•تلك الطَّريق

عاملين إيه ؟
بقالي بفترة بشوف كلام كتير مكتوب على فكرة إنه لازم الإنسان ميديش كل طاقته للناس عشان الناس بتتعود على مستوى إهتمام معين..
ولما الاهتمام دا بيقل، مش بيختفي هو إهتمام برده بس أقل من مُنطلق إن الإنسان عنده طاقة ف هتتهم بالتقصير ..
وفكرة الشخص الي بيدي دائما دا شخص عنده نقص أو حاسس إنه مش كفاية عشان كدا بيحاول يداري النقص دا باهتمام زيادة...
( دا الكلام الي مكتوب)
الفكرة بقى يعني أنا لما شخص يعاملني كويس وزيادة حبه ليه هعامله وحش؟
هل دا سلوك إنساني فعلا عند كل الناس ولا دي بتبقى إختيارات غلط؟
يعني معلش إحنا حبه وهنموت ليه نفضل نقول لازم توازن وتقلل عشان نفضل غاليين ومدري شو!
وفكرة إنه لازم تبقى حاسس بقيمتك إنها عالية وانك مميز، طب ما يا جماعة كلنا مميزين إيه الانجاز ليه كل شوية لازم أفكر الناس إنه ازاي تعمل كدا دا أنا رهيب أنا جميل أنا مفيش مني
ما عادي الي هيعجبني أسلوبه هتعامل معاه والي لأ بعد مواقف كتير همشي ...
ليه لازم أحسسهم إنه أنا الملكة اليزابيث < ملكة بقى وتاج وبتاع
بس ف عايزة حد يقول هل الشخصية الإنسانية كدا فعلا ولا عادي لما الاهتمام بييجي بتقدره عادي لو من شخص موجود في دايرتك مثلا صحابك أو كذا...
•تحسوا المجتمع بقى عصابة، متهتمش متتكلمش متسألش ..بعد كدا هيقللوا منك وهيفتكروا إنك على طول موجود...
الكوكب دا حوراته كترت والله

انهاردة اتخانقت خناقة كبييييرةة ولسه في تكملة بكرةxDDD
دخلت المنتدى أريح أعصابي لقيت التوثيق نزل ف فرحت ببص ع السعر لقيت فلوسي محتاجة الضعفxD

هروح أشوف حته تانية أقعد فيها xDDD

حابة أبشركم الخناقة الي في بالي محصلتش بس كان في مجموعة من الخناقات الصغيرة بس ..
وبغض النظر عن أي حاجة وبغض النظر عن حياتي الي مفيش فترة بتعدي غير لما بعمل كارثة أكبر من الي قبلهااااا < مضطرة أعيش معايا مفيش حل
المهم شكرا من أعمق عمووقة في قلبي على دعواتكم القمر
إن شآء الله هدعيلكم كلكم

مين صرف كل ما يملك على ألماس مش عارفين بنعمل بيه إيه ؟
أناااااا

رمضان مُبارك
كل عام وأنتم بخير