القيف هذا بالموضوع :


^ أحد أفخم مشاهد فُل ميتل.. واللي يعتبر أحد أفخم الأنميات على الإطلاق

يعطيكِ ألف عافية ع الطرح الفخم
واضح الجهد المبذول بالموضوع والتصاميم -ولو أني شايل هم أصحاب النت الضعيف كيف بيتصفحون الموضوع xD-
وبانتظار جديد إبداعاتك

في أمان الله