آنا والإثنا عشر صوتاً !

مرهقة للحد الذي يجعلني غير قادرة على التفكير ولا أملك أي إيجاباتٍ او قدرة نقاشية فقط ابحث عن مكان هادئ ومريح يحتويني لكن ككل مرة ... لا يوجد راحة !

يكفيك انك نزلت من عيني للأبد وانه صار صعب جداً ألاقي طريقة ارجع احترمك فيها مثل الاول ي خسارة الوقت اللي ضيعته عليك ..

مودي بيوم ميلادي كان غريب ! الكل قبل بيوم كان يخطط نعمل حفلة وقوالب كيك وحلويات لان كل اللي اعرفهم هذه السنة احتفلوا بيوم مولدهم قلتلهم ستوووب ! ما بدي ضجة ، بدي بس يوم لطيف بدون احتفالات اشتريت بيجاما كيوووت كهدية لبستها عالساعة 12 بليل مع اول ساعات يوم ميلادي قضيت اغلب وقتي امام المراية بالسيشوااار والفير وكل الحركات والقصات الكورية اخي الحبوب جا وبيده كيس فيه بيجاما فخمة كان متذكر اني تكلمت عن بيجاما روح فيها للنادي الرياضي فرحت فيها كتير جت صديقتي وهدتني سكيتش اسود ومع قلم ابيض مغلف بجريده فخمةةة مووودي المفضل اخيراً في مين يفهم مزاجي !! طار عقلي بالهدية كل شوي احضنها اميري الصغير راح واشترالي حلويات وقطعة كيك صغيرة وحطلي شمعة كان كيوت وظريف اما بنت خالتي اللي اعتبرها توأمتي صدمتني ، عطتني صندوق كامل مليان هدايا قلتلها هذا عن سنوات عمري كلها ! خلاص ما عاد يجي يوم ميلادي خجلت منهم ، ما عرفت كيف اتعامل مع كل هاللطف غير اني اتأملهم بحب اتمنى يعيشوا سنوات كتار وحلوين مثلهم وربي يسعدهم اضعاف السعادة اللي حسيت فيها واقدر ردلهم هالشعور الحلو الدنيا لسا بخير

الكهربة تجي ساعة وحدة بس كل 6 ساعات مرة نستهلك الساعة بالاجهزة الكهربائية ترتيب وغسيل وطبخ والمرة اللي بعدها عين عالكمبيوتر وعين عالبليستيشن سارة لازم نصمم ونعمل ونساوي مثلما قلنا لالااا الانترنت زفت مارح يمشي الحال خلينا نلعب سااااارة الفوتوشب!!! عندك كتير تجهيزات يلا يلا بس شوي نص نص ساعة وبقوم طححححح طفت الكهربة والقبضة لسا بيدي وعيني عالشاشة ، والكمبيوتر يبكي بالزاوية الوقت يمر بسرعة ... -تبرير- ضميري يدخل المطبخ وياخذ سكينة ليتخلص مني

يقال بأني انسانة مزاجية بحتة ! معقول ؟ مدري صراحة احس مزاجي كاتب روائي عظيم يعني عادي اتمشكل معك واحس في موسيقى خلفية ورعد فوق راسي واقول واعمل تصرفات لو اني قارئتها او شايفتها بدراما ليطير عقلي وع فكرة الكل يشوفني جدية !! وجد الجد بعد شوي ادخل غرفتي شهالجملة الرووووعة !! -ارجع اتذكر واكرر اللي عملته وقلته وانا بشوف نفسي بالمرايا - فخااامة هييبة ي عمري انا لو حدا شافني كان قال خلص هالبنت معها انفصام XD لا ي سيدي كل القصة انغمس لا إرادياً بأدوار تخطر براسي وانبسط هههههههههههه لحظة !! المفروض ما اصرح بهيك شي عالعلن ! هيبتي ! يااا هيبتي روحتي فين ي حبيبتي ؟ هيبتااااااااااي !!!! -قلوب مكسورة- هربت مرة ثانية اروح انام احسن شي طلع الصبح - تطفي الضو وتقفل عضويتها- تصبحون على خير